Лоши искуства со непознати луѓе

Бев во Веро, ми пријде едно непознато момче, сакаше да се запознаеме. Се обидував да го откачам но беше премногу напорен и досаден. И ајде се запознавме, ми рече ајде ќе одиме во луна парк Ме праша дали имам дечко, па дека ако сум била со него ќе ме правел многу среќна бла бла. Јас му реков дека има кој да ме прави среќна, а тој цело време некоја тажна фаца имаше, поточно очајна. Постојано кажуваше дека сум многу убава и на крај се обиде да ме смува, јас го оттурнав и заминав. Тој доаѓаше по мене и ми се извинуваше, и јас се свртев и силно викнав да ме остави и да не ме замара. Бевме меѓу луѓе, се прашував дали некој од нив ќе реагира ако тој продолжи да се однесува така, но после тоа јас заминав и тој престана да ме следи. Една година после тоа повторно се сретнавме и тоа на истото место, ме праша дали може да се запознаеме реков не и си продолжив како да не е ништо, а тој пак по мене и ми рече извини за претходниот пат. Си преминав улица и кога се свртев за среќа го немаше.

 

Ахахахахахах ако немаше дечко ќе сакаше тој да ти е? Убав ли беше а и кај се барало женски така

 

@angelche16 мислам дека не сум единствена на која и пришол на тој начин. Грозен беше инаку, а и не знаеше да сврзе реченица.

 

Секогаш кога искачам ми приоѓаат оние со колите ко ненормални,и само дофрлуваат нешто..буквално секогаш.
Незнам,но имам страв од такви луѓе,и кога и да сум сама а човек да оди позади мене сам(па уште и во црно да е),незнам,се штрецам ко улава,а можда и не е толку страшно како што ми изгледа мене,ама тоа е(инаку не сум од оние што мислат дека цел свет се врти околу нив,но во тој момент кој не би помислил)..

 

Еднаш, има од случкава можда 6, 7 години (уште средно одев) ми приоѓа една госпоѓа (жена околу 40тина год.) дотерана, средена и ме наоѓа на улица (не многу фреквентна) и ми вика: „Дечко те молам ако имаш на моб. кредит треба да се јавам дома на маж ми“.
И одговарам нема проблем госпоѓо, сврте фиксен број (од сосема друг крај на МК) од градот во кој живеам и таман ко се јави човекот (дали и беше маж незнам) ми вика: Те молам сега ти зборај му - Јас одбивам,
Продолжува и понатаму те молам кажи му ми вика дека сум со жена ти - Јас дај му викам и го земам тел. и исклучувам. И ми вели на крај „Аабе дечко бе, сакав само љубоморен да го напрам, а шо убо дете си и слика ќе му пуштев сликана заедно со тебе нека цркни“.
-Е, му викам има поубај момци ќе најдиш тука стопати пољубоморен ќе е (Баже, или Блаже-чоекот на кој му се јавуваше) отколку да се сликаш со мене.
И за среќа бројот од каде се јави госпожава изгледа немаше идентификатор па не ме побара кој ќе објаснуваше ситуации.

 

Еднаш имав едно непријатно искуство во една продавница за сувенири во моја близина. Имаше нова вработена а јас одбрав една рамка за слика која ми беше потребна и ја замолив да ја стави во кутија. Трбаше да ставам слика и да ја подарам. Ми даде една кутија целата искината. И реков дека е за подарок и ја замолив да ми даде нова кутија. Таа безобразно ми ја зеде од раце рамката и со дерење ми рече дека ако не ми се допаѓа кутијата да си одам во друга продавница. Јас тоа и го сторив а за неколку дена дознав дека ја избркале, испадна дека имала некои психички проблеми и некои напади.
Исто така еднаш се шетав со една другарка и на сред плоштад во Ск. покрај нас помина постар тип на точак и ни дофрли нешто навистина безобразно. Потоа кога се распрашавме испадна дека бил доста познат манијак и дека често го правел тоа. Не ми е јасно само зошто ако е познат манијак полицијата не му го дотерала паметот, за што ли служат се прашувам...

 

Имам полно вакви случки со чудаци, незнам од каде да почнам...
Во една од поголемите дискотеки во државава имаше доста гужва и еден слепец користеше прилика и ме факаше за газ. Не знаев кој е, не бев сигурна, можеби ќе нападнев некој ни крив ни должен и решив да демнам, си викам кај два пати , овој и трет пат ќе пушти рака. Кога еден смрдеш пушта рака, право на кај мене!
Кога го повлеков, па кога му мавнав два три бокса, му се стемни, башка и ситен беше како мува спрема мене!
Се осрами од другарите зашеметен од боксирањето само им рече : носете ме надвор!
Еден лигуш седи качен на ѕид со уште еден како него и ми вика сум била како мазга.
Кога го см'кнав од ѕид па кога му закачив два шамари, другиов само почна да вика: ама ја ништо не ти реков!
Само што тргнав од местото на настанот иде таткото на лигушов и ме поздравува и ми вика што правиш? Само му реков:еве до сега го шамарев син ти! ме погледна бледо, мислеше се зезам ! Овој познат ми беше, ама ситуацијата незгодна затоа решив да ја раскажам. Башка, по неколку дена ми се извини.

 

Со сестра ми бевме во ГТЦ и се симнувавме по скали. Една жена симнувајќи се ја бутна сестра ми. Јас одма реагирав, а жената имаше изговор дека се брзала. Јас и реков дека културно можела да замоли сестра ми да се тргне. Замислете.... Се симнуваме и мажот на госпоѓата ми се развика. Ми вика.. Ако ти дојдам таму ќе те истепам. Јас му се развикав и му реков... Дојди истепај ме. Сељак еден. Како не му беше срам на младо девојче да се заканува. Смрдле едно. А луѓето што беа во трговскиот останаа зачудени.

И во пошта имав случка кога беше короната. Си застанав на ред и одма добив коментар од еден 'господин' - Каде одиш преку ред? Јас сум пред тебе. Му реков - Па што не си стоите во редот. Он ми вика - Ти ќе ми кажеш кај да стојам. Само отиди преку ред и ќе те истепам. Тие двајца за мене се насилници. Идиоти.

 

По форуми вака што сакаат да се расправаат

Последно што ми текнува, една касиерка во маркет ме праша кај работам. Не и одговорив, што и е нејзе гајле. Ако ме гледа еднаш во две недели, не значи дека "се знаеме".