Лаш Кеплер е псевдоним на брачен пар од Шведска кои пишуваат книги заедно. Некои од нивните најпознати книги се: Кошмар, Сенка, Хипнотизер, Ѓаволот дојде по своето, Лазар, Сендмен. Нивната книга Сендмен е адаптирана и како филм насловен “The Sandman”. Многу ми се допаѓа нивниот стил на пишување и сите книги ми се одлични. До самиот крај ми ја држат заинтересираноста. Нема нивна книга што не ми се допаднала, па затоа и не можам да издвојам баш најомилена книга. Сите ми се прекрасни и дури би ги читала и повторно. Кои се вашите мислења за нивните книги? Кои би ги издвоиле како најомилени книги од нив? Филмот лично уште го немам изгледано, но планирам кога ќе сум слободна да го изгледам зошто би сакала да видам како е адаптирана книгата. Иако верувам дека книгата има повеќе детали и не очекувам да е подобар филмот од книгата, но би сакала да го погледнам и него.
Ја имам читано само „Кошмар“ и ми се допадна. Само доцна видов дека е втор дел всушност и тогаш сфатив дека се работи за серијал па ми се скрши филмот што не почнав од почеток да ги читам. Еднаш нема да проверам што читам и утки. Ги сакам овие крими детективски романи, ама ме нервира тоа што најчесто книгите се собрани во голем серијал и колку и да е секоја книга приказна за себе, сепак има некоја поврзаност. Се гледа развојот на детективот, има тука и таму делчиња од неговиот живот па фалат некои работи сигурно ако не се читаат по ред. Некогаш ќе му седнам на серијалов и ќе го дочитам до крај.
Ги имам дома сите освен последниве две Лазар и Сендмен. Ја имам прочитано Кошмар и Ѓаволот дојде по своето. Овој жарн ми е еден од омилените, но како и Мишела баш се разочарав кога видов дека се серијал, па Хипнотизер долго време ја немаше, после кога ја препечатија ја набавив, но никако да најдам време да им посветам убаво да ги прочитам од прва до последна. Обично секогаш кога е серијал гледам прво да го набавам целиот па да почнам да читам. А за вакви серијали ми треба период кога сум по релаксирана и повеќе време и внимание да имам да им посветам. Моментално таков ми е периодот што сакам да читам лежерни книги што не бараат многу внимание и пазење на детали. Што би рекла чик лит, за релаксација. Затоа ќе почекам додека им се посветам пак. Кој е називот на англиски на Ѓаволот дојде по своето, или редоследот на книгите го знаете?
„Ѓаволот дојде по своето“ е трета по ред од серијалов, на англиски насловот е The fire witness. Инаку вака одат по ред: 1. Хипнотизер 2. Кошмар 3. Ѓаволот дојде по своето 4. Сендмен 5. Сенка 6. Ловец на зајаци 7. Лазар Мислам дека толку се. Ама Матица како ме нервираат, секогаш хаотично ги преведуваат серијалите. Додека ги собереш, ќе ти се отчита. Јас само „Кошмар“ ја имам на македонски, другите си ги симнав и на Киндл ќе ги читам.
@Mishela Матица ужас!!! Мал милион пати им имам кажано за ова, не е само со овој серијал така. Незнам зошто така прават, стварно не ми е јасно. Нема логика. Стварно имаат убави акции и добри попусти прават, голем дел од книгите ми се од таму, но Сакам Книги барем за ова се подобри, си одат по ред со серијалите. Верувам дека многу им имаат реагирано на Матица за ова и незнам зошто не се подобруваат. И за книгите на Тес Геритсен истото го прават.
Ја имам прочитано само Хипнотизер и од тогаш некако ги заобиколувам. Не знам дали беше до преводот или до самото пишување, некако ми беше напорно и досадно.
Ја прочитав Хипнотизер , интересина ми дојде. Сите ли книги од овој пар се со ваков стил и тематика пишувани ?