Прочитав неколку постови во врска со top coats или надлакови, како што ги викаат кај нас, па решив да напишам мое мислење за неколку кои ги имам испробано и користено подолго време. Essence Quick Dry - Премногу редок за мој вкус, дури и може да се случи да се растече по заноктиците. Со самото тоа што е редок, не можете да нанесете подебел слој, па заради тоа ако сакате да ги измазните ноктите откако сте цртале на нив (или пак ако имате светки) треба да нанесете 3 слоеви или повеќе. Со самото тоа што слоевите се доста тенки, не го заштитуваат маникирот премногу и лупењето започнува по ден-два. Времето на сушење е брзо, но мислам дека тоа се должи на фактот дека самиот лак не може да се нанесе во подебел слој. Долготрајност со квалитетен лак: 1-2 дена. Цена: ~130 ден. Essence Gel-look - Многу погуст, споредено со Quick Dry верзијата. Времето на сушење е нормално, а финишот е сјаен. Доста сум задоволна од него (со оглед на цената) и го користев подолго време, се додека не решив да експериментирам со други. Нешто што не ми се допаѓа е што окако ќе истрошите половина од шишенцето, се згуснува уште повеќе и многу тешко се нанесува. Уште една работа што би сменила е четката, која според мене е премногу мека за густината. Долготрајност со квалитетен лак: 4-5 дена. Цена: ~130 ден. S-he Gel Re-Fill - Тука започна моето експериментирање. Ова всушност не е класичен надлак, туку според S-he неговата намена е да се пополни израснатиот дел кај оние што ставаат гел надградба. Во тој поглед не знам како би функционирал, ама мислам дека не би завршил многу работа. Погуст е од Essence Gel-look и одлично покрива, особено големи светки и слични додатоци. За жал, времето на сушење е прилично долго, многу подолго од просечно. Има сличен проблем како Essence Gel-look, откако ќе се истроши повеќе од половина, дополнително се згуснува. Меѓутоа, кај овој лак поради тоа се создаваат и меурчиња. Долготрајност со квалитетен лак: 4-5 дена. Цена: ~150 ден. S-he Top Coat - Апсолутно најужасен top coat што сум го користела во животот. Ако почнам да пишувам за недостатоците, постов ќе зафати 2 страни, па еве затоа на кратко. Се разлева по долгата четка, предолго се суши, воопшто не покрива. Долготрајност со квалитетен лак: максимум 1 ден Цена: ~150 ден. Rimmel London Clearly Clear - Ова исто така не е класичен top coat, туку е проѕирен лак, дел од линијата со бои. И покрај тоа, резултатите се задоволителни. Се суши доста брзо (но, само ако сите претходни слоеви се темелно исушени) и многу сјаен. Единствен проблем е густината т.е. колку покрива. Потребни се најмалку 2 слоеви за целосно израмнување. Долготрајност со квалитетен лак: 3-4 дена. Цена: ~170 ден. Seche Vite - После стотици прочитани постови со пофалби од различни блогерки, решив да „инвестирам“ во добар top coat и да го испробам Seche Vite. Воопшто не се разочарав. Доста е густ, но и покрај тоа може лесно да се нанесе. Се суши речиси инстантно (би рекла дека му требаат околу 15 секунди). Можете да го нанесете дури и претходните слоеви да не се целосно исушени, тој ќе им помогне да се исушат. Ноктите ги прави многу сјајни и рамни. Долготрајност со квалитетен лак: повеќе од 7 дена. Цена: ~300 ден. Цените ги пишав приближно, бидејќи некои лакови ги имам купено одамна и не се сеќавам, а често се и на попусти и слично, па се менуваат. Се надевам дека овој пост ќе ви помогне при изборот на надлак. Поздрав!
Пред некој ден си земав од овие лакови конкретно од вториот ред вториот лак,бојата е сон,многу многу ми се допаѓа,sugary pink,само има една маана,кога го ставам на нокти како гума за џвакање да ставам неможеш да поминеш со четката два пати оти се познаваат многу четки а и тешко се суши( а и има специфичен мирис,не е како на класичен лак ) се на се бојата убава лакот никаков,и сега се заразив со бојата па ќе тразажам таква боја ама друга фирма. Any suggestions will be welcome
Морам да ги пофалам лакчињата на Golden Rose - Holiday . Конечно вистински сум задоволна од некој лак, сега за сега имам само две боички и двете ми се ептен погодени , текстура одлична, трајност одлична ми траат по 5-6 дена а цело време сум во вода , дури се чудам како издржуваат толку, останатите лакови на Golden Rose што ги имам се лупат за 2 дена ептен брзо се вадат со едно поминување со ацетон лакот е изваден а мислев заради светките ќе е малце тешко бришењето ама не и што е најважно ноктите преубаво изгледаат кога се налакирани со овие лакчиња Вредат за парите дефинитивно, планирам уште неколку да си земам
Јас си го купив овој од Космо,намален беше. Многу сум задоволна,ми стои веќе 9-10дена + доволен е само еден слој
Лакчињата се 120 денари и не, не се сите со светки има и неколку боички кои немаат светки, го имаат истиот да речам песок ефект само без светки
Jас морам да го пофалам Топ Коатот на Голден роуз со Гел Лук, не бев нешто задоволна од тој на Есенс, овој ми дава многу убав изглед и еве веќе 4 дена не мрда маникирот
Глден роус , незаменливи но.1 но презадоволна сум и од пацифик на камени ги има по 40 ден. мазни сјајни и многу брзо се сушат.Ги препорачувам Ова е новата амбалажа
Искрено,многу сум разочарана од новите лакови на Малена,тие неонските. Пред една недела го купив и сега е никаков,сув Веќе не купувам такви лакови,подобро ке собирам пари и ке си купам поскап ама квалитетен
^ И јас го забележав истото на неонските лакови на Малена, значи не бил само мојот лак туку сите се такви Земав еден неонски лак од Малена се лакирав и се беше ок, после една недела сакав па со него засушен четката за никаде, внатре како да нема веќе лак му ставив малку ацетон се изналакирав уште еднаш одвај, за уште еднаш тешко. Не купувам повеќе неонски лак на малена. За џабе парите, подобро е на поскапа фирма барем знам ќе трае подолго лакот а не одма да се засушува
Јас сум задоволна и од неонските и од од обичните лакови на малена, неонските ги имам 1ипол месец можда и не ми се исушени, супеер се а на ноктот брзо се сушат...
Јас земав три неонски лакови на Малена и се надевам дека нема да ми се засушат за брзо време.. како што читам од вашите искуства Баш ќе биде штета ако тоа се деси..
Колку чинат овие на Мејбилин - Color Show ? Многу убави нијанси имаат и не можам да издржам, а да не купам.
Во врска со неонските лакови ви ги препорачувам на Флормар, не се скапи 100 ден е лак, но многу се квалитетни и бојата се задржува дури 1 недела!
