Здраво сакаме да си отвориме слава мора ли да отвараме книга или ако ние имаме некој повод на некоја слава да сакаме да ја чекаме
Не мора да отворате книга, можете да си изберете и сами слава. Отворањето на книга е само побожен обичај. Најбитно е да знаеме што и Кого славиме, ама и како славиме.
Само да Ве подржам во Вашата намера.Ако не Ви е светено живеалиштето,можете слободно да повикате духовник,да ви испее молитва,а пред секоја слава домаќините постат 7 дена,се исповедуваат и потоа земаат света причест.Доколку не сте запознаени,можете да се информирате во вашата парохиска црква. Секое добро.
Здраво да се пофалам денес правевме голема молитва и потоа си отворивме слава сопругот отвори книга сепак одлучивме да отвараме и се погоди св.Јован Крстител 20 Јануари што значи на Водици вечерта ке ја чекаме...нека дава господ здравје само нас и на сите
Дали некој знае славата ако се падне во петок дали треба да е посна ..конкретно еве сега ако некој слави св Атанасиј во петок е каква ќе биде.
Здравје во пролет планираме да си направиме осветување на куќата и сакаме да си земеме куќна слава. Дали може сами да си избереме слава? Ние би сакале да ја славиме Голема Богородица, е сега дали таа се слави баш на денот 28,08, или ден порано?
Може да си ја земете. Се слави на 27. вечерта и на 28. Ако ја земете Голема Богородица, треба да имате предвид дека на 27. вечерта е се` уште пост и не може да се служат риби. Доколку тоа ви смета, можете да си ја земете Мала Богородица или Покров на Пресвета Богородица.
Ја славите славата баш на 28.08 или ден порано? Дали секогаш се спрема посно или само ако се паѓа во Среда или Петок?
Иде полека времето за слави. Нас куќна слава ни е св. Димитрија-Митровден. И оваа година е мрсна слава и заслугот и денот. Што мислите вие како би било за слава да се направи богата трпеза на која ќе биде послужено се. Па кој сака мезе нека си мезе, кој сака месо нека си земе и сл. Муабетот е да се избегне традиционалното послужување сега салатата сега супата, вечерата, десертот како по протокол. Да си биде се наредено и кој сака тоа да си зема па и ние домаќинките малку да седниме а не како казнети напред назад и за нас е празник.
Јас прв пат слушам за тоа служење едно по едно. Секаде кај што сум била јадењето е поставено на трпеза па секој си зема што си сака,што според мене е океј.
Јас колку што знам само вечера се служи, ние барем така сме правеле, а другото се си стои на маса. Пример да речеме еве главното јадење е месо и компир, тоа не се става на маса да стои како мезе туку се послужува како порција, а благо и све остало си е веќе ставено на маса како мезе.
Кај нас на слава секога е поставено сѐ на маса и секој си се послужува, без разлика дали е мрсна или посна славата. Можеби ова варира од регион до регион, но во Скопје никогаш не сум била на слава на која се послужуваат оброци (салата, па супа, па главно јадење…). Иако морам да напоменам, ни лани ни оваа година нема да ни доаѓаат гости за слава, освен за домашните еден ручек. Многу ми е неодговорно да се собираат луѓе во затворено за слава, додека се уште Короната коси…
И ние (кај мајка ) ја имаме св Димитрија. Превземено ни е од баба и дедо од село ,таму баш така ја правевме ,мезе па јадење па благо на секој гостин посебно ,е кога дојде ред да си ја земеме дома (во друг град ) мајка ми го даде предлогот така се да биде на маса ,и така почнавме значи од пред некои си 10 години. И реално поубаво е и ќе си се видиш со луѓето и се.
Дали постои некаков календар на слави, или баш секој ден може да е слава? Бидејќи во календаров на МПЦ секој ден е некој светец. Кој може нека објасни.