Мајчински муабети (не е за барање совети)

Здраво мајки!
Ви пишам од работа...
Ни кафе не ме дрма, ни обврските не ме поткреваат да го почнам денот. Синоќа малата се будеше пречесто... сто пати ја презаспав. Да излезат веќе тие заби, го измачија бебо.
Жива ненаспиена сум , шминката не го покрива уморот.
Синоќа едвај два часа сон сврзав!

Големата во градинка, синоќа доза гушкање пред спиење, утрово доза гушкање пред градинка. Големка ми е веќе, знае да ми каже муабети и да ме стопи од среќа. Утрово ми вели - ти си најубава мама!

ММ поручек ќе е дома, зачести во последно со седењето домче.
Ќе можам да поспијам... се надевам!

Ајде поздрав... убав ви ден!

 

Добар ден и од мене.
Скоро спакувани.
Уште рани зори не известија дека нема компитабилен донор за дете овде во Турција. Се враќаме назад. Земаа крв за да пратат до други банки дали ке има соодветен. Така барем ни кажаа.
Во се сумљам веќе. Додуша од секогас сум сомничав човек, најчесто со право.
Толку ксмет да се немало. Ич.
Да не звучам патетично и песимистички но, дефинитивно е така. За се низ трње се оди. Си мислев еве ова ке е од прва ке видиш!
Денес барем дадоа асално јадење, бар наранив дете како што треба. Колку беднА утеха
Се одлучив да си одиме уште денес со автобус. Малку мо е страв за дете подолго како ке издржи но и од Скопје до дома со авион има пат.Башка е поевтино а се надевам на скоро да не повикаат па подобро по трансплантација да го вратам со авион. Кога доаѓавме навака никогаш нема да го заборавам денот сама со дете на толкав аеродром.
Скоро ви дојдов и одма негативен пост. Без разлика што така звучи сепак не се откажувам.

 

здраво
Само што седнав па да пишам некој збор- два, ама за брзо ќе стане еве го веќе два часа тера,. Алишта нема крај, дур го средам утринскио хаос што го оставаме кога одеме во градинка, пиџами,алишта, шишиња млеко, кафе, пелени, ми мине пола саат, па машина вклучував долу имавме термин, па ајде и ги исушив таму, а дел се сушат во соба, надвор врне, а терасата не е покриена,синко вади една четворка, па синоже пола час плачеше, еве и утрово е ќенкав али она жално писка и плаче душа ми кине.
Овие денови се занимавав со алишта,мунував летна со есенска наеднаш залади и секој ден врне ,овде дојде есен.Вчера збеснаа дома а кога ќе ми текне дека зиомово допрва доаѓа и дека нема надвор ме фаќа нервозаа. .., дека дома ќе сме повеќе.
Ќере во градинка таму не сакала да спие па вчера уште во 21 и двајцата беа заспани,ама дур заспаа душа ми излезе за се нешто се лигавеше и плачеше, а посебно кога мм е дома екстра лигава е.
Маже уште оваа недела на работа, па од следната уплативме ќе одиме на планина и на езерце 5 дена, се двоумевме пак да одеме на море ама некако неизводливо ни се виде па си уплативме тука на Алпите .Се надевам деца ќе бидат мирни, има внатрешен баезнт за деца и плус аниматорите се надевам на мирен одмор, му велам на мм ем ќе наполниме батерии и бар и од готвење ќе одморам, бидејќи all inklusive.
Ете тоа е ново се пофалив ,Денес ручек гравчето со виршла (наместо кобасичка пошто со мм не јадеме)

 

Добро утро!

Се сеќавате ли на мене или не, изгледа ме заборавивте освен @Ava.84 која гледам ме спомнала пред некое време, добро е барем на некој му текнало. Не е ни важно, се вратив после скоро два месеци пауза од пишување и од читање.

Не сум во тек со настаните и однапред се извинувам ако сум пропуштила важни моменти за честитање, нека е со среќа се убаво што било за честитки на сите.

Ние сме назад во другото дома, се привикнавме еве веќе две недели скоро, дете прво беше збунето и како да имаше заборавено се овде, првиот ден не сакаше ни да игра со играчките и ги бараше сите по ред, иако е мала знам дека разбра веднаш дека нема повеќе да биде исто.

Инаку престојот со баби и дедовци на подолг период и со други луѓе си влијаеше многу, детево не дека не зборуваше ама многу го прошири вокабуларот, и сега веќе си правиме муабет и скоро се се разбираме. И не само тоа, немаше ден да не дојде некој или да помине време со деца или роднини и уживаше во целото тоа внимание. Беше пресреќна таму и малку ми е жал што сега е тука сама и освен нас нема никој друг.

Ава ме прашала дали тргна малата во градинка, не е сеуште, треба здравје од ноември да тргнеме па се надевам дека ќе се вклопи. Баш вчера ја носев да си ја види групата и веднаш ја фати учителката за рака и си отиде кај децата. Се играше едно 10 минути и си тргнавме, прво не сакаше ама сега за сега секаде ми успева финтата дека ќе одиме кај други деца и да видиме други играчки и веднаш тргнува.

Сега да кажам за мене, летото не ми помина баш како што очекував, не би сакала многу да пишувам на таа тема, но моите здравствени проблеми ме натераа да одам и таму по болници, не се заврши моето патешествие па ќе продолжам тука пак по истите врати. Но, главата горе и надеж дека ова е само еден лош период кој бргу ќе помине. Најмногу и затоа ме немаше на форумот, поточно на темава, оти на други теми речиси и не сум активна.

И покрај се смогнав сили и најмногу заради детето отидовме до Грција на една недела и не се покајав, дете беше многу радосно, само викаше моуенце и пифа, пифа, демек моренце и плива, од вода не сакаше да излезе, беше и напорно на моменти ама во исто време и многу убаво.

Не ми се верува колку бргу расте и како се разбира, на моменти е толку мила, на моменти право ѓаволче. Вчера ја носевме на панаѓур каде има рингишпил и кога се запна да ја качиме на едни колички кои се само за возрасни и мене ми се страшни како брзо се вртат, леле кога зема да рика, едвај ја смиривме некако. Потоа шетавме покрај река и плачеше да одела да плива во реката, иде ека пифа , ред солзи ред мрсули беше работава. Ајде и тука некако се смири со живи маки, па и текна сакала да оди, не сака да се вози во количката, а кога ја извадиш еднаш веќе не седнува и си фативме патот накај дома.

Слатки маки се тоа, посакувам само сила и здравје и таквите секојдневни работи со насмевка да ги поминувам. Не само јас туку и на сите тоа го посакувам.

Денот помина дури јас пишам се и дете успав и ручек се крчка, попладне и јас да не сум покуса ќе одам до Њу Јоркер.

Убав ден.

 

Јас да си пишам што ми се мота низ глава, денови не раскажувам немам трпение само пренесувам тука некои мисли и предизвици. Како завршуваат одморите и викендите некако се опуштам и во себе си викам добро е поминавме без разболување. На секое враќање во ск си викав сега можам да се опуштам, а која е поенатта на одмор ако јас се стегам и стрепам да не се раболи. Ама тоа е посилно таа мисла што ме прогонува каде и да одам, кога имаше една година имавме едно лошо искуство кога се разболе на одмор и од тогаш штом се патува јас сум парализирана од став. Од тогаш секој ден се трудам да работам на себе и да се ослободам ама не оди така лесно.
Јас одамна не сум ја прочитала @Kaetana а уживав да ја читам

 

Добар ден...добар ли е или не не знам...ви јавувам со 500 е минус.Синко денес го скрши тв то.Јас до спална татко му во вц дечкото си мавнал со нешто и толку.И го гледам тв срце ми се распара,само му реков на мм некој да се исклучиш немој да го тепаш.Јас си се исплакав татко му само ќутеше.Не е за материјалното ама стварно не сме во можност за нов.И така сега ќе си живееме без тв среќни и задоволни.Му се налутивме му објаснувавме зборувавме ма да некако не допре до него.И пак си викам наша вина е требаше да виси на ѕид.
Друго во суштина и нема ново,влегувам во седми месец.
Ако сега сме со вакви тантруми неслушање беснеење што ли ќе биде кога ќе пристигне брат му.Само молам Господ да ми даде сила сама да ги исчувам двајцата да успеам да се синхронизирам некако.
Во последно време се изнаслушав како луѓето викаат за нас Епа они си сакаа така сами да си живеат сега нека се снаоѓаат.Од каде таа злоба кај луѓето.Наместо тоа можеа да кажат еј браво дечките сами успеаја како знаат и умеат не чекаат од мама и тато,ама тоа ти е проста нација.Изгледа требаше да останеме десет души во 50 квадрати.За денес толку од мене вие бидете попозитивни.

 

Деновиве ми е мотот во себе и на глас "за се што се случува низ животот има причина" "се е со причина" и така е.
Понекогаш човек мора са згреши некаде за да научи нели за како понатаму и кога гледаме дека секојдневно грешиме и сме луѓе грешници и учиме секојдневно од грешките можам да воочам дека животот е вечита школа.
Памет немам веќе..

Деновиве и надвор проаѓаме де играјки де трчајки, запознав една пријателка односно комшика само е девојчето овде па се дружиме на скали попладне.

Друго немам што да кажам, некои лоши вибрации и лош период завладеа за жал, да сме живи и здрави само.

Поздрав.

 

Како успевате понеделник да сте први, јас и малата сме последни на каса секоја сабота. Оваа сабота ниту еден леб немаше останато па купив кроасани.

@simona_baby Со насмевка ќе се сеќавате на скршеното ТВ. Јас сум веќе 7 години без ТВ ако ти е некоја утеха. Толку сум навикната што немаме ни желба да купиме. Се се случува со причина. Подобро да го скрши отколку нешто полошо. Нека и жив и здрав. Ќе се одалечите од црна хроника, ќе ви одморат очите и помалку заморни ќе бидете, поубаво ќе спиете.

@Ava.84 И јас така ја лажам 16+ ќе одиме кај другите деца или кај другите играчки, другото куче.

@Seline добреројде назад, ќе биде подобро!

@galapce

Воглавно летово беше неубав период за сите, од месецот се надеваме на подобро. Се ќе се среди. И ќе има ново за средување. Се е дел од животот. Колку добро толку и лошо. Додека сме сите на број добро е се.

 

Добра вечер
Тргнав да седам на тераса и да ви пишам, ама на крај се испружив на спална. Неможам да ја гледам терасата несредена. Цело лето немам седнато. Со малово нема шанса. Се надевам следно лето. Терасичката ми беше омилено место. Колку штосни чаршавчиња имам а ова лето едно ставив и ене го остана Мајка ми дополнително ме изнервира ми донесе некои безвеза цвеќиња и сега за одморот све се исушило па ја викнав утре да си собере "ѓубрето". Сакам 3,4 цвеќенца на тераса, не на секое ќоше да има.

Излеговме до кам, одма тука ни е плоштадот-ами тој празен Летото си помина. Ме фати носталгија. Цело лето полн плоштад, ние на клупа одмараме, синко задоволно се смее на дечињата Уф, зима, стемнување во 4 саат

Денес се преморив.
Синко стана напорен и разлигавен. Само кај мене да е во раце. А колку бев среќна што одеше во сите. Се преиспитувам цел ден , да не направив некоја грешка

Не ручав денес, јадев некое парче торта од роденденот, незнам што ми требаше , па маж ми донесе пица, сега толку ми е лошо ќе се напијам едно јагленче
Синко веќе спие оддамна, време е и јас.
Добра ноќ

 

Немам нешто посебно да кажам но да си поминам на ред, да не ме мислите. Два дена сме главно по дома време разлигавено, така и дете, а богами и јас. Многу сум нервозна во последно време и многу мислам на работи од минатото, на личности и што би било кога би било, па сонувам глупости и се будам исцрпена и без енергија. Препишувам се на хормоните. 26+2 веќе почнувам да се осеќам тешка а богами и 5 килца си имам ставено и сама незнам како кога воопшто не сум застаната во место.
Инаку со синко мака си мачам демек од памперси ќе го одвикнувам, ама си давам време уште малку додека залади ако не бидне ништо да сме здрави и живи на пролет ќе се учиме. Има мал напредок и надежта ми ја поврати дека ќе не биде. Заспа со приказни за умното мече кое си кака и мочка во нокширче. Знам знам го напнав  Душа ми е ете таква среќа имал јас мајка да му бидам Добра ноќ мајки гушкајте деца и по малку мажите мм ме праша ако сега бил последен што ќе било кога ќе се родело и другото бебе, па му кажав да не се секира нема ништо да му се промени пак ќе си е на исто место се шалиме секако знае тој дека ми е златен ама само кратко пред спиење можам да си го разгалам, ако не заспие заедно со дете секако чаоо

 

Добра вечер, убава вечер мајки

Едвај денес стасав до кревет, ама едвај
Не знам ни што ми требаше во 19ч да спомнам на мм да шетаме, па во 20.15ч дома стигнавме, бебе веќе беше невозможен оти му се спие, а јас морав да се бањам, е морсв де
Си помислив да го намирам него, да заспие, па да се средам, ама толку сум уморна што знам ќе си останам небањата, не смрдам, ни косава не ми бог зна од кога немиена, ама склет ме фаќа ако не мирисам на чисто

Мм уште од врата спомна ќе иде да види нешто со колата
ОК го паркирав бебе во количе, го наместив на сред вц, му тупнав пред него мицеларна вода, гел за миење лице, шампон и паста за заби па таман си реков дури ги разгледа ќе се средам.
Е не беше баш така
Како му ги наредив пред него така ги џитна долу, ама затоа се заигра со фиоките, не може да ги отвори, ами ги лупаше и ги чепкаше рачките, па и вика, вика, урла, ама битно јас се избањав некако

Го пробањав и него и тука почнаа церемониите, му кидна часот за дремка, па му се јаде, а кенка, му се спие, а кенка, плука цуце јас враќам, ама пред да вратам брцам во мраз ладна вода, иначе нема да ја прифати и се така, нишкам, пеам и оп некако заспа
Па еве да видам што има овде и јас се комирам

Денес на педијатар. Сама.
Не ми е проблем сама да идам, ама ми е проблем што таму јас не се нафаќам со кола да влезам, катанга е паркингот!
Па се паркирав во ГТЦ и опа цупа во најжешкото низ плоштад, па по уличкине и стигнавме некако.

Уште од врата ми се стемни кога видов 4ри бебиња, значи сите ќе треба да ги чекаме си реков
Ама јок, само едно чекавме
Седнав на софата до џамперот (има џампер во ординацијата) кога рече бебе се тегне, се влече да фаќа, да игра, па вика се буни. Го загледав дали е чист, па не беше најсјаен ама нек се челичи па го пикнав.
Аууу кога се озари, вика, писка, се смее, тоа другите деца сите зинале накај него, овој мојов па се прчи дека центар света па и важен се прави, врти некои фаци мочко!

Докторката кога го виде се изнасмеа, вика ами ова не е бебе више бебе е викам, нема ни годинка, бебе е
Се згоил фино, се извишил, куре му е арно, крвна слика топ, па така да си продолжиме

Од тука рикверц во ГТЦ, си имав на ум да шетнам па чим сум таму, сакав и да си купам нешто.
На бебе му се приспа и викам супер, ќе заспие и ќе си разгледам.
Ама
Нели перев количка, па сум ја раскомадала и тоа за напред пречникот сум го заборавила да го склопам. Леле бебе кога укапира дека може да се тегне, дека може да фаќа подалеку, аууу ршум направи во ДМ
Пружил рака и јас како минувам тој бутка и се пофаќа, јас сум се загледала тој ги натоварил пола шишиња кај него, пола ги фрлил, грабнал чешел и за малку во уста ќе го пикнеше, па успеа и кашичка да си прибере од рафт, арно не ги испокрши
И тука заврши мојот пазарлук, што пикнзв во корпата пикнав, платив и низ врата

Ама влегов и во Тинекс, ама го паркирав до вагата за мерење и примерно минавме, среќа само овошки и зеленчуци пазарев ама па лупа на неа ли лупа, му подадов и ќесе па шушка, се радува

Јас каснав еден кроасан до паркинг, подадов и цицката, запалив кола и ајт дома.
Бебе се успа веќе на прв семафор, па до дома возев на раат

Туку сега ми текна дека не сум ручана, освен кроасанот, а тоа ручек ли е
А направив ручек, домаќинка бев, оставив за мм да јаде кога ќе си дојде од работа, ама оти јас не јадев, еве не знам
И после ми коментираат дека бебе бил подебел од мене
Газот да му го јадат

@Monella аууу женче ме усрами
Како не, те лажам, како пауница сум цел ден, откако те прочитав сабајле само си се смешкам

Книга викаш, ако ти кажам дека имав такви бубачки на времето
Книга бе мислев да пишувам а што ли ќе напишев

Море ако си ги опфатам основните и средношколските хирови ќе се полнат страници ли страници па кога ќе дојдам до 25+ ќе почне веќе книгата да личи на бестселер

Оф леле мори мајко кога ќе ми текне на сите глупости кои сум ги правела срам ме фаќа, па од каде ли ми текнувале
Од еден бивши или што беше за некој бдеј добив ,,диплома за најголема дрдорка,, баш таков наслов имаше и некој текст, кој рака на срце створен беше за мене а ќе речеш некој си пишал онака
Мислам и дека ја чувам, како да сум ја видела по купии, не знам
И не, не му се налутив, се изнасмеав, јас ли

Туку вчера ми пишала @gjoker4e и не не те игнонирам цел ден, ама немам време да ти пишам, а да знаеш дека сакам, ама и што ќе пишам.. најдобро е да ти испратам куп виртуелни гушки, ќе биде подобро, мора

@galapce бакни го дечкото со најубави трепки од тета Емка и знам, едноставно знам дека еден ден вие ќе бидете победници!!

Ова го пишував прееска или вчера и на сред пишуванка бебе закенка и почна да крева нозе у вис, па во обид да го презаспијам сум си задремала и јас

И сега пак ми се јаде, опција кроасанче, па идам да го каснам и ќе се паркирам до бебе

Убави соништа, сонувајте убаво па еден ден можеби и реалност ќе бидат

 

Добро утро.

Овие денови кога ке ја отворам темава за да пишам,имам толку многу постови за читање што не успевам од читање да пишам.
Се врака во живот темава...

Синко добар си тера по негово тоа што го помислил мора да го направи па што сака нека биде..

Во комшии имаме гостиче врсник на синко..Дете вика по дада се бркаат,се бакнуваат се гушкаат и на крај од многу гушкање пагаат на асфалт.Смешки се само за снимање.
Или лежат во количка (оние за ауто) се смеат на цел глас,па потоа сакаат да се качат горе на неа,но се лизгаат.

Во последно време свеки ме нервира...Дете си трца на улица пред кука и оди по него да не се сопнел да не паднел,ако се врти во круг го фака да не му се завртело,ако оди наназад исто.Кога ке падне одма го крева,не беше ваква женава што и стана не знам.

Вчера го оставив дете на свеки и заминав на заболекар.Пред да заминам и велам дадај му да јаде,се вракам за два сати не сакал да јади.Го прашала баба ти се јаде,дете рекло не и му дала да јаде смоки.Си дојдов го седнав во хранилка одма дете вика ам ам отвора уста.Затоа ич не ми се остава дете сокови глупости ке му дава само да не го рани неможела...Од незнам и неможам полесно нема.

Дете уште 10 дена му е родененден,а дома раскренати варосувам.Денес во ходник, в соба кај свеки и кај нас дури во сабота .Паника ме фака голема дали ке стигнам,но добро е што предходно си имам месено од кифли,зелници,мини пици.

Дете се разбуди....

Имајте убав ден сите.

 

Добро утро
Кафе и 100 % портокал на утринско мени денес ,ајде повелете има за сите
Јас на работа стигнав ,сабајле додека се спремав гледам индијанецот мој се разбуди ,таман се спремив па ајде го земав се испогушкавме ,го спремив и него го дотерав за да ми биде најубав на мајка И му го предадов на маж ми да се подружат уште еден саат па да го носи во градинка ,а јас заминав на работа .Замислете во градинка на маж ми му рекле ,а детево ви е многу разгалено сака цело време во раце ама вчера кога го земал па му рекле дека бил подобар небарал демек толку многу во раце за разлика од првиот ден . Добро е биле многу малку деца во групата сега за сега само 5 деца биле . Вчера синко несакаше да спие па заспа уште во 8ипол вечерта ,па си седнавме со маже си испивме по една чашка винце и убаво си помуабетивме ,искрено ми фалат вакви мигови повеќе .
@emkaemka жено кога те читам некогаш толку многу ме потсеќаш на книгата Купохоличарката и бебето ако си ја прочитала искрено ја освежуваш групава со твоите постови
@galapce
Убав ден на сите

 

Добро утро, елајте на кафенце!

Денес сум спора до 101 и назад, ме стигна уморот од прекувремената работа. Колегиве ме зезаат од сабајле дека се влечкам како змијурина некоја, а они не знаат дека трета смена по дома збеснува. Вчера се прибрав во пристојно време, и ете ги: мамоооооо, ајде на лулашки! Ете ви го татко ви, одете да се одморам. Нееее, со тебе сакамееее!!! Мало морген, одете тројцата да се одморам, и шуќур отидоа. Само што се прибраа за саат време, почнаа да зановетаат. Мамооооо, сакаме палачинки! Ајде направив палачинки. Мамооооо, не сакаме од грдиов крем (само моите деца мислат дека Нутела е грд ваљда на овој бели свет), сакаме од тој ти што го правиш! Ајде, им направив како намаз со лешници, мед и рогач, се налапаа. Таман ги суредив и ги избањав за спиење, синко се потури со јогурт. Ајде мм го пресоблече, сменив прекривачи, мм го исчисти тепихот и божем легнавме јас и децата, препекаа за да им читам приказна. Им ја изначитав приказната, таман мислев заспаа и конечно ќе одам да се избањам како човек а не на 5 минути, ете ти го малиот како нинџа некој се пикна кај сестра му во кревет. Излегувај бре, имаш свој! Не, заедно ќе спиеме. Се закачаа до 10:30, јас се избањав на две на три мм беше излезен (конечно, не можам од дома да го избркам од што е домашар врвен), и заспав како заклана до 5 сабајле. И после ќе ме прашаат, зошто сум била уморна. Не знам бе, од онака.

Нов ден денес со нови сили, ќе одам во потрага за патики за синко после работа освен ако не ме стемни. Тоа дете расте како лудо, во јуни носеше 26-ка, сега 28. Не можам да го постасам со партали, се' му е кусо. Ќе го дотера мајка за роденденот, најубаво маже ќе биде.

Имајте убав ден девојчиња!

 

Здраво мамици!!!
Пак од исто место пишувам, од работа. Големата сабајле ја однесов во градинка, беба остана дома да нанка и ќе се чуват со баба и. Сеуште нема подобрување во чувањето. Беба си кенка се додека не ја земам! Добро е што јаде убаво со баба, барем знам дека не е гладна. Постои ли нешто што можам да преземам за побро беба да навикне на баба?!?! Не сум спокојна кога знам дека дете ми тагува по мене. Душа моја најубава!

Ќе споделам случка од вчера. Ми се најавија гости ( мајки со деца) во 14 за во 20 да ми дојдат на повојноца. Јас дома не знаев што попрво ама средив некако оти бомба беше дома. Немав време да спремам ништо туку порачав пици, грицки, сокче, блачко купив... наредив на маса и чекаме гости. Ама јок, нема ги! Ним им се сменил планот, друг ден ќе дошле. Па и не се јавуват, требаше јас да им звонам за да ги прашам до каде се! Се изнервирав, толку неодговорни?!?!?! Наредниот пат кога ќе сакат да дојдат јас ќе ги дриблам...
Ви се случило такво нешто?!?! Како би постапиле во таква ситуација?

 

И мене ми се случи, печев лиснато, ордевер напраив поставив се и се јавија еј абе не доаѓаме...ај ќе ти кажувам се напнав ова она...
Ништо игнор, шо да праиш не ќе молиш. Уште се немаме видено откако се роди малава. Си се најадовме убаво ние, ако иаме време обично други гости викаме да искористиме храната и така

Иначе, ние на одмор. Кафица на тараса, бебе спие. Сабајле јадеше лакомо па поврати па ќе прескокнеме плажа денес.
Малку е напорно, само надвор сака да е. На плажа покажува накај вода.
Е сеа добро е што овде се успива порано од дома. Во 9 е кома, за разлика од дома до 10:30 се мачам да ја успијам.
И прија клима, вода, воздух се...
Малку неам искуство на плажа со дете па сум хаос.
Дали и е многу у вода, дали и е ладно, да не дува, да не е сонце....само мозгам. А таа не би излегла од вода.
Гума, базен и слично не доаѓа во обзир.
И така, си се шлапкаме до колена, навечер гледаме како креветот да го гушнеме, време за над ни тука нема за жал. Ептен е активна, пот тече од нас.

 

Здраво мајки
Се пронаоѓам во сите ваши ситуации.
Синоќа спремав алишта ранци за во градинка,кога големиот во 3 и 15 станува вика мама моч,го однесов во купатило гледам дете се тресе цело го пофаќам врие.Ајде мереме тт 38.4.Му дадов далерон и оцет на чорапчињата и си заспа.
Сабајле малово едвај го разбудив.Па планот се смени.Малото однесовме во градинка и таму пак го нема список.Го испуштиле.А сега се формираа нови групи.Трчај горе нема шкавче ништо.Ај долу таа воспит.вика одете до централната.Ајде отидовме со директорката се разбравме.И се среди работата.Дете остана да плаче.
А големиот кај докторката.Се е ок.Малку розево грло.Не е за антибиотик.
И си се вративме дома.
Па средив исчистив и надвор двор метев и миев,и заспал синко.
Си направив еден тост јадев.
И едно капучино сега ќе пијам.
Па во 12ч ќе одам по малото.
На докторката и спомнав за тој спрејот ацидосалус мислам беше.Многу го фалат па си реков да ја прашам.Вика па да го земат ама не е нешто којзнае што??!! И каков е тој одговор господе боже.
Јас сакав да им го земам сега да им прскам во грло и нос.
Имате ли вие мајки некакво искуство со тој спреј?
Мм и свекор работат назад зад куќа им прават на пиленцата мали нова куќарка.А имаме и кокошки и петлиња и малечки пиленца со квачка.
За околку една недела мм пак ќе оди на пат.
Јас почнав да ги средувам док.со пасошот и да им направеме и на децата.Па планови некои за странство може накај пролет.
Незнам уште.
И така си минува секој ден.
Направивме некоја зимница уште нешто што си јадеме и толку ќе е.
Убав ден мајки....

 

Здраво мајки.
Гледам арни сите .
Мене неделава ми почна по гости, изледа така ке ми заврши.
И ние имаме прваче маче најубаво на цел свет На кумовите синчето. Си се собравме со нив во понеделникот.
Вчера годишнина на моите. Прв пат бевме во ресторан заедно со син ми. Избегнувам кафани и ресторани со него бидејки трча, не е баш дете кое седи на место . И не би сакала да ме гледаат на криво и да ми превртуваат со очи. Ги разбирам , никој не сака додека си вечера да слуша викање и да му трча некој околу . Среќа вчера во ресторанот имаше лизгалки, и децки тракатанци па додека ги чекавме славениците се изнаигра , се измори.Едно време го гледам лази помеѓу масите Немаше многу луѓе па не беше толку страшно.Многу убаво си поминавме . Оддамна немаме седнато така со родителиве
Денес пак на снашка роденден . Пак славење Купив поклон, нарачав торта и после работа одиме кај нив дома
Инаку сме добри периодов . Се мислам дали згрешив што не го пуштив син ми во градинка од сега септември . Ама помина возот .Па од март здравје ке го пуштиме . Многу сака да си игра со дечиња ,среќен е . Мене срце полно радост кога го гледам . Многу ми е љубов значи
Сега е период кога прашува и покажува кон СЕ. Вика: Ова (и покажува накај кревет). И јас викам: кревет . и пак :ова(покажува накај перница) јас: перница , и он легнува.Покажува дека на тоа се спие и така цел ден :лустер,кујна,столче,маса,тато,мама,он на себе си покажува,рака,нога,прозор итн . Многууу ми е интересен...
Го сакам периодов . Многу сакам есен.Поготово доцна есен и зима! Омилен период ми е . Сакам ладно , сакам снег ..Знам чудна сум по малку ама највеке ми одговара тој период .
Башка зимска женска сум .
Можеш да се дотераш да се средиш. Да се нашминкаш ,без да ти тече пудра по лице.

Периодов почнав да разгледувам идеи за роденден на син ми . Иако е рано и до декември има време. Ама јас секогаш однапред планирам . И овој пат се ќе нарачам, и ќе си бидам гостинка на роденденот.

Планирам петок да одам со мм до Солун , да направиме шопинг. И да прошетаме малку сами. Да си посветиме време. Па ке видиме дали ке се исполни планов. Бидејки го одлагаме подолго време.

@galapce не бев запознаена со вашата ситуација.Пред некој ден прочитав случајно . Ви ја праќам целата среќаШто побрзо да избегате од болничките ходници Гушки до лепотанот


И така друшки , идам да каснам.Се јави стомаков гладен бил
Имајте убав ден

 

@snegulkata за роденденот мој, золвата се јави и тоа на маж ми да честита и најавила еве поаѓаме накај автобуска одиме! Ние само што стигнавме од работа, долу во маркет испазаривме за ордевер и готова салата, пијалок и пици среќа пицерија до нас има. И наместив и седиме, она звони друг ден ќе дошле. Искрено не ни сакав да дојде, па затоа си поручавме ниеСакам да кажам не ме трогна мбогу, ама следно кога се најави ние "неможевме" таа уште е кога да ми го донела поклонот Така да тоа се луѓе без осет и на игнор

Се оптегнав на гарнитура и пијам второ кафе правено во тоалет , уствари бебе заспа после плачки , плачење зорле, незнам што му е овие два дена па ми се припи нес и го матев во тоалетот А сабајле што убаво си се изнашетавме дури беше свежо едно саат и пол , низ населба, пазаревме во кам, се натоварив смешки живи, кај наполнив корпата па и компири купив -ги врзав на количката, од друга страна прашок , да балансираме
За мене најдов еден грчки кроасан, цел подуен во опаковката среќа арен беше, ми се јаде благо прв ден добив Дете ме гледа и вика ам! Оф мори мајко кроасан ли Му дадов и отвора толкава уста! Купив од кам уште еден па си седнавме на плоштад на сенка и се најадовме кроасани

За ручек коковче, па и пиво купив абе за ќотек ! Едвај си дојдовме
За дете ставив телешко и боранија, требаше вчера ама заспав и не успеав да го спремам телешкото .

Оф почна некој да буши во зградата само ако го разбуди детево

Што убаво во тишина си седев и телевизор исклучив и ролетни спуштив , милина

Ај на кафе