МПЦ- бизнис корпорација или верска институција за народот?

@vitamina вие барем сте имале 100 евра, јас познавам луѓе кои кредит земаа за крштевка. Кредит еј да можат лоповиве да ги најадат. Али на верник не можеш да му објасниш дека утре тоа крстено дете треба да пие млеко за кое он нема пари да го купи оти му ги дал на лоповот со над 130 кг за крштевка.
Низ годиниве колку што ја хејтам баграва имаше една случка која ме потресе. Се случи во една зграда сведок беше девојче кое живее во комшии, беше за Велигден. Бабата на први немала 50 денари да остави за да и испее попот за празникот. Не влезе говното си заминал. Бабата скршена си ја затворила само вратата. Верник, душа стара.
Имаат среќа што народов не почнал да ги тепа, е тек до таму ја имаат претерано.

 

Јас ова секогаш го памтам и го кажувам.
Човек на инвалидска пензија, смртно болен, неподвижен. Ова им е единствен приход.
Го вика жената попот да иде дома, ама нема 200 денари да му даде, само 100. Го молела жената. Не сакал, тарифата била 200.
И така...

 

Зборувај ми за човечност, љубов и религија. Ми се слоши.
Истото се дешава и кога ќе почине некој кој нема фамилија па по службена должност што го закопуваат. Тарифата на волот нема кој да ја плати, може и така да иде во гроб.

 

Ова е случка за Духовден кога минат поповите за пеење на гробот и тарифава не сум сигурно колку е ама околу 200ден.

А во книжулките што ги даваат кога ќе почине некој пишува дека до 1 година не треба да пее поп на ништо друго освен на спомените што се 40 дена, 3месеци, 6 месеци и година.

И повеќе попови беа, а на овој му се погоди парцелата на крајот каде што се се пресни гробови и немаат една година и прашува сите го одбиваат дека не сакаат да пее.
После 20тиот гроб попов се изнервира и им вика гласно на сите за јадење и пиење имате за на гробовиве, гледам полни се, а за мене немате.

Луѓе знаете ли што стана, хаос...
Жени што изгубиле деца почнаа да се онесвестуваат од нервоза, некои постабилни почнаа да се караат со него па како не му е срам, па самата црква дека кажува до 1 година не требало да се пее.
Немам видено вакво нешто, срамота прво со прво на поп не му доликува такво нешто да рече.

 

Заради вакви измислени глупости од страна на самиот народ, се повеќе млади луѓе стануваат атеисти. Тарифи до небо високи. Те прават со сила слеп и глуп како во минатото. Може ли нешто да се промени и искорени кај овој заслепен народ? Не. Креваш рамена и едноставно знаеш дека не можеш ништо да промениш.
Да не правам муабет колку се скапи работите што ги продаваат во манастир. Сакаш едно мало иконче или бројаница да купиш и гледаш цена од која ќе те фркне глава.
Може симболична цена да стават кога решиле да ограбуваат, ама не. Битно е џебот да го наполнат

Настрана тарифите и високи цени, а што е со место на жената што го измислиле поповите? Сфаќате колку сме потчинети? Сфаќате дека сме граѓани од втор ред?
Секогаш и секаде прв е мажот. Зошто? Никој не знае. Така останало и така ќе биде. Така сакаат поповите, иако пред Бог сите сме исти.

Те потчинуваат и те навредуваат затоа што си жена, а сите имаат мајки/ ќерки/сопруги/сестри.
Жена не смее да оди зад олтар, жена е нечиста, не смее да биде поп/владика, не смее да преземе крст во црква при кумство и на некои женски личности тоа им е ок. Како? Зошто?
Кој читал Библија знае дека пред Господ сите се исти. Нема врска пол, раса, богатство, ама овде на земјата поповите решиле жените да се слуги на мажите.

Епа затоа кај повеќе млади личности се јавува револт, и од високи тарифи, и од потчинетост, и од измислени обичаи.
Може си веруваат во Господ ама не сакаат да се придружуваат кон секакви глупости што им текнуваат на лакомите сексисти.

 

@JollyGirl Се согласувам генерално со сè што кажа, само со делот за Библијата не. Во Библијата, како и во останатите дела што потекнуваат од патријархален период, жената е подложна на дискриминација. Пример е 1 Тимоти 2:12:
"But I suffer not a woman to teach, nor to usurp authority over the man, but to be in silence."

Секако, нема никаква логика нечии гениталии да бидат супериорни во однос на други пред семоќно суштество, ама таквиот концепт бил далеку од мозочниот капацитет на авторите на Библијата, а и уште е тежок за сфаќање за конзервативните проповедници и верници на денешницава.

 

И ако земеме во предвид дека не плаќаат данок...можеш само да замислиш која им е заработувачката.

 

Бевме на погреб, имаше стандард неколку попови кои опеваа, боље кажано мумлаа ради реда, да помине редот.
После се даваше ручек во еден ресторан, први се полетоа на чело на масата седнаа. Немаше да видиш алкохол на ниедна маса, не е таква приликата едноставно, а двајца од поповите испија по 3 пива. Еј свештени лица налеваат алкохол на еден таков настан, без срам ни перде.

 

Се додека има овци, ќе постојат и овчари кои ќе им ја стрижат волната...

Ова е типичен пример за тоа како се искористува човековата нарцисоидност, неукост и заслепеност заради финансиски, односно лукративни придобивки.

Можеби во човековата природа постоела потребата да се верува во натприродни работи за да се залажуваат за смислата на нивното постоење, но несомнен факт е дека и во човековата природа преовладува и алчноста, каде луѓето ги искористуваат овие слабости на народот од религиозен карактер за да профитираат.

Никој не може да ја наметне религијата и сето она кое доаѓа со неа, како што таа не е потребна и неопходна за да може еден човек да преживее. Но бидејќи одредена група на луѓе се убедени во спротивното, ќе бидат подготвени, или уште полошо, приморани да плаќаат одредена цена за лажна илузија која навидум им носи внатрешен (психолошки) мир.

 

Ме потсети на тоа како при ваков болен период ја сфатив бескорисноста на религијата и мизеријата во морал и осет на поповите.
Пред две години кога почина татко ми, на помен (40 дена, уште тазе) свештеникот по изговорот позна дека потекнува од ист крај (град) како мајка ми и роднините од нејзина страна што беа дојдени. Испеа што испеа ради реда како што велиш... па кога си се најде со родниниве (кои исто си се приказна за себе) - зафатија со политика, па поминаа оговарачки муабет за цело гратче што се случува со сите што ги знаат, дури и почнаа да се смеат таму на сред гробишта. На крај попов и мораше да потсети да си земе од храната што се носи ко обичај таму, и парите секако.
Ми се блуеше едноставно, едвај се воздржав да не му ја истурам цела болка и гнев и отфрлање на цела таа фарса наречена религија, и да се покажам ко фрики антихрист.

Не посакувам на никого лично да сфати вака колку тие луѓе немаат ни Е од емпатија, никакво разбирање за човечка психа - само научени апстрактни стихови од кои најважното во кое скршнуваат се токму парите и имотот.

 

Ако историски се гледа создавањето на религијата ќе се дојде и до идеата на нејзиното создавање “ оддржување на маса од народ под власт”. Едноставно во наравот на луѓето е да се плашат од нешто непознато.

Така било многубоштвото кое ги објаснувало природните појави со некакви богови, па созреал еден степен човечкиот ум па му го увртеле Исус како шета по патека низ море и спасува сиромашни. Ерата се знае во која се појавува бројни потчинети народи од римска империја.

Потоа сфаќаат дека можат пари да прават па се делат на милион правци. Само периодот на инквизацијата укажува колку се трудела црквата да ги спречи сите процеси на наука да стасаат до масата. И идеме до денес во име на религија ислам илјадници луѓе починаа и колку воени жаришта отворија.

Сега со Мухамед се плаши народот. Утре нова религија ќе измислат кога ќе дојде време.

Јас се радувам на бројот на атеисти помеѓу младите. Колку повеќе збориме толку повеќе млади ќе разбираат што е уствари религија и каква и е функцијата.

 

Читам, се крстам и си мислам: "Сполај ти Господе на твојата долготрпеливост и премудрост. Зошто освен две-три комети и некој астероид ништо друго не би требало да добиеме според заслуга".

 

Институција и верска, не одат заедно.
Институција сака пари, моќ, власт...

Верата е нешто сосема друго.

 

1. Никој не треба да верува во нешто (Бог) од страв, без разлика што сеуште не може да се докаже постоењето на Бог и луѓето преку него наоѓаат мир во душата, секој сам бира на каков начин ќе го пронаоѓа мирот и спокојот или помошта. Се додека има во што да веруваш е многу подобро од НИШТО!
2. Целта на религијата не е да пере пари од народот, туку тоа е цел на црквата што го користи тоа, што е навистина срамно и жалосно до кој степен се стасани поповите, јас да би била поп би се срамела и дури тогаш би се плашела од Бог.

 

Се согласувам со твоето мислење. Всушност, феноменот опишан како "бог" уште од самото постоење на човештвото било сместено онаму каде човекот немал објаснување за природните појави, и тој морал умствено да креира нешто во кое што подоцна ќе верува, но што е уште поважно да се плаши и покорува.

Со други зборови, човекот и покрај тоа што постепено низ историјата пронаоѓал логични и научни објаснувања за многу појави, сепак не можел и се уште не може да ги открие и објасни сите тајни. Така, феноменот наречен "бог" константно бил преместуван онаму каде човекот не можел да пронајде рационално објаснување и одговор.

Со развојот на првите држави во античкиот свет како Грција, Египет, Рим, верувањето во натприродните сили преминало во паганство, односно верување во повеќе богови. Овде може да согледаме дека сеуште е присутен тој инстинкт кај човекот дека постои нешто над него кое влијае на се околу него, па дури и врз неговиот живот.

Ова всушност ја потенцирала религијата да се создаде и подоцна да прерасне во верувањето само во еден бог. Овој "напредок" во размислувањето се случувал скоро кај сите луѓе без разлика на кој дел од светот тие се наоѓале.
Така, се развиле религиите како христијанство, ислам итн каде секаде имаме слично толкување на нештата а тоа е дека постои еден бог- создавач на се материјално и нематеријално, загробниот живот, заплашување со пекол и спротивноста на богот, односно сатаната.

Всушност, со тоа што накратко ни е вака опишана развојот на религијата, сфаќаме деќа таа се враснала во самата психологија, односно самата свест на човекот како што тој се развивал во општеството.

Со ова кај човекот се појавила потребата да верува во нешто, скоро како инстинкт, кој секако потекнува од неговиот настанок.

Не знам дали си слушнала, но ова исто така ме потсети и на поимот Индулгенција, кој патем потекнува уште од раниот Среден век и всушност докажува дека Римската католичка црква прва го започнала концептот на т.н. "верски институт" поради профитабилни цели.

Имено, индулгенцијата е претставена како попустливост, благост односно милостивост. Тоа е потврда за опростување на гревовите со плаќање на пари во католичката црква. Со други зборови, верниците кои се сметале за грешници верувале дека нивните гревови ќе бидат простени од бог со тоа што ќе платат одредена сума на пари на црквата.

Овој концепт звучи доста слично со самиот наслов на оваа тема, нели?

 

@Briar Rose прекрасно носење до поентата индулгенција. Католиците си плаќаат месечен данок од 20 евра месечно (во Германија) низ целиот работен век ( од 18-65 години) за да си го “купат” гревот.
Тоа е сметката и за крштевање, раѓање и закоп. Ол ин

Верниците си веруваат, свештенството си заблазува, а децата страдаат од премногу религија на своите родители и близок контакт со свештеници.

Кругот се затвора на Данте

 

за коментаров

 

Денес поминуваме со дм покрај еден ресторан и се прашуваме која делегација е дојдена тука бидејќи имаше луксузни возила паркирано. Потоа забележуваме дека тоа биле попови. Верата им налага да бидат скромни, а онде возат џипови и пасати од 50.000 евра. The irony. Зошто бе што им фали да возат автомобил од 1000-2000 евра а другите да ги донираат за сиромашните како што патем така ни велат да веруваме? Ако се прават толку побожни нека бидат побожни до крај. Мафија, криминалци се. Тие пари со кои се луксузираат се народни пари, ама па од друга страна никој не го фатил народот за гуша да им остава пари. Па ако не добијаат колку што бараат за некое пеење не пеат. Не заслужуваат никаква почит, само парите им се најбитни која религија кои бакрачи. А народот се држи за нив ко слеп за стап. Ако ништо друго црквата треба да биде даночен обврзник, и да издава фискални сметки на оние кои плаќаат.

@Briar Rose преубаво објаснето, камо сите да можеа да го сфатат тоа.

 

Оставајте по икони пари

 

Истражувачка статија на Радио Слободна Европа:

„Колку тежи имотот на МПЦ?„