Легализација на проституцијата - Да или не?

Едно прашање. Кога ќе се спомне доминација, на што те асоцира тој збор? На некој кој раководи со семејството така? Па да. Е сега, нема да зборуваме за малтретирање на жена затоа што тоа воопшто не ни се совпаѓа со темава, но ќе зборуваме за конфликти. Жената сака нешто да биде така и мисли дека навистина така треба да биде, но мажот не сака и мисли дека не треба. И сега веднаш под социјален закон и онаа машка доминација, ќе биде онака како што ќе каже тој. Ете тоа означува машката доминација драг докторе. Не ми мешај баби и жаби.
Е сега, под она прашање, зошто е машка доминација, зошто мора да се слуша мажот како ќе каже, постојат мноооооогу теми на муабет и за таа работа можеме да дискутираме под многу гледни точки.
Но оваа тема е посветена на проститутките така да... let's walk away.

 

Јас мислам дека треба да се легализира проституцијата и стриптиз клубовите. Така ќе се зголеми туризмот во државата. Јас познавам странци што доаѓале и прашувале за стриптиз клуб каде има. На нас можеби нема да ни одговара, ама за нив и те како ќе одговара. Странците тоа ги привлекува многу.

 

@Marick14 стриптизерките и проститутките се две различни работи.

 

А ќе издаваат фискална сметка?
Значи ли тоа и дека ќе ги следува пред и поспородилно боледување?

 

Што се однесува до мене сум за легаризирање затоа што тие таму избрале да одат па нека одат нека земаат пари нека го работат она што најдобро знаат па и со легаризирањето нека си се заштитат повеќе да не ги малтретира некој ово оно.Демократско општество сме де нели ке биде и тоа

 

Иако терминолошки ова е точно, во многу земји проституцијата и јавните куќи не се регулирани и/или се забранети со закон, стриптиз-клубовите служат всушност како параван. Демек на шипка сите изложени голи, демек имало и вип соба за приватен стриптиз (за повеќе пари) а таму всушност.... Веројатно на тоа мислел/-а Marick14.

Инаку читам низ српските медиуми, на повидок нов скандал со елтина проституција - познати тв водителки, пејачки и старлети им пружале сексуални задоволства за 2000-5000 евра од ноќ на политичари од балканските земји. Според мене не е главното прашање кои со кого биле, туку од каде им толку пари?! Народот си го подјебаваат за да они се ебаваат? Не е во ред!
И веќе ако виделе и самите дека имаат сексуални потреби кои од икс причини не можат да си ги задоволат на стандарден начин, зошто не се погрижат, не поведат иницијатива проституцијата да се легализира - туку наместо тоа уште истите тие и ја прогонуваат (онаа не-елитната од која некои одвај преживуваат).

 

Јас мислам не. Проституција не е начин на кој треба да се заработат пари, тоа е порок, девијација. Да си го продаваш своето тело никако не е во ред и тоа треба да се спречи, а не да се одобри.

 

Никако не сум за легализација..ама пак тие што решиле да вадат леб од таа "професија" секако ќе го работат тоа,било да е легално било да не е само никогаш не можам да разберам зошто се избира овај начин на заработка? зарем ова е лесна работа? при толку разно разни професии да ја одбереш оваа ,ми е многу ниско

 

Како и да е ќе си постои, ако се легализира барем проститутките ќе мораат да вршат некакви редовни прегледи и нема да се шират толку болести. А и нема да одат позади грмушки кај МТВ со жени без заби и во маички со шљокици туку во јавни куќи, кои би биле почисти.
Плус ќе си плаќаат даноци, како што е со секоја друга професија.

Не гледам причина зошто да не се легализира. Јас како и да е не планирам да бидам проститутка, ниту да плаќам некоја, ама мене на апсолутно никаков начин не ми пречат во животот.

 

нека си се легализира..подобро да биде јавно отколку скришно...и кој како знае и умее нека си заработи пари..

 

некои и со гзот и устата..

 

не за легализирањето на проституцијата, зошто тука се губи смисолот на самата жена, се губи нејзиното достоинство и нејзината првобитна улога. но тука не се само жените, нели имаме и машки проституки, кои исто така го губат своето достоинство... што значи луѓето го губат смисолот со тоа што си ги продаваат телата. поентата на човештвото не е да си ги продаваат своите тела и проституцијата не би смеела да се легализира

 

taka e

 

А која е поентата на човештвото? Која е на жената, а која на мажот?

 

Всушност ова е добро и важно прашање. Ќе се осврнам на неколку аспекти.(според слушнатото и прочитаното на оваа тема).

Понекогаш некој не може да ги разбере другите во нивните постапки бидејќи (за среќа) не е во нивна кожа, т.е. во нивната животна ситуација - тоа подразбира и имање или немање одреден тип на родители, начин на воспитување, имање или немање финансиски и образовни околности и многу друго.

Понекогаш проститутките го прават тоа бидејќи не ни умеат друго да работат - „занаетот„ го научиле од своите родители или старатели. Од образование завршиле само основно или можеби средно.
Можеби си мислиме па што не завршат некој факултет за да најдат друга работа? Но тоа не оди туку така. За така да се размислува потребно е пред сè да имаш соодветен ментален склоп - да негуваш одредена шема на размислување, да имаш одреден начин на гледање врз работите во животот. Тоа воглавно се учи несвесно од родителите и/или најблиската околина во текот на детството. Што правиме ако тоа го немало?

Некои се одлучувале на проституција бидејќи не можеле на поинаков начин да дојдат до доволно пари за кратко време. Не е исто дневница од сендвичара или автоперална 300-600 денари и неколку десетици или стотици евра дневно од клиенти. На некои, тие пари им требале за преживување(да нахранат семејство ако го имаат), на некои кои можат да си ги задоволат основните потреби но немаат за поскапа облека и телефони, на некои за да платат школарина, некои за да се ја одржат зависноста од дроги и алкохол, некои за да патуваат... Мотивите се многу различни и затоа не е во ред да се избрзува со осуда.

На пр. самохрана мајка преку ден работи за 10-12000 и тоа чесно. Може ли со тоа таа да преживее? Можеби работата ја исцрпува толку многу што не може да работи уште една смена, можеби не може да најде друга додатна работа и нема родители или роднини кои би можеле или би сакале да и помогнат, или детето нема кој да го чува.

Или читав во српски медиуми, две сестри при крај на основно. Родителите живи здрави, но како семејство дисфункционални. Родителите со роднините цел ден излезени, нешто работеле а никако да заработеле. Фриждерот дословно празен. Значи не дека имало само леб и јогурт можеби јаболко, туку немало ништо. Кога ги прашале за храна, родителите (кои очигледно се хранеле надвор во текот на работата) им се издрале да не ги гњават, нека се снајдат. Се „снашле„ така што прашале за помош другарка во слична ситуација но која имала редовно пари за искачање и поубава облека а никогаш не била гладна. Им ја открила „тајната„ како да заработат, и бидејќи немале друг избор некое време така се проституирале по кафани, додека случајно полицијата не налетала. Што требале тие сестри да прават??? Да работат? Како и што да работат легално кога биле малолетни и сеуште се млади за да изучиле некој нормален занает? Освен тоа работа немало - биле од некое мало гратче во Србија, а и кога да работат кога по закон задолжително треба да одат на школо? Да побараат помош од комшии? Тие биле во истата или сличната ситуација.
Не е тоа значи секогаш и секому туку така. Постојат многу специфични ситуации во животите на луѓето каде реално не можат сите нормално да реагираат и нормално да се справат.

И за крај најстрашното, некои го работат тоа под присила (тнр. трговија со бело робје) при што ништо не добиваат од парите или добиваат многу малце колку да не умрат од глад - е тоа е она кое треба да се забрани и против кое треба да се борат институциите.

Различни сведочења воглавно велат дека воопшто не е лесна, зависно од тоа за кој тип на проституција се работи. Онаа принудната но и уличната се најтешки и најопасни велат. Клиентите може да бидат пијани, издрогирани, вербално и физички агресивни (платат нанапред, после сексот ја претепаат и ги одземат сите пари на пр. или се едноставно психопати и садисти - немаат сочувство, уживаат во злоставување на други). Како да се спротивстават на тоа ако проституцијата е нелегална? Во Иран пример, проститутките доколку ги откријат, ги казнуваат со смртна казна. Ако некој ја злоставува проститутката, кому таа тогаш под такви околности да се пожали?

Онаа елитината навидум е најлесна и најдобро платена - но тоа подразбира и самата проститутка (и жигола) да бидат елитни во својот изглед, појава и однесување. Освен тоа различни клиенти имаат различни желби и девијации (секс со животни, мокрење, измет и тн.) па и таа елитната може да биде тешка и понижувачка, но некои луѓе за пари се способни да претрпат сè и сèшто.

 

А, ако не се легализира значи ли тоа дека не постои?
Проблемот е во тоа што ние сме мала држава и скоро сите се знаме и да се легализира ќе остане само мртво слово на хартија сите пак ќе работат на црно, никој нема да сака да се декларира јавно дека е сексуална работничка.
Само би го прашала @blackpanter а каде е сега достоинството на жената која сака да се занимава со прституција? Сега е баш во средина меѓу чеканот и наковалната, од една страна државата ги репресира а од друга изложени се на малтретирање од страна на клиентите за смешна сума пари принудени се да имаат секс во нехумани услови.
Дали може да се искорени проституцијата?
Да можеше веројатно веќе ќе го направеја многу држави во светот.
Јас сум да за легализација но прво треба да се промени свеста на останатите кон оваа категорија на луге инаку ништо не правиме ништо. Се додека е ок и повеќе почитувана професија хигиеничарка која чисти нечии измет од некоја која на друг начин им помага на лугето кои не се во состојба да си најдат партнер, се дотогаш е џабе и да се легализира никој нема да сака да биде регистриран како проститутка.
Нееднаквоста во односот на околината.
Додека за жените проститутки се фрла со дрвја и камења кон мажите со иста професија се гледа со воодушевување и се прифатени како херои во околината за разлика од жените нивни колешки.
Значи не само во еден сегмент туку во многу сегменти за иста работа двојно се гледа кога се во прашање мажите и жените.
Затоа предлагам сите оние кои го спомнуваат достоинството на жената проститутка да не заборават да се запрашаат каде е достоинството на мажот кој се занимава со истата работа.

 

Интересна тема. Јас лично, сум за легализација.

Порок е и алкохолот, цигарите, дрогата и кокцкањето, па (со исклучок на дрогата) сите овие работи се легални. Човечките пороци се и те како добар начин за заработување пари, во спротивно ниту една од овие „индустрии“, да ги наречам, не би постоела.

Легализирале или не, проституцијата постоела, постои и ќе си постои и понатаму. Со тоа што нема да се легализира, таа нема сама по себе да исчезне, само ќе егзистира на „црно“, а проститутките нема магично да си го вратат изгубеното достоинство или првобитната улога во животот. Само ќе бидат присилени на работа во многу полоши услови (какви што се сега).

Не само тоа, што е со достоинството на клиентите на проститутките? Демек, морално погрешно е да бидеш проститутка, но да ја посетуваш и плаќаш за нејзините услуги е сосема ОК? Ако сите ние како луѓе би биле толку достоинствени и морални (какви што многу од нас се замислуваат дека се), тогаш проституцијата не би постоела, бидејќи проститутките не би имале муштерии.

Поздрав.

 

не сум некоја која мисли застарено, но нели улогата на жената е да се грижи за семејството, децата, па и за самата неа, да се негува и да изгледа убаво, а не некоја напуфкана и не соодветно облечена во доцните часови да шета по улиците и да се нуди на секој што ќе помине.... улогата на мажот.. хмм па се разбира да допринесува со тоа што ке и помага на жената околу домот и одгледувањето на децата.... како што наведов во мојот претходен пост има и мажи кои се занимаваат со проституција (тука не се вклучени само жените). сакам да кажам дека и мажите не би требале да се џиткаат на првата што ќе им дојде.

скоро сум сигурна дека ниедна жена не би се занимавала со проституција од тоа што сака.. тие што сакаат да се фукаат (се извинувам за изразот) цело време, тие се болни, не ми текнува како се викаше таа болест. никој не би си го продавал своето тело за тоа што му се сакало секс.

 

^ Имаме ептен различни мислења и гледишта за животот тогаш.
Јас не мислам дека нечија улога е да се негува, или да се грижи за некој друг. Секој може да си прави што сака со животот.