Луиџи Манџоне - убиец или револуционер?

Апсењето на Луиџи Манџоне за убиството на извршниот директор на UnitedHealthcare, Брајан Томпсон, предизвика шок во јавноста. Како 26-годишен развивач на апликации и дипломец од престижен универзитет, Манионе се чинеше дека има блескава иднина. Неговото искуство вклучува иновации во машинско учење и роботика, но овој трагичен настан фрли темна сенка врз неговите достигнувања.

Кој беше Луиџи Манџоне?

Роден во Балтимор, Манионе беше извонреден студент и валедиктор во неговото средно училиште. Неговите универзитетски проекти опфаќаа развој на видеоигри и програмирање на роботи, освојувајќи го вниманието на технолошката заедница.

Што го поттикна на убиство?

Мотивите зад неговите постапки остануваат нејасни. Некои шпекулираат дека финансиски спорови или лични проблеми можеби го довеле до ова, додека неговото онлајн присуство открива потенцијални здравствени и идеолошки борби. Истражувањето сè уште трае.

Јавната реакција

Јавноста е поделена. Некои го гледаат како личност со скриени проблеми, додека други се изненадени дека еден таков талентиран човек би можел да направи ваков чин. Социјалните мрежи се полни со гнев, сочувство и прашања.

Урокот од трагедијата

Оваа приказна потсетува дека успехот не е гаранција за морална исправност. Случајот отвора важни теми за менталното здравје, работните односи и притисокот врз таленти
раните индивидуи.

 

Што мислите вие за ова убиство и ликот и делото на Луиџи Манџоне?

Дали неговите мотиви се оправдани и треба да се продолжи да се дејствува со насилство кон личностите во врвот бидејќи ненасилни протести не вродуваат со плод.

Или пак мислите дека е само еден обичен убиец, огорчен од животот и неговата медицинска состојба, па решава да превземе вакви чекори?

 

What Luigi Mangione's social media accounts reveal about him

https://www.standard.co.uk/lifestyl...s-reddit-instagram-social-media-b1199226.html

 

А зошто неговите профили и/или редит коментари се избришани?

 

Не знам дали се со налог или некој своеволно го прави тоа. Изгледа сакаат да се скријат работите, но веќе е се во јавност и може да се видат и коментарите негови, твитер профил, книги што читал, ставови итн.

 

Наводно и апсењето го испланирал и поради тоа сите докази му биле во ранецот. ( пиштол, манифест, лажни документи )
А сега изјавува дека не е крив.
Станува полека идол на огромен број луѓе....современ Робон Худ ....помалку ми е нелогично сам да испланирал и спровел не само убиство, туку се што се случува околу него сега, но ќе видиме....

 

Читав повеќе за дечково... The Jacobin (зборува за тоа дека тој воопшто нема идеолошка позадина, како што луѓето сакаат да го претставаат, не е никаков херој со други зборови и го споредува со атентаторот на Трамп кој изјавува дека не ни знае зошто пукал во него. Колку што се сеќавам тој беше и симпатизер на конзервативната партија), Unheard (Зборува за тоа како некои миленијалците и помлади се симпатизери на „култот„ на унибомберот, „славниот“ професор, сериски убиец во потрага по своја правда, против технологијата https://en.wikipedia.org/wiki/Ted_Kaczynski) Инаку Манџоне бил негов „обожавател...

Но, најмногу ми се допаѓа статијата, најдлабока би рекол, е онаа на The Atlantic за неговата постапка како симптом на процесот на децивилизирање (спротивно на процесот на цивилилизирање за која зборува Норберт Елијас https://en.wikipedia.org/wiki/The_Civilizing_Process) и за сеприсутноста на насилството во американското општество, каде секој мисли дека има право да исправа неправди, и тоа го прави како индивидуален потфат...

https://www.theatlantic.com/politic...tion-political-violence-civil-society/680961/

***

Ова е еден параграф од текстот кој зборува на што се должи тој процес:

„Големата видлива нееднаквост во богатството, опаѓање на довербата во демократските институции, зголемено чувство на жртва, интензивно партиско отуѓување базирано на идентитет, брзи демографски промени, процветување на теории на заговор, насилна и дехуманизирачка реторика против „другиот“, остро поделеното гласачко тело и верувањето, меѓу оние кои флертуваат со насилство, дека можат да се извлечат. Овие услови се спротивни на периоди на цивилизирање, во кои светогледите на луѓето генерално стануваат понеутрални, поемпириски и помалку емоционални.“

И потоа поентира:

“Често, кога луѓето избираат насилство, тоа е затоа што веруваат дека тоа е единствениот пат, последно средство во време на очај - и веруваат дека ќе се извлечат.“

***

Претпоставувам во конкретниот негов случај е комбинација од хронична физичка болка, сериозна операција на рбетот,https://www.forbes.com/sites/tylerr...-from-rare-back-condition-heres-what-to-know/ директно искуство со осигурителни компании и здравство, чувство на супериорност во комбинација со чувство на жртва, потреба да ја земе правдата во свои раце, и дека може тоа да го изведе без да одговара поради своите „способности“ и права,како и Тед Касински- Унабомбер, и очај, пред сѐ очај, во време кога насилството и неправдата се сеприсутни...

За мене дечкото е убиец, без разлика што ЦЕО-то што го уби на улица во Менхетен на сред бел ден е пример за спрегата меѓу корумпираниот здравствен систем и осигурителните компании во САД ...

Верувам во големи движења кон подобрување на нештата, на основа на идеи, масовност , организација и логистика, и тоа на ненасилен пат... Вака, неговите „брилијантни“ таленти одат во непорврат, ќе гнијат во затвор, ќе инспирираат нови насилства ... Никакво постигнување...Само декаденцијата на една цивилизација...

 

Еден збор: херој.

 

Го неам читано манифестото што го има пишано, само слушнав дека таму рекол дека ова го направил поради мајка му, која патела од тешка болест од нејзината 31 година, и константно и' одложувале мислам лечења, поради документи, ги враќале назад, а она патела.

Што има логика, за да убие човек на сред бел ден мора да е лична причината. Не е дека гледал премногу Mr. Robot.

Искрено, такво не ме заболе за директорон, he had it coming, копилињата мислат можат шо сакаат да праат, семоќници недопирливи. После убиствово читнав дека многу директори и други луѓе на позиции си ги тргнале сликите од себе, упрпани дека исто може да им се деси.

Е сеа, дали нешто смени со убиството? Освен задоволување на лична одмазда за мајка му. Дали воопшто ќе има некаков ефект и ќе се сменат нештата во здравството таму кај нив? Или се ќе продолжи по старо, а типот ќе си лежи у затвор можда и пола негов живот?

Некако ми е жал за него, жал ми е низ што поминал со мајка му, жал ми е низ што ќе поминува од сеа па натаму. Уништен живот.

 

За Луиџи имам голема дилема.
На темава не ми се допаѓа што се пишува во минато -ше како да е починат.
Во затвор секако ќе оди сепак станува збор за убиство, но таму нема да му заврши животот, освен што ќе му заврши сегашнава кариера само. Претпоставувам таму ќе започне да плови во други води.
Убиството според мене вака општо гледано има личен призвук, ама има и сегмент кој не е спомнат од професионалниов живот на убиениот кои може да има корелација со ова. Сепак нека си постапуваат надлежните органи во истрагата па можеби ќе дознаеме се еден ден.

 

Мене малку повеќе ми е нелогично ова. Пишав можеби ќе дознаеме се некогаш и за тоа како навистина започнало се.

 

Луиџи против Брајан или Давид против Голијат! Доброто го победува злото!
Да, направил казниво дело и ќе лежи затвор за тоа, сепак јас го ставам во кошот на револуционери. Патем, постои ли револуционер без крв на рацете?

 

Дополнително е што доаѓа од видна фамилија, што значи дека почна да се менува и тоа. Ако едно време беше класичното појавување на некој сиромашен лик кој се бори против системот, сега тоа веќе го нема. И ова е те како интересен факт за набљудување.

Наводно, заради болката во грбот бил лишен од сексуално задоволство што претпоставувам предизвикува огромна фрустрација (ако се зеде предвид дека станува збор за машко). Некаде мислам прочитав и дека не го исплатиле (но некако ми ја снема веста?) од осигурителната. Мене ми стои за интелигентен лик од она што можев да го увидам. Дури мислам дека неговата поддршка допрва ќе се зголемува. Позадински има дефинитивно нешто поголемо, иако дел се изјаснија дека убиениот бил многу добар човек (побогу, што друго ќе речат освен ова за починат!?). Баш ме интересира како ќе се одвива сето.

Инаку вработениот од Мекдоналдс што го забележал и пријавил во полиција (најверојатно) нема ни да го исплатат, зашто не го пријавил соодветно Луиџи. И ова не создава револт? Читав дека се дава поддршка и за вработениот од Мекдоналдс.

Очигледно дека допрва ќе се отвараат разни теми за сето што ќе поттикне случајов. Колку ќе биде ефикасно тоа, не знам. Да не остане само на муабет ко обичај или ,,превенција“ од типот отворени линии за помош на ваквите лица. Зашто тука нема типично лице кое било загрозено по скоро секакви основи. Туку само по одредени.

 

Да се потсетиме на сите значајни придобивки на Occupy Wall Street или на Жолтите Елеци кои со месеци беа топ тема по сите вести. Невозможно, затоа што ги нема... Затоа пак, убиството на ЦЕО од страна на извесен Луиџи Манџоне после неколку дена почна да го придвижува наративот, па некоја осигурителна компанија ги сопре плановите, милијардерите како Маск твитаат за обезбедување на ефтини лекови а гледам и Берни Сандерс пак го извадија од политички нафталин. Што се случува?

Дечково не пукаше само во личност од крв и месо, туку во еден цел симболичен поредок, т.е. во приказните кои си ги кажуваме самите себе и меѓу себе со цел одржување на статус-квото. Оние што најмногу профитираат од овој поредок, беа првите кои влегоа во крстоносна војна против Луиџи - мејнстрим медиумите, добростоечките класи и културни елити кое се затрчаа да пребаруваат по неговите социјални медиуми, животни искуства итн во обид да ја симнат реториката на - убиство си е убиство. Сите останати, инстинктивно го сфатија неговиот акт како удар во срцето на поредокот, за последиците и можните инспирации може да се нагаѓа, но симпатиите се воглавно на негова страна.

За Америка камбаните одамна престанаа да чукаат, токму од ваквата слепа идеолошка приврзаност, која па и реално и историски гледано никогаш и никаде не се демонтирала сама и на фин начин.

 

Точно, мнозинството го посматра како херој.
Само лично ми е премногу филмски лик ( паметен, убав, богат ) и самото тоа буди сомнеж.
Повеќе делува како добро испланиран проект.
Секако на обичниот уплашен човек во ова лудо време му треба сличен тип, бидејќи враќа надеж дека правдата е сепак возможна, а доброто победува на крајот.

 

На чаурите биле испишани тие зборови.
Накај каде ќе тера работава?

 

Зборовите се поврзани со осигурителната. Има и таква книга која моментално станува популарна (со брзина на светлината).

 

Убиец. Секој човечки живот е вреден.

 

И да биде поинтересно (да користам еуфемизам) дечково што пукаше и уби (најверојатно e убиец - да се коригирам од погоре иако не ми се допаѓа таа дихитомија убиец/револуционер, може да е и револуционер-убиец. зошто да не? - да почитуваме презумција на невиност ) е од супер стоечка фамилија, а другиов постар „дечко“, убиениот (тоа секако дека е убиен, без презумција) бил „hardworking guy“ (од скромно семејство, мислам дека мајка му била козмметичарка?)... Едниот ги имал сите можни привилегии и кога имал „проблем “ (што веројатно се должи на премногу пумпање мускули, и веројатно, стероиди и/или несреќа при сурфање, сега има разни тези за тоа), се повикува на бруталниот и нефер систем (тој од привилегираните), а другиов како „скромен“ со не-привилигирано потекло, ги користи „законите“, „кодовите“ на системот (знаејќи како стојат нештата и дека мора да си брутален за да успееш, побрутален од најбруталните) станува немилосрден предатор... Иронии и парадокси на системот...

Во систем каде успехот е брутален виктимологијата е популарна, a.k.a. сите се жртви на системот и тие што одат нагоре и тие што одат надолу... И оттука големата популарност на настанот, како и да свртиш некој е жртва, или се поистоветува со жртва. И додади тука „лепота“ (sic.), медиумска покриеност.. и имаш „херој“, „револуционер“, „симбол“, „борец за правда“ „Давид и Голијат“, „компензација на онеправданите“ „космичка карма“, итн., итн...Во меѓувреме Илон Маск, ита кон тоа да стане прв билионер (на македонски, не на англиски - 10^12 долари , долга скала, ако не се лажам, многу се како и да ги броиш, ако можеш...). Е тоа е вистинскиот пораз на цивилизацијата и човештвото...

 

Донекаде да, иако системот сам по себе не ги класифицира луѓето како жртви. Можеби зашто мнозинството сака да се гледа како жртва, сака да е жртва на супериорен систем. Тој ,,супериорен" систем е она што го прават обичните луѓе. Кога секој би се стремел кон хармонија нема ни да има вакви ,,ненадејни" настани. Ама генерално, ретко кој сака да ужива во придобивките на хармоничен систем.