Купување стан

Fala

 

Градско парно е најдобро, без конкуренција!

 

Кај што живеев претходно цела зграда и 90% од населбата исклучивме градско парно заради цени. За стан од 30 и нешто квадрати кошташе околу 4000 месечно. Кога се преселивме во друга населба, за скоро 80 м2 плаќаме 3000 месечно.
Не е секаде исто, не е секаде исплатливо.
Јас сега (трета населба) се греам на инвертер клима и и не би уклучувала парно.

 

Дали некоја знае колку е одржувањето во џевахир и дали базентот спаѓа во цената?

 

Јас имам точно 56м2 и плаќам 1100 денари. Претопло е, нон стоп од негде прозор мора да е отворен.
Стоплена душа.

 

Одржувањето е 0.6 евро од квадрат и тоа е само основен задолжителен пакет.
Базенот не спаѓа во таа цена, дополнително се плаќа.

 

Фала кои се другите задолжителни трошоци

 

Здраво, дали некоја има искуство со купување стан од физичко лице, а станот е во градба? Човекот го препродава станот, која е процедурата? Фала.

 

Мој искрен совет, ризично е, ориентирајте се кон стан кој има имотен лист.
Станов штом е во градба физичково лице прво нема имотен лист туку се' е на име на инвеститорот кој веројатно и тој нема имотен лист туку евидентен лист, а физичково лице е запишан само со предбелешка веројатно заради преддоговорот кој од друга страна не е правен основ за стекнување право на сопственост, со други зборови вие ако одлучите да станете страна во преддоговорот, со анекс тоа ќе се среди, но што е клучно во случајов купувате ,,ветер во магла" затоа размислете, ако ве интересира нешто поконкретно пишете ми во порака, да не должам овде со долги постови

 

Фала на одговорот, огласот е од физичко лице, но всушност е подинвеститор т.е станот е компензација.
И мене ми беше малку ветер во магла, па пред да го видам станот ми требаше чисто информатовно дали имал некој искусво. Секако немаше да прифатам поради тоа што го пиша.

 

Не сакам да бидам главната причина за да те предомислам, чисто ти давам добронамерен совет, џабе да е убав станот ако треба да поминеш еден долг пат со нервози за да извадиш имотен лист на твое име, денешно време не може да се има верба никому.

 

Не, не. Не е од физичко лице, се ќе си оди преку инвеститор

 

Ние купивме така стан. Го продаваше подизведувач. Но всушност го купивме од главниот инвеститор на крај. Адвокат ќе си најдеш добар и немаш гајле. Ќе се тргне името на фирмата од листот за предбележување, тоа во катастар. Па после тоа ќе си направите предговор, и ќе се стави вашето името на листот за предбележување. Па кога ќе биде пуштена зградата, кога ќе издаваат имотни - ќе си биде на ваше име. Листот за предбележување го прифаќаат и во банка за кредит.

 

Здраво...разгледуваме опции да купиме стар стан спроти Лиса во Ново Лисиче. Ве молам за искуство со тие градби.... И што мислите за стан на приземје? Мораме таков затоа што ќе живеат постари луѓе... ви благодарам за селој совет и сугестија

 

Здраво, и мене ме интересира истово и доколку има некој да понуди за продажба стан со двор

 

Здраво девојки,

се одлучивме за стан во Џевахир, кула Ц. Сакав да прашам кое е вашето искуство со имотните листови од кула А и Б, дали веќе ги имате добиено? Кое е вашето искуство со премерувањето?

Убава недела

 

Најди стан со лифт..ама немој да ги казнуваш да живеат на приземје.
Нема да ги згрееш ни со парно..

 

Зошто да ги казнува со приземје?
Ако мислиш на ладно, не мора да значи.
За постари лица е подобро ниско. Лифт не е гаранција, во зграда во која имам стан, станарите 8 од 12 месеци се со расипани лифтови, па мораат да се качуваат и симнуваат, а се претежно постари или млади со деца, па влечат колички.

 

Затоа што е ладно. А на стари луѓе студот и те како им е проблем.
Особено студ во нозете и рацете поради намалена циркулација.
За жал на приземје зависи од зградата ама во 90% од случаите е многу ладно. Подобро на 1 кат отколку на приземје.
Еве јас не сум толку стара ама и мене студот во нозе ми е проблем, во куќа сум сега.. да не зборам па за мајка ми 73 годишна жена..

Затоа кога веќе дава пари, нека си купи нешто што вреди за парите.
Понова зграда каде што си има нормален принцип на одржување нема зошто да остане без лифт. Потреба е и сите се свесни за тоа. Тој проблем го имам често сретнато во постари згради.

 

Ме интересира какво е искуството со новите станови во поглед на кујните кои се повеќе ги прават без прозор во близина дали помагаат аспиратори за впивање и исфрлање на миризба и пареа? Дали се јавува влага по неколку години? И по колку време од вселување стануваат достапни гаражите за паркирање?