Македонска крвава свадба е македонски филм од 1967 година, режиран од Трајче Попов, со Коле Ангеловски, Вера Чукиќ, Драгомир Фелба, Зафир Хаџиманов, Драги Костовски, Петре Прличко, Ристо Шишков, Јанез Врховец и Павле Вуисиќ во главните улоги.Филмот е екранизација на истоимената драма на Војдан Чернодрински од 1900 година. Филмот ја раскажува приказната за девојката Цвета (Вера Чукиќ) која е грабната од страна на еден османски бег (Ристо Шишков) и потоа однесена на неговиот харем. Иако бегот се обидува да ја потурчи, нејзината упорност, како и нејзините соселани, предводени од саканикот Спасе (Зафир Хаџиманов) и локалниот поп (Павле Вуисиќ), потпомогнати од дипломатите на големите сили на крајот успеваат да ја ослободат. На денот на нејзината свадба, доаѓаат бегот и неговите војници во обид да ја повратат девојката. Цвета умира, но Спасе успева да го убие бегот и потоа „заминува со комитите“.
Некаде средно бев кога ја читав книгата и го гледав филмов. Постар филм, наша народна приказна и тоа е тоа.
Јас го имам повеќе пати гледано филмот, интересна приказна. Инаку една од тие бабите што ја плачат Цвета пред црквата е моја прабаба т.е. мајка на мојот дедо, бидејќи дел од филмот е снимен во едно село од каде што потекнува дедо ми па ги зеле за статисти и баш поради тоа го имам повеќе пати гледано и тоа уште како многу мала
И мене ми е интересен филмот..А посебно ми е згоден Ристо Шишков...Цвета ја видов на сликии многу е остарена неможев да ја препознамм Ама се држи добро за 75 години
Обично не ги сакам ваквите теми, ама филмот е бизарно квалитетен. Од мала ми беше интересен, а страшен. Имаше некоја егзотика што останува врежана, како сцените од сарајот или пак сцената со дервишите, нешто што е друга култура и чудно за гледање, иако дел од истата земја. Заедно со "Република во пламен" потсеќаат на холивудските историски спектакли од 50-те и 60-те. Штета што е мрачен за разлика од нив. Можеби му треба римејк , но тешко во Мк да се сними филм од ист ранг денес.
