Дали јадете манџи и какви? Дали знаете да ги приготвите? Кои ви се омилени? Јас многу јадам манџи. Мене ми се едни од омилените јадења. Јадам компир манџа, манџа со грашок и боранија, зелка манџа и тн. П.С. ако има ваква тема слободно клуч
Најубава ми е телешката чорба, еве денес имам Леќа ми е второ место и се давам во неа. Боранија, грашок, компир и копанчиња, ма све сакам. Чорба со спанаќ. Зелка манџа. Па и гравче сакам. НО, чорби-манџи само од мама подготвени, на други место само бистри супи може да јадам, друго не
Оф темава ко погодена за мене. Имаме традиција во домот барем 2 или 3 пати неделно да се јаде манџа. Јадам секаква,со грашок, боранија,компир манџа,со зелка,па дури има една што ја прави мајка ми,а ја правеше баба ми маџна со домашни јуфки,мммм прсти да изедеш. Правиме и посни и мрсни со месо. Исто знам и да направам манџа. Сметам дека е доста важно да се јаде ваква храна.
па вака си јадам манџи Омилена манџа ми се: компир манџа грашок боранија леќа зелка манџаа мммм ми се пријадее
Си јадам манџи и тоа неколкупати неделно на нашето домашно мени имаме манџи Омилени ми се компир манџа ама онака густичка, грашок манџа и манџа со мешан зеленчук ( златна мешавина )
Јадам манџи ама најомилена ми е гравот. Колку само е убавааа. А особено кога сестра ми ќе ја направиии-ја обожавам.
Скоро секој ден правам манџа Најомилена на сите домашни ни е секако познатата компир манџа па грашок,зелка(баба ми го вика-вариво),боранија,спанаќ манџа со јајце и во петок обавезно посно гравче ммммм прсти да излижеш
Јадам манџи освен леќа, немам пробано бидејќи кај мене дома не го спремаат тоа. Инаку од манџите најубави ми се грашокот, со компири и каша. Инаку незнам да готвам манџи, али имам гледано како мајка ми ги прави, така да редно ми е да почнам да правам и јас зошто кога ќе станам снаа во некоја куќа ќе морам да знам, пошо ако незнам има да ме вратат таму од кај што сум дошла
Ај пишете и како ги правите манџите Јас готвам ама не сум баш експерт, некако со дарбава на ВИ сме. Повеќе сум испраксирана за суви јадења, да не речам брзи, а за сервирање сум виртуоз Би сакала да знам како правите чорби и некои манџи од рецепт на баба ...
Па речиси сите манџи со месо се прават на ист начин- се дробат 2-3 главици кромид и се ставаат во тенџере, се става масло, а потоа се додава месото исечкано на парчиња. Може да се додаде црн бибер во оваа почетна фаза. Сето ова се пропржува малце, а потоа се додава филџанче вода и се остава на тивок оган да се крчка. Се додава постојано по малку вода, се додека месото целосно не омекне. Потоа, кога месото е готово можеш да додадеш што сакаш- компир, боранија, грашок, зелка- зависи каква манџа сакаш да правиш. Ако додаваш компир, бидејќи се вари побавно, ќе го додадеш додека месото не е целосно готово, за да се свари со него (се разбира ќе ставиш повеќе вода во тенџерето, но ќе го оставиш и понатаму шпоретот на 2ка или 3ка, т.е. на тивок оган) Доколку додаваш грашок од конзерва, тогаш се додава кога месото е готово, исто е и со боранијата, а зелката се додава малку пред да е готово месото. Исто така во секоја од овие манџи можеш да додадеш и морков исечкан на парчиња или пак за компирот, грашакот или боранијата можеш да ставиш и рендан домат или доматно пире уште додека се крчка месото со кромидот. Потоа кога си го додала зеленчукот следи последната фаза- запршката. Таа се прави на следниот начин- во тавче (јас најмногу користам тефлонско, како за палачинки, не ми лепи ништо во него и најубаво ми е за пржење) ставаш масло, да биде прекриено дното на тавата со него, и додаваш брашно (една или две лажици, во зависност од тоа колку густа сакаш да биде манџата) и лажичка црвен пипер. Сето тоа убаво го промешуваш за да нема грутчиња, а доколку се појават, како последница на мала количина на масло во тавата која не била доволна да го прикрие брашното- тогаш не паничи, само додај малку вода и со лажица притисни ги грутчињата за да се растворат со водата. Водата не треба да биде топла затоа што така би се добило тесто Така подготвената запршка се истура во тенџерето со манџата, се додаваат зачини по желба, сол, оставаш да прокрчка уште некоја минута, и имаш вкусна манџа Гравот и леќата се прават на друг начин Се надевам дека ме разбра Сањаева , ако имаш прашања- тука сум
Те разбрав Абе готвам јас, не дека не, еве баш денес имав леќа, ама се некако мислам дека нешто пропуштам во правењето. А прашањето ми беше како прават на пример - ете како што кажа фемина11 со домашни јуфки ... или да речеме чорба од штавељ, па и обична чорба ... јас ако почнам да правам чорба на крај или излага како супа (што повеќе ми се свиѓа) или како компир манџа
Епа тоа не е манџа- чорба е и поретко е ко супа, не верувам да постои манџа со јуфки , се знае дека јуфките се варат кратко, има да станат кашести ако се варат подолго, не ми е логично, а ова со спањак/штавељ не е манџа, туку е каша и се прави ептен лесно, се обарува спањакот кој е ситно исечкан, се додава младо кромитче или праз кој што претходно може да се запржи и се додава брашно растворено со вода, со остава неколку минути да поврие така соединето и тоа е тоа. п.с. и ние денес имавме леќа
Се давам во манџи!!! Ги обожавам бе! Нема повкусно нешто, онака мераклиски да се најадеш, убајна! Омилено ми е грав, па компир манџа. Ги јадам сите, ама овие две ми се омилени и би можела секој ден да ги сркам.
Кога ќе правиш манџа, прво ќе запржиш сецкан кромид, ќе додадеш сецкана пиперка и сецкан домат или сос од домати, а можеш најпосле и рендан морков или сецкан ситно да додадеш ... Па ќе зачиниш со што сакаш. Зачин обавезно, бибер ако си љубител, црвен благ пипер итн ... Истово се прави и со месо. Само прво месото ќе го пробариш па ќе додадеш тоа претходно што ти кажав.
Манџа - кога некој ќе ми спомне такво нешто, ми доаѓа веднаш асоцијација на нешто во кое пливаат сомнителни работи, треви и зеленчуци Ама компир манџа како што ја прави татко ми, со свинска кртина, тоа почитувам. За мене добра манџа е и леќата, боранијата со млад морков, чорба со пилешко и мали макарончиња во неа, ќофтенцата во сос кои исто така можат да фигурират како манџа, сите типови густи зеленчукови чорби, гравчето со и без ребра, ѓувеч...
Преку недела главно манџи јадеме, и плус неизбежниот ориз со кокошка. Децата се навикнати на манџи, и многу ги јадат, и плус згодни се за преку недела, лесно се топлат, па кој кога ќе дојде - си топли и јаде. Не сум голем љубител на манџи, па затоа немам некоја омилена манџа. Можеби компир манџа и спанаќ.
Јас искрено несакаммм манџии!!! Бљааакккк , буквално сум ваквааа!!!! Сите дома викаат по мене, може само манџа со смањак, другоо нејкумммммм!!!!!!! А што е најтрагичнооо, машково моее се дави во манџи, дома неговите ситее мн сакаат посебно со месоо.... нека ми е со лесноо
Јадам манџи...ги сакам секакви само не ја сакам таа со ориз и спанаќ.Посебно би ги јадела,ама заедно испомешани.НЕ!
