Освен сликите, кажете како сте задоволни од овие плакарчиња што сте ги постирале - дали се лупи медијапанот после некое време, дали мислите дека е попрактично да се стави пластично висечко орманче или пак од медијапан, како се грижите за нив, како ги сместувате сите работи ако имате мали купатила итн... Колку сте задоволни од овие полици? Спојлер Дали сметате дека се ризични, во смисла да се лизнете и да паднете врз нив, или сепак сметате дека се безбедни? Да резимирам- ме интересира вашето искуство со елементите во вашето купатило- какви се, дали сте се зезнале при нивниот избор и што би смениле доколку би го реновирале вашето купатило во иднина, што ви било грешка во првичниот избор?
Извинете феминки ама која е поентата на сликите????? дајте некој предлог што е изведлив за наше поднебје, а не свемирски слики!!!!!! дајте искуства , какви плочки какви елементи , избор на бои а не СЛИКИ
Рајна војвода, доколку те интересира за ентериерно уредување слободно прашај си во темата за помош од архитектки, да не трупаме на повеќе теми одговори таму одговараме за се, јас за Ентериер и колешка ми Басс за Архитектура. Доколку те интересираат одредени елементи слободно прашај си, материјали и слично А јас да прашам, некој да не видел некаде ВЦ Шоља плава, купатилото во новиов ми дом е плаво, и сега треба да се замени со нова шољата па викам да најдеме иста боја. Ако видел некој нека каже да ни ја олесни маката
Ние моментално го уредуваме купатилото. Отпрвин сакавме црвено црно да ни биде,ама кога тргнавме по плочки,едноставно не знаевме што да избереме од толку преубав избор Одма се размисливме за првичната комбинација,а и продавачката не разубеди дека од лани оваа комбинација не во мода (не оти ни значеше нешто модата )и не е веќе интересна,па се решивме за нешто класика.Земавме светло сини со темно сини комбинација,и 2,3 ептен големи украсни плочки со шари.Нешто во вид на мозаик доаѓаат.Купивме се,шоља,туш кабина,бојлер,шкафче е сега ни фали уште огледало,пошто маж ми не сака класично со шкафчиња туку само огледало,поелегантно изгледало Инаку ептен сличен стил ни се плочките :
Јас сакам помали и практично уредени бањи. Не ми се допаѓаат овие пространи бањи во кои кадата е на средина, а околу неа можеш балет да играш. Сакам да е цакум пакум стокмено - ем поефтино ќе излезе, ем полесно ќе биде за чистење. Гледам sesilija прашала за елементите во купатилото - ние дома во бањата имаме еден поголем бел шкаф (висина 2m, широчина 1m, длабочина околу пола метро). Освен него, врз пералната имаме ставено такви ќош-полици, а огледалото врз мијалникот има три шкафчиња. Е сега, поголемиот шкаф е купен пред 20 и кусур години и досега само еднаш го средувавме, минатото лето. Не знам што точно материјал е, ама цврст е, не е излупен, само што од задната страна имаше фатено влага, па го извадивме и целосно го средивме. Многу е практичен затоа што е доволно голем за да собере се - почнувајќи од средства за чистење, прашоци, омекнувачи, резервни шампони, пасти за заби, течни сапуни, влошки, тоалетна хартија и мал милион други работи. Се си е убаво подредено на неколку полици и не мора секој што ќе ми дојде на гости да гледа какви влошки користам. Шкафот е лесен за одржување, може да се пребришува секојдневно со крпа и ништо да не му биде. Е сега, овие денешниве елементи од што материјали ги прават, стварно не знам и не знам колку се издржливи на влага и пареа. Полиците се исто така практични за оние секојдневно употребливи работи како четки за заби, креми и лосиони за лице, течност за леќи, лак, пена за коса и сл. Ние имаме пластични, сакавме стаклени, ама се предомисливме. Сега планираме и кај кадата да ставиме такви ќош-полици (за шампони, регенератори, маски) и сигурно нема да бидат стаклени од безбедносни причини
Ги гледам сликиве и се мислам: Колку пати неделно ви доаѓа Хуанита да чисти? Знам, знам дека не се тоа слики од вашите бањи, ама како што рекоа sesilija и rajna-vojvoda, која е целта на сликите без притоа да се раскаже некое искуство со одредени елементи и материјали?
Целосно се согласувам со тебе. А како што се спремам да бидам тазе домаќинка, некако најтешко ми се чини чистење на бања. Па некако немам желба за гооолема Инаку искусни домаќинки ме советуваа да не бирам темни плочки се познавало секоја капка на нив и потешко се чистеле. Па ние се одлучивме и двете купатила да бидат во светли, бели со по еден ред на секој ѕид црни. Од друга страна при пазарење на стан или градење на куќа, затоа што секое квадратче и те како кошта, се оди на варијанта што попрактична бања. Така да овие големиве бањи со када во средина ми се само за во списание. Многу би сакала и некое шкафче бар во големата бања, ама моментално не ни е предвидено, можеби понатаму.