Купена или изнајмена книга?

Дали сакате да ги купувате книгите или да ги изнајмувате?
Колку книги имате во вашата "домашна" библиотека?


Ако е глупа ко трска темава, избришете ја

 

Секогаш преферирам да ја купам книгата што ми се допаѓа,бидејќи сакам истата барем два пати да ја прочитам во животот.
Мое си е мое и преубав ми е мирисот на нова книга,затоа се трудам да ги чувам ептен.

 

Зајмувам од библиотека. Дома имам можеби стотина книги, но тие сум ги добивала како ученичка на разни конкурси како награда. Дел од книгите подарив во библиотека ( кога ги однесов мислеа дека веројатно ќе барам пари, па ми падна незгодно, ме фати срам, и потоа уште 4 книги однесов и толку). Зошто да ми фаќаат прашина дома кога се веќе прочитани, а воедно во библиотека ќе циркулираат меѓу народот.

 

Имам 50тина книги. Сакам да си правам колекции од автори што ги сакам, имам неколку од Stephen King, од Tolkien, од Fitzgerald, од H. G. Wells, од Frank Herbert итн. Убо ми е да склопувам триологии, ако почнам некоја приказна сакам да ја истерам до крај. Сакам да ги соберам "Foundation" серијалот на Isaac Asimov и Хари Потер.
Малце оф топик отидов, сакам да кажам и сакам да купувам и не сакам. Од кога имам бебе сфатив дека за џабе сум купувала книги, само стојат, ја фаќаат најгрдата прашина. Да, изгледаат убаво, ми прават убава атмосфера. Ама само за украс се, не верувам дека некогаш некоја ќе препрочитам зошто секогаш имам мал милион на листа за читање што чекаат да ги прочитам. Пре би да прочитам книга што ја немам прочитано, отколку да се навраќам на некоја што сум ја читала веќе.
Така да, кога ќе можам ќе си купам kindle, ќе зачувам дизина до две книги што сметам дека ми се еден вид на наследство, ќе и' ги чувам на ќерка ми, а останато би го подарила.
Иначе би изнајмувала кога библиотекиве би нуделе книги на анлиски. А бидејќи не нудат, приморана сум да купувам.

 

Ама нудат и на англиски јазик, само не е тоа голема бројка на наслови. Кога купуваат нови книги тоа е на македонски, српско - хрватски, англиски, албански јазик, а дел од книгите ги добиваат по пат на донации, од амбасади, здруженија, автори итн и на тој начин имаат и на црногорски, украински, руски јазик. Ако си од Велес, вашата библиотека е една од ретките добри библиотеки во државава, која води сметка за секоја една книга која ќе им се донира. Да ги пофалам. Инаку, имаше една друга библиотека во јужна Македонија, која фрлила донирани книги во контејнер. Која брука.

 

Не сум од Велес, гледам имаат добра библиотека со побогат избор на анлиски книги. Исто и во Куманово. Во Скопје евентуално American Corner, језда не знам како иде таму, ако некој е зачленет нека пише.

 

Во мојата домашна библиотека имам околку 70-80 книги, ама и од библиотеката зимам.
Една од библиотеката прочитам, па моја и пак од библиотеката.
Така си имам створено една навика да не ги прочитам моите веднаш.

 

Јас имам околу 100 книги дома и претпочитам да купам. Е сега со читањето со мало бебе дома и уште едно поголемо некако не ми оди. Ама така беше и со првото дете, кога порасна ги исчитав сите. Секогаш читам во автобус на пат до и од работа и на плажа по 3-4. Моментално имам повеќе од 20 што чекаат на ред, се надевам ќе дојде редот .

 

За мене нема врска дали е купена или изнајмена бидејќи книга си е книга, иста ѝ е вредноста и купена да е, и изнајмена да е. Кога веќе нема во библиотеките или од друго место да се изнајми книгата што сакам да ја прочитам, јас си купувам книги.

 

За сите кои зајмувате книги од библиотека, ако во вашата ја нема одредена книга, можат да ви ја позајмат од библиотеката во соседен град, да ја читате и вратите. Јас барав од Катица Ќулакова и освен критики не најдов друго во локалната библиотека, па ми понудија ако сакам од Скопје да ми зајмат. Одбив. Инаку, сакам да ги читам двете книги поезија од екс премиерот Љупчо Георгиевски, Апокалипса и Град ( иако двете песни кои ги најдов на интернет му се пекол), ама нив ги има само во Делчево, а не сум прашала дали од таму можат да зајмат. Дали се плаќа нешто за оваа услуга не знам. Ќе се информирам некој следен пат.

 

Купена, сакам да си ги собирам и чувам книгите.

 

Купена,да си ја имам за секогаш.

 

Да имав пари секако дека преферирам да е купена и да ја имам секогаш кога ќе ми затреба, особено сакам да ја имам стручната литература која ми е потребна, да не се копирани, со убави илистрации, во боја. Останатите книги што би ги прочитала само еднаш и ќе стојат така на полица преферирам да бидат изнајмени од библиотека.

 

Зајмена. А, во блиска иднина и Киндл се надевам.
Купувам за поклон и ми купуваат како поклон. Ако би купила не би фрлала пари на неквалитетни книги, а богами се што читам во последно време такво ми е. Може да купам само таква колекција да си имам од посебни книги кои што се безвременски.

 

Сакам да купувам и имам домашна библиотека која ја надополнувам. Не сум сигурна за број, некои 200-300.
Но, како некој што постојано чита, не можам да си дозволам купување толку многу.
Член сум во 2 библиотеки иако најчесто зајмам од поблиската.
Од луѓе не зајмам.
Се надевам наскоро ќе си земам Киндл, но сепак купена книга, во раце да ја читам и да ја имам на полица ми е најмило.

 

Понекогаш се менуваме со другарки, ако ја има она книгата, да не ја купувам и јас и обратно. Но сепак повеќе преферирам купена книга, сакам да си ги имам. И во последно повеќе така практикувам, да си ги купувам сама книгите.

 

Купена, сакам после тоа да си ја имам и да си ја чувам. Точна бројка не знам, можеби околу 40 книги, во иднина сакам и посебно библиотекче/полици во дневната да си ги наредам и да си гледам

 

Купена дефинитивно. Имам мала библиотека од околу 100 книги, се надевам ќе ја збогатам уште.