Литературни муабети

Дајте не паѓајте у несвест, книги се поплавие, а не човек. Жртви нема. Книги се печателе, се печатат и ќе се печатат. Бизниси растат, бисниси пропаѓаат. Знаете колку ниви беа уништени од градот? Па никој не споделува да им се помогне на земјоделците. Едно чудо бизниси секнаа и се родија оваа година.
Лани откако расцветаа кајсиите, замрзнаа и скоро ниедна не роди. Знаете колку луѓе останаа без приход таа пролет?
Бизнисот е ладен и суров. Мора свесно да влезеш во него и да си ги пресметаш ризиците, да ги согледаш можностите, побарувачката и потоа да влезеш храбро, со сосема реална можност дека и тоа нема да ти успее. И кога ќе паднеш, пак да станеш, да ја истресеш правта и пак да продолжиш храбро. Тоа е патот на чесно успешните луѓе. После 4-5 паѓања, едно ќе ти успее и ќе го развиваш тоа.

Зошто да плаќаат осигурување секој месец? Поефтино е на фејсбук да си собереш донации

 

Неспорен е делот дека бизнисот носи ризик. Нормално е секој што почнува бизнис да знае дека постои можност да не успее или нешто да се случи ама ова е сепак временска непогода.

Не можам да ти го сфатам ставов и зошто мора секоја несреќа да ја претвориме во натпревар „кому му е потешко“. Тоа што нема човечки жртви е најважното и никој не го оспорува тоа мислам фала богу ама побогу дали тоа значи дека не треба да покажеме емпатија кон луѓето на кои им е уништена работа што ја граделе со години?

Исто така, тоа што земјоделците честопати не добиваат доволно внимание е проблем сам по себе. Но, решението не е да ја правиме помала штетата на некој друг. Треба да бидеме погласни и кога страдаат земјоделци, и кога страдаат мали бизниси, и кога кој било чесно работел и преку ноќ останал со загуби вакви.

Сепак на крајот не мислам дека е слабост да покажеш солидарност и емпатија па да се даваат вакви коментари.

 

Прво, никој никаде не спомна осигурување.
Второ, свесни се дека секој бизнис носи ризик.
Трето, ова што им се случи на Антолог не е виша сила и непредвидено, туку причина е човечки фактор - пред се' урбаната мафија со непланското градење што придонесува постојано да се случуваат вакви поплави при летни бури во последниве неколку години. Не се излеа Вардар па да биде природна непогода, беше обичен летен дожд, и со нормална инфраструктура и одржување немаше воопшто да се случи ова. Исто како за Стајковци, поплавата на Ист Гејт и редовното поплавување на важни сообраќајници во Скопје при малку посилен дожд - за се' причина е човечки фактор и никој не може да ме убеди во спротивното. Да не беше Скопје, во случајов Кисела Вода, бетонска џунгла, да имаше зелени површини и функционална инфраструктура, ова немаше да се случи. 100% сум сигурна во тоа.

Треба одговорност да сносат надлежните, ама ќе биде битка со ветерници за Антолог, и затоа верувам дека ќе се фокусираат на тоа да се средат колку толку. Правни битки да повлечат, нема шанси да добијат отштета, имајќи предвид колку се корумпирани и испреплетени кај нас институциите.

 

Повелете во продолжение предлози за супер трилери во издание на Антолог.

(Ве молам имајте во предвид дека повеќето се серијали па најдобро би било да се читаат по редослед)

Луис Пени:

• Мрачен мотив
• Мртва ладна
• Најсвирпеиот месец
• Правило против убиство

Ирса Сигурдардотир:

Серијал Детската куќа

• ДНК
• Пресметка
• Карпа на бесилките
• Ослободување
• Куклата
• Штама

Плен (самостојно дело)

Серијал Дора Гудмунсдотир

• Последниот ритуал
• Украдени души

Серијал Црн снег

• Не можеш да се скриеш
• Не заборавај на мене

Долорес Редондо

Бастанска трилогија

• Невидливиот чувар
• Заветот на коските
• Дар за бурата

Северната страна на срцето (ретропродолжение на трилогијата)

Сето тоа ќе ти го дадам

Што и да се одбере од Рајли Сејгер нема да се згреши, но особено топла препорака за „Дома пред да се стемни“
Фредрик Бакман исто, фантастични дела, но „Човекот по име Уве“ е нешто прекрасно!!! Кој не ја прочитал мора да ја чита! Исто и „Баба ми ве поздравува и ви се извинува“
Внимавајте само со Мечкоград, тоа е серијал од три книги кои се директно поврзани- прва е „Мечкоград“ па „Ние против вас“ и завршува со „Победниците“

Топла препорака и за книгите од наша авторка- „Случајот Чернобог“ и „Сукубус“ на Катерина Шошко

*****
@Mishela, ја имам читано „Моите пријатели“ и ок ми беше. Во суштина е тажна, ама има многу хумор во раскажувањето. Ако генерално ти се допаѓа Бакман, ќе ти се допадне. Мене пример Мечкоград ме уби поради темата, пријателите ми беше многу полесна за читање.

 

Не гледам зошто да не се помогне на книжарница. Не е некој голем бизнис на големец, па да си викаме дека сами ќе се снајдат.
Имам прочитано 3 книги од Антолог. Преводот е солиден.
Баш ќе си разгледам за да купам повторно.

 

Јас ја читав пред некое време на англиски, почетокот беше доста спор меѓутоа испадна една од поубавите книги на крај. Би препорачала обавезно да ја читаш иако е тажна, меѓутоа испреплетена е со многу љубов, мудрости и баш е во негов стил. Обавезно да ја читаш.

Јас моментално ја читам “Човекот по име Уве” и сум воодушевена, многу ја сакам книгава а сум на 100страна

 

Моја препорака, освен наведените погоре, се и книгите на Ахмет Умит, било која од нив.
Човекот е одличен раскажувач, сигурна сум дека на љубителите на крими тематика ќе им се допаднат.

 

Ги земав вчера од Антолог, се изнаправивме муабет со вработените и ми се заблагодарија ептен за поддршката. Си го надминав лимитот за купување книги за месецов па затоа земав само две, следен месец сигурно ќе земам уште две три од Бакман.

 

Како се одлучувате што следно да читате? Јас изгледа премногу размислувам. Понекогаш кога немам да ми се допадне книгата, се каам што безвезе времето сум си го потрошила.

На пример, сакам да го исчитам "A Court of Thorns and Roses" серијалот, сакам да се посветам и на руска литература, истовремено ме привлекуваат еден куп 'трендовски' книги ко "I Who Have Never Known Men", "Pachinko", итн.

Толку многу книги за читање, толку малку време.

 

Ако те теши иста сум и јас. Кога имам повеќе време читам повеќе и побрзо, сега моментално ја читам A free food for millionaires од авторката на Пачинко и ептен ми се свиѓа а немам време да ја читам, 600 страни е.

Инаку јас зависно од моодот ги одредувам, пример ако сум читала некоја ваква тешка и долга книга отпосле зимам нешто полесно да разлабавам мозок и така најчесто, некогаш знам да затерам со тешки книги две три па пауза да правам со чик литература

 

Многу ми се свиѓа ова со влечењето ливче, ќе го испробам и јас за наредна книга

 

Јас не читам на киндл, имам список со книги кои сакам да ги прочитам и нон стоп го дополнувам, и одам според списокот и месечниот буџет колку книги можам да си купам. Некои книги и ги нема на залиха подолго време па тоа ме нервира ама чекам и проверувам.

 

Јас поради истиот притисок и неодлучност почнав да читам тоа што е оставено на полиците во библиотека - рандом. Буквално и судам на книгата по корицата Сега сум и бремена и мојот pregnancy brain не може да се оптеретува со правење уште еден избор. Плус фино е за буџет - не трошам пари на книги, фино за простор дома - веќе немам место на полици и финално - ако не ми се свиѓа книгата имам помала грижа на совест да ја вратам недочитана него да ја влечкам со читање дека ми е купена

 

Ја бирам книга некогаш според наслов и кратка содржина, некогаш според препорака од форумот или некој од моето опкружување, некогаш според боја на корицата а некогаш за изборот се консултирам со AI, барам препорака за книга слична на книга што сум ја читала, а ми се чита во моментот.

 

Си разгледувам и запишувам што најмногу ме влече во даден момент.
Некое време или се држам до ист автор или ист жанр. Тоа ми помага.

 

Сè ме влече.
Освен романтични новели.
Не знам шо попрво.