Мајчински муабети (не е за барање совети)

Како сте девојчиња?

Само што се вратив. Пукнав на топлово. Не се дише. Битниот разговор заврши. Позитивен исход има. И така. Човек мора да се труди за да заработи. Ме нервираат такви што кукаат дека немаат леб да јадат, а пребираат работа. Паразити.

@Kitten, @mariz ич да не се секирате за другите. И јас бев како вас еден период. Се си ставав при срце. Сега воопшто не се замарам. Кој ме почитува, го почитувам. Тие што не ме почитуваат, од мене ќе добијат ист третман. Имам и јас такви во фамилија. Моите деца не се испочитувани од едниот девер, така што ни јас не го почитувам неговото дете. Колку он за моето, толку и јас за неговото. Си гледам за семејството.

 

Епа хелоу!
Квалитетно се губам периодов...си ја заборавив лозинката на фемина и никако да се уклучам периодов!
А и време за пишување нешто се нема - трчај на работа, трчај дома - лудило!
Магдето мое моментално е на гости кај мајка ми и татко ми, уживка на гости а утре и ние ќе одиме натаму да се видиме. Вечер во план ни е концертот на филхармонија на отворено во парк па се организираме со поголемо друштво да си направиме филинг!
Поздравче на сите, ве гушкам ...уживајте со најмилите

 

Добар ден, чудно ми е вака што сум толку слободна па и да прочитам неколку постови, а и јас да напишам @Kitten ама е добро човечево со цигарче, прв пат го приметувам. Може се е и до карактерот на детето, ама ние неверојатно убаво поминавме со новиот член, а очекував хаос. Ке се навикне и големата дада, умна е она Ама колку и да се умни, нека се живи и здрави ама ептен е тешко и комплицирано со две мали деца. Сега си викам едвај чекам да пораснат, а кога ке пораснат ке ми фали овој период, па и двајцата во школо одма еден по друг за брзо, ке го барам назад периодов со нив двајца по дома @SummerGirl затоа сега на никој ништо веќе не споделувам, не секој што се интересира за нас мисли и добро за нас...
Имајте убав ден и убав викенд, ние стигнавме на граница, јас, мм и синко малку до Бг. Уште сега ми фали малата, а нема да ја видам дури 3 дена Ама тоа е 24/7 со нив, неможам ни јас да се одвојам од двајцата така лесно

 

@mariz и јас не споделувам. Гледање со нив за родендени и на гости еднаш во годината. Синко тргна прваче и не беше испочитуван. А внуче од брат му е. Е па кога неговото дете ќе тргне во школо, мене нема да ме интересира. Се моиве деца нешто му сметаат. Е па и неговото дете на мене ми смета. Му кажав на маж ми што поретко да доаѓа. Такви луѓе не сакам во моја близина. Трпам заради маж ми.

 

Добар ден!

@danichap со помин нека е, овде изгледа најарно е на итно да одиш да се лечиш оти само така може крв да испитаат. Мислам дека и тие виделе дека детето има температура ама од што проценив какви се овде ти рекле така за да не те паничат што навистина не е во ред.

Ме фаќа страв за во градинка, баш вчера вечер бев на инфо вечер во градинката и ми го дадоа и договорот. Сто пати повтори главната дека треба нив малку повеќе да им веруваме оти тие имале искуство и знаеле што е исправно. Имало многу родители што паничат и што се грижат без потреба. Дури досадна беше со тоа.

Некако ми се виде небезбедно имаат пример и ножички на дофат оти во групата се мешани од сите возрасти што исто не ми е ок и како моево кое нема осет уште што е опасно што не ќе се снајде незнам. Па и јадењето само ќе треба од фрижидерот да си го вади душиче жал ме паѓа уште сега.

Знам дека се ќе биде како што треба ама пуста мајка се грижи, де за ова де за она, ама посилно е од нас тоа.

Ете ја спие а јас деновиве сум посебно разнежнета и само ја гушкам, искористувам колку што можам повеќе оти пребрзо расте. Едвај чекам да стане и да ја гушнам, посебно после спиење е многу мила додека се расони па се тркаламе по спалната и се смееме.

Чекам да ми стаса една нарачка и висам на прозор како стара баба ако дојде дечкото да викам по него да не ѕвони да не ја разбуди. Море чекам да видам фустанот добар ли ќе биде или не

Убав ден.

 

Здраво конечно да пишам.

Секогаш кога ја отворам темава читам набрзина и нема време да пишам. И сега имам работа, имам еден куп за пеглање, но работата ќе почека.

Кога имам совреме направено ручек како посмирена сум. Кога правам ручек додека спие синко како нервозна сум, трча како коњ ручек, алишта спружи, собери... И на сред ручек ќе се разбуди..

Почнав да пишувам вчера додека синко го призаспивав, но и јас сум заспала. Спиев еден час и после цел ден како претепана бев. Синко спиеше три и пол часа си го надмина рекордот. Помислив дека ќе се журкаме до полноќ, но заспа во 10.И тоа со штипките за алишта истурени на него.


Не сум знаела дека во населбава наша има скоро 10тина мали дечиња врсниците со синко.Тек дури сега ги запознавме во паркот каде сме скоро по цел ден. Синко собира камчиња, трча, ги мириса цвеќињата и понекогаш сака да се ниша 30секунди и станува.

Се запознав со една мајка има девојче колку синко беше многу лабава си седеше на нишалка си јадеше смоки а девојчето си трча. Јас само по синко трчам не седнувам, освен со количката кога сме седи и грчки нешто, тоа кога ќе сака тој.
Исто така на онаа клацкалицана(незнам ни така дали се вика). Девојчето на една страна седи а мајката од другата страна со раката го ниша.
Леле страв ме фати да не падне, мајката ми вели се држи нема гајле .
Јас во дете од две год доверба немам. Незнам дали јас сум таква што премнигу се тресам над синко или нешто друго е во прашање.

Леле пак грми, па и ова времево не зароби дома. Неможеме чаршија да појдеме, ни во поголеми паркови, три дена со ред не фаќа дождот.

Побрзо оздравување на сите болни дечиња.

@mariz и убаво да си поминете,пушти мозок на пасење.

@*Лорена*душичка мала, добро е што најлошото поминало.
Јас незнаев што да правам кога мм се бореше за воздух, отече целиот и ситни бранко по телото му излегоа во рок од 5 мин. Незнаев кај терам а бремена во 6 или 7 месец бев. Какви стресови имав и 41+ недела го родив синко.

Убав викенд мајки.

 

Се согласувам со тебе.
Мене многу ми е страв да го остав сам синко нема ниту полни две години. Не ми е сигурен. Јас стојам до него и го клацкам.,исто и така го нишам на нишалка.
Сигурно е точно како што рекле стари сите деца се различни.

 

Синко 3 месеци имаше страшни грчеви па не го пуштивме од раце, и сега знаат да ми речат па сама го научи во раце. А што требаше да зајдува дете? Сега точно се гледа кога кенка безвезе само да го земеш и тогаш гледам да го заиграм нешто, а не да го земам во раце ама кога плаче пак е во раце. Мм и кога малце кенка попушта ама го карам зошто јас сум најголем дел од денот со него а физички ми е тежок за цело време во раце. Инаку јас слободно оставам и други да го држат ама изгледа дека нема некој близок тука кој константно би го држел за да го научи в раце.
Мене ми е проблем што не спие дење сам и не се заигрува малце сам да завршам нешто по дома ама здравје и тоа ке биде.

 

Јас еве имам позахтевно бебе кое скоро никогаш не седи сам да се заигра него мораш да му збориш и да си до него и често да е во раце. И да го оставам некогаш да кенка, иако се трудам да го смирам со играчки и слично но некогаш не успева, а јас добар дел од денот сум сама со него. И дење ако се обидам да го спуштам додека спие се буди и да сум го спуштала знаејки дека ке се разбуди и после ке кенка зошто е ненаспан ако морам во вц пример, а дупло повеќе пати сум трпела да не се разбуди. Намерно оставање да плаче да не се научи во раце е едно и не го оправдувам ама со позахтевно дете ако си сам и некогаш ете кенка а давам све од себе барем да не плаче. Едноставно правам најдобро што можам.
За тоа дали може да манипулира или не незнам не сум читала но еве моето дете кога шетаме да е татко му тука скоро одма плаче за да се земе во раце, а кога е сам со мене е помирен и може да се смири со играчки. Па оттука и мојот заклучок.

 

Добар ден мајки.

Синко спие, а јас да искористам да ве поздравам. Нема веќе утринско кафе на спална и читање фемина.
Ама почнав на работа па деновите турбо. Мора да се навикнеме полека на новиот ритам.
Синко нема проблем со седење со баба. Плус користам пауза за доење, ама си одам порано (наместо на сред ден), па до 15:30 најдоцна дома сум. Ама мене ми е понапорно. Едвај чекам да дојдам да се изгушкаме, да се изнаиграме. Па откако ќе легне да смислам мени за нареден ден, да спремам се за оброците па мајка само да смучка, па имало/немало дома, па трчај по маркети. Ама не се жалам. Сменив малку секојдневие, а кога ќе си дојдам дома ме чека најпрекрасната насмевка.
Имаме 4 запчиња - два единици доле и единица и двојка горе. Се погоди деновиве да ја вади единицата, па и спиењето ни е повеќе во раце од креветче. Рамо ме боли, мислам ќе се откачи, ама и тоа ќе помине.
Инаку најнов хит, си правиме муабет со мм и ќе се засмееме нешто, тој со нас се смее како да разбира љубов ми е. Си расте дечкото и се поинтересен е.
Викендов во Охрид бевме да се одморам од почетокот на работа во четвртокот. Синко се изнаспа, па и јас малку душа земав.

Направив мултицитати, сакав да изнапишам уште многу, ама ми се избришале и сега немам време да се навратам. Ми текнува само да ја гушнам @mariz .

Имајте убав викенд
Ве гушкаме