Купување стан

Јас лично бев во Настел пред две недели и изграден готов станод 64 м2 е 950 евра квадрат во жолтите згради позади бензинската.

 

Да толку се цените во Диаз меѓутоа становите кои се останати не ми се допаѓаат. Инаку кажи ми дали другар ти веќе се весли во него и дали е задоволен.

 

Да, се всели уште во декември, и супер му е. Зградата е стварно ТОП направена, влезот е преубав, се гледа дека ептен е мислен проектот, не е само копи пасте од постоечки (ова е зградата за која добија награда за Најдобар станбен комплекс).
Ама искрено, јас никогаш не би живеела во НС, па и без пари да ми дадат стан. Таа загаденост нема цена.

 

а како иде ова со помош од владата купи куќа- купи стан? има некој искуство?

 

Ние сакаме да купуваме со помош на владата, затоа бараме до 900 евра м2 бидејќи тоа е условот. Меѓутоа ти можеш да се договориш со градежната компанија доколку е повисока цената остатокот да им го дадеш на рака (ние добивме и такви понуди). Не смееш да имаш стан куќа на твое име и платата да не ти надминува над 900 евра (доколку сте двајца кредитобаратели). Има две опции: првата е првите 5 години владата да ти плаќа пола рата, а втората е половина учество со тоа што те обврзува учеството да не е поголемо од 25 % од вкупната сума. Пример ако земеш стан кој чини 50 000евра учество кое смееш да го дадеш е 12 500 од кои владата ти плаќа половина 6500 евра, а остатокот на кредит.
Доколку има некој кој земал кредит нека каже искуство.

 

а овие 6500 што ти ги дава дали се неповратни??? или пак и тие некогаш мораш да ги вратиш?

 

Мислам дека треба. И обврзан си да земеш кредит на минимум 20 години, значи париве ќе треба да ги вратиш после 20 тата година.

 

е тоа не е добро бидејки оние што ке ги земеш со станбен кредит двојно ке ги вратиш бидејки во прашање се 20 години, се знае дека колку помалку години толку помалку враќаш камата. ако земеш 20 000 евра на десет години ке ги вратиш 30 000 или помалку, ама на 20 години ке ги вратиш 40 000 евра а може и повеќе. а згора на тоа и овие 6500 да им ги дадеш. па каква помош е тоа???

 

Јас мислам дека не ги враќаш освен ако не решиш да го отплатиш целосно кредитот ПРЕД истекот на 20те години.
Мада, мислам ама не сум сигурна, со последните измени и тоа е анулирано како правило.
Па затоа и се викаат „субвенции“, неповратни се, ама мора да се исполнат некои услови за да останат такви.

 

На почетокот беше така, ако државата ти плаќа половина рата, тоа беше неповратно, а ако ти даде половина учество за кредит требаше да се врати по истекот на 20-те години. Сега мислам дека правилата се сменети т.е средствата што ти ги даваат не треба да ги враќаш и плус кредитот можеш да го отплатиш во целост по истекот на 10-те години.

 

Може да се најде таа цена ако е во градба. Моментално можам да ти посочам зграда која почнува да се гради кај Два Елена во Капиштец и дечките се флексибилни за цена, може да се договори човек и за цена и за темпо на отплата. Вака само се начекува ефтино, кога почнува да се гради и потребни им се пари на инвеститорите поитно.

 

И ние размислуваме,сакаме ама никако да се нафатиме Во секој случај некој ден ќе мора,кога ќе размислам парите што ги давам за кирии ќе ги дадам за рата и нешто можеби ќе додадам,а вака ми се буквално фрлени пари низ прозор.
Него приметив солидно зградиче во Железара,на главната улица,до зградите гитарки,да не имате инфо дали се распродадени и колку се движат цените?

 

Здраво на сите,
Можам да ви помогнам со неколку понуди, за неколку локации и целосни образложенија за типот на градбите, но за да не испадне дека правам некаква реклама на форумов, кој е заинтересиран слободно нека ми пише лична порака...

 

овие услови за дом на млади брачни парови во државава не се нормални ... во сите држави,државата ги помага а кај нас гледат само како да не сокапат и уште толку да не пропаднат ... и ние сакавме ваков кредит , но тетка му на маж ми е директорка на банка и таа не ни дозволи да земеме бидејќи излевало да се врати не дупло,туку тродупло ... ако немаш помош од стари кои се релативно имотни крај е со тебе ... на пример едно просечно семејство во македонија има примања од 500 евра (тоа е и многу за некои) колку години треба цела плата да ја става настрана за да купи еден стан или недај боже да прави куќа ...потребни се минимум 50000 евра а од каде...среќа само и тие да се ...а за инвентар .... не знам како терате вие...ама луѓе настварно е тешко ... може на 50 години ако не и подоцна ќе имаме свои живеалишта

 

Значи проектот купи куќа- купи стан апсолутно ништо не ти помага, потполно исто е по најнормален пат да си отидеш во банка и да си земеш кредит за стан, дури вака е и подобро бидејќи можеш да си го земеш на толку години колку што сакаш ти, не мора на 20, па после тродупло да го враќаш се знае дека колку помалку години на отплата, толку помала камата враќаш.

 

Значи какви што беа првичните услови на проектот купи куќа-купи стан не одговараа ни по разно. Они нудат поволна каматна стапка, но периодот на враќање на кредитот беше фиксен најмалку 20 години. На цел тој период ненормално голема камата доаѓаше (а ако го исплатиш порано ги губиш поволностите, односно треба да ја вратиш субвенцијата), а ние сакавме одприлика на 7-8 години да го земеме, затоа што ни фалат помалку пари. Убаво ги разгледавме условите и бевме разговаравме во банка. И на крај се одлучивме за обичен стамбен кредит. Но од скоро од кога ги изменија условите, односно ДОЗВОЛЕНО Е ДА ГО ИСПЛАТИШ КРЕДИТОТ И ПОРАНО, НЕМОРА ДА ЧЕКАШ 20 ГОДИНИ, А ОНА ШТО ТИ Е ДАДЕНО КАКО ПОВОЛНОСТ НЕ ГО ГУБИШ, можеби ситуацијата е подобра, така ми изгледа, но незнам затоа што не сум запозната со деталите, мојата работа е завршена. Можеби овој кредит е добар за луѓе кои планираат да земат голем кредит, а да имаат мало учество во станот.

 

Ние сепак се распрашавме подетално и поубаво, во општина, катастар, адвокати, нотари, познаници и се решивме за припор. Ни го дадоа за 850 евра квадрат. 65м2 е станот со многу убава голема тераса и поглед на скопје. Сега за сега е даден само капар, избориве стопираа се. Катастар гњават со издавање на имотните, а се е премерено од нивна страна, останува уште буквално да им ги дадат имотните. После тоа според преддоговорот, мора во рок од 30 дена да се потпише главен договор и да ни дадат клучеви. Мада мене ми рекоа дека веќе можам и да се вселам.
Долго гледав и размислував кој стан. Гледав и нови и стари а во цената и нема разлика. Во стар стан, прво не знам каква е електричната инсталација, некаде треба да се сменат прозори, паркет...плочки....А реновираните се многу поскапи. Овој е тип топ, проверивме и со архитект, градбата е одлична. Нема никаде кнауф, се е цигли, од 2 ри спрат наголе има дупла изолација....За внатре распордот да не зборам. Ходник голем, па дневна со кујна и трпезарија и тераса, друг ходник 2 спални и големо купатило. Баш онака како што јас сакам. Сега едвај чекам да се заврши се и летоска да си уживам на тераса со винце и поглед на Скопје.

 

Честитки Sunshine88, побрзо да си се вселите. Мачен е процесот знам и плус тоа чекањето, ама после е многу слатко свој на свое. Ееее па кога ќе почнете за мебел, па како да го уредиш слатки маки. Големо прашање сте затвориле. Јас тој дел од градот него одбрав од некој лични причини, но е убав.

 

Фала многу Ирена. И да знаеш дека сум пресреќна....Уште сега ми е нацртана и кујна, море цел стан...И материјал е избран(само не е купен). Сега се што купувам гледам да ми одговара и таму. Мислам дека додека да се вселам асално, секој ден ќе одам и ќе го гледам....

 

Честитки и од мене Sunshine88, да си уживате и да си имате многу убави моменти во новиот дом