Јас во моите мафини ставам сецкано чоколадо, на мали коцкички, но не повеќе од 2-3 редови. Ако ставиш премногу, делчиња од чоколадото се лепат за тавчето и тешко е да се извадат. Инаку, имам секакви комбинации, некогаш го средината ставам малку оревчиња, половина јатка поделена на 2, или по некоја вишна или јагода, од слатко најчесто. Тоа ги прави прилично сочни. Откако ќе се испечат и ќе се подоладат едно 4-5 минутки, горниот дел го брцнувам во стопено чоколадо. Ги оставам така околу половина час, а потоа ги покривам со обична ќеса. Мафините ми стојат свежи 3-4 дена.
Фала многу за одговорот! И јас ги правам така, некогаш со овошје, некогаш со чоколадо. Еднаш ги имав покриено со кеса, па следниот ден ко мрсни беа некако Од сега - колку луѓе - толку мафини Не верувам дека ги печам многу долго, 15-тина минути... Од сега ќе земам подобра мерка, како што напоменав - колку луѓе толку мафини
Уфф, мојот омилен десерт, па уште ако јас си ги правам мх мх. Често знам да експиремнтирам со рецептиве, ама мислам дека го најдов вистинскиот, нит се лепат, нит ништо, префкусни се. 125 грама стопен путер 250 грама шеќер 2 јајца 2 банани 1 ванила 1 пециво сосема малку сода бикарбона и сол 500 грама брашно Се матат шеќерот и путерот прво, па се додава едно по едно јајце. Се пасираат бананите и заедно со ванилата се додеваат во смесата. Брашното, пецивото, содата и солта се мешаат и додаваат во смесата. се печат на 200 степени од 15 до 20 минути. Јас ставам и цимет, бидејќи го обожавам, оревчиња... знам да ги направам и со јаболко, рендано. Излегуваат 24 од средните калапчиња.
Да прашам дали има посебни од тие хартиените корпиња што се за печење зошто мене сите исти ми гледаат? Имам печено на тие од КАМ и внатре корпињата ми изгледаа исти како оние за именденски слатки.
Хахахаха не мислам сите 36 да ти правам, ќе треба цел ден во кујна да се оставам 1-2 доста му се, ги имаше постнато на фејсбук, па затоа мислам дека ќе му се свиѓаат
Ги правев мафините според рецептата на Annath и можам да потврдам дека се перфектни. Внатре се сочни, а не тестести. Едните ги направив со сецкано чоколадо одозгора, а во другите ставив вишни. Како и да е, можни се повеќе вариации и начини на декорација, битно основната рецепта е одлична.
Јас ги правам овие чоколадни мафини, рецепт од една другарка, излегуваат преубави,воздушести,сочни.. -230гр брашно -260гр шеќер -2 јајца -60гр какао -240мл млеко -113гр стопен путер -1 лажичка ванила -1 лажичка пециво -1 лажичка сода бикарбона -1/2 лажичка сол -150гр ситно сецкано чоколадо Во сад се ставаат сите цврсти состојки ( брашно,шеќер,какао,сода,ванила,пециво...). Во друг сад се матат јајцата, не со миксер,туку нежно со маталка, се додава претходно стопен путер, малце оладен и млекото. Се мешаат сите состојки заедно,и откако ќе се добие хомогена смеса се додава сецканото чоколадо. Со полнат калапите не многу повеќе од пола во висина,бидејќи нараснуваат доста. Се печат 20мин на 180'C-200'C. Инаку,сега ги правев мафините од готова смеса од Dr.Oetker и се исто ептен вкусни. Плус се побрза и полесна варијанта.
Девојки,пред да ја ставам смесата во калапчињата,дали да ги ставам оние хартиени корпичиња,ама страв ми е да не ми се залепат за калапчињата...Или прво да ги премачкам со маргарин И какво чоколадо ставате внатре,за готвење или да купам некое друго .?Трендафилка имаше пишано дека става коцкички чоколадо внатре,па сакам да ги правам така
Од кога пекам за мафини луѓе. Се живо и диво испревртев за да најдам рецепт за мафини. Ама гледам има многу рецепти, па ќе ја терам мајка ми да прави. Ми се свиѓаат мафините на Пеперминт. Прочитав дека се по рецептот на Анатх.
Јас би ви ги предложила овие мафини со мармалад, ги правев двапати досега, само со половина доза, ми излегуваат 6 во силиконското тавче, ама малку се поголеми од овој нормалниов калап. Тестото е многу мекано, а мармаладот внатре дава многу убав шмек. Првиот пат ги правев со мармалад од кајсии, а денес со сливи и ги снемува за 5 минути. Единствена моја варијација е што во тестото додавам лажица какао, оти не ги сакам бели колачињата, и малку цимет и ванилин шеќер за поинтензивен вкус. Вистинско домашно колаче за мерк, веднаш се готови. И куќата мириса на колачиња, супер. Печете ги точно 16 минути на 200 степени, за да имате крцкаво дно.
Мафини... Лесни за подготовка (дваесетина минути се да измешаш и уште толку за печење) Економични (потребен е малку мастрав, а повеќе фантазија) Со правилно чување неколку дена остануваат свежи, а може и да се замрзнат Погодни за...доручек, вечера, ужина, за на работа, и што е најважно - здрав оброк за децата за на училиште. Благи - со парчиња чоколадо, со мармалад, слатко, со свежо овошје (боровинки, капини, вишни). Солени-со шунка, маслинки, виршли....и што уште не. Ништо од домаќинлукот без тавче за мафини. Во прилог-моментално најомилените со боровинки http://chasovipogotvenje.blogspot.com/2 ... _4891.html
Епа вака, мајка ми направи мафини ама солени и ја прашав за рецептот и испадна дека тестото било истото она што се прави за касато. Е сега, го правиш тестото и го ставаш во плех со посебни вдлабнатинки за мафини и одозгора ставаш што сакаш ама да е солено на пример мајка ми става сецкана чајна, маслинки, сирење... и многу се вкусни.
Мафините за првиот роденден на мојот син Не беа баш нешто посебно вкусни, но се вклопуваа во роденденската тема - циркус... Важно децата многу ги бендисаа
Морам да признаам дека откако купив силиконски модли за мафини веројатно се поправив неколку кила. И несамо јас, туку и другарките со кои нон стоп нешто јадеме. Еве го последниот од низата мои омилени мафини .... многу едноставен плус детално опишан... Мафини со овошје и бело чоколадо
Еве еден рецепт за солени мафини од мене... некаде го имам пишано, во некоја тема, ама го прилагодив малку, па често го правам за појадок. Од состојките излегуваат 12 парчиња мафини (класичен калап за мафини), и брзо имате вкусен појадок. Потребно е: чаша и пол обично, бело брашно пола чаша пченкарно брашно - дава крцкавост прашок за пециво сол две јајца чаша млеко пола чаша масло 400 г сирење, кашкавал, шунка, сланина, кисели краставички, маслинки - по желба ставете што сакате, да биде до 400 г, не повеќе. Се мешаат сувите состојки - двата вида брашно, прашокот за пециво, солта и сирењето/кашкавалот (или што и да ставате - важно да се измеша убаво со брашното, за да не ви слегне на дното на мафините, оти после тешко се одлепуваат). Посебно се матат јајцата, млекото и маслото и се додаваат на сувите состојки. Убаво се меша и се става во хартиени модли во калап. Се посипува одозгора со сусам/ким/крупна сол (по желба). Се печат 20-30 минути во рерна загреана на 180 степени. И... voìla!
Испробано, најдобри солени мафини: Мафини со маслинки 500 гр брашно 1 прашок за пециво 3 јајца 250 мл јогурт 200 мл масло (маслиново, но и со сончогледово се супер) 100 гр издробено сирење (отприлика му ставам, колку 1 филџан) 200 гр исецкани маслинки лук во прав Ги бијам состојките одеднаш со миксер, ја ставам смесата во калапи, претходно измачкани со путер (Првокласен маргарин Кристал). Ич да не се мачите со хартиените калапи. Можеби навистина е полесно во нив, особено за чистење, ама многупати досега ми се залепиле во нив, зашто составот им бил различен од универзалните. Плус, со маргаринот директно во калап добива многу подобар вкус.
