Луѓето секојднево и заради стрес - зачестено се соочуваат со тешкотии кога се работи за здравјето. Кога страда психичкото здравје, повлекува и низа други проблеми кои се манифестираат на најразличен начин. Целта на оваа тема е да се споделуваат дневните достигнувања, независно од тоа колкав е нивниот обем и сето тоа без никакви осудувања и предрасуди. Ова е простор за споделување кој што направил денес без разлика колку незначително звучи. Мотивирања се секогаш добредојдени. Десетина чекори, ново или старо хоби и резултат од него, завршување обврска. Било што. Нека темава биде простор каде ќе може да се видат резултати од физичките активности кои најмногу помагаат за надминување на проблемите низ глава кои мозокот најчесто знае самиот да си ги создаде без да има никаква причина за тоа и нека биде еден вид мотивација за оние кои можеби денес не биле во можност ниту да излезат од дома. Може да се вметнат и слики од поминати чекори ако користите апликации, слики од резултат на некое хоби и труд, слика од јадење... Без осудувања, без предрасуди, без омаловажувања. Секој знае со што се соочува самиот но не знае со што се соочува некој друг и ако некому нешто му е премалку, за друг можеби токму тој ден ќе биде најмногу што му се случило во одреден период. Нека не служи темава за демотивирање, ако денес немате некое достигнување, утре, задутре или можеби некој ден од наредната недела ќе биде денот кога ќе почнете или ќе направите нешто повеќе. Темата ќе си биде овде и ќе ве чека
Оваа тема беше креирана на база на ова мислење. Ќе почнам јас: вчера сакав да прошетам малку за да одржам кондиција и дополнително испешачив околу 3km. Ќе беа повеќе да не смрзнев и заради тоа да не се вратев порано Не очекував да има толку ветер.
Namaliv jadenje vo globala, se se sveduva na nekoi niskokaloricni hrani. I pocnav po 5 km da pesacam sekoj den. Voda minimum 2 litri pijam, plus drugi tecnosti. I osetiv deka: 1. Podviznosta mi e zgolemena. 2. Srceto me stegase i ne mozev da spijam na leva strana - sega toa go nema. 3. Spienjeto mi e zdravo, ne se budam na srede son 4. Se namali stomakot i nozete se zategnaa. Ova seto za otprilika mesec dena. Odime ponatamu jako
Се вратив на пешачење, јадам мнооооогу зеленчук, организирана сум и гледам да спијам доволно и најважно, да го стимулирам умот со некое знаење или вештина.
Излегов со велосипед да купам ситници. Мислев малку повеќе да се повозам ама ме фати невреме и си постојав така додека малку да потпрестане среќа имаше каде да се засолнам токму во тој момент
Топ тема, дел од нив се : 1. Се радувам што ми премина во навика да пешачам секој ден од 12.000 до 16.000 чекори.( макар и најлош, најмрзлив ден да имам) 2.Што си го научив телово на интуитивно јадење, и она дека нема добра/лоша храна. 3. Свесно одбирам да не се нервирам за ситници( а и генерално) и да не мислам одма на негативен исход у секоја ситуација. 4. Лекции се повторуваат се додека не се научат. 5. Океј е да не си океј, без разлика дали си “среден” или не во животов на било кое поле.
Се фокусирав повеќе на менталното здравје. Спијам 6-8 часа, медитирам барем 2 пати неделно, атмосферата во собата ја направив светла и миризлива со бели тонови и свеќи. Одлучив да избегнувам глупави луѓе, негативни, песимисти, и оние кои бараат сожалување или да ти го расипат денот. Исто така избегнувам комуникација со луѓе кои се настроени да те разберат погрешно па да избие конфликт. Со сето ова почнав да си готвам поздраво, а со самата храна ми се појави желба за вежбање кое го правам секојдневно.
Веќе две недели пијам по една лименка Кока Кола дневно. Од 1.25 литри дневно намалив на една лименка. И, тоа е успех, нели?
Охоо и тоа голем. ----------------------------------------------------------------------- Денес сакав да ми биде подобар ден од тоа што ми беше. Активностите кои ги презедов беа единствено од што сакав, немав потреба, ама толку ми отидоа наопаку што сега ми требаат активности кои треба да ги санираат овие кои ми отидоа наопаку. Не е дека беа лоши, ама кога сакаш да покажеш на други луѓе кои не разбираат дека нештото никогаш не си ни сакал да го правиш сега го правиш и си го имаш тоа постигнато сам, резултатот понекогаш е разочарување. Така да денов ми беше емоционално исцрпувачки наместо обратно и наместо да се радувам.
Се наспав 9 часа. Го започнав денот со броење на благослови. Јадев вкусни балансирани оброци. Излегов на прошетка. Медитирав. Сега имам во план да читам книга и self care на телото и лицето.
3-4 дена наместо газирани сокови удрив на кисела вода. И се терам бар 15 минути да пешачам, иако преферирам физичка активност во затворено. Ако си интроверт дај боже да не си и мрза.
Скоро две години немам пиено газиран сок. Грицкам оризови галети наместо нездрави грицки. Поминав низ еден мост низ кој се плашев да поминам. Закажав разговор без многу размислување, врткање и мислење што како. Како повеќе да ми треба тема Што е она што сакам да го променам! Има таква?
Не јадам благо, грицки, леб, црвено месо и пржено и зејтин и ослабев 20 кг. Станувам секој ден во 6.00 а си легнувам во 22.00, не пијам воопшто алкохол и земам дроги, медитирам секој ден, секој ден и секаде одам пешки, секој ден по најмалку 30 минути баскет, пливање, фудбал или планинарење или велосипед, секс секој втор ден, социјални мрежи малку повеќе гледање во живо, и доста пријатели, ок со фамилијата сум, одам на изложби и филмови, патување еднаш месечно барем кратко...единствено знам некогаш да запалам цигара. Разлика и во чуства и концентрација многу поголема од кога не правев ништо од погорните.
Мислам дека е печатна грешка или лошо изразување во прашање само. Јас го разбрав како не земам алкохол и дроги, во таа смисла како да му е пишано заедно.