МПЦ бара верниците да се откажат од практикување јога

Луничка, во православието му се дава значење на телото. Телото е храм на Светиот Дух. Затоа и постои воздржувањето од бројни активности, честото постење итн. Со тоа, покрај за духот, и за телото се тежнее да се одржи и да се доведе до идеална состојба. Во однос на телесните вежби, православието не забранува туку внимателно предупредува на кукавичките јајца што се подметнуваат од другите религии, како што е јогата. Молитвата на православниот верник е придружена со метании (поклони) коишто всушност се многу тешки физички вежби.

 

@tessie, модерно е да се биде офф-топик, затоа.

Дај Боже оваа јога што се практикува тука да наликува на онаа против која застанала толку Црквава, ама ајде (ова е саркастично кажано, во случај некој да не ме разбере). И не гледам логика во тоа на телото да му се придава помало значење отколку на духот, бидејќи да не е телото, ќе нема нашиот дух во што да егзистира додека сме живи. Поради тоа, сметам дека треба подеднакво да се грижиме и за здравјето на нашето тело и за здравјето на нашиот дух. И повторно ќе го спомнам цитатот од претходната страна, во кој пишуваше дека христијанството е отворено да учи и да презема работи од други религии и да ги користи во своја полза. Затоа не гледам што е тука спорно со јогава и религијава. Додека јас не се откажам од моето верување во Господ, нема жива сила што тоа може да го промени кај мене, па ни јога, ни карате, апсолутно ништо.

Се прашувам дали религијата е толку нефлексибилна или човечкиот свет си дава за право да ја толкува на свои начини и да наметнува свои ставови околу некои прашања. Искрено, не можам да верувам дека истата таа религија би ми забранила да си помогнам на начин кој мислам дека ќе ми помогне.

Туку погоре поставив и некои други прашања, ама никој не сака да дискутира за нив. Повторно ќе кажам, мојот првичен пост беше инспириран од јогата, но повлече и други прашања.

 

Не сум практикувала јога а и не ни планирам во скора иднина кој сака слободно нека си вежба јога,нека си медитира...
Не сум доволно компетентна да му забранам на некој да практикува тоа што му е воља,само сакам да се надоврзам за тоа што ви бодат очи скапите мерцедеси на поповите,и дека требало да имаат коњ и магаре како превозно средство ќе бидам оф топик ,ама морам,значи никој не ве тера да одите во Црква и да плаќате скапи ценовници според вас на вашите драги политичари за се слепо им верувате и во ред е да возат коли од 600 000 евра по грб на народот,а попот лошо е да вози кола од 20 или 15 000 евра,срамота е значи,ако се може за едните ,зошто да не се може за другите?! може глупа ќе ви е споредбата,ама намерно ја зедов оваа доста актуелна тематика

 

Апсолутно се сложувам за основата на нашата религија.Но разликата кај нас и на пример јогата (под тоа подразбирам комплетност,не само како физичка вежба) кај јогата секое човечко суштество со тело и душа,е апсолутно совршено ,дадено е такво,јогата е само пат да се осознае тоа.Да се постигне тој баланс за да можеш да функционираш нормално и да си дадеш некои одговори самиот на себе кои те засегаат а се однесуваат на битието.Кај православието телото претставува еден вид на скалило да се осознае Духот и Бог.
Точно е за молитвата но не е ни малку лесно да влезеш во сопственото јас и да се осознаеш себе и Универзумот.Молитвата е начин да се разговара со Бог.Тоа го правиме со зборови и мисли.Додека со медитацијата во јогата се настојува да да се осознаеме со молчење.Зборовите тука не се потребени.Тоа е апсолутна тишина.
Тука е и поклонувањето пред Бога (значи еден и единствен) со метании,додека во јогата постојат повеќе божества.
Да не се разбереме погрешно јас сум православна молитвата,постот и покајанието се единственото нешто по кое тежнеам.Ова другото испаѓа дека го бранам ,но сакам само да се обидам да ја покажам разликата,без да осудувам, и зошто таа разлика и пречи на Црквата.А тоа е и суштината на темава.

 

Не ми е јасна зачуденоста. Дали дека јогата е искомерцијализирана во денешно време па луѓето мислат дека е фитнес а во никој случај не е. Јогата во својата основа е религиска хинду практика, секоја поза од јогата преставува поклонување кон одредено хинду божество.
Зошто ви е чудно што православието го забранува?

 

Се сложувам, не можеш да им служиш на двајца господари.
Православни не треба да вежбаат јога, не треба да одат кај гатачи, бајачи, исцелители и не треба да одат на гробишта на духовден.
Ова се само неколку примери на дела кои упорно се практикуваат од страна голем број православни верници поради недостаток на верско образование.

 

Не може да се проповеда стара догма и да се ужива во новата технологија. Времињата се менуваат, мислењата се менуваат, но нивното закоравено мислење не т.е мислењето не гледај што ја правам туку што викам.
Јогата како и другите медитациски практики од стариот свет успеваат да си ја постигнат својата цел т.е станување на едно со телото и духот од едноставна причина, се базираат на обзервација на човековото тело со векови наназад и детално познавање на функционирањето на човечкиот систем или со други зборови знаеле за човечкото тело многу векови пред школската медицина и знаеле тоа да го искористат за да си ја подобрат здравствената и физичката состојба, нешто што не може да се каже за христијанството.

Ама најголемата заблуда и што зошто баш сега за јогата откако владата пушти бесплатни часови за јога на администрацијата ? Дали со оваа анатема сака да се намали трошењето на владата за јога т.е да се спречат административците да не одат на јога и да се намали трошокот или како голем верник нашиот премиер да најде изговор дека треба да се укине оваа мерка ?

 

Ако не треба да се оди на гробишта на духовден тогаш што бараат поповите на гробишта на тој ден?

Мислам дека начинот на кој што беше соопштено дека не треба да се вежба јога е оно што го изиритира народот.
Еве јас не знаев (не вежбам) дека секоја поза во јогата е поклонување на некое божество, што му било толку тешко на владиката да го каже/објасни тоа без да фрла анатема?
Инаку верувам во анатеми, клетви колку што верувам во бајачи, гледачи, мислам на што личи високо свештено лице да фрла клетви по народот кој треба духовно да го води.

 

https://www.edendecoded.com/blog-2/item/yoga

Еве ви интересен текст за јогата со цитати за јогата од хиндуизмот. Јогата е религиски ритуал дел од хиндуизмот и нема спорно дека секој кој е православен верник не треба да ја применува. Ова му доаѓа како несвесно муслиманите да му се молат на Христос и нашите светци.

Ако сте атеисти или агностици и секоја религија ви е безвезална глупост и јогата иако е религиска хинду практика може да си ја применувате оти не верувате во ниедна релгија а мислите дека ви носи бенефит тогаш разбирам.
А тоа што Владика се обидел да укаже дека јогата не е дел од православието е нормално, можеби весниците ја пренапумпаа изјавата а всушност не рече ништо лошо.

Дури е бизарно како Западот превзема религиски ритали на еден народ и си го претвори во бизнис.

 

Со сила будали се прават. Поглупаво нешто не сум слушнала.
Нашиот спас и мир сме можеле да го пронајдеме во црквата ако одиме на служба наместо да практикуваме јога
Не вреди ништо овде да се коментира, туку ајде да почекаме што друго ќе му текне на господинот Стефан.
Читајќи вакви глупости некој може од инат атеист да стане, а некој на јога ќе почне да оди.
Стефанче, не живееме во 12ти век.

 

Ме интересира дали апологетите на овој последен “бисер“ на МПЦ и слепите подржувачи воопшто се запознаени што всушност се случува на часовите по јога кои се одржуваат во Македонија? Или зборуваат напамет, врз основа на нешто што набрзинка читнале на Википедија пред 5 минути.

Точно е тоа дека јогата ги влече своите корени од источните религи, но јогата која се практикува денес во светот, па и кај нас (зборувам генерално) има малку допирни точки со онаа јога на која вие мислите. Современата јога е базирана на хата јогата и асаните (различните положби на телото) и се користи за зголемување на физичката подвижност, подобрување на дишењето и општата здраствена состојба на луѓето. За обожавање на било какви божества воопшто не станува збор!

Мој предлог до сите напаѓачи на јогата - информирајте се (не само од интернет), разговарајте со луѓе кои одат на јога, појдете и вие на некој час - па потоа осудувајте, критикувајте и фрлајте анатеми.

И Олимписките игри се базирани на игрите кои Старите Грци ги одржувале во чест на Олимиските божества, па дали тоа значи дека денешите спортисти се поклонуваат на грчките богови? И дали МПЦ можеби треба да фрли анатема на нашите сироти спортисти кои учествуваат на ваквите настани?

Познавам доста луѓе (христијани, муслимани и атеисти) кои практикуваат јога, некои и повеќе од 20 години, но за никој од нив не знам дека јогата ја поврзувал на некој начин со религијата ниту пак дека јогата го натерала да се посомнева во своите религиозни убедувања.

Мислам дека дополнителен револт предизвика оваа изјава бидејќи на сите проблеми кои ги има во ова наше општество и во самата МПЦ - луксузниот живот кој го уживаат свештените лица (чест на исклучоците), бесрамното покачување на “тарифите“ за црковни обреди, се поголемиот број на радикалисти (и муслимани, но и христијани) на овие простори, непризнавањето на нашава црква од ниедна друга православна црква и уште многу, многу проблеми кои постојат - тие се одлучија да се фатат за јогата како најголемо зло.

 

Јас на тоа што го напишав останувам . Сега што го мешаш Груевски каде што не му е местото како што тргнало и камења да пајѓаат од небо ќе речете паднале во корист на груевски

 

Денес се зачлени да не просветлиш за јогата.
Случајно да не си и инструктор.

Чисто информативно сум вежбала јога пред неколку години, не на часови и краток период, ништо страшно нити посебно не ми се случи де. Потоа ја истражував подетално и читав доста литература.
Оти е модерно и фалено и самите тие кои одржуваат часови не знаат или не сакат да признаат дека практикуваат туѓи верски ритуали ама оди народ се печалат парички нели.

Ама верниците имаат право да знаат дека истото се коси со христијанската вера и дека не се само вежби за истегнување. И не ти ја разбирам потребата православните верници да ги нарекуваш слепи поддржувачи.

 

@mimiiiii, не знам како тоа што сум се зачленил денес (или кога и да е) има врска со тоа што сум го напишал погоре. Ако имаш да ми реплицираш на нешто од мојот пост со што не се сложуваш, направи го тоа со аргументи и факти - не се повикувај веднаш на својот долгогодишен стаж на форумов, т.е. на тоа дека сум се зачленил денес. Ти си можда ветеран на форумов, ама ја сум млад и перспективен.

Да ти одговорам - не, не сум јога-инструктор , и да биде иронијата поголема - не ни практикувам редовна јога. Пред повеќе години посетував еден курс, но далеку од тоа ми е дел од секојдневието.

Во секој случај, тоа го доживев како позитивно искуство, не видов и не почуствував ништо религиозно - единствено нешто што ми се случи е што ми се намали болката во грбот.

Ми иритира кога луѓето коментираат нешто за што немаат никакви познавања, па згора на тоа и осудуваат.

Инаку, не би било лошо да се уклучи у дискусијава и некој јога-инструктор (баш ме интересира што би имал да каже на сите чудесии напишани претходно) или некој кој редовно практикува јога.

 

Чиста глупост и пренасочување на вниманието од вистинските проблеми во црквата. Ако верниците треба да се откажат од јогата, тогаш ќе се откажат ли владиците и свештениците од нивниот луксузен живит автомобили да не речам џипови кои коштаат неколку десетици илјади евра од таксите кои ѓи дигнале до небо и со тоа да му се вратат на вистинскиот црковен живот и да вистински бидат слуѓи на народот а не обратно.
Многу ме нервира кога ќе се фатат за некои ситни работи што се однесуваат до верниците а крупните работи во нивните редови ѓи ставаат под тепих.

 

Што знам, откако вежбам јога, мојата сколиоза се поправа се повеќе од ден на ден, немам болки во грбот, кичмата ми е поправа, поеластична сум, побудна сум, а пробав и со носење зејтин во црква, клекнување три пати пред олтар, па некако не ми помогна. Дали сум направила се како што треба?


Човек кој е верник би требало да знае дека сите религии се исти и сите се поклонуваат на едно нешто - љубовта. Универзална енергија за сите. Познавам христијани, проколнати верници кои постат секој пост, а сепак толку гнили души имаат... ужас.

Ако сакате поделен свет, ако сакате нетрпение, ако сакате уште болка, само повелете и верувајте во глупости и попови.

Отидете еден ден во Бигорски ќе ви стане јасно каква енергија кружи во тоа дувло. Како се гледаат посетителите. Како подвижни доларчиња


http://christianspracticingyoga.com...e/addressing-the-fears-yoga-and-christianity/

Кога би знаеле колку се делотворни многу асани и мудри, не би мислеле така. Мантри не сакам, ниту пак им ги знам, многу ми се ритуални и језиви, а медитациите си ги правам со длабоко дишење и мислење на безначаен збор за мене, напреднав со замислување на простор кој ме смирува, на пример море и небо, со убави зборови кои имаат само значење за мене, како што се молитвите на верникот во црква, само моето е подиректно.
Јас верувам во себе, луѓето и љубовта и не знам како ви звучи ова и не ми е ни гајле.
Исто така верувам дека на секој човек му е неопходно нешто кое што ќе го практикува за да биде умествено и духовно сосредоточен за да може да истрпи се. Умот да се нахрани, душата да истишти, телото да се истегне и биде здраво и духот да се зајакне, од се по нешто за да си комплетен. Религиски уредувања за едноставни нешта не ми се потребни.

Мене ме изненадува како млади и образувани луѓе не ги заинтересирало да покопаат повеќе низ религијата и да ја врзат со она кое што им го нуди науката и современиот свет за да ги согледаат работите. Многу се едноставни, метафората е очигледна. И за крај - се е чиста психологија.

Во секој случај, ако си верник христијанин и практикуваш јога, како физичка активност и правиш асани без да го знаеш нивното значење и интенции, не разбирам како е погрешно тогаш? Тука нема никаква намера, намера има само ако е посочена, јасна и убедлива.

Попот нека си го избрише свинското од устата пред да кажува глупости. Фала, пријатно.

 

Амин @Lilit , многу убаво го кажа тоа што јас се трудам цело време да го објаснам, а не ми успева, бидејќи очигледно дека не е способен секој да го артикулира на вистинскиот начин тоа што го мисли.

Да се вратам на други работи. Повторно ќе кажам, оваа, како што повеќе луѓе ја нарекоа, „демонска практика“ не можам да ја гледам воопшто како закана за православната вера, затоа што е нешто далечно, нешто со што не сме и не сме биле опкружени и не можеме да го разбереме суштински, затоа што е дел од друга култура и не треба да се разгледува како толку страшен грев. Повеќето од нас тука на овие простори со векови растат во духот на Православието, па дури и да се атеисти или да припаѓаат на некоја друга религија, па оттука тоа и ќе биде суштински посфатливо за нас. Впрочем, уште една членка, која ми реплицирала во СДК на некој начин го кажува истото што сакам да го кажам и објаснам:

Патем, @XstrongerX, мила, еве отворена е и тема во случај да посакаш да се искажеш повеќе.
И како образложение на оној дел од овој цитат само ќе кажам - потполно се сложувам со тоа што си го кажала: не суди за да не ти судат. Не само од верски аспект, туку и од морален.

Спојлер

Никогаш не сум прва која осудува некого, тука сеуште (кратко време сум), а уште помалку во реалниот живот. Секогаш сум самокритична и поаѓам прво од моите маани, така што тоа што сум го напишала не го доживувам како јас прва да ги напаѓам, ниту сакам да ги величам нив криејќи се зад моите недостатоци. И да, самата реков дека тие се прво обични смртници, па потоа тоа што се - попови, но многу други верници се поблизу до Бога и попосветени (примери се издвојуваат во претходните постови) отколку самите свештеници и затоа и ги третирам поповиве како обични луѓе. Искрено, не ми се пишува во дотичната тема за поповите, па затоа на еден трошок тука, сакам на се' да реплицирам: ако некој се поставил како духовен водач и го има правото да кажува што е исправно, а што погрешно, прво самиот тој треба да претставува пример за оној кој е „подолу“ од него. Ете тоа е целата работа и мојот став. Да обични луѓе се, смртници, а блиски до Бога, но тоа не е оправдување за сето тоа што го прават: луксузот во кој живеат, развратништвото, нивниот изглед кој не делува како да постат ниту барем еднаш во годината, правото да покачуваат тарифи и уште да бараат донации од народот кој тоне во сиромаштија за да обноват или изградат црква. Некој погоре кажа дека морале од нешто да живеат и тие: искрено, ако некој треба да биде на нивно место по својата посветеност на верата, скромноста и многу други одлики, тоа се само монасите по манастирите. Овие, како попови, и во исто време луѓе кои ќе се претепаат да соберат за себе што повеќе пари, мене ми се само луѓе кои избрале како професија да го работат ова (звучи сурово и лошо, но така мене ми изгледа). Не ми личат како луѓе кои се одзвале на некој возвишен повик, за разлика од монасите (се разбира има вакви или такви исклучоци од двете страни).

Инаку, сама си признавам дека и јас грешам, не постам (со храна не можам, често не ми дозволува здравствената состојба) но за мене битен е духовниот пост со мислите и одам и други денови во црква освен Велигден и Божиќ, т.е. тогаш кога ќе почувствувам потреба.
Те замолувам да не го сфаќаш ова како некакво напаѓање затоа што воопшто тоа не ми беше намерата . Само сакав да ти објаснам на пошироко.

 

Одев на јога еден период, но престанав поради зголемени обврски, а и местото не ми беше баш јога стил, па се откажав. Големо влијание имаше и моментот кога дознав дека во текот на јогата истовремено и се прават мантри, се спомнува Харе Кришна итн.

Е сега нашиот Владика е должен да го насочи народот. Дали јаде свинско, негов проблем. Негов грев или спасение. Со секоја ваша навреда, тој си го челичи неговото место.

 

Не планирав да се вклучувам во дискусијава зашто сум на чисто со себеси во врска со јогата и христијанството, но имам неколку прашања на кои би сакала одговор без заобиколувања.

@Orthophill и останатите кои ја оправдувате анатемата. Би сакала да ми објасните како вие гледате на ова: Само мал процент на луѓето ќе се спасат зашто се православни христијани и го следат учењето на оваа Црква, а сите останати кои застрануваат се проколнати. Едно дете е родено во село во Кина, на пример, и нема никаква допирна точка со Христијанството. Зошто Господ би ја испратил таа душа таму и однапред ја осудува на пропаст?

Луѓе, духовноста е универзална. На различни простори се јавуваат различни практики кои водат до едно и имаат иста суштина. И во сите од овие практики има застранувања, како што има и во христијанството. Зошто би проколнале некој кој пронашол духовен мир со јога?

Основните начела на јогата се: ненасилство, вистинољубивост, некрадење и непосакување на нешто туѓо, контрола на сетилата, непоседување на нешта што не се неопходни, чистота, задоволство со тоа што го имаме и ни е дадено, дисциплина, самопроучување, и посветување на секое дело на Бог. Ова е погрешно и неспоиво со нашата традиција?

Ако ги следите искуствата на луѓето што практикувале јога, ќе видите дека таа медитација им помогнала да решат внатрешни конфликти и всушност ги направила подобри луѓе, кои помагаат и се трудат да не повредуваат.

Прво, јогата не е религија - хиндуизмот е религија. Јогата е спиритуална практика која е поврзана и со хиндуизмот и будизмот кога ја практикуваат хиндуисти и будисти, но не е неделива од нив. Кога ја практикува христијанин, може да биде само поддршка кон неговата цел да стане подобар човек и да се доближи до Бога.

Уште нешто, за многубоштвото кое гледам често се дава како аргумент. Ако веќе се фаќаме за тоа - сите тие божества се лица на Едниот и единствен Бог. Нели и во православието се смета дека Бог е единство на Таткото, Синот и Светиот дух?

 

Значи, ова е тоа што најмногу ми смета - си одела на јога, не ти одговарала (нормално, не е се за секого, нели) и поради тоа си се откажала. Се прашувам, кога бил моментот кога си “открила“ дека се прават мантри и се спомнува Харе Кришна (второво не е ни точно, но нека ти биде)? Да не било тоа во моментот на изјавата на Иларион?

Поентата ми е следнава (не се однесува само на тебе, туку на сите генерално) - значи, додека си одела на јога не си видела нити почуствувала ништо религиозно, уште помалку во спротивност со твојата религија. Требало да прочиташ или да чуеш дека тоа е така за да си го смениш мислењето.

На што попрво ќе веруваш - сопственото искуство или на тоа што некој некаде го напишал или рекол? Не верувајте во се што ќе прочитате (особено по интернетов) или ќе чуете од некој (макар тој некој и да е авторитетно свештено лице). Своите ставови градете ги на сопствените искуства и здравиот разум, не на туѓи.

Сметам дека ако моите (или твоите) религиозни убедувања се доволно силни, нема такво нешто што ќе може да ги поколеба - ниту јогата (која, повторувам, тоа не го ни прави нити се обидува), ниту посета на храм од друга вера (џамија, катедрала и сл.), ниту Јеховините сведоци кои секој ден ме пречекуваат со насмевка пред мојата зграда... Ме сфаќате што сакам да кажам.

Во претходниот мој пост направив паралела помеѓу Олимписките игри кои своите почетоци ги имаат во обожавањето на старогрчките божества - дали денешните олимпијци се поклонуваат потајно на Зевс, Хера Арес и други? На ова не добив одговор.

Еве и други примери (излегувам малце од темата, ама само за да докажам поента) - дали денешните пушачи и уживачи на тутунот се поклоници на религиите на северноамериканските индијански племиња? Затоа што, како што е познато, тутунот играл важна улога во нивните религиозни обреди. (Можеби е потребно да се фрли анатема врз пушачите, барем ќе имаат здравствени придобивки, ако ништо друго).

Дали страсните пијачи на кафе можеби се потајно припадници на исламот - бидејќи и овој напиток и културата на неговото пиење имаат свое потекло во исламската култура?

Дали оние што пијат какао ги обожаваат божествата на Маите и Ацтеките?

Дали современата медицина е во спротивност со Божјата волја или се проблем лекарствата кои се откриени од лекари припадници на други религии или, скраја да е, атеисти?

Примери има многу, нема зошто понатаму да набројувам.

Поентата ми е следна - речиси сите работи (активности, навики, обичаи, храна и напитоци) влечат свое потекло од некоја од сегашниве или минатите светски религии. Апсурдно е и речиси невозможно да се трудиме да исклучиме од нашите животи се што не потекнало од нашата сопствена религија (православна или било која друга).