Мајчински муабети (не е за барање совети)

Добро утро.
Надвор како сонце да гледам низ венецијанеров што сака нека биде веќе збеснав дома ќе ја изнесам ќе ја прошетам и јас ќе сменам малку се надевам лудилово ќе ме олабави денес. Цела вечер иста песна, плачки плачки плачки има ли крај?
Се дивам кога ќе.прочитам каако си ги шетате малишаните, ги носите по гости, слави, родендени јас моево не сум го прошетала и се нервирам што сум стегната, асоцијална не бев бе вака. Аууу што ми стана бре?
Од.една страна нон стоп сакам мир да одморам да си седам со бебе најубаво и најсигурно.ми е такаа од.друга страна ве читам и завидувам колку сте опуштени сакам и јас така да пробам да бидам. Откако ја родив животот ми.се смени буквално скроз. Во.друштво важев за најоптимистична и најопуштена една од позабавните а сега... а сега сум толку недружељубива што не сум.се видела со никој жими на телефон ама и тоа некогаш.одбегнувам да кренам боже сачувај.. сама си се чудам на себе. Секој ден си ветувам од.утре ќе се опуштам ама не и не и не исто па исто. Отидов јабана јас. Како можеше вака да ми се смени животот?како?
Еве и тука.почнав да мрчам ништо убАво не кажав. Ајт одам да го.допијам кафенцево и се извинувам за негативниве зборови. Од утре ќе е подобро, ма и од денес доста ми е од овој живот не живот. Ве гушкам.

 

Добро утро мајкички
Некако осеќам дека ми треба дупла доза кафе многу сум уморна турбо сум периодов немам ич слободно време .Трчај на работа од работа трчај да земам дете од градинка па дома трчај по синко и се така во круг нека е жив и здрав ама детево има моторче мислам не застанува .Сега па во сабота ни е слава па со свекрвата спремаме вчера направивме ситни колачиња ,завчера кифлички ,лепчиња и погача ,денес свекрвата пити ќе меси во тоа неможам да и помогнам незнам да сукам. Така да спремањево за слава дополнително ме уморува ама ако за убаво само нека е си викам . Елка тешко дека ќе стигнам да китам викендов здравје тој на 15ти ќе китам ,бевме завчера на гости и таму имаше украсена елка а синко мој не ја регистрираше кој знае дали така ќе биде и дома ќе видиме кога ќе украсиме .
Заборавив да ви кажам синко конечно се пушти да оди прооде детулето мое
@mariz @TutiFuti среќни да сте секогаш млади мамички
@muchacha_a среќен роденден на лепотанот
Посао зове одам ,убав ден

 

Добро утро.
Денес надвор е пролет.
Колку е убаво, не е загадено .
Камо да можев да останам дома, да шетам со дете со саати . Денес е баш такво утро . Ама нема
Чувам слободни денови за наредна недела за роденденот.
Барем он ќе се прошета со баба му , ќе искористи убав воздух . За него ми е најважно.

Си напраив кафенце и да почнам со дневни обврски .
Фемина се листа додека се пие кафе И тоа е обврска

Убав ден мајкички

 

Добро утро мајки
Можеби повеќе од пола година немам ништо шкртнато на форумов но редовно ве читам.

Секој ден си велам ке пишам и еве дојде денот.Некои од вас може ме паметат,имам ќерка 3 години и 5 месеци што ја сакам најмногу на цел свет.
Честитки на сите што имате новости,бремености,родендени,се најубаво да ве прати во животот.

Јас сега да си раскажам за месеците кои ме немаше.Имавме турбулентен период на работа со многу откази ама испливавме и сега се стремиме кон подобро утре.Покачување од јануари
Не ми е тешка работата во споредба со тоа колку губам пропуштајки го детството на принцезата моја.На ден може да се рече само по 2 часа ја гледам а некогаш и тоа го нема.Живеам само за двата слободни денови кога ја гушкам цел ден и и кажувам колку ја сакам.
Од кога ја родив ја запознав вистинската љубов.

А она е транзистор што вели татко ми,цел ден не застанува,на секое прашање има подпрашање и се така до недоглед.На татко ми му вели те сакам до сонцето,на мајка ми и вели до месечината,а мене длабоко како морето ме сакала
Едноставно уживам во најубавата улога во животот и конечно преспивам цела вечер

Со јадењето одамна сме скарени ама веке не придавам толку важност на тоа,кога сака знае сама да си побара.Во даден момент си велам мораше ли на мене да биде во тоа поле,ама крушата под круша си паѓа

На градинка сме редовни,обожава да оди и да учи нови работи.
Возбудена е за дедо мраз и си порача таблет...Па дел од фамозниот к-15 ке оди за остварување на нејзината желба.Не е некоја што знае да се треска од земја за да добие нешто,опседната е само со фустани и шминки па само тоа се купува.Играчќите стојат нечепнати многу време,во овој период заинтересирана е само да бои,да црта,да сече,да лепи...Бар мирна е некое време додека си седи на масичката.
Мајки кога вашето дете почна да ја кажува буквата Р?
Ние сите букви ги кажуваме и убаво збори ама Р ја заменува со Л.Незнам дали е рано да ја носам некаде или да оставам на времето што ќе покаже.Јас на пример до 5 години не сум ја кажувала.
А и си правам филмови дали заради тоа што го скрши предниот заб па неможе да ја каже?

Последниве месеци се чуствував буквално како да умирам.Па направив некои чекори за да можам мирно да си одам.Го осигурив кредитот ако нешто ми се случи да го исплати осигурителната компанија,напишав кратко писмо кое го пикнав дома на сигурно и знае само најдобрата другарка каде е и тргнав некој денар на страна...Луда сум знам,ама бар помирно заспивам сега кога знам дека нема ризик за мм и ќерка ми да исплаќаат толкав кредит.Искрено ми падна топка од срцево кога ги средив тие работи.
Сега може и до 100 да поживеам

Мажот ми си најде друга работа,пофлексибилна и сега негова одговорност е да ја носи и зима принцезата од градинка и нели до далје да ја чува.На сите ви посакувам таков маж.Некогаш и чисти по дома.Ова како реклама испадна сега

Бебе број 2 нема да дојде никогашжал ми е што ќе ја оставам сама ама животот е полн со предизвици и мораме да ги прифатиме какви и да се.Имам хернија на папок што никако да ја средам и имам автоимуно заболување.Така да Господ нека дава таму кај што нема.
На мене рацете ми се полни и срцето ми е полно
И благодарна сум довек за оваа радост.

Повелете на брзо кафе кај мене оти времето ме гази,треба да се оди на работа.

Ве обожавам мамички најсилни.
Имајте убав ден исполнет со љубов.

 

@mariz @TutiFuti среќни родендени , живи и здрави да сте и само убавини да ве пратат. Што убаво, млади мајки сте биле и двете
@mariz те гушкам Се ќе се заврши добро
@muchacha_a среќен роденден на малиот

Јас само на кратко да ве поздравам денес. Не ми е денот, во една голема неизвесност сум што и како ќе биде, се молам само за добар исход Ќе пишам во подобро расположение нареден пат, се надевам.

Убав ден на сите, надвор е чисто и сончево, шетајте дечиња

 

И кај нас денес права пролет, со ветренце пропратни, па се вртиме низ дома демек да затопли убаво.
Дете веќе некој период не сака да игра со играчки, само се врти околу нас и се досадува. Не знам за вашите ама моево ептен изразува емоции, особено мене и на татко му. Само да се гушкаме, да се бакнуваме, мене веќе ушиве ми отанчија од што ме држи за нив цело време, а те сакам може милион пати кажува. Маж некогаш го кара, му викам такво е детето, едно е преповрзано со нас, друго сака да се мази да се гали.
Љубов е!
Елка не китиме сеуште, имам една пријателка цвеќарка, се нафати да ми декорира дома, ама следен викенд тоа.
Ви се дивам вас што си одите на работа, околу таа тема премногу се нервирам, секојдневно, нема начин, единствено остана нешто од дома месецов да пробам, бар некој денар да си заработам. Налет пари, признавам дека заостанувам психички, заборавен материјал, недоволна комуникација со луѓе, коса само во топче и тренерки се стандард мода. Ноќеска баш си мислев, годините поминуваат, децата растат( сеуште не се наканувам за друго) и ќе имаат потреба, а јас во безизлеен лавиринт, од кој секој момент очекуваш да видиш светлина. Далечен е патот мој, изгледа.
И така, негативно почнав денес, ама пак и маката мораш на некој да ја кажеш.
Среќни родендени, слави, имиња на сите да не ве именувам посебно!

 

Дишеме денес... Како се менува и расположение и се', како во друг некој паралелен универзум да се разбудив. Дури прееска излеговме со колегата низ кругот да свртиме еден круг, да не издува чисто ветре малку.

Вчера се пренервирав. Одам да ги земам децата од градинка, уште што не ми го фрлија син ми низ врата. Негувателка една што не го чува него, кога ми се сипа: Мајка, денес детево претера! Како е станат од спиење не престана да плаче, се' нешто кенка и се' во нозе ми е! Не ми дава деца да издавам, кенка по мене цело време. Нешто не е во ред со ова дете, вие го гушкате некогаш?! Се потсмири дури кога ги собравме сите групи за издавање, кога ја виде сестра му.
Ме изнервира, па викам добро мајка му стара, зошто не се јавивте кај мене или татко му, ќе дојдевме да го земеме! Епа не беше за јавување. Кое е тоа прашање дали го гушкаме?! Се испречкавме што не е прв пат, се облекоа и си отидовме. Кога дома да миеме раце, укасан на раката до крв! Подлив огромен, цела детска вилица. Деца се, се случува. Многу деца малку учителки, во ред е да се закачаат. Ама!!! Да ми се сипе недоквакана негувателка која воопшто е одговорна за него и да ме прави немајка и него да го прави со попреченост при здрав памет, не. Сабајле имавме еден убав муабет со воспитувачката, сто пати се извини жената, црвена беше од срам. Велам, не обвинувам никого! Не сме такви, 4 и пол години имам деца во оваа градинка. Треба да се најде причината зошто плачел, посебно кај дете што НИКОГАШ не плаче. Рече ќе поразговара со неа, баш да видам како ќе се однесува денес кога ќе ги земам. Она само на издавање работи.

Јас уште сум мртва болна и немам абер од оздравување. Дефинитивно не поминува со кафетин колд, одам на лекар кога ќе дојде мм од работа. Кашлам како за некој панцеф, осеќам.

Имајте убав ден девојчиња!

 

Пушти мозок на пасење...облекви тренерки...ставај беба во пајтонот и вади ја надвор...
Све менува еден чекор, само накани се да излезиш, одма ќе смениш расположение

 

Ај добро утро! Си пијам кафе во шоља за чај, не пијам обично од таква шоља ама шољата ми е по мерак и затоа. Кафе почнав сама да си варам оти кафекуварката ми вари мнооооогу гадно кафе. Прво кафе па доручек па чај. Се со ред. Стигнав дури и да сработам денес.

Туку гледам и вас ви прија убавото време, ептен ми прија. Сабајле станав после 5 саати спиење и наспана ко никад. Ммммм мераци! Нека потрае ова, нека потрае, викендов да се прошетаме на воздух асално.

Ми се смири детенцето, синоќа заспа во 8ипол до сабајле кома. Сабајле стана гладен, гладен... Испи две чаши јогурт, на екс. Да би му дала и литар би испил, е до толку. Срце на мајка многу е галенко, како ли ќе биде со второ не знам.

Деновиве многу ми сметаат јадење трици на ФБ, луѓе од такт ме вадат, не можам веќе. Само да се мрчело. Зошто некој ставил ова, зошто друг напраил вака, зошто трет кажал она. Ту па никој не пробува да размисли малку.Срамота!Ми иде и фб да избришам и се, е до толку. Изгледа премногу си ставам на срце а?

Убав ден лепотици!

 

Добро утро!

Јас изгледа се фаќа еднаш неделно да пишам, ама па толку ми е монотоно секојдневието што навистина нема што да кажам.

Ја однесов малата во градинка, надвор магла и студено ептен, имав нешто работа до една канцеларија па десет минути пешачев, не дека е многу ама добро ми дојде се разодив. Кога на враќање ги гледам од другата градинка ги извеле на прошетка, кое плаче, кое мрсули му течат, едно се дере мами, мами, жал ми падна, такви малецки, сакаат само гушкање, а ние ги праавиме од две годинки возрасни.

Мојата да не кажувам каква ја земам секој ден, прасенце не и е рамно, а гледам дека и пак ќе настинува, ама така се растело нели. Душичка ми е, ноќеска се пробуди околу четири вели кај е пинцезата, кај е пинцезата (принцезата) со сопругот се чудевме каква принцеза во сред ноќ бара. Ајде се разбравме некако дека пинцезата спие, дека надвор уште е темно, не тоа стана да скока по краветот. Среќа за пет минути се смири и заспа пак инаку ќе си бевме будни од рани мугри.

Туку да кажам како поминавме со Дедо Мраз за кој специјално возевме скоро цел саат. Никако ете како. Од лани истата песна, само сега во поголеми размери беше и ревањето и плачањето, пропратено со тегнење, неможење да ја совладаме. Лани беше помала па ја собра сопругот набрзинка и се изгубивме да не ни се чудат. Луѓе сите гледаа во нас, таман пред нас се сликаше едно дете и ние бевме на ред и до тука мирна, кога почна оди тамууу, неке сликааа, седне кичкааа(количката), татооооо, ајде се тргнавме веднаш на страна и се шетавме. Пробавме уште два пати да фатиме од кај Дедо Мразот и кога ја прашаме ќе се сликаш ли вели нееее. Утре ќе им оди Дедо Мраз во градинка им посакувам среќа како ќе се разберат.

Туку елката ја накитивме, преубава е и за чудо дете се разбра дека не треба да ја пипа инаку тато ќе ја собере и ќе немаме повеќе елка. Сега само ја поздравува наутро и навечер пред спиење и понекогаш ја фаќам како лега и си гледа како светат сијаличките па вели сетииии. Абе еднаш ти иде да ја опсипеш со бакнежи и гушки, а еднаш да ја исплескаш по тоа газето.

@mariz и @TutiFuti нека ви се среќни родендените!
@muchacha_a среќен роденден на малиот и од мене!

Убав ден!

 

@Independiente не се секирај мајка период е, додека беба пркне. Истата бев за право од две недели го вадев на воздух и долги прошетки ама за по луѓе и кога требаше да одам или ќе ми се најавеа смрт ми беше, ептен се запуштив и се изолирав од луѓе па како и да заборавив да комуницирам со возрасни цел свет ми се вртеше околу дете цицање, каки, лигушки. И свадбите од најдобрите другарки на клинци ги минав до полноќ и си идав дома. Ама и до дете беше како прво во непознати простори плачеше, од луѓе плачеше, освен дома и во количка никаде никогаш не заспиваше. Друго си беше захтевен за цице често бараше ама и тоа во мир во гужви шанса немаше да фати, а плаче од глад, јас се нервирам тоа уште повеќе. До година и некој месец таа ми беше реалноста често бев депресивна, раздразлива од друга страна ништо не преземав зошто и неможев многу да сменам. И се тоа помина дете се смена јас се опуштив, почнавме да се мешаме со луѓе и се се врати во нормала. Сега е најсреќен кога одиме некаде, ужива со сите се чепка, се игра и мене одењето и идењето по гости веќе ми е повторно уживање. Не си врши притисок за ''враќање'' меѓу луѓето тоа само ќе си дојде ама користи убаво време беба во количка и фаќајте воздух ем на бебе ќе му годи ем ти ќе избистриш глава.

 

Здравејте! Дремам на фемина, никако гз да подигнам и да фатам нешто низ дома. А и те како има за фајќање низ дома, уствари кога немало!
Луѓе ќе умрам од главоболка, ненормално ме боли глава не знам што ќе да е оваа работа! Се свестувам со кафе, се надевам да мине без да пијам апчиња. Ќе биде ова никаков ден!

Дете во градинка, ММ на работа, јас и бебо дома!
Елката е наќитена! Очекував повеќе радости од големата додека редевме лампиони со оглед на притисокот кој го изврши за да почнеме со украсување, ама она некако брзо се откажа па сама си ја редев! Ми вели - пак ли овие лампиони??? Јас сакам други, сини! А мене елката во две бои испланирена да одговара на домашниот амбиент, сепак дете сака и плус сини лампиони, макар не би одговарале ич. Реков ок, ќе земеме мало елкиче за во детска и лампиони сини па нек реде какви сака. Се сложи!

Реков големата не се замараше со елката ама затоа малото со дубалчето лом правеше. Сите патишта до елката и водеа. Па тегне лампиони, па тегне сијалички, па вика силно... А ММ упорно и вели- немој бе мало, мајка ти овие лампиони специјално ги порачуваше вакви да и ги изработат , ќе црка ако и ги скршите. Имаше нешто иронично во неговиот муабет- сакаше да каже, џабе по порачка лампиони ти правеа еве сега децата ќе ги распарчат.

Ај да фатам нешто низ дома, оти долго бидна ова расонување мое! Иначе спиев до 10 денеска, со бебо заедно!
Честитам роденденовци на тие што слават!
Убав ви ден на сите!

 

да се насмејме

 

Мајки здраво,
Јас одамна не сум пишала, ама ве читам редовно.

Би сакала доколку можете да ми пишете совет, оти не ми се случило вака до сега. Ми е страв па одма паника ме фаќа, а знам дека има и трудни и мајки па може некоја имала слично искуство.
Мене ми е 13ти ден од добиено и видов сега на гаќите кафеаво, а умам и некои менструални болки. Кога останав трудна со ќерка ми исто имав менструални болки на средина на циклус ама без исцедок.Сега не знам дали е ова резултат на овулација или можеби е знак за бременост(ама внимаваме при односи и не ни планирав бременост) . Па би сакала, доколку не ви е тешко и доколку сте имале слично искуство да споделите со мене.Ќе мора да почекам некој ден за термин за преглед, па додека чекам барем да чујам искуства Оти паничарот во мене проработи одма

Убав ден мајки

 

Најверојатно овулација, имплантациското крварење е со светла боја.

 

Фала ти, ме фати страв дека пијам апчиња за тахикардија и ако е знак за бременост да не наштети. Ама за неколку дена ќе одам на преглед па ќе видиме Фала ти многу

 

Здраво жени.

Елка украсена.Беба и се радува, прета со ноџињата и рачињата, заикнува на глас кога ги гледа сијаличките. Љубов е
И го наместив релаксаторот покрај елка, очи не трга од неа.

Друго па, со пролив беше вчера цел ден, сабајле пак една течна столица, за 24 часа 6 ги има.
Давам пробиотик, се молам да и помине.
Весела си е битно, не и влијае на расположението ова
Силна е мојата мома, ќе и мине ко на кутре

Ме фати Новогодишната еуфорија ептен, само докупувам украси.
Па прва година во друга дома, башка и со бебе, сакам да ми е убаво. И убаво ми е,искрено.

Инаку, и јас не сум од тие што се притресуваат за на гости со бебе.
Одиме секаде со неа.
Кај пријатели,по имендени,родендени,роднини, каде што има деца..
Не сакам да се нервирам што седам дома, па си ја земам и неа кога и да одиме некаде. Не е многу за оставање дома без мене, пред некој ден на еден саат ги оставив со свекра ми, ја збудалела жената од плачење
Памет за друг пат.

И тоа.
Елкава светка,бебе ми нана во раце, јас гледам филм.
Дома пријатна атмосфера,топла.
Колку убави моменти,само наши

 

Добар ден.

Наручав бебе и еве го сега спие. Јас си земав нешто благо и конечно да си седнам и убаво да си развртам по темиве на фемина.

Бебе е 200 на саат , значи периодов , дали оти не го вадиме толку често и само еднаш во денот , на поручек е беснеење , значи незнам веќе каде се не се качува , на маса , на кревет одозгора , рипа на спалната и најново , кога го ставам во креветче за да завршам некоја работа , почна сам да се префрлува за да испаѓа , страв од ништо да се нема . А паѓа ама не плаче , некна изгуби контрола додека рипаше на спалната , јас се мијам заби , и испаѓам од купатило и глетката он како се залепува на земја. Си реков нешто скрши , он станува и продолжува.
Ништо не не анимира , пробав со коцки , земав слагалица , не и не , само коли да се возат да се мава во ѕид и во врата и да се рипа.
Ај доста се жалам , сеа позитивните работи , иде ме гушка , му викам дај мама да го бакне , иде и обравчето ми го става до устата. Ама кога иде да ме гушка се топам значи , стварно не постои нешто поубаво. Исто и навечер кога ќе си легнеме ме гушка и си заспиваме и насабајле на спалната си лежиме си се гушкаме и цртани си гледаме , значи душа ми е.

Денеска мм ме информираше покасно ќе си дошол , ќе оделе по градови тука , да земале материјали , и ние со бебе до вечер сами , мислев да одам накај мајка , ем и да го прошетам ама времиштево надвор има сонце , ама колку дува...
Сабајле излегов со бебе , набрзина до маркет да земам нешто , дете сирото после тоа мислам пола саат ги чешаше очите од прашина што му влезе.

Друго ново нема , сакам елка да китам , ама се на мм нешто работа му испаѓа , а јас сама со бебе тешко , неможам , плус и од подрум треба да ја качам.


Толку од мене за денеска . Имајте убав ден.

 

Во врска со шетање со бебе ја читав феминката и да ви кажам искрено си го комплицирате животот. Јас бебе извадив од дома само што си дојдовме, имаше само 11 дена кога отидовме во Веро да пазариме, глувче од 2 кила, минијатура, ама мора да се испазари што да правам. На 15 дена сама го носев со количка на педијатар, во ќебе свиткано одев до дуќан за да пазарам секој ден, шетавме од прв ден по малку надвор пошто се погоди време супер за шетање. Што знам, јас ќе побудалев сама дома да треба да седам и да не мрднам од дома. И пак малку шетавме пошто морав да се враќам да се молзам на секои 2 саата. Кога е загадено да, ама денес од градинка ќе го земам и прво еден круг наааа толкав ќе направиме па после дома. За викенд се фаќа и по 2 пати да шетаме. И не внимавав дали е гужва или не, дали ќе не види некој или не, дали поминале 40 дена, дали дошол некој со циклус... Едвај чекав да дојде некој.

 

Здраво.
Дете стандард ова време спие,јас сега седнав да пишам.

Многу се пронаоѓам во постовите на @Marmarin изгледа дека двете седиме во заедница и стварно не се трпат стариве.
Пред некој ден ( кога беше кавгата за крштевања) мм ми вика иди кај што ќе работам,ќе ме почекаш и ќе испазариме на враќање.Јас му велам оди сам,дете сеуште спие ќе стане и треба да јаде.И одма свекорот вие не го оставате и со нас јаде.Реков ај да видиме и заминав со мм,се враќаме по сат и пол и знаев што ќе начекам.Дете јадеше мандарина а теглата со ручекот ни допрена,лајчето чисто.Го седнав и го наранив,отвораше уста за 5 мин маф направи Ако ги мрзело да му даваат нека му дале сам ќе си јадеше еден сат. Чадев на сите страни мм си го однесе.
Затоа дете во градинка и мирна главата на сите.

Ме фаќа еуфорија да ,ама да си имаме свој кров на глава па да си украсиш а вака ич немам кеф.
Елката првата година ни стоеше кај нас во соба но сега тука ни стои креветчето само за украс.
Лани ни стоеше во дневна кај стариве но за годинава се мислам каде да биде.Сакам да фатам креветче секако дете спие само дење.

Ај пак денеска зачистив џемови,пердиња и под кај нив во соба за ако ја ставаме елката да биде чисто.Ако стои елката после ќе неможам ништо да фатам,дури вгодина.


Пак ќе се навратам на свекор ми толку многу ме заболе душата и се уште ме боли кога и да се сетам.Ни вика сега сечете ја елката и со неа грејте се.Дрва мм си имаше купено,ако мислеше дека се малку нека си купеа и тие.
Елката беше подарок за дете од мајка ми,која тогаш живееш само со нејзината пензија.Што се вика не јадела за да му купи на внучето.А па парите за прво дете си купивме лампиони.
Имам пишано и порано пишман сум што не си заминавме тогаш.И не кочат многу други работи.


Уште имам за мрчење,но се разбуди дете.
Одиме да јадиме спанаќ со компир.
Убав ден