Лажирање на сопствениот живот

Значи не се мислеше само на социјалните мрежи. Социјалните мрежи само помагаат во целата лага кои одредени луѓе решиле да ја живеат.
Што кога седнувате на кафе со познаници кои упорно се обидуваат на ви продадат приказна дека се многу нашетани, образовани, успешни во работата, задоволни со тоа што им се случува а сите знаат прилично како се одвиваат работите. Не се нервирам, мене ми е смешно да ги слушам како режираат и си веруваат на сопствените лаги.
Прва ситуација - Нема смисла другарка која е невработена и потекнува од работничко семејство (читај нејзините заработуваат едвај 200 евра) да ги убедува луѓето како носи скапа облека и да ја зголемува 3 пати повеќе цената за истата. И самата да поттикнува дискусија за тоа како е некој евтино облечен.
Втора ситуација - Комшика која ја гледам секој ден низ маало, се сретнуваме и разговараме понекогаш измислува дека била 10 дена на одмор а знам дека само еден викенд има отидено некаде бидејќи нели секој ден се сретнуваме.
Трета ситуација - Девојка која не и оди баш многу со момците се фали како ги откачува и како сите ја посакуваат а нејзе никој не и пришол со месеци.
Не ги анализирам туѓите животи но повеќе ценам кога девојката од првата ситуација би си кажала отворено од каде ја купува облеката, кога комшиката би признала дека ете годинава не била на одмор или пак кога девојката од третата ситуација би кажала дека периодов нема дечко.
Единствен заклучок ми е тоа дека комплексите и незадоволството од животот не се лечат со лаги.

 

Не.

 

Па секое прашање од типот, зашто луѓето лажат , зашто прават вака , зашто така , би го започнал со еден едноставен одговор.
Затоа што живееш во црна балканска дупка наречена Македонија (проширена е низ цел балкан ама нас не интересира само МКД)
Е сега ако си живеела или живееш во оваа црна дупка, си запознаен/а со менталитетот кој владее во оваа држава.
Знаејќи го тоа ќе видиш дека во оваа држава луѓето наголемо прават некои работи како што се, оговарање, осудување, мешање во друг живот , продавање лажен морал, величење и дивеење на луѓе кои врска немаат од животот а плукање по некој што ете не води ист живот како нивниот итн итн....
Поради ова има два типа на луѓе според мене што лажат за цел или некои делови од начинот на кој го живеат својот живот
Првиот тип е тие што лажат затоа што знаат дека ако водат различен живот од тој што го наметнало општеството или пак имаат некои проблеми во животот ,ќе бидат осудени и оговарани.
Ако не идеш по шемата или ако нешто не ти е во ред со животот , луѓе повеќе ќе кажат види ја оваа утепана него да ти помогнат.
Другиот тип е да ги лечат своите комплекси(наметнати од дома/школо/и др) и да ја создадат таа совршена слика дека они се совршени,богати,ја имаат шемата на градот во нивни раце, сите трчаат по нив, абе храм да изградиш да ги обожаваш.
Да не спомнувам што ако работат некаде како на пример на шалтер во некоја институција ќе ти дојдат со муабет јас директор сум таму не ме знаеш кој сум јас .... или тие од средно што цело време ги реметеле сега ми се со муабет јас заработувам милиони и сите жени по мене трчаат.
Вакви приказни мене ми се смешни и не ја гледам потребата мене да ме лажат и да ми прават илузии дека живеат некој совршен живот , јас нема да им завидувам а знам во какви услови се живее и што све луѓе прават за да преживеат во оваа држава и ќе ги разберам ако ми кажат не сум бил на одмор оти немам пари да идам, нема да го гледам како пониска класа оти нема пари или жени или решил животот да го помине повлечен или што знам што таму, ваш/негов е животот, кој сум јас да ти кажам што и како да живееш....

Вакви работи ретко ако и воопшто нема да се сретне на западот, оти има милиони луѓе и никој не се замара со тебе и твојот живот.

 

Јас би прокоментирала еве конкретно за некои мои пријатели од социјалниве мрежи. Не би рекла дека лажираат туку дека едноставно сакаат да се пофалат каде се биле, што виделе, што пробале, што купиле... Веројатно имаат за цел некој да им завидува и да посака и тој да води сличен начин на живот. Не ги гледам работите од аспект дека тие мора да се лажни и дека она кое го објавуват не е вистинито. Ако некој постојано се чекира по фенси места или различни дестинации а во прилог на тоа има и слика значи дека навистина е таму. Или пак ако некој објави слики со партнерот, погоре читав нешто во стилот демек ја изневерува на сите страни а она глуми среќна. Можеби не глуми туку нема поим какви тајни крие тој нејзин партнер кој пред неа се однесува прекрасно. Познавам повеќе случаеви каде многумина знаат дека некој си ја изневерува девојката или жената а таа последна дознава или пак воопшто и не дознава за тоа. Реално секој може да си има свои тајни, не сме во ничиј живот па со сигурност да потврдиме дека тој и тој е сиромашен и нема шанси да си дозволи нешто полуксузно. Можеби си има некои канали на заработување за кои јавно не говори, се плетка со нешто, си има некој спозор...Значи наместо лажирање, повеќе би рекла дека станува збор за претерување со ексопонирањето и со фалбите. Тоа е што се однесува до социјалниве мрежи.
Е сега за лаги во живо не навлегувам, ич не ми е гајле кој каде бил и што направил. Не сум им во кожата па сигурно да знам дали лажат или пак кажуваат вистина. Како им е убаво така нека си прават, тоа си е нивни живот. Блиските луѓе кои ми значат знам дека не ме лажат а пак за оние подалечните не ме интересира. Ако ги прави среќни тоа да лажираат и да создаваат слика за нешто кое во реалноста е многу поинакво тогаш нека тераат слободно. И да била, и да не била комшиката на одмор, тоа во животов ништо не ми менува.

 

Navistina ima takvi Tanja, no situacijata sepak ne e tolku negativna -- ne ne zasega ili ne sme povredeni. Ako vekje ja sakas licnosta toa e drugo, te zagrizuva nejzinoto odnesuvanje od poblagorodna pricina. Ovie licnosti sto ti gi naveduvas ne mi izgleda deka ti se nekoi mnogu bliski, pa i da lazele, neka lazat, sto im mozes? Mozebi taka se teshat, moze do tolku im sece, da ne navleguvame vo toa. A za nasmevkite na Fejs, sum primetila deka cesto onie najnasmeanite vsusnost najmnogu nosat tezina vo sebe, NO, nadezta posledna umira i resile da go iskoristat dobroto na denot po sekoja cena. Bashka, nikoj ne saka mizerni lugje pa da se slikame koga placeme, vo coveckata priroda e da se glumi heroj.

 

Од една страна не сфаќам да лажеш за сопствениот живот, но од друга во ова време на фб,инстаграм и сл. некој кој нема можност да се фали каде бил, може добиваат некои желби да се исти како другите.
Никогаш не би лажела за мојот живот, и милиони да имам нема да се фалам со нив. А па тоа, скапи облеки, кафиња, ручеци и слично ич.
Јас сум човек кој носи обична облека, и си јаде дома зашто не верувам многу на храна во кафана ( секако дека не ена одмет некое ручече за релакс).Ама да се чекирам некаде а јас седам дома, нема шанса. Не ставам ни филтери на сликите, и многу ми е криво што младиве се скроз заминати во некои филмови, ги гледаш на една слика кукли ги гледаш во живо ужас.

 

Да го лажирам својот живот. Со оглед на тоа дека имам еден куп волци што едвај чекаат да видат дека нешто па да ми се преправаат дека се грижат, а да си шепотат меѓу себе, „еј абе му рековме така ќе му биде, ете не не слушаше“

 

За фејкери нема место во мојот живот. Немам ништо со такви луѓе, ни во живо ниту на социјални мрежи следам такви. Сите во мојот круг се искрени.
А за оние кои ни сервираат лаги, сметам дека се несигурни, искомплексирани и фрустрирани личности, незадоволни од себе и сопствениот живот или можеби им е многу досадно.

 

Ако зборувам за себе, не го лажирам својот живот ниту за мене (за да се чувствувам подобро), ниту за некој друг (за да му се докажувам на некого) туку амбициозно и напорно работам и се трудам сите мои желби и замисли да ги остварам.

Од друга страна, воопшто не ме ни интересира што другите луѓе мислат и прават за нив. Тоа е нивен проблем и тоа треба да ги засега само нив.
Плус, не користам социјални мрежи и немам пријатели ниту пак некогаш сум имала љубовна врска така да сум фокусирана само на себе, моите потреби и моите желби.

Инаку, од психолошки аспект, свесна сум дека лажирањето на животот постои и е доста застапено и неговиот ефект е помогнат од социјалните мрежи.
Причината поради која луѓето ова го прават е бидејќи не ги исполнуваат критериумите на своето идеално себе кое го создале во својата потсвест.
Идеалното себе инаку има големо влијание врз карактерот и однесувањето на луѓето, а некои се подготвени и да ги лажат луѓето околу нив за да го постигнат тој вештачки ефект и впечаток дека всушност го живеат животот кој го посакуваат. Но вистината е дека тие се луѓето кои се навистина прелажани ...

 

Јас имам една на инстаграм што става слики на стори кои НЕ СЕ НЕЈЗИНИ , на кои не се познава фацата и глуми дека е таа, а се познава од авион дека не е таа.
Или слика од некои заљубени , демек дечко има и пишува нешто најмил мој.
Не знам како да и кажам дека се познава дека не се нејзини сликите да не се брука веќе

 

Социјалните мрежи се една голема лага полека,полека ги уништува луѓето. Сите се зависни од тоа дека секој викенд мора да се чекират кај се, со кого се и што пијат. Е, сега некој свој слики,а некој преземени слики. Одиш на кафе со "другака" и ти влага во филм еј, јас бев на одмор па поминавме многу јако, одевме по ноќни клубови значи немам зборови, а ти онака само климаш со главата и знаеш дека таа една недела била на село кај баба и али ајде ќутиш од култира и ја оставаш да ја доврши нејзината фантазија и да се врати во реалноста. Имав една братучетка една година постара од мене, и значи ми се јавуваше на телефон за да ми каже дека за ручек ќе јадела стек или плескавица. И ден денес неможам да разбера зошто, а знам и дека девојчето е такво фалбаџивка... Како да кажам, а да не згрешам. Дури некогаш се обидував да и дадам до знаење дека не ме интересира таа што јаде, кога ќе јаде и со кого.

Ама затоа животов е ФИЛМ, околу тебе само глумци и сцени.

 

Ова е многу реално за жал во општеството денес. Се повеќе луѓе го прават со цел да се издигнат на некој замислен пиедесрал, за да може повеќе луѓе да ги "почитуваат" да добиваат повеќе лајкови на Инстаграм и Фејсбук, со еден збор да бидат популарни. Сосема се сменија вредностите денес. Повеќе не се гледа личноста по добрината и културата него по тоа колку лајкови добива на фб. Не е убава ако не е популарна. Живееме во материјален свет во кој вредат оние кои имаат скапи коли,телефони и часовници. Затоа и многу личности лажат затоа што навистина се.

 

Да, вистина е сите лажеме но, не ја разбирам поентата на за чекирањево и лажењето ‘‘ја бев таму, ја бев ваму‘‘ само за да се приклопи човек во групата. А од друга страна што ме интересира мене кој што јадел и пиел со сликиве.. Никогаш не сум била таков тип кој би се чекирал дури и до тоалет кога оди. Правам слики од се што правам секојдневно да речеме но никогаш не би постирала на интернет фалејќи се. Ми се случило со фората ‘‘ши сед јес‘‘ и недела дена пред свадбата да ми писше и да ме бара за накафе како сум била многу боља од таа шо ќе ја земал..хахаа. Па вака и многу ми изгледа како луѓево си го лажираат животот.

 

Лани бев во Мк, никаде не сум се "чекирала", ниту една слика немам ставено на фб или инста, според тебе значи лажам, не сум била во Мк.

Хејтери бе, леле секој што не се согласува со твоето мислење е хејтер, као некоја битна фаца си во светот па.и хејтери имаш, а демек форум е за дискусија ама само ако се сложуваш со моето мислење.

Нит гледам, нит ме интересира за другите, знам дека за да се " чекираш' некаде мора да си таму, како лажат не ми е јасно, како знаете дека лажат уште понејасно е.

И сериозно до толку си го пикате носот во туѓи животи што знаете и кој колку неплатени сметки има дома? Јас за себе не знам во моментот колку сметки имам за плаќање не па за некој друг да знам,( смајлиштосекрсти)

И не знам што е чудно дека љуѓето споделувале само позитивни моменти од животот на фб и инста, па ваљда нема пример како некоја нетокму да ставам слика од погребот на дедо ми, да се "чекирам" од гробиштата во Бутел за да се документира мојот престој во Мк за некоја си таму да не си прави филмови дека лажам.

 

Вчера баш се чекирав на Флорида, држев откорната ќерамида (се гледаше само ќерамидата и дел од мојата рака, мислам дека беше доволно) како оној од CNN, може и ме фатила некоја камера ама 100% не ќе да е така. Крајот на јули, се чекирав кога бев на Порто Кацики и постирав слика од пред неколку години, не дека немав слики од годинава, ама ме мрзеше да барам во мноштвото, измешани ми беа со тие од јуни кога ја посетив Аљаска. Напорно е да селектираш толку слики од десетина мемориски картички. Еј чоече се чекирав и во Отаго, Нов Зеланд како скокам со банџи. Ама што да правиш, проста раја, сите ми љубоморат у коментари демек кога успевам да постигнам се, дури и да скокам со банџи, у превод не се филмај многу нигде не си била, лажеш корнеш. Само им пишав одјебете вие копнени животни и продолжив со чекирање.

Ту би кантинјуид.

Наскороооо, премиера на новиот хит:Стој или мајка ми ќе пука, само на сител тројкаааа...!!!

@bittersweet зар немаш слико покрај Биљанини извори или на крстот на Водно? Аууу, сместа да се вратиш, да се сликаш и чекираш.

 

Како што би рекол Бред Пит во fight club, за да ги импресионираат луѓето кои не ги сакаат :)

 

Мислам дека @Mama25 најдобро може да ни го каже одговорот на ова прашање

Ало Холивуд, Калифорнија

 

Религијата е лага, политиката е лага, овде се филозофира зошто некоја лажела дека оди на одмор. Се додека не ме закача мене и не ме инволвира во своите лаги, I don't give a shit. И онака избегнувам разни категории на луѓе, па и вакви.

 

Izgleda samo jas sum obratno.vo slednive 6 meseci posetiv 3 zemji a nitu se cekirav nekade nitu staviv slika nekoja na fb.neka si mislat deka doma sedam.gajle mi e.pa ne mora sekoj da znae kade sum i mrazam da se falam ili forsiram nesto

 

Јас имам план како да се презентирам пред потесната јавност (педери стоп), ако најдам на улица празна кутија од Давидоф лајт, ќе ја наполнам со 20 комада Вардар или Брент, ќе купам привезок за клуч со знак од Бемве, упаљач Зипо од тезга, цвикера Полис од 150 денари, Ролекс од пестотче од Шутка.

На гаќа и маица ќе сошијам Си Кју или крокодилче, мистериозна слика од залазак сунца на ФБ, све по ред со бел песок, а на друга слика купача спидо како се суши и демек коктел со чадорче (уствари степче со џиш боја растворено ама и онака на фб не се познава) алузија дека локацијата е Ибица, нешто ланец од бело злато као и така. Паметноме доста, ќе си поврзе дека двете слики се демек од исто место.

Едино во биртииве кај шо влегувам немаат нет (ама има слика од Тито и чаршафи изгорени од цигари и флеки од зејтин) и неможам да направм чек ин обиколен од разголени женски особи кои паднале на мојата измислена животна прича