Денеска на утринското мени имавме домашно бабино лепче, па си реков да ставам тема и да дискутираме малку околу него. Диеталките го избегнуваат, оние што сакаат да добијат на килажа (ако ги има) постојано добиваат совети да го зголемат количеството на внес - некои го обожаваат, некои и не толку. Дали и колку внесувате леб во вашата исхрана? Каков леб повеќе сакате - домашен, купечки, обичен бел леб или пак интегрален? Кога купувате леб, каков најчесто бирате и кои „фирми“ според вас го имаат најубавото лепче? Мене домашниот секогаш ми е на прво место - мајка ми и баба ми го подготвуваат совршено, ама сепак покрај многубројните обврски, почесто си купуваме од Жито Лукс - најчесто од најобичниот, а понекогаш и од исечениот на тенки кришки кој освен за сендвичи и по некој мини-тост, не ми е вкусен за ништо друго. Ај елајте ми сега на кришка домашен.
Откако почнавме и јас и мм да реагираме на купечкиот леб, јасно ни стана што има во него, па го исфрливме. Си земавме апарат за леб, и секои 2 дена си правиме во него. Претходно кога купувавме леб, јадевме по еден цел на ручек, зошто се такви пуфкасти, никакви, полни само со адитиви, исто ко да не јадиш ништо Сега навечер си ја ставаме смесата и си местиме сабајле во 7:30-8 да ни е готово лепчето, за кога ќе станиме да ни мириса домот на убавоооооо пециво мммммм Користиме германски мешавини за леб (слично вакви) И благе везе нема со купечкиот, било на Жито Лукс, било на мала маалска пекара....единствено добар и селски леб се` уште има и пробав летово во Лазарополе, фурната таму се` уште си го прави на стариот добар начин. Ова денес е далеку од она што ние сме го јаделе во детството....мене кога мајка ми ме испраќаше по леб секогаш ми велеше: Земи 3 ако планираш пак да го изедиш едниот додека да стигнеш до дома, за сите да јадиме!
Како домашниот, нигде нема Јас во последниве месеци некои маки имав со желудникот после јадење, менувај една исхрана, друга, трета...на крај испадна дека до лебот е. И сега го одбегнувам барем белиот, па и интегралниот. Многу подобро ми е кога не јадам леб. За купечките, црниот е најдобар, другите ми се ептен за никаде. Не дека и овој е нешто добар, ама мене ми прави барем разлика. Од Жито Лукс, баварски ли беше Од фурна лебовите се воздух. Ако овие купечкиве имаат по 400гр. од фурна лебот 100гр дали има. Ептен се надувани и внатре празни. Ние дома уште го оплакуваме жолтиот леб од Грција од фурните таму. Полн, вкусен, абре така да го јадеш. Овде нема таков
Сега купувам нутри со сончоглед на Жито Лукс. Иако има долг век на траење пред да мувлоса, сеуште ми се случува да фрлам леб. Иначе Моира има право. Машинчето за леб е закон. Едно време имав позајмено од другар кој не го користеше и бев мнооогу задоволен. Неколку пати и месев леб но децата го јадат ко термити и почнаа да се жалат дека ќе сум ги здебелел Не дека јас можев да одолеам па во тој период и си качив некое кило
Правам домашно лепче. Со тетовско брашно исклучиво Или пак кичевско, ама го има во продажба во големи пакувања (читај вреќи), па купуваме на одреден период и го користиме заедно со свекорот и свекрвата. Нема поубаво од домашно лепче. Ако ми остане вишок, го замрзнувам и си вадам по потреба (ова повеќе кога сум сама со малиот, оти јас слабо јадам леб). Заклучив дека ми е поубаво вака, кога сама си го правам дома, отколку да го купуваме. Ако купиме, скоро цел го фрламе, башка полни со адитиви и конзерванси... порадо домашно. Инаку, немам апарат за леб, сама си го месам, сега засега го печам во рерна, а кога мм ќе ја направи фурната што ми ја вети, ќе си печам и во фурна
Моира сакав да те прашам од каде ги купуваш тие мешавини, и јас многу сакам домашен леб, и сакам да пробам таков да направам? И мене омилен леб ми е домашниот и често кај нас таков се јаде, едноставно на домашно приготвен леб тешко може да се одолее.
Ние јадеме леб. Често го купуваме. Се случува и да замесам леб. Домашниот леб ми е повкусен од купечкиот. Интегралниот леб не ми е вкусен.
На ова топло време леб користам во минимални количини,организмот не ми поднесува на топло леб.Се сум на овошје,зеленчук,најразлични салати и полесна храна кај што тотално заборавам на леб.И онака сега засега не ми е потребен симнувам неколку килца Можам секаков леб да јадам ама оној црниот диеталниот не го можам,самиот мирис ме убива
Јас усм си лебарка... Порано јадев црн, ама сега јадам бел, и најубав ми е од Специјал крцкав убав. Но ми се допаѓа и новиот на жито лукс, Бриош со вкус на путер.
ретко јадеме купечки леб бидејќи имаме фурна и мајка ми меси секоа недела,преубав ми е и не би го менувала за никој друг мммм топол од фурна со ајварче и сиренце мх мх мх мх
Преферирам `ржен интегрален,но бидејќи останатите дома ретко го јадам почесто јадам бел.Колку?Па по парче на оброк,зависи од оброкот.Понекогаш воопшто нејадам.Зависи кога како ке ме прифатат.
Кога има домашен од него си јадам и најубав ми еее.... А така од жито лукс исечен ...а францускиот ми е најубав за сендвичи...
Леб и душа, јас неможам да јадам на пример само манџа или само месо.. обавесно јадам со леб.. најмногу го сакам домашниот месен од мајка ми, наутро топло лебче и сирење мх, мх инаку најчето купувам од сечен на парчиња ем не се фрла, ем не се малтертира да сечиш
Многу сакам леб! Сакам црн леб со сусам да си го мачкам со мармалад,сакам франџула да си ја мачкам со маргарин и мармалад или,пак,си правам солен сендвич од него,леб од Житомел печен во фурна,интегрален леб сечен на кришки и домашен леб! Мекиот леб е навистина многу добар за јадење,а исто и заситува и е незаменлив во исхраната!
Кај ме најде, лебарка прва класа сум! Да можам би јадела постојано, но нели, се лепи за газот, и кај што не треба, па внимавам. Инаку омилен ми е крцкав и топол наутро, белиот багет од Тинекс, или оној со путер и лук, а од обичниве лебови, исто тазе ем сусамест од Тинекс. Со пинџур, со манџиче, со тоа водичката од шопската, абе со СЕ’ на планетава леб можам да си апнам... Сама си месам домашен со маслинки и рузмарин, е тој е бесен леб. Па дур е топол, со намаз од лук или краставичка, мф мф мф. Мислам дека 100 кила би имала, ако јадам колку што ми се јаде. Лебарска нација, тоа е!
Обожавам леб иако пробвам да го скинам стомачето, го сакам посебно селскиот уфф.. Ама ете колку толку внимавам и по малце јадам најмногу 3 лепчиња на ден..