Лејди, ми оставија впечаток рендерите, сејџ бојата ми е една од омилените, па реков да ти реплицирам на мислењето. Белите висечки елементи не мора да бидат најсветлата бела, може да се игра со нијансите, зелената е земјена боја, топла така да кашмир, беж, слонова коска би одговарала. Белата техника не би ја сменила, односно би ја оставила црна, одговара со концептот. А работната плотна дефинитивно би ја одбрала бела, односно бел кварц (имам дома, многу е топ за одржување и неверојатно издржлива а и дополнително heat-resistant, за разлика од композитната плотна - керокот). Мислам дека ќе го докомплетира целосниот изглед на кујната. Што ми фати око, распоредот на елементи, односно растојанието помеѓу садоперот и рерната е многу блиска, претпоставувам на крајот на вертикалните елементи - последен е поставен фрижидерот, па веројатно просторот ограничува малку, но сепак јас би побарала друго решение во однос на ова. И на крај, да не ти биде срам да го кажеш твоето мислење на архитектот ( без разлика колку пати ќе се повторуваш и праќаш референци) , сепак ти си крајниот корисник на просторот и тој мора да биде направен по твоја мерка, во склад со твоите потреби и по твој вкус. Референци:
Имаше корекции после. Нема да се бели висечките, оваа е бојата: Ама искрено се мислам и фурниран медијапан, некое дрво шара. А плотната и плочките бели ќе се. Т.е на проектот се како беж. За точните бои на плотна и светлите висечки уште се мислам. Од каде си ја имаш земено ти плотната? Инаку да е висока рерната, смао таму одговара. А и довод и одвод е таму... Се мислев под плотна, ама пак за микробрановата е незгодно така.
Нема да згрешиш и со дрвена шара, одговара со бојата многу, а и може за нијанса повеќе од слоновата бела ( RAL 9010) пошто слична ќе се плочките и плотната, па да се разбие монотонијата и да се стопли целосниот визуелен изглед. Плотната ја имаме земено Визбегово, не знам како се вика точно, стовариште за мермер, гранит и сл..
Дали може да ми предложите фирми (или евентуално мајстори) за да ми направат кујна и други парчиња мебел по мерка? Морам да напоменам дека многу гравитирам накај фирма поради ужасни искуства со мајстори. Сакам да соработувам со фирма што озбилно ја сфаќа професионалноста, ќе дојдат да ја завршат работата кога ќе се најават, нема да се развлекуват со месеци и да работат со црно на бело (фактури, гаранции,...) за да имам одредено ниво на заштита, а не со пари на рака. Спремен сум да платам повеќе за да соработувам со вакви луѓе само за да работата се заврши како што треба, на време, без лажење и со отворен и професионален однос.
Еко Дизајн Струмица. Професионалност каква што ретко се наоѓа во Македонија. Квалитет исто така висок, од планирање до реализација.
Потпис Плус доста скапи 1000до 1200евра метар кујна па тури си есап дали ти одговара Плаќаш 50е за земање мерки и изведба на 3д со тоа што ако ти ја прават они ти хи одбиват тие 50е
Епа сега и цената е според квалитетот. Поскапо ќе ти излезе ако си имаш работа со фушерај мајстори и фирми. Овака барем знаеш дека на крај ќе имаш кујна што ќе ти трае со години.
Здраво, Ми треба помош бидејќи сум баш неодлучна во однос на плочките... Кујната е долга 3,5м и после завршниот елемент има простор со прозорци од под до плафон каде што ќе има маса, фрижидерот е на другиот ѕид. Ве молам за совет, цела недела тупам глава за соодветни плочки
Според мене ова е ствар на вкус ама јас би ставила вакви, многу се актуелни сега и баш жалам што не ги ставив јас, туку си ставив обични. Првите ми се многу шарени за твојов тип на кујна ама пак е тоа ствар на вкус, а вторите што ги прати се слични со овие јас што ги пратив па би одела со таа варијанта.
Од овие две, бидејки не ми се допаѓаат кремавите би одела со шарените. Ама ако можам трета опција да внесам, би ставила од големите плочки една исцело тие што се клот или две со фуга 1мм, или ако најдеш како што ти е плотната да ставиш ист таков панел за ѕид, обично има во иста боја, само е друг материјал за ѕид.
Дајте некој мајстор за кујна некој ефтин. Агол ми е кујната ама над 1000 евра ми бараат премногу ми е. Готови кујни не ми одговараат јас си имам садопер ,повеќето се со садопер па не ми одговара страната,па димензијата па не знам што друго ми се смачи. Ако купувам дел по дел и така е многу скапо планирав да земам кујна од Ананас гледав ефтини по 14/15 000 аголот да го докупиме околу 10 000 е ама како што реков садоперот не ми одговара на таа страна ако го преместам кај мене треба плочки да кршам а не смеам во стан живеам. Вака ни беше планот само садоперот е кај аголот и машината одма до садоперот..Ве молам некој мајстор или дајте ми некоја идеја не барам медијапан со висок сјај обична иверка сакам.
За вие димензии од најлит матерјал да е испод 2000е нема да најдеш Од 600 до 1000е на метар кујна оде
2500 до 2700 не фати нас. 2700 преку сила, испод 2000 нема шанси. Зависи ако приватњак ја прави и колку зема од работна рака.
Мене кујна од иверка ме кошташе 3300 еур, пријатели од медијапан - доста помала, околу 3700 еур. Многу зависи од твоите димензии, какви механизми сакаш, дали имаш фиокари, дали сакаш обична плоча или од компакт дрво, дали исто до плафон како на сликава. Вака од сликава не би можела да дадам одговор, барем јас. Ама еве ако ги споредиме кујната на пријателите од медијапан и твојата на сликава, твојата е доста поголема и мислам дека реална цена би била околу 5000 еур.
Тука гледам повеќе работи, едно е предницата на кујната, имаш после фиоки кои секако треба да си одлучиш за механизмите, ако сакаш шкафчиња, ќе ти биде поефтино ама не ти препорачувам, фиоката е поискористлив простор. Друго е работната површина, тука исто може многу да ти качи на цена, ако сакаш обична, компакт/ламинам или коријан плоча или некој природен камен. Друго на ѕидот ако имаш плочки ќе ти е поефтино ама ако имаш иста плоча како работната плоча и тоа ќе качи цена. Механизми за висечки елементи на извлекување се плус, лед осветлувањето под висачите е плус а тука има и долу под фиоките на земја. Сѐ зависи од твоите желби, реално може да стигне и до околу 5-6000 евра а можеш и со поефтина варијанта да ја средиш и за околу 3000к +/- 500
