Маносфера и штетни последици од истата

За љубов на @theowndemon иако не отворам теми, само коментирам

Маносферата не е баш екстремно нов концепт, но е концепт кој зема сериозен замав минативе 15-20 години, а денес е појава која од темни ќошиња на интернетот прерасна во меинстрим феномен.

Но, да почнеме од почеток.

Што е маносфера?
Маносферата наједноставно се објаснува како колекција од веб-страници, блогови, онлајн форуми кои промовираат мажественост, мизогинија и антифеминизам. Покрај истово, важно е да се напомене и дека голем број од мажите кои се дел од групиве, се белци, нац(ионал)исти, расисти и опозиција на лгбт+ движењето.
Многу од ставовите на маносферата се поклопуваат со екстремни десничарски ставови, а човекот кој од темните ќошиња ја доведе до светлина е Ендрју Тејт. И ден денес и покрај сите обвинувања, судски спорови итн. за него, истиот има огромен број на следбеници и влијание на огромен број на мажи.
Маносферата е екстремно токсична, не само кон жените - кон кои и цела омраза е насочена, туку е токсична и за мажите кои се „пронаоѓаат“ во „филозофиите“ на истата.

Попознати групи се инцелите, mgtow (men going their own way), PUAs (pick-up artists), TradCons (традиционални конзервативци) и други. Дел од нив се банирани на мрежите каде што „процветаа“ (на пример, Редит), но и понатаму наоѓаат начини и мрежи кои ги оставаат слободно да ги шират своите мизогинични пораки, на пример - ТикТок, Телеграм, 4chan/8chan итн.

Сите имаат различни „субспецијализации“, а на сите заедничко им е сфаќањето дека феминизмот е штетен, дека светот е гиноцентричен и дека мажите се обесправени.

Дефиниции, накратко:
Феминизам - претставува општествено и политичко движење и идеологии кои имаат за цел да воспостават политичка, економска, лична и социјална еднаквост меѓу половите.
Сексизам - сфаќањето дека жените (вклучително и транс луѓето и останатите лгбт+ припадници) се инхерентно инфериорни во однос на мажите.
Мизогинија - омраза, презир и предрасуди кон жените. Претставува форма на сексизам за да ги задржи жените на понизок социјален статус од мажите, со цел одржување на општествените патријархални улоги.
Сексистичките идеи и машката доминација не се ништо ново, од својот подем пред повеќе децении, посебно крајот на 20 век па наваму, феминизмот се соочува со силна опозиција.
Но, што е мотивацијата позади овие ставови?
- промени во глобалната економија кои ја намалија сигурноста и достапноста на традиционални „машки“ професии;
- прифаќањето на лгбт+ движењето и родовата еднаквост ги предизвикуваат и поткопуваат традиционалните идеи за родовите патријархални улоги. Многу мажи се вознемирени од овие промени бидејќи треба да се справуваат со нови општествени очекувања и најтешкото, од нив се бара за прв пат да ја споделат моќта и привилегиите.
- мажите имаат високи стапки (и растечки се) на проблеми со менталното здравје, кои вклучуваат осаменост, депресија и самоубиства. Растот на овие проблеми не е едноставен за објаснување, накратко е резултат на повеќедецениски политички, економски и технолошки промени.
НО, маносферата ги обвинува жените за сите овие проблеми. Овие групи заедничко имаат тоа што се фиксирани на идејата дека жените и феминизмот се причина за нивните лични и социјални проблеми, генерално затоа што мислат дека им се одземени разни права кои им следуваат. Односно, луѓето кои до вчера имале моќ и привилегии, подобрувањето на состојбата на другите ја доживуваат како губење на сопствениот статус, а со тоа истото го доживуваат како личен напад кон самите нив.

Многу често се среќава дека постои заговор, или „војна против мажите“. Односно, овие мажи веруваат дека со подобрување на правата на жените (и лгбт+ групите) се ускратуваат нивните права, а не можат да согледаат дека подобрувањето се однесува на СИТЕ луѓе, но од позиција на привилегија, која уште ја имаат, тоа се толкува поинаку.

Краток речник:
Црвена и сина пилула: филмот Матрикс е изворот за еден од клучните симболи на маносферата - црвената пилула. Во филмот, на главниот лик Нео му се нуди избор од две таблети: ако ја земе сината пилула, тој ќе продолжи да постои во светот каков што го познава, што всушност е симулација контролирана од машини, но ако ја земе црвената пилула, ќе биде пуштен во „реалниот свет“ каде што ќе ја открие вистината. Во маносферата, оние кои ја „испиле црвената пилула“ го гледаат светот онаков каков што навистина е, разбирајќи ја т.н. „вистинска“ природа на однесувањето на жените и нивните преференци за партнери. Мажите кои ја „испиле црвената пилула“ (односно се „просветлиле“) ја шират „вистината“ дека мажите се општествено, финансиски и сексуално потчинети на жените. Постои и виолетова пилула, како некоја средишна точка на овие две „пилули“ - но, еднакво е дел од целата оваа токсична дебата.

Алфа и бета: маносферата е опседната со статус, моќ, престиж и хиерархија. Идејата за „алфа“ и „бета“ мажи е централна тука. Инспирацијата е од (застарени) набљудувања на глутници волци, каде што „алфа“ волкот е социјално најдоминантен во глутницата. Во маносферата, станувањето алфа е ултимативна цел: алфите се одговорни, можат да бираат сексуални партнерки и имаат целосна контрола, и врз себе и врз другите. Бета мажите се нивна спротивност - физички и психички слаби, сексуално непривлечни, плашливи, покорни и генерално немаат квалитети кои се неопходни за да се постигне „вистинска“ машкост (односно да се стане алфа). Постојат и други (сигма, омега итн.)

Чад и Стејси: пример за централното значење на хиерархијата во маносферата, посебно кога станува збор за идејата дека изгледот е поважен од карактерот, добро може да се согледа во сфаќањето за „Чад“ и „Стејси“ (преведувањево стварно е проблематично, но ова не се имиња, туку придавки - на пример - he is a chad). Чад е „ултимативниот алфа мажјак“ - ултра-мажествен, моќен, сексуално привлечен маж кој ги привлекува сите жени (посебно „стејси“). Има и „гигачад“ односно „маж над мажите“ или „алфа над алфите“. Стејси од друга страна се идеализација на женственоста - хипер-атрактивна, сексуално посакувана, промискуитетна, но глупава е и површна. Таа е суштински недостижна, посебно за мажите кои не се „чад“. И Чад и Стејси истовремено претставуваат објекти на презир и желба, а целото сфаќање е базирано на стереотипи и предрасуди, не на реалноста. Постојат и други, на пример Беки, која не е атрактивна како Стејси, но сепак е недостижна.

Правило 80/20: верувањето дека 80% од жените се привлечени од само 20% од мажите. Атрибути кои овие 20% од мажи ги имаат: алфа, Чад, пари - додај по свој избор било кој стереотип. Проблемот во оваа логика е тоа што оние кои веруваат во неа, се неспособни за интроспекција и да се прашаат себеси зошто навистина „немаат среќа“ во дејтање, наоѓање на партнерка итн. Според нив, и „најгрдата“ жена нема да биде „свесна“ и сепак ќе ги одбие бидејќи се „грди, сиромашни, ниски.....“, но никако поради карактерни особини. Оваа смешна, но со далекусежни последици „статистика“ е дело на дејтинг сајт - оккупид, што само по себе ја прави апсолутно нереална - луѓето на дејтинг сајтови (и мажи и жени) СЕКАКО веќе имале проблем со наоѓање на партнери во физичкиот свет околу себе, затоа и се на дејтинг платформата (ова посебно во раните денови на дејтинг платформите, ако не се лажам 2009 година е „пронајдоков“.

Постои плетора на уште многу термини и уверувања на мажите кои се дел од оваа филозофија, ќе се дополнуваме ако се развие дебата и ќе објаснуваме посебни концепти, но она што е сериозен проблем е следново: маносферата ги злоупотребува технолошките можности на интернетот, со што нејзиното влијание се прелева и во физичкиот свет. Жените се прогонувани, омаловажувани, исмејувани, добиваат нецивилизирани коментари онлајн, се шират експлицитни слики без одобрување (наш пример е Јавна соба, но тоа е само the tip of the iceberg), создавање на deepfakes (односно едитирање на слика така што станува лажно експлицитна). Новинарките и политичарките особено се изложени на мизогинични коментари и закани не само по нивната, туку и по безбедноста на нивните семејства, што може (и ги тера) да се повлечат офлајн или пак воопшто да не заземаат јавни улоги. Ова е проблем затоа што секако жените се малцинство во политиката, новинарството, правосудниот систем итн.

Друг сериозен проблем со маносферата е нивното влијание на младите генерации, што полека се покажува и преку повторниот (за жал) подем на крајни десничарски партии и идеологии, сведоци сме во 21 век на разно-разни политички одлуки и дебати (како правото на абортус, на пример). Односно, сета мизогинија, антифеминизам, се прелева и во офлајн светот и е страшно време да се биде жена.

Постои македонски форум кој речиси воопшто не води сметка за изразувањето на мажите и мизогинијата која е сеприсутна, што е апсолутно застрашувачко.

Овака „накратко“ иако е феномен за кој има МНОГУ за пишување и дебатирање, а јас не сум баш добра во отворање на теми

Дали знаете што е маносфера? Дали ви се познати некои од овие термини? Какво е вашето мислење?

Слободно дополнете што пропуштив

 

@Biljarkata еве тетко мрзлива

 

Абе...од кај да почнам . Нека тргне муабетот, да не ја закопам темава во старт

Ко за почеток- од истото тенџере се, и воук и анти-воук.

 

Ова е чист и наједноставен шовинизам, кој со појавата на интернетот и микрофоните за дваесе долари не е веќе само за пред кооперација или за на маса у кафана. Буквално истово ова го мислеле и го мислат грото мужи...

Скоро сите они се праат демек као просветлени, и си се фалат сами себе оти умрела циганката за да умочат, или па ќе ти се убацат со дебилниот муабет али ја не тепам жени, оти таква не ми даваат.

Мене баш ми е гајле шо лапрдаат, до тој степен шо ги слушам и вие подкаст брос и не ме тангираат, џукелите лаат, карванот си врви...

Ја дури и се слагам дека само 20 посто мужи се атрактивни, мада и тоа е превише за нив. Али не оти се грди, него ли оти се шовинисти, силовачи, педофили, убијци, продавачи на бело робје - да не речам мужи.

И дури не ми ни смета шо си признаваат дека не мрзат, мислам не го прават се горенаведеното оти не сакаат... Битно да има дупче, шо би рекол еден шо израсна син силовач...

Нејсе, нивно право, И ја сакам да бидам оставена на раат додека мрзам мужи у моите повеќе од четри зида, каде немам никаков допир со нив... Оти се ружни де. У душата што ја немаат... Добро, ок де, не сите мужи - шо би рекле они...

И коа сме кај инцелскиот форум - да ми се појави дух и да сака да ми исполни една желба, би скала да ги знам јузерите на нашиве арслани тамо...

 

Па, не се.
Затоа ставив дефиниции накратко, што Е феминизам. Доминација НАД мажите (и било кој) - не е феминизам.
Имаме идеологија која се занимава со рамноправност наспроти идеологија која се занимава со потчинување на повеќе од половина од луѓето (вклучувајќи ги и лгбт).

 

Спојлер: офтопик

Па не би се сложила дека феминизам е изедначување на половите, туку цела била и ќе биде да изедначи жената со мажот, да добие статус човек... Али мораме и тоа да го филоваме, па како можеме да бараме права за нас, јадните мужиња...

Оти жената е жена, ќерката е ќерка, мажот е човек, синот е дете...
Мажите не се наивни, и не дозволуваат, и никогаш не би дозволиле да бидат изедначени со жена, па да бидат силовани, продавани, палени, да носат бурки, да не смеат да зборат, да не одат на школо, да бидат чувани ко бело робје за да прават деца од нас жените...
Али затоа жените и денес не се луѓе, и тоа им се прави, а мажите ќутат оти имаат ќар од тоа.

Ја лично себе си се сметам за феминистка, радикална, шо ете за тебе може и не е. Нит иам потреба да доминирам над нив, нит па иам потреба да општам со нив. Едноставно ми се гадат и ги мрзам и сметам дека после векови понижувања и напаствовања од нив, нашиот главен предатор, тоа е сосем нормално и разбирливо. И не ми чуе ако некој се увреди, И ја се вреѓам коа не ме есапат за чоек , а па да не праиме муабет за положбата на жените у ептен затуцани држави, па не глеам да се потресуваат многу.

Не идам више офтопик иначе , да не ја расипувам темава.

 

Феминизам не е воук. Ако некој мисли дека феминизам е воук, имаме проблем со хронологија, историја...не дека немаме де. Ама после да речеме 100 години феминизам на некој му текнало дека е крив за несреќата на мажот денес е...урнебесно смешно. И не е за еднаквост, за рамноправност е. Еднакви не сме, не можеме и не треба да бидеме.
Која идеологија сега е за потчинување, се изгубив малку

 

Па, маносферата буквално е најсилната опозиција токму на феминизмот.

 

Не си офтопик.
Постојат два пола, маж и жена. Не вклучувам тука род, значи правам поделба на пол - биолошки мажи и биолошки жени.
Феминизмот од својот зародиш постои како идеологија и политичко движење за рамноправност на половите (односно имање исти права на мажите и жените).

Денешниот феминизам ги вклучува и лгбт+ луѓето, бидејќи истите се жртви на патријархатот, без оглед што значаен дел од нив се биолошки мажи. Затоа што маносферата еднакво ги дискриминира и биолошките мажи кои не спаѓаат во патријархалната слика за тоа "што е маж".

Јас лично не мразам никого, но сум екстремно внимателна затоа што постојат т.н. nice guys (или јас не сум како другите мажи) - тие се "волк во јагнешка кожа". Искуството прави полесно да ги препознаваме, но нив не сме им ние (мислам на повозрасни, поискусни) пленот, туку наивни млади и ранливи девојчиња.

Иако не мразам никого, не ми се допаѓа јавниот дискурс и не ми се допаѓа подемот на крајната десница, бидејќи нормално, политичките одлуки влијаат на сите нас.

 

Уште ко ќе чујам Ендру Тејт, се смеам . Он спаѓа самиот во тие 80 посто ружни ама ае .

И друго шо ми е смешно, мажите биле обесправени .
Обесправени од шо? Од тоа шо не добиваат путка?
Епа јебига, биологија, жените бираат. Не сакаме децата да ни изгледаат како мали ендру тејтовци.

 

Одлична тема
Само со едно нешто не би се согласила:

Еден контра аргумент на овој став би бил дека современиот феминизам треба да се фокусира првенствено на женските права, бидејќи историски и системски, жените се главната група што страда под патријархатот. Вклучувањето на ЛГБТ+ заедницата, особено трансродовите лица, создава судири со одредени феминистички барања, како што е заштитата на биолошките жени во спортот и други простори наменети за жени(јавни тоалети, соблекувални).
Транс активизмот често оди спротивно на борбата за женски права, особено кога бара заменување на термини како „жени“ со „луѓе со матка“, родител 1/родител 2 или кога транс жени (биолошки мажи) инсистираат на целосно вклучување во женски категории, иако имаат биолошки предности. Вакви екстремни барања доведуваат до тоа феминистичките движења да бидат обвинувани за трансфобија доколку не ги вклучат истите.
Така што, не би да ги ставам феминизмот и ЛГБТ+ движењето во ист кош.

 

А за тоа имаме посебна тема, суштински е важно во оваа (наменета за маносферата) да не се занимаваме со транс прашањето.

 

Јасно, јасно, само цитираното ми „засмета” и го искоментирав.
За другото не би имала што да додадам, преубаво си објаснила.

 

Да не пукнеш...да додадам, кај ружни, па и глупи. Затоа нема мали ендрутејтовци ваљда

 

Не се вклучува сега лгбт заедницата. Секогаш историски имало преклопување измеѓу овие две движења и луѓето кои ги пропагирале. Така што е баш нефер феминистки да бидат анти-лгбт.

Инаку, се сложувам со мислењето на Гош дека сето ова е муабет од пред кооперација засилен од микрофон.
Ние никогаш не сме биле либерална земја за да ова направи некаква драматична разлика врз нашите мажи.
Но, дефинитивно има ужасно влијание на децата. Не може деца од 10 години да слушаат како еден куп мажи толку понижувачки водат полемики за жени. Не може со бескрајно скролање да бидат изложени на толку многу шовинизам и во рок од еден саат да конзумираат инцелска содржина за цел живот.
Дури и тие што се по "неутрални", многу лесно запаѓаат под влијание на подкастиве и за кратко време гледаш дека станале крајни десничари.
А ко што иде светов во таа насока, не мислам дека ќе стане подобро во наредниве години. Од друга страна на жените им се сервира трад wife содржина, акцент на родови улоги и анти феминизам. Интернетот е како минско поле моментално. Баш е тажно.

 

Јас поодамна имам налетано на сличен пост, само со различен наратив. Односно, дечкото брза кон автобуска постројка и бидејќи е свесен за нашите стравови, интерно си прави муабет сам со себе како да постапи (да ја престигне жената, а да не ја извади од памет). Решава од далеку да викне и да ја "извести" дека ќе ја престигне, дека брза оти автобусот ќе му избега. Беше разврзана дебата но не со цел да ги омаловажат нашите стравови, туку со цел да се најде решение како да постапат во различни ситуации за да не се чувствуваме небезбедни.

Постојат мажи кои се свесни за постоењето на маносферата, но свесни се и за нашите ставови и искуства и екшли слушаат кога им зборуваме, не пробуваат да го омаловажат секое наше искуство. Тие се светлата точка во целава хаварија.

Највеќе мразам кога маж ќе земе да ми објаснува или релативизира МОИ искуства.
Посебно ме нервира наративот "не сите мажи" (односно не сите мажи се силувачи, убијци, садисти...) - точно, не се сите, но поради овие што ќутат и мислат дека сите се нападнати, немаме избор освен да се плашиме од сите.

Добра аналогија ми е - замисли соба полна со змии, само една е отровна, другите се безопасни. Колку слободно ќе влезеш и колку доверба ќе имаш во сите, знаејќи дека само една е отровна?

 

А позитивни страни нема нештово?

 

Што дали има позитивни страни? Маносферата? Нема ништо позитивно тука