Мајчински муабети (не е за барање совети)

Нема правила тоа со разболувањето. Може да не се разболува често може да се разболува. Моево на пример лани не одеше во градинка ама беше често со растеен нос зашто на игралиште и по игротека чепка се и сешто. Годинава помалку се разболуваше, аништо не сменивме само е малку поголем па веројатно набилда малку повеќе имунитет на вируси и слично. Од Септември ќе тргне во градинка па ќе видиме тогаш како ќе биде.
Инаку за врски за градинка не знам што да ти кажам. Зависи каде сакаш да го запишеш. На пример општина Центар е секаде гужва. Сите сакаат да ги опстават децата блицку до работа, има прилично луѓе со мали деца во самата општина и се многу деца во група. На група од 30 деца очекувано ми е некако дека почесто ќе се разболуваат. Сите што ги знам „фаќаат врски“. Карпош е малку порелаксирано и се помали групите.

Ти гледај најди работа и смести дете во градинка па ќе си дојдат работите на свое место.

 

Добар ден мајкички
Бебе нана скоро веќе 3 саати е успан ,ама ноќеска цела ноќ плачки кутрото му излегуваат горните кецови се надевам нема многу долго да трае излагањето,се измачи дете со забиве Сабајле во градинка уште од кола почнаа плачките го оставив цело уплакано и заминав денес еден саат плус продолживме во адаптацијата .Кога отидов да го земам учителката рече дека го нараниле и се повратил ја прашав да не небила блендирана храната затоа што вчера имало парчиња сирење во палентата па се задавил од парчињара и се повратил ,рече дека денес била блендирана храната .Од утре тргнувам на работа денес се чуствувам депресивно некако немам желба за ништо искрено ,се грижам премногу како ќе се навикне синко . Плус се изнервирав се изнавртев секаде по агенцииве да резервирам одмор од 20 мај сакавме една недела да одиме ,никаде нема слободно место се е резервирано Ручекот за синко е готов ,мислев порано ќе стане ама се успа дете .Да дојде маже од работа и ќе шетаме некаде ,здравје имаме и слободен викенд па може да се прошета до негде .
@Mari-Ja се измачи детево ,јас незнам како може толку несовесни родители да постојат ,побрзо оздравување
Убав ден на сите

 

Добар ден.

Невреме овие два дена.Те врни те вее де сонце грее.Мала моја кашла тоа е стандард. Чекам лето да дојде да престане веќе. Јас чекам за работа да ме викни некој, ама нема.Друго ново немам.
Малата спие треба да ја будам ама многу ми е убава тишинатаИ купив на малата сет за правење балони од сапуница и само дува низ дома повеќе се шлакаАма весела е важно и се радува па не ја замара многу мама
@Mari-Ja кутрото твое детенце ме потсеќа на моето кога почна. Тешко е нормално не се издржува една недела во градинка 2 дома. Мојата на почетокот 8кг и 800г стана.Ништо не јадеше дехидриранаМалку да потпорасне поретко ќе се разболува.Ова една др на итна ми го кажа првата година било често, втората поретко, а третата ретко. А за воспитачките ни они не се криви што знаат дали јас на моето му давам антибиотик. Нема тт и за нив е ок дете си игра ручка.Ама и др ми кажа првите 2-3дена е ризично , после давањето на антибиотикот, после не било страшно .Јас моето малку почне да кашла дома ја оставам, ама оти не раб.А кога ќе почнам ќе мора да оди. Тоа е раб на сите ни е важна оти од тоа живееме. Без раб не бива. Мојата неколку пати измокрена во зимото ми ја враќаа.После од што е болна? Само да поминува брзу и лесно
@Mari* лесно селење и вселување

Сакав уште на некоја мајка нешто да кажам ама незнам на која беше.

Туку за Кејт.Јас кога си го носев бебето дома не се сеќавам во што бев облечена само сакав да си одам дома да не ми се расплака во таксиЗа малата знам во што беше ама мене мм не ме сликаше пред болницата за да видам дали личам на Кејт или на пародиите од Кејт Изгледа на вторите сум личела

Убав ден и сите болести да исчезнат веќе

 

Добар ден.

Еве и јас конечно седнав да ве поздравам. Синко деновиве ептен ме части со спиење. Ноќеска прво станување му беше во 5:30. И во 7:15 веќе бевме станати. Утрово ми го бојкотираше доручекот. Со мака каснавме ама мајка ко мајка не сум задоволна. Излезени бевме на улица уште пред 10. Отспа една тура, па јадеше (доручекот надвор си го носевме), па пиевме кафе со една драга особа и прошетавме по нашиве маалски улици. Таман пред да се прибереме заспа повторно. Одлично се погоди за да можам на тенане да му го спремам ручекот и да одморам нозе од скитање. Инаку исончана сум како да сум била на одмор од што нон стоп скитаме .

И ние се спремаме за скитање за продолжениот викенд, ама за Охрид ќе се оди. Грчка ја оставаме за наредниот продолжен викенд 15 јуни, ако најдеме пристојна понуда.

Во етапи пишувам. Во меѓувреме и ручек бидна. Малку се помоливме, ама касна.
Сега уживаме во ветрето на балкон. Он во количка се занимава со софи, а јас со нозе во вис и со телефонот. Чекам маж да јадеме, па они веројатно ќе одат на трчање, а јас да се фатам да потсредам уште нешто, а може и ќе си одморам.
Инаку додека шетавме мајка си дошла, си запеглала, средила кујна и ние се прибираме, она на врата си замина. Што убаво било вака.

И трета етапа. Мм и синко излегоа, а јас сепак одлучив нозе во вис да одморам малку на балкон.

Имајте убав ден

 

Vospitackite denes prakaat doma detence so temperatura, utredenta istoto go primaat pak vo dneven prestoj. Vo dogovorot pisuva 48h mora da e doma. Sakam da kazam oni mn ne se protivat na roditelite, tuku ajde nisto nema da im bide. Bev tamu i vidov, istoto i im go kazav. Ne prerekov togas, ostaviv na vas, go primivte detenceto za posle nie do bolnica da dojdeme... Ama znaete...
Ako e pravilo e pravilo.
Moram i jas da pocnam da rabotam, e togas da mi zvonat deka ima temp ne znam koj ke izleguva od sred rabota za da go zeme. Ednas, dva pati, tretiot po otkaz ke odam da potpisam. Jas sedam doma posto cekam da se adaptira vo gradinka, a za rab i te kako mi gori pod noze, isto kako na majkata koja bez troska nesovesnost go donese detenceto vo gradinka koe imase temp prethodniot den. Po nego dojde baba mu, po moeto koj ke odi? Socijalno.
Ne e fintata da ne ni e gajle neli, tuku ako i moeto i tvoeto se zdravi problem nema da ima...

 

Добра вечер мајки.

Денес денов супер, за разлика од вчера. Бебе си имаше неколку денски дремки и еве ја сега пак си заспа. Најбитно, не плаче како вчера.
Имавме и гости, галама невидена, а само што ја заспав, цело време само ја гледав да не се разбуди ама не, си спиеше.
Прееска ја оставив во релаксатор за да подсредам во дневна, си се смешкаше, си гугаше и по некое време ја гледам заспана. Душа мала.

Инаку конечно денес успеав да исчистам и да завршам сѐ што имав планирано. На рати, од сабајле до пред еден час, ама бидна и тоа.
Уште плакарите да ги средам, ама тоа од утре.
Имам и алишта за пеглање од малава, ама ме фати мрза, цел ден не сум седната, така да и тоа ќе го оставам за утре.

За частење сум. Стигна породилното. Којзнае од кога беше стигнато, вчера му викам на мм провери случајно да не има и ете. Можам сега на шопинг, само уште време да најдам.

Имајте убава вечер.

 

Добра вечер мајки. Обично пишувам среде ноќ или сабајле, еве ме навечер сега. Синко чита книга (секогаш пред спиење чита), а малата се лигави како по обичај. Одвај чекам да заспијат да уживам малку во тишина...ако не заспијам пред нив.

Денеска денов не беше лош, завршивме доста работи: од сабајле плативме сметки, после средувавме по дома, пишувавме и игравме, ја искосивме тревата попладнето и на крај се почастивме со палачинки. Кој ме види со децава ми вика блазе си ти со вакви помошници. Уствари три пати потешка и подолга е работата со вакви помошници, ама ај. Важно нив да им е забавно.

За утре исто имаме обврска, да отидеме до кај докторката на маж ми да видам дали ќе му препише некои таблети па да ги земеме од аптека. Не сум во тек со работни/неработни денови и не знам дали работат понеделник.
Продолжен викенд ли е или не? Кои денови не се работи?

 

Колку убаво напишано толку одамна беа оние моменти на девојка а кога ќе се присетам па ми се чини како вчера да беше. Лета време
И јас кулирам малку во мир и тишина, цела недела сме скоро сами уште утре да го изгураме денот. Не дека нешто е посебно различно ама пак друго е и кога мм е дома, бар 5м да те одмени некој.
Сакам утре поручек да пробам малку да средам по дома да зачистам за да го имам викендов слободен ама колку ќе стигнам не знам. А мора да се среди срам не срам 2 недели освен раскревање алишта играчки и кујна немам ништо пипнато. Кој праша како стигате да завршите нешто по дома ете одговор, не стигаме

 

Здраво мајки.Конечно да ве дочитам,Требаше постов да го пишам уште прееска попладне кога бебе спиеше,ама бебе си се наспа а јас уште читав.И сега читав,многу су пропуштила. Ве читам и некако страв ме фаќа со вирусиве.Ние засега сме добри ама како што читам секое второ детенце е болно,не верувам дека ќе не одмине и нас.Со помин да е на сите болни,побрзо да оздравите.
Ние неделава сами со малата,мм не беше тука си иде утре.Цела недела шеткавме по малце,малце дома и така.Утре можеби ќе одиме до Битола приквечер на гости.Дали знае некој дали има Викики во Битола?
Исто така ве читав дека се спремате за одмори и за продолжениот викенд,ние изгледа оваа година ќе го скокниме одморот,Така налагаат финансиите па здравје можеби за вгодина малата ќе ја однесеме за прв пат.Друго не знам што да ви кажам,бебе спие од прее јас треба машина да пуштам и да пеглам малце,Имав друго во план за вечерва али ништо по планот.
Тоа е мајки,имајте убава вечер
П.С заборавив да допишам.Прее си купив цвеќина,уште саксии да купам и да си ги посадам,Пусто многу сакам цвеќина ама не се разбирам ич,ни какви ни како успеваат,помалку сонце повеќе сонце,ама затоа е тука мајка,да не беше таа кој знае какви ќе изнакупев па и накрај ништо немаше да биди.

 

Има вајкики, слободно оди пазари си Во долниот дел на широк сокак, после камениот мост.

 

Да ви пишам од новиот стан
Мм замина на работа а деца туку што заспаа

Секое ковче ме боли,ама не колку душата
Могли цело време стоеше пред врата и чекаше да си одиме дома
Па ги кажуваше имињата на животните таму а мене да ми пукне душата
Не можам да ја гледам тажна

Него да собирам сега сила за свеки и свекре утре и тие пристигаат
Една недела ќе останат
Ќе си умрам

Иначе наместив кујна и дневна едвај
Со децата тешко оди средувањето ама за некој ден се ќе се среди

Спиеме на под вечерва, не успеавме да ја монтираме спалната
Ќе се искривам вечерва знам
Да гушнам деца и да спијам
Добра ноќ

 

Секоја вечер едвај чекам да заспие бебе за да се комирам и јас но кога ќе дојде тој момент собирам сила да останам во моментите на тишина кои не успевам да ги украдам во текот на денот. Собирам сила за да го средам целиот хаос како утрото би се разбудиле формирајќи го тој хаос од почеток. Собирам сила за да се истуширам, избањам.

Знам дека ќе биде подобро, за неколку години. Со бебе животот се менува од корен па потребно е време за се да се врати на своето место.

Велат мајките на кои ќе им се погоди терсене свекрва или лошо опкружување само им се јаде, нон стоп се гладни. Јас сум од таквите. Ама не јадам нон стоп, успевам да се контролирам. А здебелена сум 16 кила. Прасе накај свиња.

И така и денес станав порано баш поради тие моменти на тишина кои даваат издишка на мајката. Моменти кога можеш да размислиш.

Убав ден!

 

Добро утро
Частам кафе од работа има за сите кој какво сака
Убав пречек ми приредија колегите неможам да се пожалам, малку ми е чудно како се да ми е ново ама брзо ќе се вратам во шема
Сабајле бебе кома маже неможел да го разбуди за во градинка, се средиле и заминале, ќе видиме како ќе помине прв ден во градинка па со баба му дома се надевам нема да има плачки
Убав ден мајкички

 

Мајчински убавини и маки. Добро утро. Дали постов ќе го завршам во еден здив не знам. Ама ќе пробам да го напишам цел наеднаш. Дете заиграно. Стана синојка во 2 и до 5 журка. Поспавме сат време и пак на нозе. Ма нека е здрав битно нема потешко од лежење во болници. И мене боловањава ме сотреа финансиски. Од јануари секој месец сум на боловање. Април дури два пати а еве го мај и јас се уште ќе сум. Пак ќе речам. здрави живи. Може нема да сум стокмена од глава до пети бидејки немам време а и ми фали гардероба ама тоа не е ни примарно ни секундарно битно во моментов. Мислам дека веќе нема никогаш ни да биде на тоа место. Господ го видов 3 дена дете дехидрирано. 5 литра физиолошки. .. Знаете колку ми е гајле за се друго? Ич! Но ќе биде се ок. Како велат-ајде издржи уште година и пол и ќе биде полесно Ве читам сите редовно. Сочуствувам. Жално е да се нема а уште пожално е да се има се а да се нема здравје. Но фала богу сите овде што пишуваме сме со минливи и лечиви болести. Ќе дојде и тој ден кога сонцево надвор и нас ќе не грее. До тогаш бидете силни. Мајки сме а мајка мора да е силна. Ве гушкам. .

 

Добар ден убави мамички

Повторно да посакам брзо да минат настинките, да се намалат температурите, да секнат растечените носиња..

Деновиве се тоа па тоа, исто, но и сепак различно
Креативноста ми работи на ниво, па во ниту еден момент не ми е досадно и обавезно наоѓам нешто да се дешава да не потонеме во монотонија

На свадба се решив ќе одам, планови како што за бебе 300, ама знам да мајка ќе даде се од себе и ќе биде намирен, ама пустото проблемот е во мене, како да си го оставам синчето, принцот мој

Па се опседнав со што да носам
Врти барај по нет првин фустани, да биде не многу разголен, па ај подразголен, широк, па може и тесен, розев да бил, море ај не.. за да на крај се одлучам дека сакам во панталони да одам
Најдов едни на нет само треба да се пробаат, ама згодна сум си јас не ќе да ми паднат ама пак сабајле му ги покажувам на мм вика убави, ама ко за беља му покажувам и едни целосни, па тие повеќе му се свиѓале, е ај сега

И си правам планови јас, а наградно прашање е дали ги има по продавниците
После ваљда ќе идеме да провериме, ама може и утре

За 1ви мај де ваму, де таму да сме иделе и на крај се одлучивме за дома ајде ОК нема сами да бидеме, викнавме едни блиски.

За на одмор се спремам полека полека, а има уште 1месец, радости, радости, на бебе секој ден му кажувам дека ќе се шета и дека ќе се бањка
Мислев подалеку од базент да не иде, ама ми рекоа морската вода била многу лековита за дерматитот па во мисла сум сепак да го бањам.
Пунав веќе со флеките, па како му букнуваат, шират, аман, уствари сега е супер, уште 1-2дена и ќе нема ништо, Скендер поможи на крај па после и тоа да купам, нови креми за секојдневна нега само нека му е добра кожичката, се изедов периодов

Јас од режим на исхрана, преминав во строг режим на исхрана и нејадење страв ми е да јадам, да не му букне пак па како глушец штипкам по нешто и се претурувам со чаеви и со прочуеното смуди од јаболко и банана
Мм рече таман, си заштеди за нова облека на свадба, ами да имаше денови јас и за нови чевли ќе заштедев

^^он не знае, ама и тоа може ќе се купува после

Врти сучи умот све на трошење ми иде

Аха да и втор одмор е резервиран
Отидоа на мм идеите за Будва некаде во длабокото, јас едно утро си најдов понуда, се јавив да ми почуваат соба, пошто се испозафатено, до вечерта појдовме плативме и ајт

Туку мм наумил комбе ќе купува (за работа де) ама ипак, за што му е, уште тоа ни треба низ двор
Па сака некое поново, а скапо му иде, постаро лоши на лик му биле, па ај ќе рече ако постаро/поевтино иста функција ќе има..
Еве и сега е Куманово гледа едно
Беше и Струмица, Кавадарци, Гостивар

А јас ко јас, му викам, а ти мотор да си купиш ионака немаш ништо што ти фаќа убаво око, а мотор знам сакаш
Па дадов идеа со парите и фасада може да ставиме
Оф и на него не му е лесно

@gjoker4e колку реални и емотивни постови пишуваш за себе, без трошка срам и со многу вистина, но вака кога те читам си викам ,,колку сме различни со гледиштата и колку поинаку перцепираме,, ама можеби само животот така не однел..

Јас сум од оние на кои им се здосади од чиста куќа, дури почнав да се нервирам колку ми е се подредено, стерилно, чистев, средував и пак време на претек. Имало периоди и кога сум работела и кога не, се сум постигала. Последниве години од што бев до толку изнервирана или подобро кажано изреволтирана што се подредувам почнав да викам женичка да ми чисти, имаше одврзани раце како сака така да реди, па и да пререди. Ама што дека јас пак идев по нејзе да си наредам по мое

Чаршавчињата на масата небаре ги мерев и ги местев рамномерно, прекривачите исто, перничињата мора подредено по дезени, пијалоците на мм сите со етикети свртени правилно настрана, рамките подредени секогаш исто и во ред, сликите на ѕид редени со васервага по бришење да бидам сигурна дека се прави, завесите на прозорите наредени запазувајќи едни небитни, па и невидливи линии и набрчкани сите со исто растојание, магнетите на фрижидер закачени со ред врз уредно сортираните цртежи од внучка, саксиските цвеќиња во иста линија да стојат од ламинатот, стазите во купатило да битат во иста линија со плочките и на среде на мијалникот/школката.. имам уште многу да редам ама се мислам ако продолжам ќе речете дека сум била забегана
@kukla21 да имав теписони, а на теписоните реси ќе ги четкав и нив верувам 2-3 пати дневно. Ама си го имам Цветко, па тој многу одржување не бара, влакната му стојат се на една страна

Од сето ова ,,замарање,, а што е за право не го правев со никаков напор, не ретко се случуваше и да станам од сред јадење да подредам нешто што ми се промакнало (некој mm ми избегал од око) од кога се роди бебе не ни перцепирам како што е, ма ни погледот не ми се задржува на овие ствари, море ни мислата како било некогаш не ми иде натаму.

Едноставно среќна сум во хаосот, а уште повеќе чекам да почнам играчки да наоѓам на сите страни

Како постигам сега!? Неколкупати имам кажано, никако! Но не се ни трудам да постигнам, не битно ми е дали чаршавчето сум заборавила не да го наредам правилно, туку и да го ставам на маса, а додека пред, за секој повод или ,,обичен,, ден редев најразлични чаршавчиња, а сега го собрав Велигденското и не сум ни ставила, а имам и нови, не се ни помачив да ги исперам до сега. Перничињата сега ги загледувам кое шутнато ваму, кое таму. Последно внучка кога беше прередуваше магнетите на фрижидерот, си стојат така..

Садови во машина за средување имам, за редење исто, машини за перење/сушење додуше вртат, за пеглање купишта, кревети ненаместени, ручек ни во подготовка што би било..
А јас си седам и си го гушкам бебе и си уживам, со овој момент ништо не би заменила, да го гледам како мирно спие, па повремено ми се смешка, еве сега маестрално го плукна цуцето, а уште цица со устата и ја подместува, ептен е цакан кига прави така, па со едното раче ме чепка, а со другото ме гушнал и си ги врти прстињата на ноџињата неуморно нон-стоп

И јас да го оставам да спие било каде, бидејќи треба да потсредам, шанса нема
Овие се непроценливи моменти кои кратко траат, ќе ми недостигаат многу, ама премногу. Дури трепнам ќе ми ја ,,лепи,, вратата од детската пред нос и ќе ми се обрати со ,,не ме замарај мамо,, па на мене ете ми го времето за средување, чистење, ручеци и десерти..

Сега се снаоѓаме, ручек купен, даден, брзо подготвен, гладни не сме, сепак се храниме правилно и здраво.
За чистење мајка чистеше, па јас кога врткаа мм или мајка бебе, последно мајка, за наредно ќе викам пак женичката која ми ,,мачка,,. Што вика мм не и ги давај сретствата, со вода само нека чисти и да замачка прашина ќе собере, ако нешто не дочистила за 5дена пак ќе ја викнеме па ќе опфати и таму море на ум сум и купот алишта за пеглање да и го дадам, барем мм да го среди, мене не мора, на бебе не сакам

Бебе во 21ч ми легнува, па или легнувам и јас со него или со мм си крадеме моменти или последно слики средувам за штампање

Јас сум ,,средена,, секој ден, ниту сум небањата, неишчешлана, флекана, е добро малку гужвана ама до сред ден ќе се подисправи облеката

Мм и бебе веќе се слагаат добро, па навечер се бањам колку сакам, коса со сите креми и маски третирам, лицево џам го направив, уште не па и до толку совршено, ама каква бев сега сум премија и да не редам, имам време и за себе, не многу ама задоволна сум од изгледот.
Веќе и за шетање фативме ред, па без бб крема, римел, руж, кармин не сум искочила, на косата за жал уште освен репче не и можам ништо, поради опаѓање имам време и да помислам што да облечам да испеглам ако треба и да се дотерам.
Се ова е набрзински и се движам како октопод ама постасувам

Околу Дани и искачанките и тоа не ми недостига сум искачала, искачала ехехеее 7дена во неделата и враќање во мугри, па не ми ни фалат ни тие моменти.
Добивање пораки во 2-3ч по полноќ никогаш не ме фасцинирале, уште ако ме разбудат, уф ја немало таа љубов што повеќе ми ласкала од убавата дремка

А карање преку пораки, оти никако не можеш да се искажеш, а втора порака плус пари идат, бидејќи да се јавиш ќе ти отиде кредитот или мајка ќе падне во несвест од сметката, ни тоа не ми фали

Посвета на песни јас два пати посветив и како ги посветив ги замразив
А тоа што ми посветиле: едната е жалопојка, другата навредувачка (ич не ми иде која беше ама вреѓаше нешто ) третата реална и толку.
Сегашниот ми маж ниту една ми нема посветено, а заправо ни јас нему, ние некој филм ќе си посветиме

И пак бе реферат напишав, сакав и уште нешто ама ај друг пат ќе замарам

Ајде убав ден, мали каде и да е ќе стане, па ќе треба да го шеткам низ тераса да разгледува цвеќиња, сега тоа ни е ин, шаренки му се и го занимаат

 

Здраво мајки ,
Петок денес убав ден.
Викенд обожавам зошто дома сме сите на куп и си уживаме заедно.Не дека преку недела не сме .Ама додека се прибереме по дома од работа, па ваму оди,таму оди и денот толку .
Вчера на роденден, денес исто на роденден . Срека со малото сум преокупирана по родендени се уште ми е страв да го оставам во игротека сам а јас да седам кафе да пијам. Мал е.Но затоа па не гледам многу јадење ,благо и слично,.Иначе ке се направев слон
Откако го имам детево се радувам на секој роденден кај што одиме, се радувам на секоја прошетка колку и да сум уморна од работа .Или како деновиве мускулите по цело тело ме болат. Но не ми се пропушта ништо .
Вчера додека ручавме , имавме за јадење кебапчиња , он во скут ми седи си јаде леб сув и одеднаш го погледнувам во раче си земал кебапче и си го грицка . Јас запрепастена од тоа дека порасна и он да јаде барабар со нас. Башка таква храна не сум му дала пак ке кажам мал е ! Го оставив и цело го изеде . Сакаше уште ама ми беше страв да не му е тешко па го излажав со сиренце и патлиџанџе .Колку брзо растат
@gjoker4e Ние живееме сами , но малиот не оди во градинка го чува свекрва ми . Свекор ми и свекрва ми живеат во иста зграда под нас . ЈАс сум од тие што имаат повеке срека со свекрва , ми се наога за било што . Околу чување дете никогаш за ништо не прави проблем,ми пегла негови па некогаш и наши работи.Јас на работа почнав малку покасно кога малото имаше 1 година. Се до тогаш сама го чував .Помош од свекрва ми тогаш имав само поручек и тоа многу ретко бидејки не ми требаше слободна бев имав време за се . Ми се падна и мирно бебе.. НО најважно според мене е организацијата со мажот.Јас и мм од секогаш сме се организирале сами прво, па ако треба помош ке побараме. И сега е така . Ако треба да се бањам ,он го чува го игра.Секое попладне го шета .Го чува ако треба да одам на фризер,депилација и слично . Баби и дедовци доагаат во втор план на чување кога ние сме слободни .
Кога ја читам @emkaemka за средување кука пред бебе ,како јас да се читав !Таква бев и јас , се под ред .Секој украс си имаше свое место,секое шише парфем се знаеше кај стои .Папучите за по дома наредени по големина ! Во вц шампоните под ред од мали па позади средни па големи ,се да се гледа .Се будев од спиење кога ке ми текнеше за нешто за да проверам .... а бе луда глава !
Сега, во дневна немам мала масичка , имам постелено тепих за малото. Имам милион играчки расфрлани.Коцки,коли,топки,празни шишиња,мечиња,мали тепихчиња кога ке згазнеш на нив ако се уклучени може да те извадат од памет кога ке викне некое животно итн. На некои полици кај што достига со малите рачиња оставено некоја играчка,рамката подбутната,украсната свека во ќош избуткана.... а бе до утре можам да набројувам .Ама овој мој детски хаос не го менувам за ниеден ред што го имав предходно. Убаво ми е ! заедно растураме иако јас после тоа сама собирам.Се радувам .
Има време,ке ми биде пак средено и ке разбира, и ке средува со мене заедно ....
За чистење , имам женичка која доага 2 -3 пати месечно и чисти. А другите денови јас си средувам но не сум роб како предходно што бев !
Ручек , правам од вечер,некогаш мајка ми ке испрати, некогаш свекрва ми ке направи , купуваме .Се снаогаме . Пак ке напоменам ствар на договор.
Не дозволувај било што да ти ги ги уништи деновите со бебче.Растат со брзина на светлината .додека се свртиш ке го спремаш за во школо..Знам дека тоа што немаш работа, финансиската ситуација е она што највеке прави неспокој во секое семејство . Но сите сте на куп ,здрави и живи . Ке дојдат подобри времиња
Ама се распишував лелелеле !
Време е после 2 саати од кога го почнав да го завршам постов.
Убав ден мајкички

 

Здраво мајки.

Јас кафе пијам, бебе спие. Чекам да стане и да прошетаме малку. Сабајлево на контрола за колкчињата, ама докторката била на семинар и ајде назад Џабе малтретирање. Барем количката да ја земевме ќе прошетавме, ама во сето брзање сабајлево скроз заборавив.
И така си се вративме дома со договор да ја земеме количката и да одиме на кафе, ама малава заспа, јас се пресоблеков, си направив кафе и одмарам.
И ништо од шетањето сите тројца заедно, мм ќе оди на работа, ќе шетам и денес сама со бебе.
Имам во комшии пријателки, мм ми вика договори се и шеткајте, ама некако поубаво ми е кога сами со беба си шетаме.

Што вика @gjoker4e некогаш колку и да сум уморна, сепак не спијам кога спие бебе, за да искористам малку време за себе. Вчера на пример малава си заспа, а јас наместо да спијам си пиев кафе и гледав серии во 12 на полноќ.

Инаку, сите фармерки што ги носев пред бременост ми се мали  Сабајлево облакам едни не ме копчаат, ај други-исто. И така ги пробав сите и ниту едни не ме собраа. Ама се надевам дека кога ќе ми се намали стомакот ќе ми бидат таман, бидејќи не сум воопшто здебелена.

Порано, земав плата и одма шетав по бутици или нарачував облека од интернет, сега не ми ни текнало да купам нешто за себе. Бебе е на прво место, прво за неа, после за мене.

Викендов пак сакам до кај моите да одам, да растеретам мозок малку.

И тоа. Имајте убав ден.

 

Силно светнал ден!
Прогледавме после 3 ужасни дена.
Малиот е ново дете после само две дози антибиотик. Весел, расположен, јаде, пие.
Јас се одморив, имавме убава преспана ноќ до 9 ипол утрово, со само две 10мин будења.

Ручекот за бебе се вари, за нас месото тек се одмрзнување, ќофтиња и компири на мени, за бебе телешко со боранија.
Вчера вечерта лепче со семки месев, денес ништо не работи, па нема ни леб каде да купиме.
Бебе спие, јас кафето и да ви пишам.

Не ми недостига животот пред бебе. Шетав, излегував, се журкав, уживав, работев, одмори терав, другарки и луди забави.

Откако останав бремена а и откако се роди бебе, дури и повеќе шетаме од претходно.
За година ипол посетивме 5 држави, патувања со автомобил, автобус, авион, траект. Нашава држава уз дуж и попреку ја прошетавме и научивме во една година, онолку колку што не сме ја шетале во сите години откако сме тука.
Ми недостига можеби баба сервис за да отидеме на концерт на светски познати ѕвезди кои доаѓаат кај нас или некаде во комшии. За друго веќе и не. Бебе порасна. Можеби порано почесто помислував како немам баба во близина, кога ми беше жал што морам да го влечам секаде ама еве се навикна и бебе и јас.

За домашниот ред...
пред бебе бев нон стоп на работа, кога велам нон стоп мислам на 250 работни часа месечно. Уз работата и учењето да не го заборавам. Мм исто, па така дома немаше кој да ни валка и преуредува. Дојди од работа, туш, кревет, кафе, гушни се, работа и така секој ден.
Често јадевме во ресторани, дома пиевме кафе, готвевме во слободните денови, тогаш и заедно чистевме. Еден правосмукалката, друг кујната и така за 2 часа станот свети.
Откако се роди бебе готвам постојано, во ресторан не сме биле одамна поради тоа што е неизводливо двајцата да јадеме истовремено. Чистиме заедно, мм кога помага, кога забушава, ама нели работи премногу па прогледувам низ прсти.
Играчки собирам јас секоја вечер откако ќе заспие бебе, а во последно време и не го интересираат многу многу па не ни растура.
Шетаме надвор, се занимававме со градинка, оди цел ден по мене, отвара фиоки во кујна, седи пред машината додека се перат алишта, истура прашок низ купатило, тркала портокали низ стан, полнач за телефон обавезно изнаоѓа и влече по него, се качува каде стигне, спајдермен го глуми како профи актер и така.
Помош, немам од никој тоа веќе знаете. Ама не ми смета, се навикнав, дури сега чудно ми е мм кога ќе искочи со малиот после работа да го прошета додека усисам дома. Се навикнав да го оставам во креветче покрај и додека усисувам да скокам на секои два трзаи да правам ЅЕ!

Цел живот се борам со премалку простор. Во старата дома, кај моите, имав соба од 22 м2 со свое купатило. Дојдов тука да живеам во гарсоњера од 30 м2 со мм, тогаш дечко ми , цела куќа во една соба ми доаѓаше. Премалку плакари и простор во кој може да собере се. Он беше навикнат, живеел во стан од секогаш.
Сега е по ок, едноипол собен стан, ама со дете и три огромни кутии играчки, тунел, колички, точачиња, лулашка, возови, стази тркачки, топки итн е повторно премал просторот,па колку и да средувам пак изгледа се натрупано.
Мислам дека не знам да фрлам и давам ствари кои не ги користиме, ама ќе мора да се научам.

Заврши моето слободно време. Одам ручек да почнам да правам, да не губам време после кога ќе дојде мм, да може да јадеме и да искочиме на сонце.

Убав ден мами!
Нека поминуваат настинките кај сите и да одмориме малку од стресови приредени од истите.


Едит: време за себе почнав да наоѓам. Мијам коса додека бебе се држи за када, го заспивам па се туширам. Заспива до 21 часот најкасно па завршувам низ дома се до 00ч. Не памтам пред 00 кога сум си легнала.
Пред излегување сега, цел свет нека чека, римел, пудра, обетки обавезно!
Гардероба, дојдов на мојата омилена 38ца од 44ка во бременост, 34/36 пред бременост, кога бев ужасно слаба. Сега сум таман.
Купувам за себе кога ќе начекам на попуст искрено, пред некој ден имаше во еден бутик меѓусезонски попуст, се што беше намалено - 20,-30 на таа цена уште - 50%. Тогаш обновувам гардероба, најмногу ми се исплати, а и секогаш сум штедела на себе, додека пак кога треба да се купи за подарок или за мм и 80 евра за фармерки не ми се гледаат многу.
Да не сум куса, па допишав

 

Добар ден мајки!
Мене ми е стварно лошо,земам бедоксин демек за мачниниве ама не помага ништо.Најлошото е што не можам да повратам,така ми стои во грло,стомакот ми се превртува, и главата ме боли.Си викам да не ми е од премногу мисли.На почетокот кога дознав,имав сила за се,сега сум ко утепана.Само ми се спие.Како и да е,понедленик сум на контрола,па ќе побарам нешто за мачниниве.
Инаку,бебе заспа,спие од 10 саат,незнам што му бидна,ваљда преморено е од акање деновиве и неспиење.Дремнав и ја малку до него дур не дојде батково.А и ќе ја проверам тројката,може и никнала па му олеснија маките.
Големиов си дојде од школо,денес тест општество и тестирање имаа за читање кај педагогот.Навистина премногу, за мали деца.Ама ќе помине,ајде уште еден месец.
Денесн ручек ми донесе свекрва ми,колку значи само бар тоа некој да ти намали од обврските.Затоа се храбрам,за третово,имам разбрани баби,па ќе го нараснеме и него.Знам дека ќе биде тешко ама ќе помине и тоа.
За средувањето и јас порано како луда,само чисти бриши,дури кога ќе се сетам ко ми сероди првово,живеевме во заедница.Јас дај им го детето,и почни смукалка,прашина,ручеци,на две недели прозори и завеси перев,пери стази од ходник,абе луда.Наместо со детето да шетам.Не дека не шетавме,но криво ми е за многу пропуштени моменти кога сум го оставала за глупости.Е со второво сама,колку стигнувам толку.Некогаш е таков хаос што срам ме фаќа.Играчки насекаде,перници,алишта колку толку гледам да соберам и здиплам,но не се престасува,куќа, скали,соби,кујна вц,деца,ручек,домашни.
И си велам,ајде,има и полошо,нека се здрави и живи само.Ќе дојдат и тие денови кога ќе биде совршено чисто и ќе барам растурени играчки по подови.
Ќе пијам кафе со комшики и ќе се мислам кај се децата.
Убав ден!
Така дур се свестив,првово ене го осум ќе ги наполни.Веќе за многу работи не сум му потребна,па ми фали некогаш.Тоа е.