Лефкада (Грција)

Бил некој преку Магелан со турите што ги организираат (party boat trip) како сте задоволни?

 

Еве неколку фотографии од Лефкада кои ги направив на последниов одмор и ми разбудија прекрасни спомени:
1. Порто Кацики

2. Катисма

3. Поглед одозгора, некаде во близина на Агиос Никитас

4. Мегали Петра

5. Василики

 

Еднаш и никогаш повеќе на Лефкада.Освен куќата што ја имавме изнајмено со прекрасен поглед друго ништо не вредеше.Ова е мое мислење.

 

А каде вреди според тебе? Нормално за наши услови.

 

Пефкохори ми е најубаво.Имав и во таа тема пишано.

 

Ве молам некој да ми одговори
Сум била во Лефкада но поодамна, 1ва средно(пред 6 год), го памтам местото колку беше убаво но бев со кола со моите родители.
Сега сакаме да идеме со дечко ми летоска и главна дилема ни е дали да одиме со кола или со автобус. Он неќе да ја зима бидејќи сакал да може да пие пивце на раат а не да се секирал за колата па паркинзи па ова па она. Јас знам дека со моите прошетавме на сите плажи и дека беа доста одалечени и нема шанси да одам така без ништо. Греота е да отидеш до таму а да не изнашеташ.
Значи прашувам дали некој знае за цена на изнајмување моторче или кола? И одприлика автобуска карта бидејќи сигурно има и автобуси?
Фала ви однапред, се изнапишував јас

 

Точно за местото не знам за плажите и се тоа, ама можам да ти помогнам за автобуси до Лефкада пошто знам бајаги за транспорт низ Грција особено со автобуси. Со еден автобус ќе треба да одиш од Скопје до Солун иако би ти препорачала да идеш со воз, јас и лани и годината пред тоа бев со воз и многу е интересно и авантуристички. Автобусот од Скопје до Солун особено преку лето е катастрашно според мене(гужви, нема клима ...)По летен возен ред за возови има сабајле накај 5 низ Скопје што поминува(од Белград трга) и обично до кај 9 10 сабајлето стигнува(освен ако има некои проблеми или како што беше задниве 2 години со имигрантите и цела таа ситуација, коа се идеше со воз до гевгелија па те собираат со посебен организиран автобус и те носат до Солун). Од Солун до Лефкада еве возен ред за автобуси за летово
http://www.ktel-lefkadas.gr/?module=site__downloads&view=116&lang=en
Во еден правец карта е 38,50 евра. Според мене грчките автобуси се супер, точни на време, со клима се секогаш. Се надевам ти беше од помош нешто од ова што напишав.

 

Фала мила, не ти е лоша идеава. Јас не напишав убаво, мислев на автобуси низ островот дали има за дали се исплати така повеќе за идење до плажи или пак да се изнајми моторче. Инаку преку агенцијата штп гледам за смештај имаат организиран превоз за 50€, така да океј е со цената

 

Ааа е па чим е со организиран превоз ич не му ја мисли најубаво е така. Ја тука ти објаснувам некои авантури хаха

 

Ми се допаѓа што така размислуваш хаха
Инаку јас сега се мислам дали да го натерам дечко ми кола да пали или таму да изнајмуваме... нека пише цени некој за кола ајдее

 

Каде планирате да бидете сместени? Ако сте во Нидри, автобус не ти се исплаќа. Не се сеќавам точно зашто не користевме, ама доаѓаше поскапо од моторче, плус ја немаш таа слобода. Моторче 10-15 евра дневно, џабе. Ако сте таму ќе ти пишам од кај да изнајмите, човекот беше ептен фер. И најефтин.

 

Преку агенцијата имаат за Василики, Нидри и Никијана. Наш избор е каде сакаме, така да уште се немаме одлучено

 

Никијана е многу досадно место, нема ништо таму. Василики - убавите плажи ти се поблиску, но местото е пак досадно. Нидри е многу интересно местенце. Нема убава плажа, па моторче е задолжително. Ама и поубаво затоа што имаш шанса да го прошеташ цел остров. Дење не бевме воопшто тука, а навечер местото добива живот. Мене ми беше пресимпатично селцето.

Поубаво би било само во градот Лефкас, можеби. Ама кога би одела пак, пак би го одбрала Нидри, навечер ми беше попријатно отколку во Лефкас. Тој што бил во Агиос Никитас, ќе ти каже Нидри никако. Секој со своето.

На западната страна сместувањето е супер зашто плажите ти се тука, ама па навечер таму нема што да се прави. Вака или онака, моторче или кола е задолжително за на овој остров.

 

Фала ти на многу на одговорот, таман бевме во мисла сега можеби полесно ќе се одлучиме

 

Со кола е најубаво дефинитивно.Ама зависи како ви е замислен одморот. Во право е феминката што ти пиша,секој си кажува од свое искуство. Ако си отиден да се прошеташ и да ги видиш плажите со кола оди си кога сакаш и каде сакаш. Ма плажа пиј пиво,ќе ти испари додека да си одиш.Ние бевме Катизма сместени,навечер шеткавме агиос никитас ама цел ден по плажи кога ке си дојдиш ке сакаш да одмараш... Западната страна е со плажите Според мене тоа е богатството на тој остров.Со кола кога сакаш и кај сакаш одиш и кога сакаш тргнуваш. Ние само два пати плативме паркинг во нидри кога одевме на крстарење за на сигурно и под сенка да р колата цел ден инаку по плажите не плаќавме,ебаго ќе одиш 50м подалеку не е проблем. Уште сто лета сакам да ги поминам таму <3

 

Здраво, во јули ќе одам во Лефкада, сместени ќе бидеме во Нидри. Сите јаки плажи се од другата страна од Нидри, но ќе идеме со кола па во план ми е да ги видиме сите најпопуларни плажи.
Дали може да ми препорачате некој ресорт или хотел/вила, каде што има бар и базен и поглед на море и е дозволен за посетувачи да одат на пијачка? Фала

 

Здраво...лани дилемата беше за лефкада или закинтос и бевме закинтос ама оваа година сакаме лефкада...гледав за сместување вила ионио мислам беше е сега дали има таму од каде да се рента кола и на кои плажи има барови и лежалки за да знам да бидам спремна не да се печам цел ден без чадор...и последно многу сакам да летам со параглајдер на кои плажи има и која е цената ако некој знае...и дали ми е добар изборот на сместување кажете ми каде е најдобро...

 

Феминки, ве молам да пишете корисни информации од типот - пристап на плажите во Лефкада.
Егремни нема пристап после земјотресот, најубаво е со такси на вода или бродче.
Како е ситуација за другите?

 

Ќе бидеме сместени во Нидри, па ако може да ми кажеш каде да изнајмиме моторче за 10-15е?

 

На сите други пристапот е лесен со кола,освен до Милос, пешки по планинче, ама не е страшно вреди да се види,само избегнете жешки саати за пешачење и обавезно чадор,нема ни дрвце ни ништо на плажата.Плажата од Агиос Никитас супер,Порто Кацики топ,рај, на места се вози низ тесничок пат, ама нас ни беше уживанција,некаде низ шума,некое селце убаво. Катизма исто преубава и голема,плажата на Василики ја видов приквечер само еднаш, па не знам точно,имало многу сурфери велат, има и други диви убави плажи што се супер,е сега некои лесно се наоѓаат,за некои треба да ве упати некој.
Ти праша за пристап јас се занесов ти пишав и какви се,може си била веќе, небитно,пристап има после земјотресот до другите.Има и до Егремни ама треба да слегуваш по разурнат пат еден саат,а за нагоре сигурно повеќе.