Толку сум пријатно изненадена! Вакво нешто беше многу потребно во Македонија. Да објаснам се работи за виртуелна бесплатна библиотека со македонски дела! Сеуште нема голем избор на дела, ама идејата е ТОП! Многу се заинтересирав и сакам да го слушнам вашето мислење. Страницата е: www.makedonika.mk
Jас се зачленив и веќе почнав една книга.Dобра идеја пред се,малку да се запознаеме со нашите писатели.Tаман кога ќе нема што да читам тука ми е Mакедоника
Зошто не можам да се најавам на странава? Успешно се регистрирав и мислам дека после регистрацијата треба меил да испратат, но се' уште немаат..Што е работава?
^ Пробај пак, да не си го утнала мејлот при пишување? Мене веднаш ми испратија мејл за да го активирам профилот. Инаку, ми се допадна идејата за објавување македонски книги, баш и немавме голем избор во електронски верзии. Единствено имам замерка за тоа што не може да се симнуваат книгите, па наместо на киндл морам да ги читам на лап топ.
Веќе при првото отварање на книготеката, додадов неколку книги во мои. Следни за читање ми се „Бед инглиш“ на Дарко Митревски „Захариј и други раскази“ - Михаил Ренџов „Бунар“ од Димитар Башевски „Штамата на Енхалон“ - Ненад Јолдески и уште три- четири драми. Speaking of that, имала ли досега некоја од вас проблем при отварање на некоја книга? Откако се регистрирав пред неколку недели, ми прави проблеми со отворање на „Приказни од дивиот исток“ на Горан Стефановски. Ја барав низ книжари, никаде ја нема, таман се израдував и сега ова... На почетокот ниту ми отвараше, постојано на екранот читав Вчитување на книгата, Ве молиме почекајте. Денес кооонечно ми ја отвори, сега ми покажува само 1/2 of 17, а при првото отворање беа 18 страници. Колку што знам оригиналното издание е 161 страна, ме буни некако ова.
Бра-во! Јас ја поздравувам идејата, ова стварно ми се допаѓа, само што ете исто имам замерка ради фактот што не можат да се симнуваат книгите, а јас имам страшен проблем со очите доколку поминувам долго време пред монитор, па ми претставува проблем тој дел. Пробав со Snipping Tool да го исечам текстот па да го ставаm во Word, и директно да го носам на печатење, испадна добро, малце се као заматенки буквите, али во ред е сепак.
Ау, супер за идејава. Навистина. премногу ми се допадна. Јас малку сум назад со настаниве, па дури сега дознавам, случајно, ама важно дознав. Супер. Штом ја завршам веќе почнатава си избрав книга, "Улица" од Славко Јаневски, И онака долго време се токмев да ја земам од библиотека, вака на лаптопов ќе си ја прочитам. Уште еднаш браво за идејава, ни требаше нешто вакво
Многу добра идеја и супер реализација. Како прво, супер е да се имаат на дофат повеќето дела од македонски автори.. иако, искрено, за повеќето од насловите немав чуено. Потоа, реализацијата им е многу добра. Ми се допаѓа како е среден сајтот и филтрирањето на книгите, што прави се` да е полесно. Плус, убаво е што голем дел од лектирите и делата за на училиште ги има на сајтов, па не морам да трчам до библиотека постојано. Покрај тоа што не можат да се спуштат книгите, замерка ми е и тоа што мејловите мнооогу им каснат. 2 пати ја заборавив лозинката и се изначекав додека стигна нова. Ама се надевам ќе го средат и тоа.
Штета што оние кои не се задоволни од Chrome а не се навикнати да користат Apple Safari не може да го користат сајтов. Се надевам дека услугите ќе бидат достапни со сите пребарувачи, или барем оние најкористените во регионов.
Online книги на makedonika.mk се регистрирав..и ми стаса на емаилот порака се е ок, ама неможам да се најавам го пишувам емалиот...****.****@hotmail.com и пасвордот и не ме најавува..стегнав заборавена лозинка, ми дојде новата на емаилот, ја пишав неа и не ме најавува и така, што е проблемот, нешто во емаилот?
Идејата е добра, сајтот е добар, се регистрирав ама прво, има недоволно понудени книги и второ, пробав да читам ама некако не оди, се откажав. Поубаво ми е кога читам книга печатена, вака да зјапам и да се зрачам...
