Македонки во Германија

I jas sum medicinsko lice i nikogas ne bi prifatila, edna profesorka kaj nas vikase ima zosto ne se svrtelo a nie odime protiv prirodata. Pogolem stres za bebeto neznam dali imam videno od toa vrtenje, ama ima klinika kade sesto primenuvaat samo carski da ne vrsat i ova ima zosto taka pravat ama da ne navlagam.Jas rodiv prirodno 4.5 kg, taka da neznaci deka golemo bebe mora da zavrsi so carski. Sega ova ne e svrteno uste, isto e golemo.Koja nedela si bebeto moze i vo 37 nedela da se svrti.

 

Јас сум многу мала а маж ми е висок, бебето е генетски поголемо затоа ми рекоа дека можно е на крај царски да испадне… денес сум полна 36та од утре 36+1. Се надевам дека ќе се сврти. Дали се тие вежби indian bridge функционални?

 

@arwen93 без дополнителни индикации, големо бебе не е индикација за царски само по себе. Плус царскиот е исто така многу стресен за бебињата и со причина е оставен како последна опција. Кога е природен пораѓај, бебето е самото спремно и турка. Со царски не е така. Бебето си пливка и уживка во топла водичка и наеднаш некој само го вади без воопшто да е спремно. Еден куп бебиња така, вклучително и моето доживеа респираторен дистрес. Оти го вадат и оно појма нема што се дешава и често првото земање воздух е неправилно и потоа има проблем да диши самостојно. И плус следниот период не е свесно дека е извадено. Така што царскиот воопшто не е наивна работа иако често се зема здраво за готово. Лично, би прифатила вртење. Да му се даде шанса на бебето да си го најде самото патот низ каналот и да се стекне со чувство на раѓање. Ако не, царски секако ќе ти остане опција. Одлуката секако е само твоја, јас исто ко Лаванда, би прифатила вртење да сум на твое место.

 

Офф не знам… ни со вртење не е гаранција дека до крај ќе остане така има мал процент шанса дека може пак да си се сврти. Во секоја опција има ризик… и вртењето е стрес и царскиот е стрес за бебето, а докторот рече нема шанси со оваа тежина природно карлично да ја вадиме. Ајде само нека биде паметна и нека си се сврти сама да не ми е мисла веќе ова

 

@arwen93 не секогаш мерките на ехо се точни за толку колку се големи бебињата . Мене последното ехо ми рекоа дека синко е 3 кила, да вечерта на пород испадна 4050 гр. И долг 58 сантиметри. А јас сум исто 158 см висока . Процесот на породување беше започнат , 9 цм отворена бев , се во ред без пукнат водењак . Бабицата го пукна и бебе се помести , немаше шанса да излезе нормално и ме пратија на царски.
Првиот пород природно , вториот царски и третиот решивме царски.
За мене царскиот не беше подобра опција , ама за бебе да .

Ако верувате за првиот природен пораѓај , кога се роди бебе, земаа на мерење . Јас станав од столот отидов да гледам што прават. Се додека не почна да ми се врти свеста
Кој памет ми бил .

 

Ne se plasi dotogas moze da.se svrti stom dosega e mnogu aktivno. Pravi vezbi kolku sto ti dozvoluva teloto,so lesno neka bide kako sto treba

 

Bebeto samo ne si go naoga patot so vrtenjeto tuku se pravi so ekstremen pritisok, prutiskanje, vlecenje zatoa se sledi epten pretpazlivo pulsot na bebeto. Procedurata vo skoro 50 posto od slucai zavrsuva neuspesno i se pristapuva kon iten carski.

 

Само со убава мисла, се ќе биде најдобро.

 

Е да. Вртењето е со притисок за бебето да се намести пред каналот. Таму самото се снаоѓа да помине во најголем дел од случаите. Плус бенефитите за бебето се огромни со самото поминување низ каналот. И 50% е доволна шанса што се дава на бебето да помине низ канал место само да биде извадено. Плус те следат експерти во секој момент спремни на секој исход. Верувам дека е неудобен процес и можда трауматичен некогаш, ама еве не и после трауматични пораѓаи пак со бебиња. Некои од нас ем немаа среќа да поминат лесно, ем сакаа уште некое бебле.

 

Дур сум тука, не знам дали претходно имам спомнато, “шаци” ми е омилен германски збор.
И кај нас имаме Шатци дрогерии, ама никогаш не сум се запрашала што значи. Мислам дека Т не се изговара… или се изговара ептен нежно, ретко го слушам зборов, ама ми е многу убав.. и дали воопшто е истиот? Јас по некоја логика имам поврзано. Сега го слушав почесто кај бебињата на клиника.


И да прашам.. продолжив да ги пијам трудничките витамини кои не ги пиев во бременоста ама сега доењево ме троши доста. Башка си зедов некои гумени бонбони од дм, витамински за коса, кожа, нокти, содржат колаген и плус некои други витамини… дали смее колаген уз доење? И дали можам и едните и другите да ги консумирам или да не ги мешам?

 

Сигурно го слушаш шпаци-врапче кое го користат за даца.Јас исто мислев дека е шаци се додека еден ден не чув едно п. Шаци го користат почесто за саканиот/саканата.

Јас само едно ќе кажам се што стои во книга не е секогаш исто и во пракса.Ние економистите велиме 1+1 не е секогаш 2.
Така теоретски природниот пораѓај, доењето се тоа е најнормална најприродна и најздрава работа што една мајка може да му го пружи на детето.Никој не гарантира дека детето после тоа ќе биде поздраво.Колку случаи знеаме не доени деца колку поретко се разболувале од моиве.Моиве нон стоп болни.Па и сега еве.
@Yowannty велиш малото ради царски доживеало траума па има респираторен проблем.
Мене со малата 1 недела ме мачеа за природен пораѓај пошто беше пред термин скриенот шеќер.Што добивме, последниот ден ми идеше да се убијам веќе од исцрпеност, болки , умор , а породилни болки немав отворена едвај 2прста.Молев за царски.Др ми вели ај уште ова да пробаме ,волку се измачи издржи уште малку.
Бидна како бидна природно се ок беше да речеме, ама еве не 4 години од бронхити глава не сме дигнале.А докторот кажа не била асматичар пошто нема алергија ,до 5 год се очекува да мине.
Па си велам од што и е од многуте хормони, од предверменото породување ,од инсулинот ли во бременоста ,прашања што ден денес ме мачат , а изгледа кога ќе идам горе некој ќе ми каже до тогаш само ќе се прашувам.

Така како една жена се осеќа најдобро е да прави.Пошто пораѓајот е најлесна работа после чувањето е дека дека потешко.Кажав еднаш и ќе се повторам кога станав мајка на едно давав совети оти мислев сите деца се исти, кога станав мајка по 2пат престанав да давам пошто што важеше за првото не важи за второто.

 

@Ava.84 тоа што бебето со поминување низ родилен канал ги собира сите позитивни бактерии е само бенефит за самото бебе. А можда би било уште по болежливо без нив нели? Доењето односно мајчиното млеко е неспоредливо најдобрата храна за бебето. Тоа не значи под дифолт дека понатака нема да се разболува, тоа значи само дека го примило најдоброто за него. Она што природно се создава и адаптира на неговите потреби. Не дека јас го велам тоа, туку е научен факт.

Кога одиме на забар не кажуваме како се чувствуваме па според тоа да ни се прават забите, или кога одиме на било кој друг доктор не им кажуваме како сакаме ние тие да оперираат оти така сме се чувствувале. Само на гинеколог си земаме за право да се договараме како ние сакаме, без да размислиме дека некој таму учел 10 години школо и сума години искуство за да знае да процени што е подобро за бебето или двајцата. Мислам очигледно за пари кај нас се многу лесно проаѓа.
И јас бев преуморна со првите две, со второто сума докторски пропусти, измалтретирана, измрцварена, два дена врзана за кревет, за малку жртва на лекарска грешка, ама се тоа проаѓа.
Јас пак многу сакам размена на мислења особено кога е прашано, оти многу се учи од нив.


Шаци, шаци ми е дефинитивно омилено.

 

Јас не би одела на вртење.Имав тежок прв пораѓај и исто како кај Дани го спуштаа синко со нивни техники,ама ако напишеш гевалт ин крессал на YouTube ќе видиш кој стрес се тие техники за детето и мајката,во Франција овие техники се забранети.
А, спази имав упат од матичен за царски рез(стар доктор во пензија,ама уште си води негова пракса),оти и високоризична бременост со затварање на грлото на матката,ама се погоди една луда докторка и вика твојот матичен мери грешка и можеби немаш големо бебе,па и беше лошо завртено.
Кога се породив ја сретнав во лифт и ми вика гледаш дека ќе биде кај тебе,искрено ми се идеше очите да и ѓи ископам.Се роди синко со 4350 грама,ама јас сум ситна 160 висока,мислам си играа со мојот и животот на детето.
Дека се експерти можеби се,ама не сите и на некој егото им удара у глава.
Секој ден работам со доктори од различни оддели и многу пати им се чудам на експертизата.Што викаме со колешките многу пати ти треба среќа да ти се погоди прав доктор да преживееш.
Да го имав овој мозок ќе им удрев една тужба,оти се случија и куп друѓи работи за кои не ми се пишува.

Така да природно не по секоја цена.Џерманциве се многу натурел и се прават да се породат природно.
Имам пријателка првото и беше со провокација,второто сама кажа дека сака царски и вика не се споредуваат пораѓаите.
Вика да одам на уште едно одма пак ќе се нафатам за царски.

 

Сега баш читам за процедурата, убаво си пишува дека има success rate од 60%, но дека во 0,5-1% случаи може да предизвика итен царски. Значи не е дека во 50% од времето завршува со итен царски, туку едноставно бебето не се врти.
И пак ризикот за таа процедура е понизок од царски.
Затоа и велам, доколку нешто не е јасно, најдобро е да се седне со доктор и да се разговара, да се помине низ ризиците и бенефитите, да се добие слика за процедурата.
Има зошто се "форсира" природен пораѓај, полесен е и за бебето и за мајката и доаѓа со еден куп бенефити.

 

Апсолутно не се споредуваат пораѓаите. Со природен и уморна и со конци и на гз да не можеш еден месец да седнеш, раната е сепак само надворешна, башка можеш да раѓаш колку сакаш после тоа. Со царски, сечени неколку слоеви кожа, на страна што не е класичен пораѓај туку процедура на вадење на бебето, па во германска клиника кај што со ибупрофен за постоперативни болки очекуваат да станеш после 8 саати е ужас. Е за тоа се сложувам бар царски во наша клиника во Македонија ќе те надрогираат и сигурно многу полесно ќе поминеш.

Истото го поминав со првите две. Провокации од 7 сабајле па на итен царски во 8 вечерта. Со второ провокации 3 дена, 4тиот царски. Да раѓав природно пак така ќе одев. Со ибупрофен не можев од кревет 2 дена да станам, а имам висока толеранција на болка. Затоа овој пат ибупрофените си ги собирав во несесер и пиев кетонал што го нарачав од мк за да го преживеам тоа прво станување и капа им симињам на сите овде што стануваат по царски со ибупрофен. Не знам дали е пракса така во цела земја, овде кај мене е така.

Иначе апсолутно не се оди ни на природен по секоја цена. Ама ваљда правилно е експерт да процени во која ситуација царски е подобра опција и за бебе и за мама.

 

Да секој е со различна приказна.Само како што кажав јас не верувам баш на сите лекари и според мене има лекари со големо его.
Не знам каде работиш,само како што кажав од тоа што гледам не значи дека ако имаш диплома си добар лекар или сестра(истото важи и за дипломи од другите области).
Некако многу розаво го гледате здравството во Германија.
Дека со приробен си одма мобилен,па и не би рекла,јас се онесвестив од што изгубив крв на пораѓајот.Првата вечер не можев од кревет да станам од што ми се вртеше и ѕвонев да ми помагаат со детето.
Моја другарка првата вечер без проблем после царски си го чуваше детето- не беше издрогирана.Пиродена со двата пораѓаи во Германија.
И како што реков,ако добијам нареден пат упут за царски рез не би контрирала на мојот матичен.Оти според мене матичниот ти ја види бременоста,а не докторот од болница каде ја цени твојата состојба за време на разговор од 2 минути.

Дека природниот е подобро нема сомнеж,ама кај нормална бременост.

 

Да ве прашам, можеби многу се задржавме на тема бременост ама ме интересира и ова, дали матичниот гинеколог до 9ти месец ве прегледува со вагинално ехо или од еден период преоѓа на стомак? Мене само на пренатална медицина на скрининг ме гледаа на ехо а кај матичната само доле и кога им го кажав ова во клиниката малку се зачудија ми викаат ти си втората до сега што вакво нешто ни кажува… во петок сум кај мојата матична на контрола дали да ја прашам зошто прегледите се такви кај неа а кај сите други гинеколози очигледно поразлично?

 

Ај да сме живи и здрави. И бебињата и ние.
Секоја приказна, секое искуство е уникатно.
Да си кажеме фала што ги добивме, па дали спонтано дали царски. Дали цицале или морале да пијат АД, само нека раснат здрави и се да минува.
Во животот им претстојат толку многу предизвици, а и на нас со нив. Тоа да го истераме.
А дали 6 месеци цицало само или и дохрано земало, како мајка му на свет го донела, најмалку битно. Тоа повеќе траума за нас е, на нив живот напред им оди.
Само убавини нека има.

 

Мислење на некој што бил 24ч на смена и уште толку има од смената сигутно нема да се нафати со концентрација нула на не неитен царски.
Така да и и тие што учеле и 100 години, имаат гени на луѓе и сакаат колку што можат топката да ја префлат на друг или да заработат некоја пара плус.

А никаде не оспорив дека природното не е подобра опција , ама треба жената сама да си одлуче .

 

Е да де. Кај уредна бременост природниот пораѓај е подобар. Царскиот постои за тогаш кога природниот не е опција, не е игра на желби. Ако проценат дека треба да си царски, да, апсолутно.

Истото го реков. И со природен може нема да си мобилен ама пак е многу поздрава опција како за твоето тело така за бебето. Освен нели во специфични случаи кога е проценето дека не е, или погрешно проценето околу природниот.

Ич не гледам розево на германскиот систем, особено што самата ќе бев жртва на истиот. Веќе кажав и претходно многу пропусти направија и за малку ќе завршев во статистика на лекарска грешка и ја и бебе. Грешки, ега, невнимание.. постои во секој систем, нема систем кој што е совршен.
Па пак гледам да сум реална и да не фаворизирам лични желби наспрема она што е медицински факт околу пораѓаите.


@Ava.84 ќе се сложиме дека не се сложуваме. Како што не можеш да отидеш на адвокат и ти да му кажуваш како да го застапува случајот, ниту на судија да му кажуваш како да суди, ниту на лаборант од која вена крв да ти зема, ниту на анестезиолог како и каде да те боцка, така ниту смее ниту треба да му кажуваш на гинеколог како да те пораѓа. Ама од како треба, до како сакам е мала разликата.