Леќа. Спојлер Леќата се вбројува во групата на зрнести мешунки заедно со гравот, грашокот, бобот и наутот. Има околу 40 сорти на леќа, кои ги разликуваме според бојата, големината и обликот. Кај нас најчесто се подготвува кафеавата леќа, а може да се најде зелена и црвена. Леќата била одгледувана уште во младата камена доба, а се претпоставува дека потекнува од jугозападна Азија од каде преку Средоземјето се проширува и во Европа. Се претпоставува дека леќата била првиот продукт кој почнал да се одгледува. Пред 8000 години е пронајдена на археолошките наоѓалишта на Блискиот Исток, а ја имаат најдено и во гробницата на Египетските фараони. Ја одгледувале старите Грци и Римјани, а се споменува и во Библијата. Лековитост. Леќата не содржи заситени масни киселини, ниту штетен холестерол, а е извонреден извор на растопливи и нерастопливи влакна. Растопливите масла го намалуваат нивото на гликозата и холестеролот во крвта, со што се намалува потребата за инсулин кај лицата заболени од дијабетес. Нерастопливите влакна ја подобруваат "столицата". (преземено од kulinar.mk) Сите знаеме дека таа е здрава да се конзумира, но ретко кој од нас ја сака. Јас пример имам јадено само еднаш и тоа кога сум била на гости, во вид на чорба, едвај и да и го памтам вкусот па затоа не ни знам дали ја сакам или не. Така вчера ја видов и купив од тинекс за да им направам на моиве, брат ми никогаш не пробал, арно ама врска си немам како се прави Па ја јадете или не ја јадете? Ви се допаѓа ли? Споделете и некој рецепт ...
Обожвам леќа.Еднаш неделно дом ајадеме обавезно.Мајка ми ја спрема па иде некако вака: пропржува кромид,па ја става леќата со вода да се вари,става и доматно пире.При крај на варењето става црвен пипер и вегета.мф мф мф
Мене па ми е слатка леќата. Не правиме дома којзнае колку често, ама кога веќе е тоа на мени не ми е проблем да јадам. Ние ја правиме со пушена сланина, јас купувам од тие вакумираните исечени на парченца што се и ги сечам на коцкички, многу убав шмек и даваат на леќата. Ставам да се вари леќата со кромидче и со сланината. Откако ќе се свари додавам зачини (веѓета, буковка), додавам запршка, малку провира пак и леќата е готова .Исто со леќата иде и лукче обавезно, па ставам и тоа само што не го сецкам, туку ставам цели излупени чешниња. И да, јас ја сакам погуста .
Kaко што јас умеам да ја направам леќата, така мајка ми никогаш ја нема направено. Затоа секогаш кога и одам на гости или кога таа доаѓа, бара ручек леќа Мојот маж не ја многу сака, ама јас ја обожавам. Ја правам на следниов начин: 1-2 зелени пиперки (свежи или замрзнати) 1 патлиџан (или доматен сос) 2 компира помали 2-3 моркова мелен лук сол, вагета, црн пипер колбаси на Меин Ја измивам леќата добро и ја ставам во ладна вода и потоа на шпорет да се вари. Пред да почне да врие ги додавам состојките. Леќа ставам кога како ќе ми дојде, најчесто пола ќеса за еден ручек (ама секогаш од онаа на Сончева долина-највкусна е и најбрзо се вари). Пиперките и компирите ги сецкам на ситни коцки, морковот и патлиџанот ги рендам. Сето ова измешано го ставам во водата со леќата. Меле0иотн лук и останатите зачини ги ставам откако ќе зоврие водата. Сето ова се вари некаде околу пола час на не многу силен оган. Откако ќе се свари, ги потпржувам претходно исецканите на трклаца колбаси и ги ставам во леќата (заедно со зејтинот). Во едно филџанче ставам малку вода и пола лажица брашно и откако ќе се соедини смесата и ќе нем,а грутки истурам во манџата. Додавам и една лажица црвен пипер. Сето ова заедно врие уште 5 мин на слаб оган. Е па бон апетит.
Ах леќа ... Едвај чекав да дојде денот кога ќе имавме леќа на менито во градинка. Со сласт ја јадев, уф прекрасно! Кога почнав на училиште, колку и дрндав на мама за да ми направи таква леќа, само таа знае. Проба 2 пати - ништо, не е тоа тоа. Кутрата отиде во градинка рецепт да побара, па направи леќа по истиот рецепт и кога виде дека нема фајде, дека не е истата - се откажа. Ахх сега како би пошла в градинка и како би изела една чинија леќа ...
Јадам леќа ама не дека ми е нешто многу омилена.Ок е,мајка ми ја прави вкусна но,мене многу ми го дуе стомакот Одпосле ми е како балонче и тешко ми е,поради тоа и не ја јадам нешто многу често.
Кога бев малечка, леќата ми личеше на б-комплекс апчиња Никогаш не сум ја сакала, иако татко ми постојано ме убедува барем да пробам. Никогаш немам ни пробано, едноставно одбивна ми е
Златно село бре Благодарение на тоа што поголем период од моето детство поминав во село јадам се. Леќа почнав да јадам кај баба во село, а мајка ми тука не ја готвеше. И така тие три месеци во село ја јадев со се и сешто, со сланина, чварки, риба... Пред година две и се сипавме со сестра ми на мајка ни зошто тука не ни готви, па почнавме да ја имаме барем еднаш на две недели. Радо би јадела леќа него грав. Мајка ми и тетка ми ја подготуваат на различен начин и има различен вкус, но мене секако ми е превкусна.
Леќа е една од најдобрите јадења и најздравите, секоја чест за тие што може да јадат, на приемр јас како и многумина познати неможеме да ја поднесеме
Не ми е од омилените јадења, но јадам одвреме навреме, затоа што знам колку е корисна. Не е превкусна, но не е ни до толку лоша.
многу ми е вкусна,мајками никогаш не ја готви,али јас почнав многу често да ја готвам и знам дека е многу здрава,и корисна што е најважно не е тешка за организмот за да ја обработи,за разлика од гравот сега ке си зготвам , добив идеја од форумов