Лујза Хеј е авторка на голем број бестселери од областа на здравјето и влијанието на добрата мисла во човековиот живот. Позната е по тоа што покажа дека позитивните изјави, т.е. афирмации, можат да доведат до конкретни позитивни промени во животот на секој човек. Со своите книги и со многубројните предавања од областа на духовниот развој, инспирира милиони луѓе низ светот. Над триесет години им помага на луѓето на сите меридијани да го откријат и искористат целиот потенцијал на своите креативни сили за личен развој и самоисцелување. Таа е основач и претседател на „Хеј хаус“, компанија што издава и дистрибуира книги, цедеа, дивидија и други производи што придонесуваат за исцелување на планетата. Лујза Хеј е авторка на над триесет книги за возрасни и за деца, меѓу кои се вбројуваат Медитации за исцелување на вашиот живот, Сакајте се себе до совршено здравје, Јас можам и Излекувајте го своето тело. Книгата Животот те сака, напишана заедно со Роберт Холден, ги истражува подлабоките значења и практичните примени на изјавите по кои Лујза Хеј е позната. Нејзиниот бестселер Моќта е во вас е продадена во над педесет милиони примероци во светот. Мојата омилена книга Дали некој ги има прочитано нејзините книги? Каков е вашиот впечаток? Која е вашата омилена?
Јас ја имам прочитано "Како да го излечите својот живот". Прекрасна книга, буди силни емоции, самоосвестување, самодоверба.
Една книга имам прочитано, Животот те сака, онака просечна ми беше. Не ме заинтересира да прочитам други нејзини дела...
Неколку нејзини книги имам прочитано. Најомилена ми е "Како да го излечите својот живот". Му ја препорачувам на секого да ја прочита.