Мајчински муабети (не е за барање совети)

За мачка најефикасно е да се стави ампула која ја прочистува и од надворешни и од внатрешни паразити, се капнува на грбот помеѓу плешките и не треба неколку часа да ја допирате на тоа место.
Поубаво ќе ти објасни ветеринар околу ова...
Инаку,болвите секогаш одат кај оние кои имаат малку поткачена температура, нема да останат во постелнината или во кебињата, доволно е само да ги протресеш...

 

И ампули и имам ставано но џабе е кога е во контакт со други мачки ... ништо ќе тресам секој ден и се надевам дека ќе исчезнат ако не ќе мора да правам некоја дезинфекција.

 

Само да ве поздравам...сонце надвор,да пимине првата дремка и ќе шетаме.
Малата стандард не спие ноќе а ноќеска 3часа жално поплакуваше како нешто да ја боли.
Цело време бев будна.
Некни беше умна ја носевме во пицерија и ме остави да каснам 3 парчина и друоти спаковано и правец дома
Во 6-7 стандард е будна,се гушка,ми порасна чупето.
@galapce се смеам со бисерчината на галапчето...брзо се да мине и од арно да не куртулите...


постов од изутруна ај ќе го пратам да не е бадиела типкањето..
Убав ден!!!

 

Има едни како каивчиња за околу врат што се против болви, мачето ги носи, ги има во разни бои. Исто има едни капки кои се капнуваат кај вратот на мачето и тие помагаат. Е сега незнам дали ги има кај нас ама сигурно, татко ми ги купува од Бугарија за нивното маче.

Јас немам маче, ама откако почнаа моите да чуваат мили ми станаа многу, сепак не сум некој љубител и не би чувала ни внатре ни надвор.

Ај сега здраво!

Немам кој знае што да кажам, детево спие, се измори доста денес, ручекот за неа е готов, а јас ќе јадам било што. Сопругот си иде касно навечер па сигурно и да е гладен ќе јаде нешто полесно навечер.

@Mari* со помин нека е. јас многу добро те разбирам, еве и мојот сопруг е на пат веќе три дена и често оди, јас останувам сама и веќе се постресно ми станува. Криво ми е што никој од моето окружение не ме разбира, ама веќе не се ни замарам, сватив дека додека некој не осети на своја кожа непто никогаш нема да сочувствува со тебе на правиот начин.

Денес повеќе останавме во градинка, на крај со плачки си појдовме, ги изнесоа децата во дворот а мене не ми дадоа да излезам и одеднаш слушам како моето дете плаче, се лизгала на лизгалката и некако се удрила ни јас незнам како, дојдовме дома со плачки, па го бараше татко и , па се караше со прстето и многу жал ми падна.

Ми рекоа дека си имаме работа со мал шеф или мала шефица, како јас да незнаев, незнам како ќе се излезе на крај, науми ли нешто мора да е по нејзиното. Сите методи ги пробавме, едно време беше подобро, сега пак исто. Пред да заспие ми бараше лижавче и се заинатив реков нема и крај и тоа беше плачки со солзи крокодилски. Епа мора да се постават некои граници.

Сакав и на @galapce да и пратам позитивни вибрации, таму сте за подобро и ќе биде подобро овде навиваме сите за тоа.

Сакав и некоја друга да тагирам, ама заборавив што сакав да кажам, некако немам навика, воопшто не сум уходана на форумов.

Убав ден.

 

@Seline да ги знам ги имам земано и тие капки. Ќе пробам со се но џабе е дека е надвор инаку внатре не ја пуштам никако да влезе бидејќи ми се појави алергија на нејзиното крзно(евентуално прашина од нејзе). За ова сама си открив два дена беше внатре и очите отечени и нон стоп кивав дури до гушење доаѓав.


Се надевам ќе помине!
Добар ден мали спие прв пат во животот заспа сам оптегнат на спална ми нареди перница да не му давам така ќе спиел ок јас легнав до него и мали труп за 3 минути рекордно заспивање.
Јас се чудам што со себе косава ја гледам како грмушка ми е само ја измив и одма ја врзав но изгледа згрешив трњбаше да ја малку средам .
Лап топ пак е однесен на сервис заборавил да ја поврзе камерата и вчера неможев либето да си го видам . Ми фали ужасно!
Ајде на кафе после ручек.

 

@TutiFuti зему од земјоделска аптека течност неопитроид алфа, разреди со вода(пишува сооднос на етикетата) и испрскај дома по ќошеви, на под насекаде. Затвори пола саат и после отвори да се излуфтира. Не е штетно за топлокрвни животни а од бубачки ќе се изненадиш што се превртено ќе најдеш по дома. Од буви, до мравки, лебарки бубашваби ,молци, муви залутани хаха.. спас е невиден..испери ја постелнината обавезно. Од ветеринар пеед некој ден ми беше кажано дека се појавиле премногу буви, инвазија. А што би рекле постариве ако има многу болви ќе има војна , али ај да не кобам верувам се ќе биде во ред. Мачето избањај го со посебен шампон и стај му каивче, можеш.и во.двор да испрскаш дека тие скокаат па така ги внесуваме дома преку облека.
Мислев нешто да напишам ама еве маже се буди сабјле легна од трета смена, да ја почува ќере да се пуштам јас во када да се искиснам. Да можев во центрифуга да се ставам подобро.некако многу уморно, безволно се чувствувам. Ама ќе помине.
Ви праќам поздрав, сили и гушки на сите.

 

Ние имавме некоја наезда пред да се роди бебево. Изгледа од мачките што ни спијат во влез. Па викнавме дератизација баш кога бев во болница, ама маж ми 4 дена се утепа од чистење дома за да можеме да донесеме бебе. Под гарнитурата имам јоргани, ќебиња наши и бебешки и сѐ тоа сум морала да носам на хемиско. Побезболна варијанта ќе беше да земевме средство од земјоделска аптека ама мене никој не ме слуша

Прашај си во земјоделска за да не мора да чистиш и преперуваш, по неотровни се тие средства

 

^^Женски фала ви за советите.
Исто и јас го имам слушнато тоа ако има болви ќе има и војна....
Туку и во комшии сега ги слушнав комшиките маваа болва надвор.... значи страшна работа е. Утре ќе одам о ќе се распрашам за средството.
И да ќе земам бидејќи спас не знам на кој начин друг ќе најдам хаос е премногу ги има. А малиот ми е целиот искасан целиот!

 

Здраво.

Дете три ноки не спие,не јаде(а пред некој ден само што го пофалив) и не пие ништо.
А да му дадев 2 кила сок/јогурт ке ги испиеше во рекорно време сега само лижнува и го гушка шишето.

Носето за срека престана да течи,но грлото партал.Дури и плунката не си ја голата си ја чуваше во уста.Почна да се лигуши што морав да му ставам лигушка за дома.
Незнам дали да речам дека сето ова е од едниот заб кој свечено го чекаме да никне(дека последен) или од настинка.

Бевме кај матичната ни препиша антибиотик за грло дека е жар црвено,но незнам дали да го почнам.
И реков и мене да ме види дека ме боли и ми рече да си купам нешто на природна база ,а на дете му дава антибиотик.

Мм купил некое лижалче од аптека за болно грло за дете.Се покажа ефикасно го изеде и му дадов да јаде изеде две средички и тоа грав со чадено мевце,а од сабајле колку јадења имам направено и фрлено не прашувајте.

Вчера спремав јадење на девер ми да му носиме со дете на работа.Пред очи дете ми беше,леб сечев а тој се што имаше на маса се фрли во мијалник кој имав накиснато караванче со вода и тел. ми го фрли.
Одма го извадив од вода го сушев со фен,го ставив во тегла со ориз,но пак ме заебава тачот.
А тел го служам само три месеци.

Имам уште за пишување но ме нервира тел. се губи,а и дете вика...

 

@TutiFuti Прашај во ветеринарна, има едно шампонче кое се разредува со вода, се бањаат и мачките со него а исто можеш и да прскаш секаде каде што има болви. Јас кај мајка ми чував две мачки, на нив им ставав ампули пошо не беа многу по бањањето а во двор и гаража прскав со тоа средството. Мешав од шампонот со вода 1:3, и ствавав во шише со прскалка.

Добро вечер.
Бебе заспа во 8:30, win win!
Утре очекувам во 6 да ме разбуди.
Ја преморив денес, дремнуваше по 15 мин и ќе стане, си гугаме се смешкаме,шетаме, не спиеше многу. И се предаде конечно сега, дури и без плачки поминав.
Имам гости, јас со бебе во темно на спална лежам.
Без осет бре!
Братучеди на мм со 3 мали деца, кое од кое понемирно, фаќаат се по дома, дури и во спална ми влегоа од играчките на бебе да земат, а успат да допрат се и сешто.
Епа нече мочи, за рака и надвор од соба.
Мајка им ништо не им рече, како така бе ?
Едното кашла буфта уште се пика во бебе да го гушка и баци, и викам абе тргај детето ако кашла, и нека си ја става раката на уста а не вака!
Другото земало балони си игра со нив, леле луѓе среќа се свртев накај женава пошо она ја држеше малата, 1мм тој држачот го делеше од окото на бебе не знам кај гледаше, и зошто не си ги воспитува децата, стварно не знам.
Почна да плаче бебе, јас одам да ја земам вика “аа нека ја ќе ја успијам”..
Мало морген, не рушам ред на бебе за никој, а уште помалку па на друг ќе дадам да ја успива, јас за што сум тука?!?!?!
Јас коа му викам на мм дека мојата фамилија не е ваква, он не верува
Ниту едно дете од “моја страна” вака не се однесува кога доаѓаат.
Мразам гости.

Се испукав убаво, ама морав!
Ќе ме разберете вие знам

 

@Chanell* сега читајки се подсетив на една случка односно проблем што го имав пред да се породам и кога се породив па пишував дури и во друга тема вака наапана како тебе.

Имено имавме две фамилии како блиски пријатели порано, едната имаше едно дете другата две..
Кога доаѓаа простум куќава уџум беше, се што беше на маса беше фрлено на земја, кондурите прљави од ходник ги донасаа пред нас у дневна и ги фрлаа увис, мечиња нови сеуште купени за неродено бебе ги докачија и ги фрлаа у тава со зејтин иако јас викав не, машината за перење ја трескаа и не, знам дека нема да ви се верува се ова што напишав ама така беше. И тоа траеше еднаш, два пати, три така едно 10 пати па кога се роди бебето продолжуваше и еден ден ми скисна и ги баталив скроз..
Односно повеќе не одев ни ги викав
До толку ми пукаше филмот кога доаѓаа сите 3 одеднаш и ми ја демолираа куќата.
Па и бебето после па еднаш ко ги видов како ги газеа новите играчки од повојница на бебе жал ми падна ..

Ставив крај..
Оти на секое доаѓање ми требаше еден ден се да исчистам и мрвици и смоки и тепих и искашкано од кондури у вис и лигавање и серење и све по ред
А замисли нивните родители само гледаа и во еден наврат ми рекоа "некаго.. ќе се научиш и ти да отрпнуваш"
Што?!
Да оди дете во туѓ дом да фрла кондури увис и да пика играчки у тава у масло и да треска нечија машина?
Нема шанси пре би да си седам дома со такво дете ама таква слика да покажувам секаде каде што одам. Не.

Јас знам дека такви деца има и дека има деца што навистина се палави и нескротливи ама дома бе ќе си седам.
Што вика маж ми е незгодно да буричка и да разместува туѓи играчки камоли нешто друго.

Кога доаѓа золвата кај мене со две деца им става ред, ќе каже не и толку е макар и плачеле макар и ги потплеснала
Плус се што е доле и расфрлано на крај пред да си оди ми помага да средиме измиеме усисаме направиме топ исто и јас така кај нејзе..

Значи граници мора да се има!!


Ај сега добра вечер.
@Mari* @Seline и јас сум од оние што сум сама 2 дена во неделата, еве сега сум сама, искрено ми е премонотоно и досадно, немам со кој 2 реда муабет да направам, ама поминуваат, со брзина на светлината гледам да не мислам на тоа да не паничам и да излеземе некаде да шетаме до некаде или некој филм или играчки и така време поминува.
Не мислам на лоши работи барем со тоа сум океј ама верувам дека има луѓе кај кои тоа потсвесно доаѓа и тогаш е лошо.
Јас прифатив ситуација и гледам тие 2 дена така лежерно без мн обврски да ги пројдам со дете плус шетаме секогаш.

Денес беше таков ден, плус облачен. Па се спремавме и заминавме до банка таму 1 час плус в маркет се вратив јадевме и спиевме заедно, јас лежев повеќе, па станавме натаму наваму храна песнички играчки патики низ соба и ете мина денов.


Имам една желба убава, за нас за дома ама ќе чекам малку трпение спасение се ќе си дојде на место и спонтано

Убава ноќ.

 

Добра вечер!

Почнувам пополека да си склопувам по некој лик во глава за некои од вас. Некои веќе од поодамна ги имам читано низ темите, за некои тек ке формулирам.
Почнувам да се уклопувам. До сега прочитај кој што пишал ама дур да стасам да пишам, сум заборавила никот и нема тагнување ни честитање.

Поминаа еве веќе 14 дена. Се ближи денот за трансплантација. Почнуваат да ме маваат и нервозни моменти и пополека приметувам дека елиминирам ликови од мое секојдневие. А не треба. Свесна сум дека не размислувам баш најтрезвено сега, но се за кое сум знаела дека е лицемерно, сега многу ми смета. Ми смета посебно моето лицемерие кон нив, пошто сум контактирала само онака површински за да не се рачума скарано.
И како функционираш? Па онака си измислуваш изговори пред нив колку си зафатен, па друго па трето.. Е тоа ме изморувало дополнително. Мада и стварно во последно време немав време за детето а не за друг.
Затоа денеска имавме пак " девата ".
-мамо сакам постојано изненадување(нели ви спомнав за пријателот што донесе играчки, плус јас давам на преведувачката што доаѓа секој ден и она ми купува што ми трева)
Сакаш мамино ама ке треба да одам на работа оти нели за тоа рековме требаст пари.
- Е добро мамо не оди ти на работа ама кажи на чичко Фхгдгхх од неговите пари пак да ми купи исто и тетка Гсгфдгг и она од нејзините и таман.
Значи ке се снајдеме за изненадувања само да не одам на работа . Замислете колку им недостигаме.
А да си одиме му викам, да одам на работа како порано и ке купуваме изненадувањА? - Не, тука нека бидеме.
Тука врзен за кревет да е ама заедно да сме.
Епа животе колку си суров, од оваа модернизирана трка наречена живот ги губиме основните потреби. Наводно модернизирањево ни го олеснува животот, ама не, ни го отежнува.

Да скратам филозофирање и да прилегнам.
Разговаравме пред спиење дека ако не ја тепа докторката на визита и ако ме остави да позборувам со неа ке следува изненадување. Станува многу агресивен кога она влегува а незнам зошто..Баш е пријатна и со него.

Убави соништа на сите.

 

Добро утро
Со душа чекам да почне зимско сметање, со ден да се будиме. Ми се смачи секое сабајле по темници да се будиме. Ма да цела вечер око не склопив од киселини па со душа чекав да стане дете.
Некако ми е ладно сабајлево, пуштив клима, преоблеков дете, сега јаде банана, а јас ладно млеко голтка по голтка со надеж дека пламенов ќе ми го смири. Да се подрасониме и ќе почнеме со активниот дел од денот. Денес во план да перам и пеглам, прво ќе ги пуштам платната од количките и транспортерот, јорганчиња, кебенца, прекривачи. Тетрата и триаголниците веќе ме чекаат за пеглање. Да докупам подебелки шпикозни некој пар и некое комплетче за дадата за земање од болница па барем облеката да ми е намирена. Ме фаќа трема од една страна неможам да дочекам од друга си велам само што покасно да се породам да искористам уште малку време насамо со синко.
Одам да варам кафе па утринското денес од мене повелете

 

И мене ми е мака што малку се гледаме... мми фали. Ама сабајле у 6 и пол стануваме се облекуваме и одиме. У градинка е до 4, си одиме дома, па јадеме, готвиме, се гушкаме и во 8 вика, менеми се спие, е стемнило. И ете толку. Од сега се радувам на викенд и после вторник неработен. Да се гушкаме повеќе. @Nikita7 мајка кажи дали си дојде, како беше со малата Те мислам.

 

Утре си одам таман за роденденот ќе стасам
Неможам да ви опишам како ми е во душава.
Среќна,исплашена,збунета

 

Добро утрооо! СОнчево а студено од сабајле! Ама секако ќе биде топол ден, таман да се искористи шанса па да се шетне со малите! На работа сум до 13, мислам дека доволно време ќе имам за домашните обврски, па да ми остане време и за шеткање со бебо. Ете бидна планот за денес!
Беба синоќа само еднаш стана, цицаше и ете уште спие. Инаку по двапати станува, освен во вонредни ситуации како онаа од пред некој ден кога ви кукав овде!

Со поголемата сабајле се изгушкавме во кревет, мојата слатка заспана убавица. Ја спремив за во градинка, па татко и ја однесе. Ми се жалеше вчера на забче, ја носеше ММ на преглед, за првпат одиме на заболекар во овие 4 ипол години, ама за среќа се било во ред. Заболекарот кажал дека како резултат на редовоно миење на забчињата и јадење здрава храна забите и биле чисти и здрави. Ете мојот труд за јадење помалку чоколади и пиење помалку сокови даде свој резултат. Горда сум!

Се надевам на убав ден, со оглед на тоа дека се разбудив наспиено и расположено!
Поздрав мамици!!!

 

Dobro utro!
Maglata cekame da se mafne pa da iskocime eden krug da svrtime. Vcera bevme niz molovi i pak naogav stvaro na popust kaj i da vlezev
Poveke za mali, pomalku za mene...Pa se tesam.
Ne mozam cizmicki da mu najdam za kal, dozd a da ne se gumeni posto ne moze da odi so niv. Uste edna prodavnica ostana ako i tamu nema denes, ke se shlapame so patiki. Nisto strashno.
Dete doruckuvano, eve go si igra, a jas kafe na raat da shmrknam.
Popladne sme na rodenden, odnosno zatoa i e najmnogu doaganjeto tuka, pa ke vitkame poklon i ke se spremame posle pladnevnata dremka.

@galapce drzi se majka, hrabra kako do sega taka i ponataka bidi, imas za kogo, zlaten e maliot
@snegulkata bravo za zapcinjata, nasite flekasti izlegoa, gi mieme redovno ama takvi si stojat. I toa samo gornite kecovi i dvojki, drugite si se beli bisercinja. Ako znaete kako da gi izbelime dobredojden e sekoj sovet.

Odam da igrame.
Ubav den!

 

Добар ден
Си направив едно кафе да се расонам
Мали настинат цела ноќ се будеше,незнам колку пати го презаспивав

Могли денес остана дома,нека оздрави добро па ќе ја пуштам во градинка
Инаку со настинките само во круг се вртиме

Вчера дојде газдарицата од предходниот стан со која многу се дружиме
Ја зеде Могли и 4 часа кај неа дома беа
Таа ги обожава нив и животинското царство околу нив
Да не е таа незнам што би правела,после мм таа ми е втора и единствена на која можам да се потпрам,и нејзиното цело семејство
Тие имаат и авто школа па од следниот месец почнувам
Прво сертификат за прва помош ми треба
За него морам еден ден 9 часа да присуствувам на настава за да го добијам
Со нивна помош ќе го добијам со само час два
Многу ги сакам,незнам зошто никогаш не ви имам раскажано за нив,прекрасни луѓе кои се спремни во секоја доба да се Овде за мене
Два-три пати во месецот ја земаат ќерка и ја чуваат,таа ги обожава
Доаѓа жената често кај нас и нема ден,не постои ден да не и донесе на Могли подарок
Благодарна сум им до небо и назад
Сакам да им купам нешто ама незнам што,да е нешто посебно и со значење,дајте некоја идеа

Вчера исчистив се што ми остана дури ќерка не беше дома
За перење уште две перални останаа,испеглав исто се
Милина кога станав сабајле,чисто
Се преоптеретувам со чистење некогаш....секогаш
Сакам да ми е чисто,уживам во чисто и воопшто не ми е тешко да одржавам секој ден
Одвојувам 2-3 часа во денот
Најбитно ми е да ми е чист подот,да нема прашина и пајажина
Нормално нередот е неизбежен ама се трудам и тој да е во граници на нормала
Има денови и кога немам воља за ништо и оставам ама ретко се случува

Се мислам и што за ручек да нарачам не ми се исплаќа желба за готвење нула....
Имам и термин кај ортопед,треба инекција во рамо да примам,може да истераме ручек надвор
@galapce
@danichap како издржуваш жено секоја чест

Ќе ве поздравам сега
Довиџења

 

Добро утро.
Станати сме малку порано и денес.
Синоќа што ми требаше да се фалам дека заспа во 8, во 11 беше наспана, не палев светло намерно, ама џабе,она очи ширум отворени
Некои “финти”, едноставно не палат кај мое бебе
Станавме,малку си погугаа со татко и, и за пола саат пак и се приспа.
И така на секој саат-два си стануваше, битно во 8 сабајле она расположена и со гугање ме буди, јас ко зомби некое стискам очи за уште некоја минута сон

Се решив да чистам денес.
Убава генералка ќе следи, цела куќа ме фати мерак темелно да ја исчистам и дезинфицирам.
Перална да пуштам,алишта да пеглам,постелини да менувам,завеси да пеглам(многу мразам!) и така до недоглед.
Многу работа а малку време.
Ја чекам свеки да ја земе малата па да почнам.
Ми заспа во раце. Ако ја спуштам на кревет и осети дека е “сама”, ќе има драми
Кафето точно еден саат ми стои на маса, една голтка не можам да се напијам
Ама,како па вчера пиев на раат, не може секој ден тоа..

Ако се предомислам со чистењево,ќе се вратам да си пишувам по темиве

@danichap Јас со едно сум и без да има некој да ја гледа не можам ништо да направам, камо ли со три дечиња.. Браво навистина.