Македонки во Германија

Не ми прави кеиф така . Додека ја чекам нарачката, ќе ми се одмиљи

 

Прво, искрено благодарам што дискутираш аргументирано и не напаѓаш лично, ретко е на форум и навистина го ценам. И веднаш да признаам: неколку работи што ги кажуваш се точни и немам што да дискутирам против нив. Имаш целосно право за јаслите. Ако државата не нуди место за дете од 5 месеци, а истовремено ја укинува потпората што му овозможува на родителот да остане дома тогаш навистина ги стиска токму семејствата за кои тврди дека се грижи. Тоа е реална противречност и не сакам да се правам дека ја нема. Решението е повеќе градинки и подобар елтернгелд, не да се преправаме дека дупката не постои. Точна си и за тоа дека висок приход не значи богатство. Млад пар на 33 со 100.000 бруто, студентски кредити и без заштеда е сосема поинаку од некој со капитал. И мислам дека нема потреба да ги ставаме сите политики во еден кош засега, бидејќи за нив се дискутира и не се воведени.

Второ, еве и нешто практично што всушност ти оди во корист: бидејќи прагот се мери на оданочлив приход, а не на бруто, ти имаш повеќе контрола отколку што изгледа. Ако си близу границата, со малку планирање однапред, уплата во Rürup или betriebliche Altersvorsorge, искористување на сите одбивања, тајминг на бонус во друга година, можеш да го спуштиш оданочливиот приход под 175.000 и да го задржиш целиот елтернгелд. Значи за семејство што е само неколку илјади над линијата, вистинската „загуба“ често воопшто не е неизбежна, само бара да се седне и да се пресмета однапред. Не велам дека тоа го решава проблемот за сите, некој со 220.000 можеби не може реално да се спушти на 175.000. Ама за многумина баш на работ, разликата не е „еднo евро ме чинеше 21.600 елтернгелд за една година“ туку „никој не ни кажа дека со малку планирање можев да земам елтернгелд. И токму затоа ваквите дискусии се корисни, не за да се караме, туку за луѓето да дознаат како функционира системот и да го искористат во своја полза.

Понатаму, eве конкретно, на твојот пример, само за илустрација, еден доход од ~100.000 евра бруто, партнерот дома, три деца. Кога едниот е дома, влегува сплитингот и тоа го менува нето многу повеќе отколку што изгледа — гледано на годишно ниво, нето излегува некаде околу 6.000–6.800 месечно (точната бројка зависи од тоа дали си приватно или јавно осигуран, црковен данок, итн.), плус киндергелд за три деца од 777 евра. Елтернгелд: 0. Од друга страна се трошоците — твоите 2.000 ладна кирија (значи ~2.300 топла со режии), јасли (во Минхен тоа варира многу, од речиси бесплатно за постарите деца до неколку стотини за јасли), храна за петчлено семејство, бебе, осигурувања, превоз. Тотал, реално некаде околу 5.000 месечно, плус-минус, зависно од стилот на живот. Не тврдам дека точно остануваат толку и толку евра, тоа зависи од твоите конкретни бројки. Ама и со конзервативни претпоставки, и со твојата кирија, на едно добро домаќинство со еден доход и сплитинг му останува јасен вишок од над илјада евра месечно. Затоа велам „две години на една плата“ е реално и не го омаловажувам тоа, ама „не знаеме како ќе ги платиме сметките“ е сепак друго нешто. Прашањето не е преживување, туку дали државата треба да дополнува домаќинство што и онака завршува месец со плус.

И за крај би додала уште.... да да знам досадно е ама ова е социјална држава не е точно дека земаш „нула“ од системот. Напротив, високиот приход добива многу: сплитингот, киндерфрајбетрагот, плус сето она што даноците го финансираат и што го прави можен токму тој висок приход. Чувството „ништо не добивам назад“ е разбирливо, ама фактички не стои.

И тука е поентата за социјалната држава: таа не работи на принцип „колку дадов во даноци, толку да земам назад“. Тоа би бил автомат за кафе, не солидарност. Поентата е дека помошта оди според потреба, не според придонес, затоа некој што воопшто не работел сепак добива минимум за бебето, а некој со многу висок приход не добива, зашто може и без тоа. Не велам дека границата е поставена совршено, за тоа и расправаме, дали е премногу остра, дали е прениска. Ама самиот принцип, дека помагаш каде што е најпотребно, а не каде што најмногу си уплатил, е токму она што ја прави социјалната држава тоа што е.

 

Ха, фер, признавам, јас сум од тие што сакаат бројки .

И само да разјаснам, бидејќи мислам дека се сфативме погрешно, кога реков дека прагот засега околу 10% од паровите, не мислев дека проблемот е „небитен“ за тие што ги засега. За нив е сосема реален. „Засега малку луѓе“ и „не е важно за нив“ се две различни работи.

Ако сакаш да продолжиме за самиот елтернгелд, кој модел е најправеден, каде да биде границата, со задоволство и со почит. Поздрав и убав ден!

 

Некој бараше урда, јас овие од кауфланд ги зимам.

Многу привилегирано се чувствувам што имам балкан ладен во градов ,цедевита има и од портокал и од лимон и од ананас, па и цевитана имаат. Газоза и прилепска и струмка, тетовски грав и кочански ориз на мерење, џмирки или да ме разберете чварки исто има на мерење .
Ај чао ќе си одам јас утре за Македонија!

 

Не бе ти не си у тек. Почна Адидас да купува онлајн сега. Ја убедивме.
Јас ќе ја научам како да враќа. Се нешто си враќам надзат.

Леле ко чатот овој јпт да го исчитав на темата . Халуцинирам веќе изгледа. Од сонцето денес веројатно.

Инаку да денеска 30° кај мене беше, ама пошто нели до вчера 10 беше и врнеше, сега така малку сите затечени беа. На едно езеро бевме, имаше и нешто за гледање за детето животни и не се нормални бе, се бањаа веќе. Отиде малата да брцне нозе рече ладно било.
Епа ладно ќерко ти идеш од земја каде што промаја е најстрашно нешто..не си у крв ко овие на прво сонце да се бањаат.
Ама стварно беше ладна водата. Не верувам да беше над 15 степени. И деца и постари се бањаа ко сред лето да е.