Мајчински муабети (не е за барање совети)

Добар ви ден, јас сум денес скроз без енергија уште ни пижамите не сум ги слекла од себе, туку се си мислам може ослабнато ми е железото зошто се почесто се осеќам малаксано 12 ми беше пред една недела кога правев крвна слика, навечер препишувам на умор од цел ден ама па кога вака ќе се разбудам ете незнам. Надвор е сонце ама неможев да се наканам да излезам. Мрзливо намирив дете од сабајле па до дремката се игравме на под. Предмалку заспа па сега ќе влезам под туш, а потоа ќе се почастам со едно силно кафе да ме здрма, ќе испеглам и коса ако не ме мрзи де, ако не пунџичка не бега.
Околу преспивањето на дете кај баби немам искуство, еве две години и 4 месеци досега не се случило да го оставиме, а за волја на вистината не го ни побарале, едните се со нас во иста куќа другите на 15тина минути пеш. Не сум имала потреба да го оставам е сега кога ќе треба да се породам мајка се понуди да спиел кај нив па зависи дали дете ќе сака, може многу да му дојде промени наеднаш. Синко ќе диктира што и како и на мм и на мама им кажав, ако сака да оди кај нив нека ако не да не го форсираат, така да ако има потреба и мама ќе дојде кај нас ќе земе и некој ден па ако треба и ќе преспие. И сепак најтрауматичен дел од породувањето ми е како ќе оставам дете..
Заминав да користам додека не станал, се читаме подоцна

 

Е тој патот што требаше пак да го изодам вчера. Го изодев, дојде и мм, брзавме и затворено. Во овие пет месеци тука трет пат ми се случува. А која нервоза ме фаќа во моментот не можам да ви опишам. Па отидов во главниот дел на информации викам затворено е, гледаше таму нешто во тефтерот и крева раменици вика дојдете утре. Не е којзнае што ама и е кога константно се случува, а не знаеш и нема кај да се жалиш, а и да се жалиш џабе е, обичен смртник си.

Па сабајле отидовме со мм и се шверцавме со трамвајот, среќа не наиде контрола, огромна среќа, прв пат се шверцам тука, а во Ск обавезно се шверцав со 2ка до факултетот кај што имавме едно предавање неделно од нашиот факултет. И така завршивме работа битно.

Па пазарував нешто ситно ама не најдов такво за усисувачот, прирачникот како интеграли да решавам. Ќе мора да ѕвонам после кај жената да ме просветли какво и од каде. Торбата тешка ја довлечкав некако (дека купив компири од најодалечениот маркет, а не од тој до нас дека беа 50 центи поефтини) и пред стан се испружив на скали, буквално цркнав. Се напив леден чај (се почастив конечно) и пак по скали да ја земам малата, каснев. Односно не каснев ама секогаш ја земам 11.45 овој пат 11.50 ја зедов. Иако до 12 треба по правило ама не знам зошто така ми иде 11.45 да ја земам.

Туку што ми беше поентата. Додека се враќав од тој патот размислував подлабоко. Штедам. Но, дали навистина штедам? Штедам 5 евра за карта, влечам нешто тешко од далеку за 50 центи поефтино... Дали со тоа штедам пари? Не. Си го уништувам здравјето, а утре со поголеми суми пари ќе треба да си го вратам. Не е само за овој пример туку цел живот за се и сешто.

Прееска му викам на мм, детето ми е 4 часа кај жената, наместо сите четири у вис или да седнам некаде да испијам едно кафе да се ошуштам како човек за сите овие месеци, години, јас се дотрошив до последен атом.

Мора под итно да се снабдиме со машина. Пешки веќе никаде не одам. И храна ќе порачувам преку нет. Стан на втори кат. На први сепак не сакам. Не чистам до утре сабајле, а за утре ќе размислам.

Уште ова мора да пишам. Ретко коментирам за мм не знам зошто ама вчера направи рибља чорба прсти да излижеш. И не само вчера туку често тој прави ручек. Од една страна самиот тој сака и му е задоволство, ептен го бива, а од друга ја не знам да зготвам без телефонот да е до мене и да препрочитам сто пати од нет, а и немам желба. И за работа мм ми рече само во кујна да не барам уште од прв ден ќе ме избркаат дека ич не ме бивало.

Мм откако се запознавме ми готвеше и ми правеше кафе, дури и тој ме научи машина да пуштам. Не е за фалење ова моево само искрена сум. И така ми дојдоа наплив на емоции што се мм прави за мене. И да ова не значи дека не ме вара хахахах тоа само тој си знае.

 

Добар ви ден на сите жени, мајки , кралици.

Кај нас многу работи се случија па затоа ме немаше на форумов скоро недела, повеќе неубави , помалку убави , ама битно полека ги надминуваме.
Пред една недела пишав дека сме со проливче и температура, бевме на доктор црп-то 30 и ајде стандарни лекарства за проливчето и сета среќа што докторкава спомна да се направи копрокултура и верувале или не испадна салмонела. Уште неможам да поверувам како , башка готвам за него , само телешко месо му давам да јаде, јајца домашни пресни само , значи многу сум строга кога се однесува на храна и не му давам се и сешто и пак вакво нешто. Кога ми ги кажаа резултатите ќе се онесвестев. Врв на сета работа беше кога докторкава од ремедика ни препорача копрокултура , бебе неможеше таму да се искака и ај викам во нашиот град ќе однесам , ама морало упут од матична , одам и ми вика абе каква копрокултура вирус му е на детево , викам ако дајте ми , среќа што бев упорна , ако не несакам ни да помислам.
Ете до каде е стасано нашево здраство значи разочарана сум многу . Единствено можам да пофалам во нашиот град на инфективно кога го однесовме стварно докторката се заангажира малку инаку...
Почнавме со антибиотик и после пак контрола , ама полека почнува да се средува столицата , ние денеска двајцата однесовме примероци , а плус тоа ги натерав и мајка ми и татко ми и свекор ми и свекрва ми , пошо докторката рече може и да му е пренесена преку уста или преку анус , најверојатно некој ако го има пресоблекувано. Со овие луѓе сме најчесто па заради тоа за да бидам сигурна денеска од сите однесов , кога ме виде таа сестрата таму и со 6 копрокултури , можам да замислам што си помислила.


Од сабајлево станавме , ставив чорба од зеленчук за нас ручек за бебе супа , и дојде брат ми , па излеговме малку и ме накани да седнам во кафич со бебе , тоа беше смешки , ама во моментот не ми беше баш до смеа . Оди шета низ кафичов пошо голем и јас седам брат ми одеше со него и гледам идат брат ми и еден мој бивш го носи бебе во раце . Кога видов ќе се онесвестев . А да напоменам мм многу не го мириса пошо кога бевме во врска овој пак ми пишуваше ме викаше на кафе. Затоа не му кажав на мм , а сигурно и кога ќе си дојде ќе си преќутам. Да не бидам погрешно сфатена , он остана во контакт со брат ми и заради тоа брат ми му дозволил да го земе малиот. Па добив комплимент дека малиот бил кукла како мене , само реков фала и си го земав бебе , а после брат ми го искарав вика ама инсистираше.


За оставање го оставаме малиот кај мајка ми да спие , барем еднаш месечно ние со мм излегувваме, сеа не акаме по дискотеки , ама на некоја пијачка или по кафаните и после си идеме дома , и конечно се изнаспиваме . Немам грижа на совест веќе оти он ептен се редува кога е кај нив и многу ги сака . Ако треба некаде да одиме , свадба , свршок , поголем роденден избегнувам да го носам , пошо и он ќе се мачи , а и ние со него. Треба цел ред да му го сменам , а кога ќе му го поместиш редот е страшно колку е напорен.

Неделава ништо посебно , го молам мм да одиме до скопје викендов до џамбо да му изнакупам играчки на бебе пошо се е искршено и нешто за дома за кујната ми фали да си купам , а веќе ако идеме ск , сакам и до зоолошка да го однесеме малиот само ако биде убаво времето. Мајки што сте биле во зоолошка колку се картите?

Толку од мене , се распишував ќе ви здосадам , имајте убав ден сите.

 

Здраво

Да частам дојдов Што ви е желба и се што ви сака душа, само кажете! Винце ли е Бела вода, пица ли е од Енрико, торта од Канела, еклери од маалска продавничка, хамбургери од 7ца и Вили, кебапи од Дестан, се на моја сметка!
Утре почнувам со работа, на раб место за кое бев денес на интервју. Ме прашаа од кога би можеле да почнете, реков од утре како од пушка и ете, утре почнувам.
Погоре ако ви текнува што пишав каква работа сакам, ете таква работа добив! Фала му на Бога за оваа можност, буквално работа од соништата. Администрација, маркетинг, креативност, акција, точност, брзина, и се надевам припадност. Среќна сум до небото и назад! Ама ептен! Ептен е и одговорна работата и бара максимална сконцентрираност и посветеност, у превод за летање со памет и фб нема да имам време да помислам, ама ако, ќе ми минува времето побрзо. Оддалеченоста и раб време ми одговараат ептен, само да трае!

Одам сега да напишам неколку мејлови да ги откажам интервјуата што ги имав за оваа недела и да се спремам за утре.
Мали спие, маж на работа. Задутре сме на контрола, ни закажаа термин кога одат болни дечиња, и после антибиотикот мали има полн нос, зелени мрсули и кашла. Јас од вчера вечерта сум исто хаос. Сабајле станав цела затната и со болка во грлото. Којзнае што вирус донесе дома пак... Само нека минуваат.

Од пред неколку дена јадеме како големи. Лепче намачкано со намаз кој му го правам. Макарони со болоњезе, овошје сецкано седнува и цело го јаде. Само нека остане така! Претходно јадевме исто, пробувавме, ама секој пат еден оброк ни траеше по 45 минути минимум и секој пат половина едвај ќе изедеше. Сега е сосема поинаку, па така мајки кои се прашувате кога ќе престане сп пасирано ситно сецкано итн, ќе речам само, кога ќе дојде време за истото.

Отидов сега.
Имајте убава и мирна ноќ. Јас којзнае од возбуда дали ќе заспијам. Сабајле сум од 5 станата

 

@Mari-Ja честитки, ти посакувам успешна работа.
@danichap преубава е релната. Можам само да замислам какви вкусни јадења ќе правиш. И ајде нека биде побрзо куќата да пушташ слики да се полигавиме малку ако не ви даваат таму кај вас дојдете си тука одма ќе ви дозволат
Јас добра сум, спремам нешто облека за бебето, да исперам количка треба и јас да се спремам. Ама си одоговлекувам цело време но наредна недела веќе ќе треба.

 

Добро утро

Дремнав саат два, испрекинато и еве сега се мислам дали кафе да си направам.
Ептен немирно спие. Конечно завлече убаво а до кога, незнам.

Малку сме подобри, се надевам ќе трае. Дури ми е страв да кажам.
Во овие зидови мора да си оптимист, ама па неможеш да не стравуваш.
Од една стрснс ми иде мисла со желба за дома од друга страв од помисла за дома .
Овде нема основни работи што ги бара а смее да ги јаде па јафе глупости, а дома како ќе се дочуваме од зеленчук, овошје?
Ајде си виксм нема да куоувам нема ни ние дс јадеме ни салати ни овошје . Во јадење ке смее, знсчи пак морсм дс ги имам дома.

Доктори се чудат и диват пошто не само што му се јаде, и сам постојано дури подвикнува, ми се ручкеее. За тие мајки што знаат колку се жалев и кукав низ форумов дека дете не јаде, им е јасно зошто толку се радувам и јас.

И за мочкање исто, ми се мочееее, кукуригу петлеее од кај му е не знам . Почна пополека да се нормализира се. Фрливме овие два дена памперсот. Знае да се помоча ама ако . Тоа беше страшно низ што помина дете.

Кога доагаат доктори да го прегледат е ужасно. Вришти, ги удира.. не остава да чујам што зборат.
Докторот вика не бил на мене инаетчија, вика претходно е бил на татко му а сега изгледа и донсторот е бил таков. Море не ме знае
Кога ги примаше клетките, ми викаат мама среќен роденден на дете, демек се раѓа наново, се менува и крвна група.
И среќна и со солзи полни и радост и страв.
Ми пишуваат мајки на други трансплантирани дечиња, и тие ми викаат среќен роденден. Значи секаде се прсктикува ова.
Ќе правам и пет родендени годишно ако треба, само да е жив и здрав.
За оставање кај баби, едната немс ни прашано ни сега за него а мајка ми пред да дојде дс живее со нас, немав го оставено на пренокување. Значи до пред да наполни три год немав спиено без него. После три четири патк се насобра да се разделиме. Што службено што од мерск да се спие кај дедо и вујче.

Фала друшки на турските кафиња, уште се немам напиено а гледам филџани низ кујна . Поминува и човек од болницата секој ден, прашуваат дали сакам нешто плус од нив, но никако да се опуштам и прашам.

Убав ден на сите

 

Ајде @galapce барај им таму едно јако турско и ич да не му ја мислиш, гушки до вас
Добро утро од мене, дете во 6 се издигна, се намиривме, доручкувавме и сега ќе го слезам во двор да фати воздух, за подалеку немам сила, ако си дојде порано мм ќе одиме да се истрча на игралиште или покрај езеро.
Имајте убав ден, ме влече за рака откако му спомнав дека ќе слеземе

 

Дојдете си вие, па ќе дојдам на роденден специјално! Ве гушкам!

Да ви кажам искрено ми дојде преку глава, сакам да фаќам мајка бежанија странство, не ми се седи во вукојебинава веќе. Да работам ко скот за минималец со завршен факултет, да се тресам дали ќе ме избрка од администрацијава утре зошто не сум у партија, налет. Дури и муабет синоќа правев со мм и зачуден е од моето мислење, ама озбилно размислува. Ќе видиме, засега озбилно размислуваме.

Тоа другарки, само да ве поздравам, денес сум со главоболка и кркам чајче

 

Добро утро,
Јас настината на најјако.
Мрсули корнам густи без прекин, не знам од кај волкаво производство. Рудник да беше ќе секнеше.
Се надевам нема да ја фати беба од мене. Што да правам, од мене нема бегање. Пијам чај, парацетамол, вит Ц, ќе земам лимони денес ќе цедам. Дишам над пареа со морска сол. Ноември
Ми расте бебето. 3 месеци и 1 недела цоцка моја.
Памтам првиот месец си викав 'еееее кога ќе има 3 месеци', си мислев којзнае какво достигнување е. И уствари е. Онака некако гордо кажувам дека е 3 месеци. Жива, здрава. Успеав. Сега следно ми е кога ќе има 5 месеци, па да почнам да давам јаболче... Ууу далечна иднина, дури во 2019та...
Зашто мозокот така ми работи, не знам. Само да е жива и здрава.
Денес може да не искочам од дома. Во овие 3 месеци дали 3 дена не сум ја изнесла. Ама... Веќе и од загадувањето ми е шубе(не дека дома прочистен воздух влага), а и јас се препотувам околу спремање нејзино, па надвор ме пресекува... Така настинувам и затоа не можам да се оправам. А и колку што можам да ѕирнам сега како да нема сонце. Низ двор ќе ја изнесам само замотана во дебело ќебе. Не сме на улица, мирно ни е. Доволно е. Веќе средина ноември. Како ги вадите бебките на снег?
Да падне снег, ваљда во кенгур ќе ја вадам по малце. Да си осети студ, само да не е ветер.
Каде ги носите на чист воздух во близина на Скопје? Матка? Кучково? Друга идеја?

Имајте убав ден.

 

Убав ден и од нас!
Максимално го користиме времево, т.е синко, еве излезен е во двор и вози точак Како не му досадува, не знам.
Донесовме одлука со мм, да не ја прифатам понудената работа, дојдовме до заклучок дека ќе имаме повеќе негативности од предности. Срам ми е да кажам колку ми понудија за почеток. Колку само се нервирам, фактички некој се исмева со нашите дипломи, со нашиот труд и секако вложени средства( јас плаќав приватна квота од 600е) кои јас 10 год со вакви понуди не можам да ги вратам, а не да заштедам. До каде сме стигнати, дно дна.
За оставање кај други да спие, син ми еве 4 год нема изразено желба и не сака, иако внуците кај мајка ги сака многу. Секако му предложивме, не сака, уствари он не сакаше ни мајка ми кај нас да дојде да спијаат тука. Таква ни е ситуацијата, еден миг немаме на кој да го оставиме, благодарение на ,,брилијантните,, идеи на свеки да летне странство и да не остави на сред кал. Тоа е што е, сите на некој начин и некако ќе успеваме да се снаоѓаме.
Денес ручек бар имаме готов, компир манџа, друго појма немам што да правиме.
Ве поздравувам.

 

Доста вие од администрација .
Извини вака ама на тебе можам.
Вие барем немој да се буните. Оти кога беше на приватно те немаше на нет, и сама рече чинам
Плус никој не ве тера со сила во администрација, елате во приватен, таму нема книшки ама знаеме сите се што друго има а не треба да има.
Затоа велам барем администрација кутете.
Кажи преку глава од се ни е дојдено, не е до работата,конкретно до администрација.
Јас пишувам низ интернет од што не сум ограничена на работа на осум саати па дома туку 24 саати достапна и на располагање. Иначе да сум ограничена ке ме имаше аха.

Овде времето тмурно а ние уште не спиени..Мали дремна пола саат и се дружиме сега.

 

Знаеш на што мислам де, не се жалам јас од работава.

Туку да ви кажам вчера како сум се изнасмеала со прасево мое, абе со солзи, со држење за стомак, со се. Идеме од градинка со малово и ајде да се прибереме, идам до вц го оставам да гледа ц`тани и слушам нешто тропа, вика уажиче, бара нешто и се враќам од вц го гледам седнал пред тв, линоладата у скут, во двете раце по една лажичка и крка, пола тегла ја мавнал. Мајкооо.... Уште паметен на мајка, ми вика јадам кемче. Убав на мајка

Гушкам лепотици!

 

Добар ден

Ајде кој е за топло чоколадо. Бебе спие, мама прави ручек и пие топло чоколадо. Добро де и цигарче .

Вчера го носевме синко на лекар. Качи тт и се жали дека го боли грлото. Докторката вика грлото не му е црвено, нема спуштено добар е и не но даде ништо. И очињата нешто му се воспалени ми рече да почекам ден два ако не му се смират капки Торбекс или како и да се викаат. Така да оваа недела нема градинка.

Друго нема ништо. Мм по цели денови на работа. Јас и бебе сами си се чуваме.

hai:

 

Здраво.

Ноќеска дете крена тт 38,3 и поврати,Утрово не остави да мериме тт и се мислам да земам дигитален ама некој најефтино.Зошто толкав ни е буџетот.
Денеска кај матичната со рез. од брис од нос.
Резултатот позитив имаме стафилокока,а се оттргнавме од стрептококата која ја имавме една год.

Тт била од бактеријата без направена крвна слика.Ами за од око и ние со мм си рековме дека е од тоа.Ни даде капки за нос и сируп кој ако крева овие два дена да го почниме.
Пак ќе се тргнеме,ќе се молиме и на крај на сила ќе ставаме капки,но за негово добро е.

Бевме до парк добро е немаше дечиња,ние со мм пиевме кафе од кафемат а дете му даваше смоки на пајките и гулабите.Дете пресреќно.

Туку дете залак нема ставено ништо само пола мандарина и пола кило сок.
Еве ставив супа на оган и компирчиња да се варат со надеж дека некој залак ќе касне.

Дете кај моите досега го немам оставено.Незнам срцево не ми дава да се оделам од него па макар и за една ноќ.
Мислам никој подобро не може дете да го гледа од мене.


Кај свеки во соба досега го имам три пати оставено да преноќи.Два пати кога беше помал (бев многу добро настината). Еднаш пред месец дена кога бевме излезени,но дете во 4 сатот утрото сам си дојде кај нас во соба.

Пред да се омажам многу сакав да готвам,но овде во заедница сме и ич немам мерак па откако дете се роди скоро ич не сакам.
Готвам од што морам.

Одам да пуштам машина и ќе седнам да ве исчитам.

 

Добро вечер и од мене
И јас затка @TeddyGrey дерман немам, и ова све ми е од брзање за со бебка шо побрзо да излезиме, не ќе се облечам убаво ко за ноември ќе се измамам демек сонце пукат и опни слабо облека на мене. Носов неможам да постигнам да го добришам.
Фала Богу барем бебка помина со носето и кашлањето и се надевам нема да ја префатит од мене.
И ние имавме компир манџа денес после нз колку месеци нешто манџесто да напрам. А и брзо се прајт.
Мн сум хепи денес ми стигнаа четири книги од книжарница Култура на попуст ги начекав онлајн и мм мн кејфлија шо паметно потрошив пари.
Пошо увек на некој небитни ситници нарачвам преку нет.
Обожавам книги да читам и да прам мини библиотека.
@galapce само добри абери да ни праќаш и бацки за јуначето.
П.С јас од никад не сум сакала администрација нити некогаш би работела. Приватно си е приватно барем јас така сметам.
Имајте пријатно попладне

 

Добра ви вечер мајки!
Еве ме мене,сеуште како мајка на две деца,третово се заинаети нешто . Абер нема. Болки слаби,се издржуваат,грло на матка скратено за врв од прст така бар рече докторката,главчето уште било повисоко,така да најверојатно ќе ме мачи.
Деновиве по цели денови сум сама,да си покукам малку,незнам бе како не им е грев,најблискиве ни телефон креваат да прашаат,ни помош дал треба,абе ич.Чекале јас да им се јавам,да чекаат да им речам ,се породив.Е не фала им,не молам никого,досега се сама издржав,за уште некој ден.И така денес си се изнаплакав,премногу собрано.Секој ден ми ѕвонат другарки,братучетки,само тие што треба ги нема. Ќе сакаат да идат после,ама ич,од старт ќе речам мир ми треба.Па маж и тој денес си го окрка што се вели,претера веќе,работата па работата,дома е вистина,ама не е до мене,ќе почнам од утре да глумам веќе од толку денес што ми се смачи.
Цел викенд учам со големиот, малото само во него очите, само бељи прави. Денес па и на вакцина бевме,последната закаснета ни беше,ама бар завршивме конечно,не можам веќе да го мислам,после треба со другото. Па еве крена малку т 37,5 се надевам нема да е повеќе ноќеска.
Денес убав ден,празник а јас толку негативна,ама незнам,веќе ми се смачува,крајов најтежок излезе.
Поздрав мајки,се надевам следниот пост ќе бидам породена .
Добра ноќ!

 

Еве ме и мене,Добра вечер

Маж испратив на работа,деца заспаа рано,се искапив и ве исчитав

Ние добри,и здрави фала му на бога
Овој пат поминавме без антибиотик,само со инхалација
Сирупот што ми го препорача докторот за да се штитиме од болести се покажа како добар,и од него една добра работа да имаме

Излегуваме колку што ни дозволуваат временските услови
Во главно сме дома
Како прооде мали денот ми е максимално исполнет
Секаде се пентари,се бркаат со сестра му љубов ми се
Имаме проблем само кога Могли ќе започне со нешто да игра,обавезно и досадува и прави хаос
Не може сега со пластелин и боички да се занимаваме така често,освен кога спие
Се е ам ам
Се вративме на сложувалки периодов,криенка и некои слични безопасни игри

Јас расеана деновиве
Демек не ми паѓаше на памет да канам некој за родеденот а уште помалку да готвам
Се предомислив нема да се многу,околу 15 души па и ќе зготвам нешто малку
Ми иде да си пукам ама ми е жал да не го прославиме како треба
Списоци еден тон и секој ден по малку се товариме
Како ли ќе успеам се да направам незнам ама сеуште мислам дека девер ќе ме изненади и ќе ја видам и јатрва ми
Па ќе ја изненадам и јас вкујна

Последниве неколку дена немам време за себе воопшто
На моменти си наликувам како поплава да ме има исфрлено
Се потсетив на првите месеци кога се раѓаа деца
Не исчешлана,ретко кога средена....
Секој слободен момент го користиме за излегување и снабдење за роденден дека со децава во еден ден тоа е невозможно

Могли дефинитивно ми е легенда морам да ви кажам
Сите околни села ја познаваат,кога одиме за накај градинка луѓето со коли дури и свиркаат и и се јавуваат
Во маркети,пекари,ресторани каде што одиме исто
Нема човек што не го познава
Секаде си добива поклончиња посебна ми е таа многу

Додека мали е друга прича тој неприметлив некако него никој не го ферма два посто
Многу е див и се плаши од луѓе само мама си ја сака тој и стално од некој бега
А ќе види живо суштество тој веќе му ја дувнал
И по цел ден мамааа,мамаа ако не сум му на видик оди од врата на врата и вика мамаа

Се распишував јас,да дувнам едно цигарче и да легнам

Довиџења

 

Utro.
Uzasna nok, ni mali ni nie spieni.
Zavrsivme so antibiotikot, dete ne prestana da kasla i da sobira slajmovi. Bevme na lekar, dobivme inhalator za inhalacii so ventolin 4 dena pa da vidime kako ke bide. Na pluka nema nisto, ama slajmot od nikade ne izleguva. Svekrva mi zapnala teraj go da povrakja. Ok.
Nokjeska pekolno. Place, ne moze da disi. Dise kako da trcal, kratko i plitko. Otvaraj prozori, drzi go na prozor vo kebe zamotan da mu olesni, inhaliraj, cisti djabe. Cela nok.
Ajde dete sto ne e arno, tuku i jas sto sum cela zatnata. Vcera prv den na rabota jas kivam, shmrkam, nalet, srekja porano zavrsivme, deka dve nedeli ke imam samo obuka.
Sega kafe da dopijam pa ke trgam. Dete doma so mm ke bide dodeka ne dojdam jas, a denovive mi doaga majka! Edna e majka! Vcera nasekirana i se javuvam i kazuvam sto se slucilo, deka dete stvarno treba da odmori od gradinka da digne glava od mrsuli i deka sum na misla uste nepocnata otkaz da davam, a majka vika ako se slozite vie, jas uste utre trgam da cuvam dete i vi pomognam. Fala ti Boze za razumnite roditeli. Karta denes da i najdam i ke ja cekame baba vikendov so duša!

Da stanuvam i iskacam.
Ubav den imajte!

 

Добро утро мајки

Конечно да се разбудам расположена, со добра мисла.
Последен ден без мајка ми утре си иди и не можам да ви опишам колку сум среќна.

Неделава ја истуркав некако, цело време ми идеа најблиските па менвав мисла за да не се нервирам со свекрва ми.
Сега ја чекам да дојди баба ми, да ја почува бебка а јас да се истрижам, да заличам на чоек

Во сабота правиме 40 дена и земаме молитва, торбица на бебе спремна, ранецот мој спремен и одиме кај моите на поседок

Па мислам дека се радвам ко дете на киндер јајцеќе си помислите дека сум забегана.
Ама само си сум искрена и си кажвам то шо ми лежи на душа.

Ве поздравувам лепотици, на сите само убави работи да ни се случуваат, да ги намалиме грижите колку шо можиме.

Убав ден

 

Дете однесено у градинка, ставено кармин Мора да има и она кога и јас ставам, иако и ставаме ептен малце, многу е среќна.
Пијам кафе едно, да видам што сте пишале, па да работам, имам ептенмногу. Вчера дојдов пола саат порано, си отидов саат покасно, денеска пак така, ама викам едно кафе, мора одмор. Од вчера уште глава ме боли, пиев апче сеа.
Може ме боли и од диети јас кога сум гладна сум за никаде Како не можеше да се јаде ко крава а да се биде ко срна у тело

И јас сакам мајка ми кога иде, многу ми е убаво, иако иде 2-3 пати годишно. Ама па не знае да седи таа жена и од 2 дена кај мене, само чисти, брише, средува... А ми фали да попраиме муабет. Последен пат кога беше кај мене, доби, после 6 месеци, сепак, 50 години е и ја фаќа климакс, и беше изнеммоштена и повеќе седеше. И направив и месени колачи, ептен се израдува.

Сонувам за одмор, море, планини, друг да чисти и готви, а ние само да се гушкаме.

Ај ќе сонуам уште некоја година