Култ

Plavusa.17 · 17 април 2011

Gea напиша:

Култ е религија или религиозна секта која најчесто се смета дека е екстремистичка или лажна и нејзините следбеници често живеат на неконвенционален начин под водство на авторитативен и харизматичен водич. Култот исто така може да се дефинира и како опсесивна, особено пребирлива предаденост или почит кон некоја личност или принцип. Се занимава, главно, со проблемите на индивидуата, како што е болеста, оттуѓеноста и сл. Религиозните чувства кај култот се изразуваат преку поегзотични ритуали од оние на другите религиозни облици. Добар пример за култот е сатанизмот.

Работата на тајните култови стана особено интересна за јавноста, благодарејќи на „делото“ на еден човек – „пречесниот“ Џим Џоунс. Името кое ја смрзнува крвта на секој кој е малку познавач на оваа тематика. Се работи за човекот кој е одговорен за најголемото ритуално (само)убиство во поновата историја. Масакрот во Џоунстаун се уште никој не го натфрлил. Секако, многумина се обиделе и се уште се обидуваат. Џим Џоунс од секогаш имал болна желба да владее и да контролира со луѓето. Почнал како проповедник во Црквата на Христовите ученици, но набргу почнал да измислува нови догми и заводливи проповеди со цел да создаде сопствен култ на личноста. Набргу стекнал доволен број на фанови и одлучил да основа своја Црква. Во 1953 година има доволно следбеници, околу 1000, кои редовно ги посетувале неговите проповеди и го следеле насекаде. Од 1967 до 1971, на своите следбеници им проповеда за нуклеарниот холокауст кој следи и од кој мора д асе тргнат. Тогаш ја преместува Црквата од Индијана во Калифорнија (која по се изгледа е Мека за религиозни експерименти) и и дава име Храм на Народот. За вратоломниот успех на „пречесниот“ доволно зборува фактот дека успева да влезе во круговите на самиот политичко-финансиски врв во Калифорнија. Многу бил популарен и влијателен меѓу либералните политичари кои се претркувале да се сликаат со него на неговите проповеди и приредби. Меѓу неговите следбеници доминирале сиромашни слоеви и етнички малцинства, најмногу Афроамериканци. „Пречесниот“ се потрудил оној кој не е сиромашен, набргу тоа и да постане. Многумина ги продаваат своите земјишта и парите ги вложуваат во Храмот на Народот, кој средствата ги користи во своите добронамерни акции. Гувернерот на Калифорнија Џери Браун редовно се појавувал во јавноста со својот пријател Џоунс, и секој кој мислел дека е „некој“ се обидувал да се појавува во јавност со „пречесниот“. Оваа фама почнала да ги интересира новинарите и независните истражувачи, па Џоунс доаѓа под нивната лупа. Тие набргу ги откриваат сите негови лудости и лаги, како и низ финансиски проневери и дупки во општествено-политичкото делување на Храмот на Народот. Гувернерот ги отфла овие обвиненија и сомнежи нарекувајќи го тоа „посрамотување на името на угледниот пречесен Џоунс“. Сепак, недвосмислените и неуништливи докази, ќе го натераат Џоунс да се отсели од земјата. Купува неколку десетици хектари во Гвајана и ги повикува најверните негови 1000 следбеници да го пратат на „божјата мисија“. Го оснива градот Џоунстаун, далеку од очите на јавноста, каде тој е апсолутен господар. Гратчето е опколено со висока ограда и го чувале наоружани стражари. Во 1977 се раѓаат и првите деца, а градот функционира сам за себе, луѓето живеат во комуни, секој има некаква работа, а „пречесниот“ седи на трон и командува. Пролетта 1978 година, роднините на луѓето кои живеат во Џоунстаун, се обидуваат да ја алармираат американската јавност дека долу во џунглата се случуваат разни незаконски работи. Луѓето се изолирани и затворени против своја волја. Му робуваат на Џоунс и живеат во нехумани услови.

Конгресот на САД одлучува да испрати инспекција која ја предводи сенаторот Лео Рајан. Заедно со екипи на новинари на 17 Ноември 1978 стигаат во Џоунстаун, каде Џоунс ги повел во обиколка на своето мало царство кое претходно го „нашминкал“ а побунетите ги замолчил. До Рајан сепак успеваат да дојдат повиците на помош и тој одлучува итно да се врати во САД и да ги извести надлежните. Џоунс се обидел да прикаже се дека е недоразбирање и да го убеди сенаторот да го смени мислењето. Кога сето тоа не му успеало, им наредил на своите луѓе да го убијат сенаторот и сите новинари. Било тоа почеток на крајот..

Неколку часа подоцна го собира своето стадо од 1000 жители и им држи проповед дека Бог ги одбрал за својата последна, специјална мисија. Ќе постанат маченици и херои ако со него отидат во „револуционерна смрт“. Прво се усмртени најмладите. На оние кои биле премали за да го испијат сами, отровот им бил вбризгуван со шприцеви и пипети во устата. Останатите пиеле пунч со цијанид. Сигурно е дека повеќето го испиле отровот своеволно, меѓутоа пронајдени се околу 200 тела со смртоносни рани со огнено оружје, па е сосема сигурно дека овие луѓе се убиени. Конечен биланс на масакрот во Џоунстаун: 913 мртви, меѓу кои и „пречесниот“ Џим Џоунс.

Слична трагедија се случила и во 1993 година во гратчето Весо, Тексас. Таму сектатата на давидијанците, предводена од „светиот“ Давид Кореш ги одбиле федералците да влезат во нивната комуна. 71 луѓе изгореле во пожарот кој давидијанците го предизвикале кога агентите на АТФ најавиле дефинитивно влегување на фармата.

Во 1995 година на Француските Алпи, шеснаесет припадници на Храмот на Сонцето извршиле ритуално (само)запалување. Истрагата утврдила дека сепак се работи за убиство, бидејќи повеќето од телата (вклучувајќи и три мали деца) имале прострелни рани. Храмот на Сонцето е виновен за смртта на околу 60 лица во ритуалните самоубиства во Европа и Канада, извршени од 1994-1997.

Од неколку десетици, а можеби и стотици илјади верски групи кои делуваат на оваа планета, има такви кои се издвојуваат првенствено со својот идиотизам и чудесност.
Кликни за проширување...

Првпат читам вакво нешто браво за статијава, не сум слушнала за најстрашното нешто што сум слушнала е масовното самоубиство на 300луѓе во исто време во Америка, ама 913? Што лидер ќе беше тој Џим Џоунс.. цц до кај може да отиде човечката психа!

tiggyboy · 8 ноември 2022

Самиот зборот секта значи пренасочување кон нешто добро, но кај нас од самото недоволно познавање и запознавање на општа литература, се толкува како нешто лошо.

Најави се или зачлени се

Култ

Plavusa.17 Популарен член

tiggyboy Истакнат член

Најави се или зачлени се

Култ

Plavusa.17 Популарен член

tiggyboy Истакнат член

Корисни пребарувања