Градоначалникот на Истанбул, Кадир Топбас, предупреди дека продолжувањето на протестите во Турција, би можело да ја загрози кандидатурата на Истанбул за домаќин на Летните олимписки игри во 2020-та година. Неколкунеделните анти-владини демонстрации во Истанбул и во другите делови на Турција како да се намалија, меѓутоа Топбас потсетува дека преостанува помалку од три месеца до одлуката на Меѓународниот олимписки комитет (МОК) и ги повика граѓаните да престанат со протестите. „Ние сме во завршни подготовки за презентирање на кандидатурата, меѓутоа доколку инцидентите продолжат, доделувањето на Олимписките игри на Истанбул ќе биде само сон. Турскиот народ губи, Истанбул губи“, вели првиот човек на најголемиот турски град. Ова за Истанбул е петтата кандидатура за организација на Игрите, а противкандидати му се Токио и Мадрид. Сликите со насилство во текот на протестите, кога полицијата со солзавец и со водени топови ги разбиваше групите демонстранти, во голема мера го влошија имиџот на Турција, што претставува сериозен предизвик за понудата. Меѓутоа, домаќините тврдат дека добиле поврати информации од членовите на МОК и преостанатите олимписки официјални лица, кои наводно се „позитивни и полни со разбирање“. Организаторот на Летните олимписки игри во 2020-та година, МОК ќе го избере на 7-ми септември, на состанокот во Буенос Аирес.
порано повеке слободно време и гледав секогаш,али последно време чат пат да сретнам на тв и малце да загледам
Летните Олимписки игри, кои во август ќе бидат одржани во Рио де Жанеиро, по многу работи ќе бидат специфични. Ова се седумте работи кои ги претставуваат во најдобро светло. Летните Олимписки игри, 28. по ред, ќе бидат одржани оваа година во Рио де Жанеиро, во Бразил, од 5. до 21. август. Ќе биде тоа најголемиот спортски хепенинг во 2016. година на кој ќе се соберат повеќе од 10,500 спортисти од 206 земји. Спортистите ќе се натпреваруваат во Бразил на 34 локации во Рио де Жанеиро, како и на пет терени надвор од тој град - во Салвадор, Бразилија, Манаус и Бело Хоризонте. Во организацијата на Игрите ќе учествуваат повеќе од 45 илјади волонтери и 93 илјади вработени лица, од кои 85 илјади ќе бидат ангажирани по потреба на само неколку часа. Официјална маскота на Игрите е Винициус, жолто животинче, кое претставува спој на мачка, птица и мајмун. Името го доби по познатиот бразилски музичар Винициус де Мораес. Маскотата ја претставува различноста на бразилската култура и луѓето кои живеат во таа земја, нивната радост и начин на живеење. За Бразилците организацијата на Олимписките игри ќе биде уште еден голем потфат по Светското првенство во фудбал кое се одржа во оваа земја во 2014. година. 1. ОИ за прв пат во Јужна Америка Игрите во Рио де Жанеиро ќе бидат првите кои ќе се одржат на тлото на Јужна Америка. По нив само Африка ќе остане единствениот континент кој никогаш не ја организирал најголемата и најважна спортска манифестација на светот. 2. Церемонијата на отворање и затворање на Игрите Официјалните манифестации на отворањето и затворањето на Олимписките игри во Рио за прв пат ќе се одржат на стадион кој не е атлетски. Церемониите ќе бидат организирани на славната „Маракана“, светскиот фудбалски храм, кој има капацитет од 90 илјади места, со можност на проширување на уште 10 илјади места. Интересен е фактот е тоа дека секој стадион, на кој ќе бидат организирани натпреварувањата ова лето, освен стадионот Мурамби, беше користен за Мундијалот во 2014. година. 3. Борилишта На Игрите во Рио натпреварувањата ќе се одржат на 34 борилишта. Во моментов 18 се целосно опремени и функционални. Грото натпреварувања ќе се организираат во самиот Рио, и тоа во четири окгрузи - Бара да Тижука, Деодора, Копакабана и Маракана, додека фудбалскиот турнир ќе биде на различни стадиони надвор од градот. 4. Олимписко село Олимпиското село во Рио де Жанеиро се простира на површина од 185 хектари. Сместено е во елитниот дел од градот, Бара да Тижука, каде живеат најбогатите луѓе во Рио. Во олимпиското село се наоѓаат 48 повеќеспратници, со 9,480 соби и 17 илјади легла. Секој од апартманите кој ќе го користат спортистите од ширум светот, но членовите на делегациите, ќе се состојат од три или четири спални соби. 5. Медали и нови спортови На Олимписките игри во Рио де Жанеиро ќе бидат поделени 306 медали во 28 спортови. Два нови спорта ќе се најдат во програмата на 28. Летни Олимписки игри - голф, кој се враќа после цели 112 години, и рагби седум. Голфот во 2009. година на конгресот во Копенхаген доби „зелено светло“ да се врати меѓу олимписките спортови во Рио, после паузата подолга од еден век. Претходно последен пат голферите настапија на ОИ во 1904. година. На натпреварувањето во голф, кое ќе трае четири дена, ќе настапат професионалци и аматери, во машка и женска конкуренција. Прв пат на Игрите ќе настапат и натпреварувачите во рагби седум, игра која за разлика од стандардните 15 брои седум членови во секоја екипа. Рагбито последен пат член на олимписката програма бил дел од Игрите во 1924. година во Париз, и тоа во стандардната варијанта со 15 члена, а во Рио ќе учествуваат по 12 машки и женски репрезентации. 6. Реновирање Бразилците мораа да обават големи градежни зафати во пресрет на ОИ. Во Рио осбено се работело на подобрување на транспортот. Направени се две нови метро линии и изградени се шест дополнителни станици поради ОИ. Тој гигантски зафат е завршен во декември 2015. година. Со реновираниот транспортен систем дневно ќе може да се превезат 230 илјади патници за време на одржување на Игрите. 7. Трошоци Организацијата на Олимписките игри во Рио ќе чини 37,6 милијарди реали, односно 8,6 милијарди евра. Околу 5,5 милијарди евра се потрошени на инфраструктура, 1,5 милијарди на спортски терени, а 1,6 милијарди за оперативни трошоци на грандиозното случување. Владата на Бразил вложи само околу 1,5 милијарди евра за изградба на Олимпискиот парк во Рио. Просечната влезница за следење на натпреварите во Рио изнесува 40 евра. (превземено од спортклуб)
Ноќеска го изгледав целото отворање, добар спектакл за помалку пари од вообичаено, ми се допадна особено првиот дел, при претставувањето ми здосади, многу земји се. Сега гледам бокс
Каков спектакл беше отварањето... Не ме остави да заспијам, цело го изгледав. А сега ќе видиме спортистите како ќе се покажат.
Освен МРТВ, каде може да се гледаат игриве? Претераа со ова екипниве спортови. Преку целата година им фалат ракомет, кошарка, фудбал, па едвај чекаат и на олимпијада да ги дадат. Има толку други спортови кои воопшто не се застапени на програмата и единствена шанса да се гледаат се олимпискиве игри, ама не... ракомет, фудбал и кошарка мора да има!
Па фудбал, кошарка и ракомет се најгледани спортови, и нормално е тоа најмногу да се дава, а јас тоа и најмногу гледам, инаку Олимпијадата се пренесува и на други телевизии, зависи на која кабелска си, пошто не се исти каналите на сите кабелски.
Можеби се најпопуларни, затоа и ги има преку цела година. На олимпијата, јас а и многумина што ги знам, сакаат да гледаат и други спортови кои што не се застапени преку годината. Плус, ова екипниве спортови траат со саати. Беспотребно потрошено време. Можеле да дадат дел од мечевите, ама не... Они ги пренесуваат во целост и квалификации и се. Срамота, само тоа ќе кажам. А да не зборам што турнириве на фубал, кошарка и ракомет се далеку потпросечни на олимпијада, отколку првенствата и шампионатите на истите. Бледи се.
Па добро секој со свое мислење и со свој вкус, јас покрај овие три спорта, гледам понекогаш и тенис, атлетика и пливање а останатите спортови многу ретко, а инаку само фудбалот е подпросечен затоа што настапуваат играчи до 23 години ама кошарката и ракометот се на исто ниво како и на Светско или Европско.
Најверојатно првите денови позастапени се екипните спортови, друго досега фатив само стрелаштво. Најмногу на ЛОИ сакам да гледам атлетика, гимнастика, пливање, скокови во вода, ама овие натпревари почнуваат покасно, атлетика почнува од 12.07.2016. Еве го и распоредот: Spoiler: Распоред
Гимнатстиката (еден од моите омилени спортови) е веќе започната, ама за жал тешко дека ќе ја има на МРТВ. А и да ја дадат кој ќе коментира? Калински? Немаат кадар за вакви спортови. Исто и скокови во вода многу сакам, ама и тоа тешко дека ќе го дадат. Ми фали Еуроспорт и нивното емитување на ОИ. Не знам зошто се откажаа. Штета.
Кажете ми на која програма да ги гледам натпрварите ракомет? Очигледно на мтв 1 не даваат а јас само ради ракометот ги гледам олимписките..
Не ја даваат на еуроспорт? Мене ми цркна ресиверот и немам тв, а сакав пливање да гледам, ама и така на мтв само 15мин даваа. Па мислев на еуроспорт има барем.
