уф макарони со туна обожавам..а сакам и печени во рерна со салама кашкавал сирење им ставам и јогурт ммм
Ги сакам оние најситните макарони, ги варам со сол и откако ќе им ја истурам водата, земам парчиња сирење, ги дробам и ги ставам во макароните. Во тавче со маргарин пржам лепче исечено на коцки, го правам ко нафора, со црвен пипер и вегета, и тоа го ставам во тенџерето со макароните. Мешаш се со една дрвена лажица и ја имаш најубавата паста.
Јас ги правам вака: Правам смеса од 3-4 јајца, малку масло, 1 кисело млеко, сирење по вкус, малку сол и сода бикарбона, во оваа смеса ги турам претходно сварените макарони, се меша добро и се тура во намастен плех, па макароните ги полевам со благо млеко (околу пола литар) и се печат. 100 пати проверено и превкусно!
Најдов многу убав рецепт за макарони. Состојки:едно пакување макарони-облик по желба,1 глава кромид,1 глава карфиол,500мл сос од домати,малку сол и црн бибер. Во тенџере ставете вода,посолете ја и проварете ја.Карфиолот поделете го на цветови и додадете го во зовриената вода.Варете 5 минути,па извадете го готовиот карфиол на чинија. Во истата вода ствате ги макароните да се сварат. Во тава на малку маслиново или сончогледово масло пропржете го кромидот.Посолете го за побрзо да омекне.На лукот додадете го карфилот и црниот бибер.Динстанјте ,па додате го сосот од домати.Може да додадете вода за да го разредите сосот. Готовите макарони исцедете ги,додајте ги карфиолот со сосот од домати,промешајте и послужете се. Бон апетит
Се варат во солена вода после ги ставам во тавче со малку зејтин,вегета и сирење,последниот пат направив сос со пржен лук,печурки и томатело ммм
Сос за макарни 2 лажици ( не многу полни) шеќер 1 Кутија Томатело сос ( сос од домати) 2-3 чешниња лук оригано босилек цимет сол Се пржи шеќерот додека д се растопи ( да добие златеникава боја), внимавајте да не ви загори ќе горчи сосот!!!! Се додава Томатело и се остава да да врие се заедно со шеќерот околу 20 минути. Се додава лукот ситно исецкан, оригано,сол, босилек, и малку цимет. Сето заедно да врие уште 10 минути. Со овој сос се прелеваа претходно сварените макарони на вообичаен начин. Бон апетит
Јас ги обожавам макароните па затоа ги правам и многу едноставно и брзо.... Ставете вода и малку масло и сол во водата...чекајте да зоврие. Додадете ги макароните и оставете ги да се сварат.(не во буквална смисла секако замешајте ги) Кога ќе бидат готови изцедете ја водата од макароните. Посолете ги по ваш вкус.Изрендајте сирење и измешајте.. Јас ги сакам со многу кечап.. Пробајте...
еве како јас ги правам: во поголемо или помало тавче ставам зејтин да се стопли. ставам една мала главичка кромид исечкана и пропржувам. Кога добие кромидот жолтенеста боја ги додавам макароните. Пропржувам и го додавам кечапот. Го промешувам тоа убавл и го ставам да се пече. По дваесетина мин. ги вадам од рерна и спремни се за јадење. Додатоци по вкус. Најчесто сирење
Само што се изнајадив, мх мх мх, се заситив мислам за цела година. Овој рецепт е за оние кои водат здрав режим на исхрана, кои не комбинираат макарони со млечни производи или месо. - Макароните се варат во засолена вода и после се остават да се исцедат. Во тавче со маслиново масло, пропржувам лук, 4 чешниња, па додавам печурки со оригано, и се тоа го пржам 5 минути на тивко. Откако ќе добијат на боја, им додавам томатело, малку луто, од чили. После откако цело ова е готово, го поливам врз макароните и мешам да впијат сите. Чекам малку да изладат, па додавам ситно сецкани маслинки и пола краставичка. И на крај ронам малку рузмарин. ...
Покрај тие со газирана вода, често за моја душа си правам и вакви: Макароните се варат во солена вода и се цедат. Претходно изренданиот кашкавал го ставам во макароните и ставам една до две лаж маргарин па тоа малку го пропржувам на оган само колку да се растопи маргаринот и кашкавалот. На страна во загреано тавче(може кромитче, лукче), пропржувам печурки, кулен(чајна, салама, пушено месо, зависи што имам во моментот) и откако ќе бидат готови ги мешамво макароните. Одлично јадење, пробајте!
Голем љубител сум на макарони па пред некој ден си направив едни по мој вкус. Прво ги сварив макароните па после ги ставив во тепсија и им ставив кулен ситно исечкан,после нарендав сирење и кашкавал и на крај им ставив и јајце.Малку ставив и бибер и вегета колку само за вкус. Превкусни беа!
Може ли да ми кажете некој рецепт, некоја салата посни макарони, со туна или било шо само да биде посно?
