Со сува храна ќе го храниш? Ако да, која сува храна? Или пак со домашно готвено (домашно готвено само за него, верувам тоа знаеш, без зачини, без намирници кои се штетни за нив, пример кромидот)?
Секогаш најдобро е кучешка сува храна. Во неа ги има сите потребни работи за кучето. Има на Ројал Канин баш за малтезери храна но таа ќе му ја давате малку да потпорасне, а за почеток давајте му храна за мали кученца. Најдобро е уште од мало да си се научи на кучешка сува храна. Малтезерите се осетливи кученца и убаво е да ги храните со специјализирана храна за нив и нивното крзно. Кога ќе порасне можете да му менувате храна и да му давате и храна Orien.
Дека напишано е колку е доволно, мислев да не имаш веќе одлучено. Како и да е, домашно готвено само за него е најдобро и најисплатливо, ама пак има работа, спремање на храната, па дали си ставила доволно месо, доволно зеленчук, па дали ќе треба плус на тоа мултивитамин да додаваш, исто нема да можеш морковче пример секој ден оти е бело кутре, ќе треба да мозгаш за оброци. Јас за ова не сум оти чувам повеќе кучиња и искрено немам време да готвам за сите. Е сега, сува храна, знаеш има се во храната ако е квалитетна, имаш спремно во секое време, и да треба да го оставиш некогаш некому, знаеш дека ќе јаде како што треба. Имаш доста добри храни кај нас, од тип на Акана и Оријен, најскапи се искрено... Потоа, од среден ценовен ранг Фармина Н&Д, Фармина Тим Бридер, Некмар, Фитмин, Адрагна (јас користам од овие неколкуте), Брит Кер, Еукануба, Пурина Проплан, Хуссе итн. Јас имам одлично искуство со Некмар, Фармината и Фитминот. И имаш и од најефтините, маркет храна ги викам јас, ко Педигре и Дарлинг, и верувај подобро е да јаде кучето леб и вода буквално отколку овие. Од која и да земеш ќе бараш или Baby или пак Puppy. Разгледај ги по интернет, види која ќе ти фати око на тебе со цена, а здравје на кутрето треба да пробаш која ќе му одговара (да сака да ја јаде, да е весело, да има енергија, и да нема течна столица од храната најважно). На секоја од храните позади имаш колку точно му треба на кутре на таа возраст да му го дадеш расцепкано во 4-5 оброци (како што ќе расте ќе намалуваш со оброци и ќе му ја даваш потребната количина во 2 оброци на ден, кога ќе наполни годинка здравје тоа). Кога ќе го земеш кутрето, прашај каква храна му давале за да земеш и таква барем 1кг бидејќи ако му смениш нагло храна, ќе имате проблеми (дијареа) за да му мешаш полека, 70% стара - 30% нова храна една недела, па 50 - 50, и се така постепено додела не стигнеш на 100% од новата. Нова храна за да видиш какви резултати ќе даде, дали му одговара, треба барем 1 месец само таа да ја јаде. Ако те интересира нешто плус, слободно прашувај и среќно, многу убави моменти да делите заедно Ќе се извинам однапред на членката друга @Сара Лав ама Ројал Канин е доста лоша храна со состав, видете на интернет како се чита составот и направете споредба еве со Некмар нека е, не мора со Акана и Оријен. Може некој има добри резултати со таа, ама составот не и е добар. Не ја форсирајте сакав да кажам само таа, не ме разбирајте погрешно, бидејќи храната има само одлична реклама според мене, не и убав состав. Поздрав.
Дали има некоја членка женско бишон за парење? Момчето е со педигре, а ќе земат и оценка од изложба. Пишете ми лп па ќе ви пратам контакти
Здраво женски. Имам 4 месечен малтезер,е сега пораснато му е влакното таман за стрижење но, јас баш таков сакам да е,бушавко арно ама,ветеринаров ми кажа дека морало сега да се истрижи цел на 0, за да не му паѓале влакна...итн итн... дали е ова вистина? Првата коса се стрижела за да не се митари воопшто? Хелп
Малтезерите не се митарат и треба редовно да се одржува влакното, чешлање, капење, фенирање и кратење. Освен ако го носиш на изложба, тогаш нема шишање, треба да биде типичен преставник на расата со одржано долго крзно. Ако не го одржаваш ќе се заплетка целото и тогаш ќе мора шишање до кожа скоро. Ако малтезерот се митари уствари не е чистокрвен и е мешан со раса која се митари.
Не е точно, имам 4 и пол годишен малтезер, првпат е шишан на 1 година, до тогаш убаво чешлање секој ден, не беше заплеткан. Ама како што кажа СуперДевојка, освен ако не го носиш на изложба каде мора да е типичен претставник на расата, значи малтезер со долго, мазно, свиленкасто влакно, ако е домашно милениче, полесно е да е шишан, не на најкратко според мој вкус. Летово пробав подолга коса да му оставам, издржав до 6-7см, и освен прв ден кога е бањат што изгледаше убаво, до следното бањање лом, ко залепен. Секоја чест на тие што успеваат, мојов 2 пати дневно е шетан, плус во двор и нон стоп крзното му изгледаше прљаво, затоа пак свртевме на кратка фризура, со долги уши и мустаќи. И да се навратам на одговорот, на 4 месеци не мора да се шиша малтезер, ама обавезно чешлање секој ден со чешел за да нема тутки и да знае кога ќе порасне дека мора да се чешла. И нема да се митари, какво митарење...
Да, и јас така и си мислев...освен околу очите за да може да гледа,ми се чини дека му сметаат шишките,никако не сакам шишање
Малтезерите како раса не се митарат, ова ветеринар сигурно го знае или не сте се разбрале убаво така што ти кажал. Моето малтезерче прво шишање имаше закажано на 5 мес. сега го носам на 2 или 3 мес. преку есен/зима. Ова лето прв пат на 0 го направија, не изгледа убаво на почеток ама брзо му порасна. И бара редовно расчешлување да не му се тутка крзното. Значи може да го носиш на шишање но и не мора сега на 4 месеци колкав е, ама обрни повеќе внимание на крзното.
@Anja.manja.l да, околу очите обавезно, треба да му се отворени, да нема коса врз очи. Или репче, мојов не трпи.
Здраво сакам да прашам дали има разлика од обичен малтезер , teacup малтезер и мини малтезер , и дали таа разлика се пишува во педигре или сите се напишани како малтезер
Сите се малтезер. Големината зависи од родителите, крвната линија. Според стандардот за малтезер, мажјакот на пример треба да е 3-4 кг, висок 21-25 см
Никој не подарува малтезер или бишон. Ако веќе сакате да вдомите има по страниците многу кученца (мешанчиња) со мал раст кои бараат домче, зошто мора баш да е малтезер или бишон…?!
