Како да не, јас ќе го раѓам а кумот ќе му даде некое име што му се допаѓа на него. Здравје, на првото дете ќе му дадам име само јас и никој друг а ако решам да имам второ ќе му го даде татко му. Имав еден другар со многу затуцано име. Кога се родил неговиот брат, родителиве му дале фино име ама свекорот многу се налутил што не го крстиле по него и не им правел муабет 4 години додека не попуштиле и на другаров кога се родил го дале неговото име. Некои старци се навистина за човек на кол да ги закачи. Па никогаш да не прозборел ќеф не би му направила. Да имал некое асално име кое колку-толку им се допаѓало на родителиве ај да попуштеле ама вака навистина нема смисол на мало дете да му лупнеш некое застарено име од бабите или дедовците.
Мене живо ме интересира дали само ова кај нас е проблем со кумови. На некои луѓе традицијата ептен и се вкоренила, остај млади луѓе сами нека избираат име. Во ред и кум и почитување и се, но јас изборот на име би го оставила на родителите.
Мислам дека ред е кумот да се праша, а не верувам дека има некој кум што не би го испочитувал изборот и желбата на родителите. Се ежам од коментарите: Мое е дете како сакам ќе го крстам. да нормално, така и е, но е големо потценување и непочитување на кумот.
Ооо и тоа како има, па тераат обичаи до крај. Старо кумство, па без кум да дојде не се седнува на маса. Ехее што не има. Се случи, седиме на мекици па се чекаше кумот да дојде и име да каже. Си тропна по негово и поголемово дете баш се разочара. Значи ок е во консултација со родителите, ама некој друг неможе за мене да одлучи.
Кумот нека му стави име на тоа он што ќе си го роди Тоа јас што би си го родила, јас како сакам така ќе се вика. Нит старци, нит кумови што се мешаат за имиња можам да ги разберам, а на крај дали и еднаш годишно ќе го гледаат детето.
Ја одбегнував темава некој период зашто сакав да се соземам и да не си го истурам гневот овде, па потоа совест да ме гризе и срам да ми биде од мислите! Иако пак се нервирам кога ќе почнам да мислам на тоа, ама подруго е! Имавме средба со кумот, пред недела време, и се начна темата - име на бебето! Ќерка ми сама му кажа - Сестричката ќе се вика Х! Ама тој се смее и и возвраќа - Е ќе видиме тоа, јас сум кум и ќе се вика У! Му кажавме и јас и ММ дека неговиот предлгог за име не ни се допаѓа и очекуваме да наидеме на разбирање од негова страна и да ни даде благослов за името кое ние како родители ќе си го одбереме! Ма јок, човекот си запна, јас сум кум и јас ќе кажам и се смее! Јас отворено си кажав дека настанатата ситуација ме вознемирува и сум разочарена што некој си поигрува со мојата желба и право да си одберам име за детето кое јас ќе го родам и чувам, ММ исто така му кажа да размисли убаво и да не го расипува моментот кој нас како родители ни е многу важен , и пак кумот си се смее и пак си вели дека неговата желба во случајов има предност оти он е кум! Значи немаше заобиколување, напротив, поконкретно од ова не може да биде! Буквално му кажавме - Името кое ти како кум сакаш да го ставиш на нашето дете не ни се допаѓа! А тој пак си стои на неговото дека му се може и ќе си ја исполни желбата! Не се остави повеќе простор за да се коментира на темава, освен да го раскинам кумството а не ми се сака такво нешто. Другарка ми ми вели дека она ќе ми го крсти детево, ама стварно бе луѓе да раскинам кумство ептен се осеќам како лоша личност! Околу мене веќе сите ме убедуваат дека името не е лошо, а јас си велам бар да сакаше некое традиционално македноско полесно ќе прифатев (Елена, Милица, Марија, Катерина - кои баш ми се ОК именца), ама тој запнал некое си таму негово омилено!
Од некоја бивша љубов да не е името, па затоа се запнал? Се шегувам, ама шегата настрана, навистина не е убаво од негова страна што не остава место за компромис, т.е тоа што не прифаќа дека името не ви се допаѓа. Јас да сум на ваше место, искрено би размислила дали воопшто би му дала да ми крсти дете. Не сум за прекин на кумството, ама ова што го прави не е во ред.
Како бе му се може? Вакви па колку ме нервираат. Јас да сум ќе го раскинам кумството. Или ќе биде како сакаме ние или толку од кумството. Па ако е кум не е Господ. Бреј какви инати луѓе постојат. Има ли жена тој? Зборувајте и со неа, можеби ќе го премисли. Ако не, не му давајте да ви крсте ваше дете.
Мојата кума иако бебето не е сеуште родено ме праша дали си имате смислено име и кажав јануари чекаме на празник можи ќе биди и таа самата ми рече вие како шо сакате така името ќе биди како шо ќе си одлучите вие така јас сепак нема да ја погазам тогаш и да и речам то ќе биди туку ќе го пратам мм да појди како шо си е редот да им кажи и иако го знајме одговорот да си одбериме ние име ќе ги праша и благослов за името што ние ќе го кажиме во случајот да му дадат Среќа што се разбрани и што знаат дека ние ќе си го викаме секој ден а не тие неколку пати годишно што ќе го видат а и јас да сум кума негде исто ќе постапам ќе им речам да си одберат тие име доколку несакаат и да сакаат јас да им кажам ќе гледам да е модерно убо и да им одговара ама ќе инсиситрам тие да си одберат
Боже каков човек! Да видиш со кумата дали нешто ќе издејствуцаш. Ние пред 10тина дена паднавме на муабет за име со кумовите иако го знаеме одамна И тоа не прашаа како планираме, а не предлози да даваат.
У велиш, претпоставувам е Уна. Ако грешам поправи ме Уна е босанско. Искрена ќе бидам, мене вака кумот и ќе му ја покажам вратата кај е да си излезе. На ваков и да сакам да направам чест не би направила од принцип.
Баш додека го читав мислењето на Снегулка ми се јавува кумот.Ми вика еве правам список на имиња и се смее.Ајде му викам куме пиши најмалку 50 ама најгоре моето од сонот се насмеав и јас и тој и така.И мојот на почеток звучеше како нејзиниот,како сакам јас така,јас сум кум.Искрено ако не го сонев името ќе се согласев со него кое и да беше,не би откажала кум,суеверна сум во тој поглед,кум не се откажува,барем на нашето поднебје,има лоши примери на родители кои го откажале кумот.
Мислам симболучно и е тоа пишано. Јас викам х(икс), он у(ипсилон) @mal.ecka и тебе не те разбирам. Трпана да ти каже да се вика, ќе се согласиш?!
ќе барам начин да се премисли во врска со Трпанаама не би ми рекла нема да ми бидеш кум,реков суеверна сум
Поштувам кум, али се си има граница.. кој е он да ми каже како ќе ми се вика детето... За поголемиот името си дојде само по себе, се роди на празник, а и немавме некоја посебна идеја па си беше ок. А за помалово јас си кажав кои 5 имиња ми се свиѓаат, (јас им дадов ливче, место они мене ) и кумовите одбраа едно, уствари првото, мислеле дека тоа најмногу ми се свиѓа штом прво сум го напишала
Ама ете како кај снегулка ако е упорен и не попушта, од почит ќе попуштиш? Почитта треба да е взаемна, не да се базира на демонатрирање моќ заради титула. Почит не се покажува ни преку строго почитување на нечии желби.
Ако не го сонев името немаше ни да му кажам кое име го сакам непрашана...затоа му кажав за сонот и побарав негов благослов,ова со списокот беше негова шала.
