МПЦ- бизнис корпорација или верска институција за народот?

Чудно е тоа колку се релативни работиве.. Кога се спремаме за свадба, и 300 - 400 евра за венчаница или одело не ни изгледаат многу. Вечаницата има рок на траење еден ден! А кај се тука ресторани, порции, бовчи, музика, пречекување сватови, свадбени патувања... Веројатно трошоците за една свадба достигнуваат и 4-5000 евра (отприлика). А самиот чин на венчавка во црква, кој е света тајна, за век и веков, суштина на сите тие подготовки, ни изгледа прескап. Не се согласувам. Ќе скусам од сите други пропратни трошоци, кои верувам и половина од нив се излишни, ама за тарифата за венчавање во црква нема да зуцнам.
Мислам дека не се толку проблем парите т.е. новиот тарифник, колку што е нашиот ментален склоп, суета и маловерност.

 

Тој што нема 6 000 денари за венчавање, нема ни за свадба. Ние не ни збориме за оние луѓе кои имаат да дадат 5 000 евра за свадба. Се разбира дека за истите, 6 000 денари не се многу. Збориме за оние кои навистина немаат. Ајде нека не биде за свадба. Еве да збориме за крштевка. Некои луѓе имаат и близнаци. Сте помислиле на тоа? Знаат ли воопшто МПЦ дека има луѓе кои земаат САМО 8 000 денари плата? И почесто е ова отколку што можете да замислите. Како тие луѓе да си ги крстат децата? Кој тоа црн стандарт се покачил? Нема оправдување за ова. Колку и да збориме, нема.

Знаеме дека и на нив им требаат пари, мора да живеат од нешто нели, тоа е јасно, ама не да се луксузираат и богатат на грбот на народот. Знаеме и дека поединци од нив навистина немаат доволни приходи, ама со ова не се решава ништо. Прво МПЦ треба да си направи една добра организација. Зашто излегува дека свештените лица кои се во црквите каде има поголем број на верници и повеќе венчавки, се побогати и имаат доволно месечни приходи, а останатите немаат ни за основни потреби бидејќи во нивните цркви малку луѓе доаѓаат, малку венчавки се одржуваат итн. Па после имаме едни што возат коли од 40 000 евра, а други кои одвај го поминуваат месецот. Ама пак ќе кажам, тоа треба тие самите да си го регулираат, со покачување на цените апсолутно ништо не се постигнува. Затоа што тие што претходно се богателе на сметка на народот сега пак ќе се богатат и ќе возат бесни коли, а тие што врзувале крај со крај сега повторно ќе бидат на исто зашто плус уште една илјадарка годишно нема да им значи нешто многу во домашниот буџет.

И дајте да не се правиме со сила нешто, да бидеме објективни. Џип од 40 000 евра е луксуз. И тоа многу голем луксуз. Не им личи такво нешто кога има луѓе кои буквално немаат пари ни за леб, зимно време без огрев поминуваат. Срамота е.

 

Кај мене нонстоп попот си ги корегира цените.

За поголемиот син платив 400 долари за крштевка, за помалиот 600 долари а сега за малата плативме 800 долари, разликата за три години е дупла.
Плус мора нели и свеќи две, тие исто скоро дупло се качени, сега за малата чинеа по 70 долари една( мислиш злато проткаено има низ свеќата) и ако платиш плус за китењето преку 100 долари само за една свеќа а не смееш од друго место да си купиш, мора од црквата, значи само трошокот само во црква за крштевка е преку 1000 долари.

Е сега некој ќе рече епа имате вие пари таму, не се ништо за вас 1000 долари, за некој не се, за некој се многу и цените се тоа што го одалечува народот од црквата, всушност безобразлукот на свештените лица.

Мое мислење е дека свештенството со сила сака од народот да направи неверници, после владиците ќе обвинуваат дека жените биле причина за пропаѓање на црквата место да се погледнат самите себе си во огледало, таму ќе ги видат виновниците за пропаѓањето на црквата.

Се слагам со тоа дека не би се правело проблем за зголемување на цените доколку стварно се гледа дека се помага на сиромашните, болни деца, изнемоштени стари лица, дека се враќа нешто назад, се помага онаму каде е потребно ама реалноста е таа која што сите ја гледаме, помош скоро и да нема, (една кујна, ко ниедна) има прескапи автомобили, луксузни домови таму одат парите.

 

Епа јас не се согласувам дека 1000 долари се малку па и за Австралија. Еве за Америка знам се многу пари, тоа на некои места е месечна кирија.

Знаете што, на никого не треба да му биде гајле колку заработуваме и на што ги трошиме парите. Тоа ни е право загарантирано со устав слободно сами да си ги распоредуваме трошоците после плаќање на задолжителните давачки и даноци. Кај владата и парламентот го раниме, 100 000 администрација па сега и нив да ги богатиме. За овие другиве немаме избор, за црквата имаме.

После цениве на битерсвит уште толку сум уверена во самоволието на црквата.
Супер ми е насловот на темава, џабе три пати се мислев како да го формулирам. Бизниси и тоа големи бизниси си прават од маката и среќата на народот.

 

Требале пари за струја, вода и гориво за на попот возилото па затоа цените се такви какви што се. Каква струја бре, свеќи горат таму
@Serafima барем од тебе не се очекува да го браниш мегаломанството на поповите, не знам дали тоа го правиш од наивност или имаш свештено лице во фамилија.
Црквата не треба да ја интересира колку пари ти си дал на свадба или ручек за крштевка, ако реално пресметаме трошоци, што треба да се крсти едно бебе? Неколку литри вода и саатнината на попот.

 

Мила ти го сваќам мислењето и поентата , ти мислиш така и ок е , се сложувам до некаде , односно дека на сиромашните лица треба обредите и церемониите да им се без пари , не треба тие што немаат да платат да бидат лишени од Божји благослов,а тоа со скапите парфеми го кажав фигуративно , знаеш зошто ? бидејќи се повеќе тука гледам и читам луѓе кои се расфрлаат на луксуз , а исто и во реалниот живот познаници , а не им се даваат 6 илјади за некој обред...е тоа е да си пукнеш во кожата, а горе убаво си нагласив што е како е , и никаде не реков дека ако е некој сиромашен , нетреба да има пристап до Црквата , си кажав за мене дека и да треба да платам 20 000 ќе платам ( а не дека сум богата , туку фала му на Господ , се има за еден среден живот ) да е до мене работата , никој сиромашен не би платил ни денар и така не би бил лишен од ништо ...

 

@Bridget мила, веројатно не си ми го разбрала постот.
Знам дека ти алудираш на венчавката, крштевката или кој и да бил друг чин што се извршува во храмот, но јас зборував сосем за другото. Зборував за животот на Х отци и дека не се сите исти, а постојано се генерализира.
Пак ќе го повторам истото.
Финансиите што верниот народ ги остава во црквата, тоа е приход само за црквата, а не за свештенството.
Додека, требите кои ги извршува отецот, било осветување на вода во домовите, било прережување на леб во слава и чест на светителот/ката заштитник/чка на домот,... се’ тоа се финансии за отецот. Од кои финасии отецот обезбедува одржување на своето возило со кое би ја опслужувал својата парохија, од кои финасии би си плаќал придонеси, од кои финасии би плаќал данок на државата, од кои финасии би го прехранувал своето смемејство.

@Hipster мила, доволно сум објективна за да воочам многу нешта.
Ако на некој му е задоволство да го прочита ова од мене, еве ќе им го пружам тоа задоволство.
И јас не се согласувам со поединци на отци кои пример возат луксузни автомобили.
Но ова не сакам ни да го диксутирам, само од една гледна точка, а тоа е осудувањето на отецот чиј чин на себе го носи и му е даден од Бог.
Со ова сакам да кажам, дека и тие се луѓе како и сите ние со свои страсти или пороци. Не се тие бестрасни личности, не се тоа ангели, не се светители, туку се луѓе како сите останати. Па како што сите имаме нешто кое чкрипи и од кое не можеме лесно да се откажеме во животот, така можеби и тие не можат. За некои тоа можеби се цигарите кои го исполнуваат, за некој алкохолот, за друг храната (вбројувајќи се и самата себе), за друг дрогата, за некој кафето... а во случајот тука ја ставаме таа земна љубов на некој отец кон автомобил, имот... Па како што би му било тешко на човек кој пуши кутија цигари да се откаже во потполност од таа страст, истото е и во случајот со некој отец. Зашто и во двата случаи зборуваме за луѓе, за две човечки личности.
Факт е дека тие треба да бидат пример на сите останати, но зошто секогаш ги гледаме оние отци и ги дискутираме нивните пороци, а преостанатите кои се трудат не ги ни знаеме?! Не е тоа зашто ги нема, во тоа не можете да ме разубедите, зашто ги има и тоа во преголем број, само нашите очи се зафатени со други нешта, како на пример гревот на другите. А добродетелите?! А нивните добордетели?!
И ќе се вратам повторно на возниот парк на отците, епископите...
Скопје е град со милион жители, додека другите градови се каде-каде поскромни и со жители и со се’ останато. Пример јас не сум од Скопје, па затоа знам како е во другите помалечки градови. За пример ќе го земам својот град каде отци возат Југо, возат Стоеден, возат Лада Рива и тоа возила кои се стари и по 20-30 години. Зошто никој не ги споменува нив?! А тоа е зашто сите го гледаме Скопје. Па во однос на Скопје, сите градиме слика за целокупното свештенство, додека другите отци се каде -каде назад.

@galapce мила, потполно те разбирам што сакаш да кажеш. Но сега да објаснам нешто подетално.
Не реков дека крштевката, венчавката ќе се извршува во домот. Она што сакав да го кажам е дека кога православниот христијанин го прима отецот во својот дом секогаш кога се осветува вода или се прережува колач за слава, ете тогаш и отецот во потполност си ја учи својата парохија и своите парохијани. Но кога човекот не го прима благословот во својот дом преку отецот кој доаѓа во домот, тогаш не треба ни да разговараме. Па како ќе знае отецот дека семејството нема финасии, кога никогаш не го ни виделе својот отец, не ни поразговарале со него. Зашто ако човек сака, се’ може.
Ќе го земам за пример постот на @orevokrsacka. Мила како зборовите да ми ги зеде од уста.
Не е луксуз свадбата од којзнае колку илјади евра, ама ова е пречката и скапотијата во случајот. Не е тоа венчаницата или пак свадбената торта (која истата да е без повод е петпати поефтина од оваа цена), не е тоа фотографот (кој на мои блиски им дал понуда од 1 500 евра, илјада евра луѓе!)... е тоа не е скапо, оти е еднаш во животот. Сфаќам се’, сум поминала низ истото, ама тоа во црквата е она што најскапо.
Ќе ви кажам само еден пример, колку далеку оди човекот.
Имено случкава е од пред некоја година. Доаѓа човекот закажува крштевка и го замолува отецот да не им наплаќа. Отецот се согласува и така доаѓа и тој ден. На самиот чин доаѓа фотограф. Со оглед на цените во градот, ајде отецот си рекол дека им е близок човек, па не им наплаќа. Но шокот е далеку подоцна. Откако завршува крштевката разговараат отецот и фотографот, а притоа без да биде прашан ништо од страна на отецот, овој му вика дека мора да заминува. Каде, како се муабетат, а овој му вика, па во ресторан! Каде, го препрашува отецот? А овој му вика, па имаат закажано во ресторан со музика и се за некои 50-70 гости.
Ете до каде сме ние луѓето денес. Лаже таткото и тоа во храмот пред отецот, само да не даде во црквата 1500 денари, ама за 500 евра има за во ресторан. Тоа е нашата реалност.

Сите дискутираме за венчавка или слично, а не знаеме како стојат нешата.
Прво и основно што треба да знаеме дека младенците не даваат никакви пари. Можеби сумата изгледа висока од 6000 денари, но од таа сума ни денар не даваат зетот и невестата. Парите се поделени на 4 места од кои дел дава свекорот или свекрвата, кумот, старосватот/старосватицата и деверот, сите тие даваат по некои 1 500 денари. И сега дали зетот и невестата се оштетени?! Дали е тоа пречка за да се венчаат?! Што им е скапо во случајот, ама што ги засегнува нив и што треба да платат во црквата?!
За крштевка е исто. Половина (1500 денари) плаќа таткото, а другата половина ја плаќа кумот. Но ќе се запрашаме, колку пати се венчаваме и крштеваме во животот?! Ама изгледа еднаш!
Што ќе не кошта да секој месец оставаме по некои 120 денари и за една година ќе собереме 1500 денари за крштевката. Ама тие пари се многу, само кога се работи за црквата, а се трошат за миг. За две кутии цигари, за едно шише кока кола, за чоколадо... Знам и разбирам дека човек и толку нема, па и тие 120 денари месечно да ги заштеди, но човекот има срце и душа кој на отецот може да му каже, да му објасни. Кој на крај краишта е и тој човек и има разбирање.
И да напоменам дека сите тие 6000 денари кои се дадени за венчавка или за крштевка, од тие финасии дел одат за отецот, дел за црквата, дел за хуманирани цели. Ова знам дека не сте го знаеле, па само да ве информирам.

Знам дека ќе ми го споменете фактот дека треба ова наплаќање да биде хуманитарно. Но препрочитајте го претходниот пост, зошто ние не сме хуманитарни кон нив?!
Или пак да земеме да направиме како во исламот. Нека на годишно ниво семејството плаќа на црквата некоја одредена сума, па нема да има наплаќање. Но и тоа нема да пројде како предлог. Зашто тогаш сите ќе се побунат и ќе речат, дека тогаш пак ќе сакаат да секој кој има потреба тој да си плати. И пак вртиме во круг. Зашто сепак ништо не ни се погодува.

 

Зошто поповите ги нарекувате Отци? Ако ја имате читано Библијата и ако сте верници тогаш ќе знаевте дека во неа пишува дека Еден е Отец - Бог.

 

Не може да не се генерализира кога генерално состојбата со МПЦ е таква како што сите ја гледаме. Јас не познавам ниту еден свештеник во државава кој е сиромашен,кој живее скромно според христијанските принципи, а познавам доволно свештеници за да можам тоа да го тврдам. Ако парите кои верниците ги оставаат во црквата се користат за вистински намени зошто тогаш црквата не дава да се фискализира и зошто и покрај сите напади од верниците не се одважат и не излезат во јавноста и транспарентно да кажат како и на што се трошат средствата, колку средства одат во хуманитарни цели и сл. За сето ова кажуваат дека не било во согласност со принципите на верата да кажат колку и кому помагаат, па не е во согласност со верата ни да возат мерцедеси,да користат ајфони и в време на строг пост да полнат колички во маркетите.
И на секое прашање на нас обичните смртници да одат со контра прашања ,, кога сте биле последен пат во црква?“ , па искрено не мора да се оди во црква за човек да се помоли, да се покае или да помогне некому и тоа не го прави човек поголем или помал верник.

 

@Mimi123 ,
Да, само Еден е Отец на небесата, но отецот на земјата го има благословот даден од Бог да извршува тајнодејствија како Божји посредник. Тој благослов му е даден на ракополагањето од страна на епископот. Односно отецот е посредник помеѓу телесното и духовното.

Па мила бидејќи си ја читала Библијата, односно Новиот Завет, зошто тогаш Бог им даде власт на апостолите да ракополагаат, да извршуваат тајнодејствија, односно да сврзуваат и разврзуваат на земјата за да биде сокриено или откриено на Небесата (ова сигурно си го прочитала)? Значи дека таа власт и тоа именување директно доаѓа од Бог како благослов .


@zvecarka ,
Иако мила можеби имаш близок контакт со одредени свештени лица, сепак сигурна сум дека со многу нешта не си запозната.
Имаше еден мал милион на обиди да се фискализира црквата, да црквата премине под закрила на државата, ама знаете зошто не успеа?
Зашто потоа државата ќе беше таа која треба да им даде месечна плата на свештенството, да се грижи за нив. Ама изгледа тоа не им се допадна.
Ова колку за информација да бидеме запознати .

 

@Serafima mislam deka uste vo prviot post ubavo ti ja razbrav poentata ama ne se soglasuvam so tvojot nacin na razmisluvanje po ova prasanje.
Ne smetam deka ne sme humani sprema svestenite lica.Nema licno za sebe da komentiram oti smetam deka nema potreba i nema da se cuvstvuvam ubavo.
Ne e bitno koj ke ja plati vencavkata,parite sepak nekoj ke gi dade.
Toa i ne e tolku sporno kolku sto e spornoto okolu toa,kade odat tie pari?
Vo racete na vistinskite svesteni lica vo pravata smisla na zborot,vistinski,bidi sigurna deka nema da odat.
Koga velam vistinski,ne mislam na covecko sustestvo bez poroci.
Edno e mila porok i grev,kako sto sme site gresnici,drugo e alcnost.
Ne osuduvam nikogo,no nemozam da opravdam alcnost od strana na ovie lica,alcnost kakva sto retko koj covek ja poseduva.
Kazav i pak ke kazam,ne gi stavam vo ist kos site svesteni lica.
Mozebi mojata svest i sposobnost za prostuvanje i nivo za tolerancija se daleku pod tvoite mila pa nemozam taa alcnost da ja izdjvakam i prifatam.
Jas rado bi gi odvoila tie 6000 denari za nesto drugo namesto
za koka kola preku cela godina,no nemozam da prifatam deka vo crkvata se vrtat takvi biznisi za koi i vrvni ekonemisti mozat da pozavidat.
Kolku sto sum jas sigurna deka ima biznisi tolku drzi voda i tvojata informiranost deka del od tie pari od sekoj hram odat za humanitarmi celi.
Ne se raboti za toa kolku pati ke se vencame i kolku pati ke krstavame,ke go dademetogas i poslednoto ako treba.
No kade odat tie?
Nemozam da prifatam deka luksuzot e samo,samo porok na svestenikot i treba da go prifatime toa.
Jas mu prostuvam,toa si e negova odluka taka da zivee so takov grev,kako jas so moite,no toa ne poteknuva od religijata.
Ni toa ni mojot nacin na ziveenje so site moi grevovi,no jas niven leb ne jadam.Vo toa sum sigurna.

Rama,nemozeme da odelime komu ke se naplati a komu ne.
Site sme isti pred Boga.
Se drugo se ostava na samosvest.
I nasata humanost kon crkvata,svestenicite i bilo kogo treba da se prepusti na nasa samosvest.
Od koga se naplakaat krstevanjata,vencavkite,pogrebite...?
Religijata i verbata na lugeto vo Boga se gubi odkako pocnaa da postojat cenovnicite vo Bozjite hramovi.
Parata go unistuva svetot.Del od toj svet sme site,pa i svestenite lica..
Da zastanam dur poveke ne zabegam..

edit... @Serafima Bog im nalozil i da imaat cenovnik vo hramovite?

 

И тоа е така, гледано од аспект на религиозна припадност - но една работа останува нејасна. Често се забележува помеѓу луѓе муабет на вакви или слични теми, за расипаноста и безбожноста на поповите и владиците, за алчноста, дебелината, возниот парк. Што е нормално, МПЦ има еден куп скандали, од финансиски малверзации до правни голготи во Австралија, сето тоа за пари.

Од друга страна имаме настан кој е од животна важност, дали радосна или тажна - крштевка, венчавка, погреб, што и да е во прашање.

И сега на тој клучен настан се повикува лице припадник на полукриминална корумпирана исполитизирана верска организација - за да изведе ритуал со кој се испраќа бебе во живот или покојник на оној свет?
Ако верникот смета дека владици и попови се корумпирани и алчни - не треба да повикува корумпирани и алчни лица за да извршуваат свети ритуали кои нели треба да се многу повеќе од рутинско мумлање на старословенски писанија.
Да напоменам, постои консензус меѓу луѓето дека свештенството е корумпирано и алчно.

Кога не би бил атеист и би бил верник, јас би се замислил.

 

Драга Серафима,
Македонија е секуларна држава, значи црквата е раздвоена од државата. Доколку црквата се фискализира не значи дека парите ќе одат во државниот буџет, ниту дека државата ќе исплаќа плати на свештениците, дури нема ни да плаќа данок зашто како што МПЦ истакнува приходите во нивните цркви се многу мали.
Значи не држи вода тоа дека државата не сака да постави фискални каси во црквите, туку на МПЦ тоа не му одговара зашто на тој начин ќе се има целосен увид во приходите и нема да можат толку лесно парите да ги делат и трошат меѓусебно.

 

Ова за поповите.
Евангелието според Матеј (23:9): “и никого на земјата не го нарекувајте свој отец, оти еден е вашиот Отец, Кој е на небесата.”

Евангелието според Марк (7: 8 “Зашто, вие, оставајќи ја Божјата заповед, го држите преданието човечко.”

Не секој што ми вели: Господи, Господи ќе влезе во небесното царство, туку оној што ја исполнува волјата на Мојот Отец Кој е на небесата”(Матеј 7:15, 16, 21).

Им заповеда на Апостолите да го проповедаа Евангелието по цел свет, да ги обратат луѓето да се покаат и поверуваат во Бог, што не е случај со поповите овде. Нив не ги интересира тоа. Туку преданијата човечки. Литургии? Каде се овие споменати во Библијата. И така обратените луѓе да го проповедаат истото . И како тоа тие ќе ме поврзат со Бог? Преку баење под мантија?
Јас се поврзувам со него преку Исус Христос, преку молитва.

 

Еве го стариот ценовник на МПЦ (новиот уште го немам).
Голема молитва = 300 ден
Мала молитва = 150 ден
Ова нешто како пица му доаѓа За мене ако може една средна молитва со повеќе печурки

 

cim tatko mi so znae da potrosi poveke pari za slava od so e normalno kaza deka i tie so ne se u niedna vera pak se zivi
MPC dlaboko najebala
ke si gi zagubi tie so najveke ja pocituvale
pa posle popovite ke mora da najdat nekoja realna rabota so ne se kosi so tekot na evolucijata i darvinizmot

 

Каде се видело ценовник на црква бре,па и цени покачуваат? Не ми легнува тоа и не ми легнува!
Еден свештеник треба да биде духовно лице,да прима секој што сака да биде поблизок до Бога,што сака детето да го крсти во света вода како и бракот да го круниса пред Бог.
Не ме сфаќајте погрешно,јас воопшто не сум верник во црквата,туку само во Бога.Ама црквата како институција има една примарна цел,Божји посредител.
Овие години што се сум видела од свештени лица постојано ми покажува колку се расипани.
Можам да гарантирам дека секој што влегува во црква,колку и да е сиромашен остава по некој денар.
Читам погоре зборувате за сметки.Кои сметки бре,200 денари за вода и 1500 за струја? Па тие пари од еден погреб ќе ги соберат,ама ај да не грешам душа.
Знаете ли на Задушница колку пари се остава во црквата,иако само 3 има во годината? Ами на 9 дена,на 40 дена,на 1 година,2 години од закопот на починат?
Башка се дели храна каде што оние одговорните јадат,а исто гарантирам дека секој ден има по еден погреб,факт е дека повеќе умираат отколку што се раѓаат.
И свеќите од 2 и 3 денари ги нема,сега само од по 5.
Ај што имаат пари поповите,ама сте напраиле ли муабет со некој од нив? Сте ги слушнале како пцујат,пијат по кафани и кажуваат мрсни вицови?
Од мене за такви,почит никад.Секоја чест за исклучоците.

 

Чекај малку. Значи, како што посочи @Mimi123 , Исус вели дека само еден е Отецот и никој друг на Земјата да не нарекуваме Отец, а ти велиш дека Бог назначил и други отци на Земјата. И сега кому да веруваме, на тебе или на Исус?

Понатаму, ти велиш дека тие земни ткн. „отци“ се Божји посредници. Но Библијата вели дека само еден е посредникот меѓу Бога и луѓето, а тоа е Исус.

„Зашто еден е Бог и еден е Посредникот помеѓу Бога и луѓето – Човекот Христос Исус” (1 Тимотеј 2: 5, Библијата)

 

Еден е свет еден е Господ Иисус Христос, во слава на Бога Отца! Амин!
И Евангелос и Мими123 си знаат што им вели Христос на апостолите, што ќе врзат на земјата тоа ќе биде врзано и на Небото и што ќе разврзат на земјата ќе биде разврзано и на Небото. Таква власт имале апостолите, таа власт ја наследиле: епископите (владиците) и презвитерите (јерејите, свештениците, поповите).
Посредништвото на Господа Иисуса Христа, Бог Словото, Бог Синот, е во очистувањето на гревот. Без Христа и без Крстот, ние не можевме да добиеме прошка на гревовите и на првородниот грев. Исто како што сега без светата тајна исповед која се врши пред свештеник, не можеме да добиеме опростување на гревовите кои катаден ги правиме.
А свети апостол Павле во посланијата вели имате многу учители, но само јас сум ви отец, оти јас ве родив во Господа Иисуса Христа. Или и свети апостол Павле бил во грешка?

Понатаму овде Евангелос се потсмева со големата и малата молитва, ама не кажува како си ја финансира сектата во која оди.

Друго сакам да прашам дали Мими123 разговара и се дружи со мажи со долги коси и со фризери? Дали пораките и писмата што ги добива сопругата на Евангелос прво стигаат кај него, па кај неа? Дали и двајцата во сабота држите строг пост (без храна и вода)?