Литературни муабети

@MissChievous, моите 10 before the end книги ќе бидат сите од Гудридс предизвикот, оној што доделува виртуелно букмаркерче кога ќе прочиташ некоја книга.
Обично кога излегуваат новите тримесечни предизвици, си ги запишувам сите наслови од ТБР што ми се поклопуваат со дадените листи, па си читам од тоа купче. Засега имам неколку од таму, ќе излегуваат уште па ќе дополнувам. Ептен ми дава мотивација да читам книги на кои сум им кликнала want to read и останало на тоа со месеци, да не кажам со години.
Чекам да излезат уште некои 2-3 книги од автори што ги сакам и тоа ќе биде отприлика.

The Hunger Games серијалот е ОДЛИЧЕН! И јас го читав пред некоја година, додуше ги пројдов само трите основни книги од серијалот, ама сепак супер ми беа. Мислам дека првата книга ја смачкав во едно попладне, до толку ме навлече.
Последната од трилогијата најбавно ми одеше. Сакам да ги читам и другите две, ама сега сум "зафатена" со други книги па, ќе почекаат.

 

Морам да признаам дека вакви предизвици ја вадат бубалицата од мене.
Fall challenge се вика. На ГР апликацијата стисни на My books, потоа на годишниот Reading challenge и ќе ти излезе под него делче со Fall challenge кај што можеш да ги видиш сите букмаркерчиња во challenge details. Забавно ми е, ја чистам листата на книги со ова.

 

Имам читано дека слободно може да се започне со Foundation. Само неа ја имам, па ако го започнам серијалот, би почнала со неа и би одела по датумот на издавање затоа што така ми е поубаво. И да има напред-назад, ми се чини дека секако ќе се вклопиш.

 

Да видиш во Bad wolf. Мислам дека можеше да се прават нарачки, да ти ја нарачаат откај нив па да си ја земеш.
А за пиратерија, одма ќе ја најдеме електронската верзија ако не ти треба печатено издание.

 

Ја почнав Јапонска готика и баш ме нервира тоа раскажување во трето лице еднина.
Има потенцијал, ама малку ми е distant тој начин на пишување зашто прави да се осеќам ко да стојам пред стаклено ѕвоно под кое е затворено дејството од книгата и како од таму да ги набљудувам случувањата...

Од друга страна, се сметам за бавен читател. Сакам да талкам низ реченици, да подвлекувам, да запишувам, да препишувам реченици, да барам некои аналогии, симболика, да го набљудувам јазикот кој го користи писателот. Некои книги се за густирање, како чаша добро винце што ја тегнеш долго, долго.
Брзо можам да читам само доместик трилери. И сè што напишала Кристан Хигинс, хаха. Ама најчесто психолошките трилери ги читам доста брзо затоа што ми се активира чувството на нетрпеливост, ме копка да дознаам што се случило, односно, да видам дали теоријата што сум ја замислила ми е точна.

 

Не велам дека не вреди, само стилот на пишување не ми е баш по вкус. Приказната и замислата ми се убави, ама реализацијата не е тоа тоа за мене.