Мајчински муабети (не е за барање совети)

Три кафана испиени и пак не функционирам како што треба.
Дете откако заспа во 1 се разбудуваше на секој пола сат со плачење до кај 3:30 и после цврсто заспа до кај 7:30.
Денот почна со плачки поради носот,ставање капки вадење мрсулчиња.
Течат како чешма.
Добро барем јади,не кизнај колку ама јади.Изеде дел од доручекот плус овошје,малку супа и цеден сок.

Му велам на дете ајде да поправаме коли.Сакал масата да ја поправа.Па ја легнав на под и ја поправавме.Ги зема алатите чука работи и едно време со рачето поминува на чело и вика уф.Се отепав од смеење.Се изморил многу.

Ги извадив украсите,ги редевме со дете,лепевме и стикери на пенџере.За жал украсите беа на своите места само 5 минути.
Излегов од соба,се враќам сетоа долу на под,Кога стасал да му ги искрши и роговите на ирвасите.
Така да сите украси идат на горниот дел на комората и дел во ходник.
Уште за елката сме да ја украсувме....

Еве дете сега спие,хрчи со носот но не како ноќеска Ручек за него направив само пире од зеленчук.А за нас ништо свеки ако направи арно ако не ќе јадеме пржени јајца.Но и јас немам апетит исркав една супа и една банана касна.
Грло боли глава тежи.....
Ако можам да дремнам и јас малку.

Среќни родендени на сите мајки и деца што слават овој период

 

Море како им работи мозочето... Ќути уште ми е пред фаца тажниот лик, солзи ми доаѓаат, толку тажна фаца за грев Мене па три пати различни поклони ми рече сакал и сега незнам што сака, ке го прашам пред да купиме

 

Време е и јас да се приклучам на темава иако се породив пред нешто повеќе од 1 месец. Некако навикната си бев на труднички, таму ми е друштвото и се таму си коментирам.
Денес прв пат останав сама со бебе па еве сега како за инает се буди на секое па едно две ја земам враце и ја дојам за да презаспие. Досега се убиваше ова време од спиење едвај ја будевме за јадење. Уапеав некако да ги пуштам машините и да ставам ручек. За денес печени кременадли со компир и морков. Тоа ми беше најбрзо. Сега го чекаме тато да си дојде од работа, па да одам да се искапам. Утре ни иди пак деде на помош па немаме мака.
Инаку најново комшиите со кои сме лепенка реновираат па цел ден бучат со хилти главава ми е тапан. Ама нема лутење до лани ние цела куќа ја реновиравме и збор не рекоа. И сега со машината за сушење креваме галама како за десет хилти.
Ајде дојде тате. Да одам да се капам цела мирисам на скиснато млеко.

 

Здраво мајки....уфф од каде да почнам...се што ми се случуваше периодов ми се одрази на здравје.Неможев веќе да издржам и пред некој ден завршив на инфузија,проследена со висока температура и да неможам на нозе да стојам толку не ми било лошо што не се сеќавам од кога, но сите случувања последниов период си го земаа данокот.
Еве веќе во среда сме и на закажана операција на ќерка ми што ми создава нов немир, како ќе биде, што ли ќе биде но си викам мора да биде за доброто на сите....
Викендов турбо, се одрази тоа што одмарав неколку дена зашто навистина ми бил потребен многу одмор и мислам дека собрав сили колку толку
Китевме елка, деца пресреќни дека им дозволив сами да китат и беа воодушевени од целата атмосфера, па пееја, кажуваа што сакаат од Дедо Мраз, мене душа полна
Имавме и неколку родендени на кои ги однесов, зашто знам колку за нив е тоа голема дешаваљка па радости живи, спремање мислиш возрасни се
Чекам веќе да заврши оваа 2018 и во новата да нема веќе болести и само убави работи да се случуваат на сите

 

Моиве беа нешто Натур, ама имам користено и на Веледа и Осанит и Вабурикол чепчиња.

Е нажалост кај нас нема ништо тоа, се од Немачка ми носеа.

Се си мислам тебе те читав, кажи ми мало кога беше, не го ставаше во количка? Од никогаш не ти сака во количка? И мене сите ми викаа не купувај за џабе количка, нема да ти ја сака, нема потреба... Јас кога си дојдов дома, до дома иначе во транспортер го донесов, го ставив прво во креветче ама проплака и одма го земав па до нас во количка спиеше, ние си седевме тука. По дома не го чував многу во количка оти не сакав да се заучува, ипак тоа е нечисто, надвор шетаме со неа, ама во релаксатор седеше редовно, а надвор не сме излегле без количка никогаш. Ни во кола не сме се возеле без да сме во транспортер/количка. Мене ми е незамисливо во раце да го чувам толку време.

Ево мене! Марфиев закон број не знам кој веќе, крофни најубаво се пржат на тазе фенирана коса! Нели викенд теравме кај мајка, она па да ни угоди се размесила тесто, мекици, крофни, кифли, благо... А таман си ја исфенирав косата како што сакав, мислам така еднаш у сто години се погодува. Уствари сфатив дека до четката и фенот е, мене раце ме здоболуваат од тегнење и оставам на пола, а нејзината е два во еден четка фен и полесно е. Готово, за Нова година ќе си се почастам. Чекам еден хонорар така поубав и ќе си ја купам новата на Филипс.

Туку да ви кажам една убава вест, конечно се откачивме од цуцлата! Мајки се радуваат на големи работи јас на ситница, три дена без предметот на буквата Ц, радостии! Силум прилике забораивме дома цуцлите па си се научивме да спиеме без цуцла Ни останува уште пелена и заспивање сам, па бебе да го направиме дете ко што е ред. А после пак јово на ново сите работи ама ако, не се бунам. Уф едвај чекам да почнам со бебе 2 проект да се бавам. На работа не ми личи ко да ќе потрае ситуацијава ама добро па сеа, тоа е што е. Барам во меѓувреме друга работа.

Мајки јас елка уште не сум извадила, реков неделава ќе чистам, другата ќе вадам елка, ќе видиме, може нешто и да се изјалови. Дефинитивно ќе чистам неделава, а како ќе завршам ќе видиме. Елката денес или утре ќе ја исперам, а и они елки ко на Шилка ќе ги исперам ветувам сите, ќе сушам со фен ако треба.

Туку викендов кај мајка многу ми дојде, сум се наполнила позитива, чист воздух и сега во кашканицава ми смрди се. Мајка ептен се здружи со синколе, не не шиша дете. Учеа песнички, учеа кој е кој од сликите, го препозна татко ми и на гробишта дури на сликата. Сонував и еден многу убав сон со татко ми, ми дојде убаво на душата некако.Знам дека е тука и знам дека не чува, а со сонот и се уверив. Ама малку ми беа 2 дена, сакав бар уште 2.

Постов го пишувам цел ден, еве сега пред да си одам ќе го испратам и ќе се спремам полека за домче. Убав ден мајки!

 

Конечно раат да пишам со опуштена душа. Не целосно, ама до некој дел.
Имено, викендов конечно се преселивме и ние. Сега се чувствувам целосно, испилнета, а за дете да не почнувам. Сите овдешни играчки иако стари, се интересни, оваа дома била многу поубава, нова, од баба му била стара.
Што да се прави, така мора да биде, дел од годината овде дел таму. Куќа не се остава празна, ќе се испусти.
Е сега што јас ќе чистам некаде до Божиќ, тоа е друга приказна
Битно да сме среќни. Додуша ходникот ми остана уште ама не се брзам. Денес и до град претрчавме со синко . Место не не држеше дома. Си купивме новогодишни перници и чорапи.
Елка не китам дури не се средам, деновиве се надевам ќе биде.
Така да ве поздравам сите, да одам да потсредам нешто дур дете дремуцка.

 

Муабетот со поклоните од Дедо Мраз... Мојава сакала салфетки со Ана и Елза, и си викам- тууу ептен скромно девојчево мое И тоа го повтори 2-3 пати кога ќе ја прашав. Арно ама кога седнавме да му го напишеме писмото до Дедо Мраз, јас (читај-будала) ја потпрашав зарем само салфетки ли сака, не ли сака и играчка некоја...? Епа детето после убаво ми кажа... Ја сакала Мини маус у кутија (знам која е, и кошта 800 и кусур), но сакала и фустанче сребрено . За сестра ѝ сакала пижами со Ана и Елза
...убаво ми го збибери Оди сега и снаоѓај се.

Сребрен фустан најдов само во Зара, едниот 1500, другиот 1800 ден И лани доби еден куп играчки, више не сум паметна како да постапам. Дали да ги добие сите работи што ги сака или не. Вие што планирате?

Месецов ми е полн и со детски родендени, мајка ми прави прослава по повод пензионирање, нарачав торта скапа ѓаол и пол плус мора и подарок да одберам. Сакам и на предновогодишна прослава од работа да одам, ама немам што да облечам, не сум се подновила ништо за дотерување од минатата предновогодишна забава
Треба и амортизери да се мењаат, на бебево да закажам пасош да вадиме, а само што добив нов телефон од маж ми (џабе викам маж ми кога парите се тие)
А париии... Подобро да опљачкам некоја банка и да се спасам
И знаете што? Баш поради ова не ги сакам новогодишниве празници Ниту еуфорија ме фаќа, ниту имам мерак да акам по дуќани.

Би се жалела уште но ај денес ќе останам само на оваа тема

 

Да ве поздравам на кратко ,додека чекам гости да дојдат со славава трет ден денес гости се стори ивкова слава работава.Јас преуморна со последни сили функционирам ,ми треба масажа ми треба спа ми треба фризер се ми треба Синко добар златен ми е Инаку се одбивме од цицање еве денес 5 ден како не цица добар е добро поминуваме ноќе по еднаш само се буди се занишуваме 10-15мин и продолжува да спие ,доволно беше 16 месеци цицаше а и во последно време стануваше неподнослив ноќе вака сега бар мирно си спие .
@VedaG10 среќен роденден мајче една ќерка годинава
@karibian честитки
Дојдоа гостите одам

 

Колку ме боли грло само, едвај подголтнувам.
Немам чај дома па го пијам овој за доилки што е
Дај шта даш ..
Немам време ни на лекар да отидам, па си шмукам Пантенол (едвај ми текнува по 1 во денот) и чекам магично да помине не дека ми е далеку докторката, на 5мин е, ама ај отиди де..
Синоќа на именден бевме, дали еден саат помина и свекрва ми.. госпожата мала мама си ја бара. Одма станавме,дојдов дома,мислев гладна е, она мазење сакала, демек цица а ме гледа во очи,држи за прст и ми се смее
И како да ја оставиш дома сама,ај? макар и пола саат било.
Како расте така повеќе разбира и по поврзана е со мене.

Освен грлото, и херпес пак ми излезе, и цела регија околу уста и нос ми се нафрла со болни подкожни акни. Уф, сакам да добијам веќе еднаш, не се трпам вака ич ич. Ништо не помага

@AngelOfArh Кога ја донесовме од болница спиеше во креветче,некогаш во транспортер ја оставав пошо само така беше мирна, и ја возев со количка.
Ама еднаш што ѓавол ме тераше, веќе потстемнето надвор накај 7часот, тргнав по улица и има еден дел кај што нема улични светилки и е баш темница.. Леле луѓе кога писнаааа дете да плаче
Липаше и викаше колку глас ја држи, дали е исплашена од тогаш не знам..
Сум пробала оттогаш пак, ама седи мирна 5-6мин и почнува да плаче.
Скоро пак пробав, ама од пола пат наназад се враќав, ечеше цела улица од неа.
Сега најново ни е што и релаксаторот го замрази, само што ја спуштам вришти.
Рацеве ми знаат.. Скоро 7кг е па тежи веќе, ами што ќе биде ако биде вака до 9-10м .. ќе ми паднат раце дотогаш.
И спие само со мене, на креветчето оддамна му откажавме љубов.

Ај доста се жалам, дремна 10мин и стана насмена и се прчи со нозете нагоре, чека да ја закачам

Одам да и дадам доза гушкање, се читаме подоцна.

 

@Chanell* и моето еден период не сакаше. Мислам баш колку твојата беше. После магично преку ноќ се смени.
Не се сите деца исти. И не е дека баш ќе го научиш.
Менуваат , периоди имаат секакви. И бесни и како бајчиња.
Не е твоја вина мајче.

 

Ајде и јас да се приклучам на темава,се породив пред месец и пол..брзо закрепнав па од втората недела сама си ја чувам мојата кукличка додека тато е на работа..обично не спие преку ден но денес заедно со татко и заспаа па јас најдов време малце за на форум со кафенце во рака..денот ми почна одлично затоа што бебе ме разбуди со гугање најслатко утро..потоа ми се јави тетка ми да ме праша нешто за што знаеа само мм и мајка ми а беше тајна што треба да остане само меѓу нас но очигледно мајка ми не ја држело место па раскажала на тетките братучетките..по не знам кој пат ме издава,стварно се налутив и од сега ќе пазам што и кажувам :/ одам под топол туш на опуштање додека спијат..

 

Да си се пожалам јас овде
Втор пат се дешава. Го капам малово, го седнувам да го облечам, вришти. Абе мама шо ти е го прашвам. Ми покажува на курето. Му викам те боли? Ммм. Ме гледа со тажни очиња и ми покажува. Неколку пати го прашав мама кај те боли. Пак таму ми покажува. Си викам сигурно не му се спуштени и го боли. Не дава да го чепнам. Читам по нетов, демек не е страшно. Ама мене срце ми се стега само шо ќе помислам. Еве солзи ми дојдоа се сетив како тажно ме гледаше и ми покажуваше. Ќе си пукнам.
Го однесов на матичен да видиме шо е како да прајме. Таму затка луѓе. Надвор исто. Реков не чекам овде со здраво дете, под 1 сат не ќе бевме. Демек до 3 работи, а во 2:45 преполно. Си викаме да не чекаме џабе, дан ни речи готово за денес. И си се вративме. Утре ќе пробаме пак.
Друго ништо немам да кажам, само таму ми е умот, цел ден си го гушкам, ми е мака шо знам дека го боли нешто.

Честито родендени, бремености на сите, извинете не можам да ве означам. Добредојде и на новите мами.
Гуд најт

 

Здраво мајки
Како сте? Како се дечињата, тоа е најбитно

Ние арни. Јас не баш,ама тоа е. Се трудам да не мислам
Немам желба за китење Елка мислам да нема да красам , ќе ја бута малово. Маж ми рече ќе проба,ќе ја накити ,ако не ја пипка ,ќе остане. А малце ми е глупо без елка, па каде ќе ги редиме пакетчињата ?
За пакетчиња ,купив викендов што треба. Само да ги спакувам. Маж ми вика сум се замарала. Е таква сум. Не оти за моево некој ќе се интетесира посебно, ама јас или давам или не Само за внукот на маж ми не земав. Не се удостои (сестра му) да дојде на прв роденден, охохо како го памтам и ми е криво. Маж ми се сеќавам (јас на службен пат бев) ,за првиот роденден на нејзиното возеше 100 и кусур км,во работен ден, со оперирана нога

Сакавме да одиме до Солун ама ништо. Јас викендов толку многу се подновив и си реков доста . Уште чизми ми останаа од Пеко, ама мајка ми ме замоли да ми ги купи и оставив. Обично откако се вработив,се лутам кога ми купува нешто, па жената скоро и ништо не ми купува. Исто и за малото, сака да угоди па често ќе купам јас и ќе рече е еве ти пари ова од мене И има помали примања од мене и сама е Ама за чизмите и било мерак плус и она ќе си купела исти

Ааа,муабетот за Солун... па си викам јануари на зимување (едвај чекам) ,во Боровец уплативме, на враќање може да преноќиме во Софија и таму да ровариме

Малото осеќам дека многу се поврзува за нас, дека не сака.... Како не стиска дури не гушка(иако кратко трае) кога излегуваме за работа плаче по нас.. дефинитивно не сака (мене малку повеќе мислам )
Цело време е растрчан, почна да мрмори на негов јазик, се научил и само Аде,аде вика за се и сешто
Често се прашувам, што сме правеле пред него

Немам веќе сили, ќе спијам, добра ноќ

 

Добра вечер....
Ме бараше некој ...
Очигледно

Синко само што се предаде,јас чекам маЖ да се прибере од раб,да касне нешто,јас во меѓувреме едно кафенце ќе се напијам.
И да се провидиме
Мора да се работи на случајот бебе бр.2
Да не се трујам за џабе со хормони.

Добре дојде на новите мамички.
На @Chanell* да и кажам дека е надежно,мојов се немаше од ништо уплашено па не седеше никако во количка.
Почна да седи на 1,5 год.До тогаш во раце си го влечев,магаренце на толкаво.
Ама мускулиии

@gjoker4e честито мини џобот.
Нека стане макси набрзо.
Да ви,се пофалам синко завчера крај 4 сабајле вика: мамаа,мама ми студи
Го гледам гол пиштол
Станал се соблекол,не сум го сетила
Му викам што правиш гол??
Сонував дека ќе ме тушираш и се соблеков за во када
Ооо мое блесаво дете.

Идам денес од работа гледам ги наредил сите балони под елка,го прашувам што прават тука.
Добив одговор дека бидејќи Дедо мраз идел ноќе и тој спиел,немало да го види.Ги ставил балоните за кога ќе му го оставел поклонот,да пукнел балонот и овој да се исплашел и да се разбудел да го види
Од каде му текнуваат овие идеи стварно незз.
Одам ...
Во меѓувреме дојде мм,јас кафе се напив,2-3 реда муабет и сега легнуваме.
Убави соништа лавици

 

@Chanell* Моето почна околу 14+ да седи во количка. Па Марфи чукна на врата ни ја скршија количката, па ни украдоа и еве 19+ месеци, над 10 кила има не знам точно, во раце си ја носам и дома и надвор мислиш пердув носам. Мм се смее вика ти да не забораваш дека ти е во раце и си цепаш така.

Денес до маркет и до трговски се во раце. Мислев да земам од тие количките за пазарување да ја седнам ама се премислив, ако не сака кој ќе се справи и со количката, не ми се ризикува.

@tincemajmunce Се изнасмеав. Многу јако. Колкав е малиот? Да му купиш нешто за случката. Жив и здрав нека е ме изнасмеа.

Денес на каса малава ја стави картичката во терминалот. Продавачката се зачуди вика нова генерација бебиња уште не знаат да зборат ама знае да плаќа со картичка. Многу брзо учат и многу ме имитира во последно време. Почна главата да ме чеша предниот дел, се чешав и го гледам и оно се чеша па мораше да истрпам. Дали од новиов ефтин шампон, демек да штедам на се ама само поскапо ќе ме фати изгледа.

Преку ден паѓам за спиење и еве го 00ипол веќе јас сум расонета не ми се спие. Па еве и заврна мн тропа, поткровје не било за бебиња и мали деца. Уште да се разбуди сега ми фали и готова сум.


@emkaemka Ако постираш нешто сега немој јадење на крај да спомнеш. Пред некое време ова време ме настрви со чајната па станував да јадам. Уште ми е на мисла кога ќе помине 00.00 и ми се пријадува.

 

@gjoker4e само што направи 4 год.
Ќе му купам обавезно.
Иначе кај нас паника,пожар во комшии,свират пожарни,трчаа луѓе.....
Гори нешто опасно.
Мм замина да видел
Останав без кекс изгледа
Ајде доста тропам глупости,се надевам набрзо ќе дојде,во меѓувреме ќе се качам на лустер спремна да му се фрлам.
Се надевам нема да ми рече:
Бетмен што правиш таму горе,ајде слегувај и легнувај.

 

Добро утроо!
Испратив дада на градинка, со фризура, со нејзината омилена облека (тренарки со џебови ), со гушкање, со играчка (е ова колку ме нервира значии) и седнав раатси кафе да шмркнам!
Еве има и за вас, утринско...

Имавме мирна ноќ, беба еднашка стана за цицкање и толку. Ја гледам нов заб ќе има, поточно грепка веќе, излегол, седми по ред, двојката долу, ама нема некои промени во спиењето и така воопшто. Смирена си е и нормално си мрмка само за кај мама во раце ама ова и без забот си го бара.

Ми се врти во глава да ја одбијам од цицкање, одсекогаш сум мислела до годинка е доволно да се дојат бебите ама сега кога иде годинката на мојата галеница ми е тешко одбивањето. Не дека сум вложила некој напор, ам ете одвреме навреме пробувам адаптирено да дадам преку шише, давав и Хипп сокче, ама беба нејќе, она е верна на маминото цице. Пиеше од шише кога беше мала, сега ни мајчино одмолзено млеко нејќе. Има некоја техника како да ја научам да пие од шише? Од чашка си пие ама како ќе ја презаспивам навечер без цице и без шише, тоа ме мачи!

Да допијам кафе и да се нашминкам па одам на работа, прва смена сум оваа недела!
Ве поздравувам убав ви ден!

 

Мајки знам дека овде ке добијам најбрз одговор некој ако знае да ми одговори
Ке не префрлат на хематологија денес
Имало наод во крвта мислам дека пребрзо и коагулирала крвта така некако рече докторот
И сега требало некој испитувања да и прават дали тоа е случај од анастезија операција или тоа и си го имала предходно
Доколку сеуште е исто со крвта ке требало да прима соодветна терапија бидејки можело да предизвика тромбови на дишните патишта и да дојде до гушење
Премногу сум исплашена некој доколку се има соочено со вакво нешто нека ми пише
Иначе прима клексани

 

Јас би ти рекла да бидеш упорна, да не попушташ. Мене ете сите ми викаат ти се погодило дете, ама не се буни за ништо, нит количка, нит седиште у кола, нит хранилка... За се е многу умен.

Мајче ако не е отворено курето види да не има некој инфект, да не се собрале прљавштини. Отвори и исчисти убаво. Ако е отворено да не се слепило. Јас на секое миење го отварам, го мијам, па на облакање убаво го отварам да се оптегне кожичето да не се слепи.

Така слатко сум се насмеала со детулево твое значи не знам. Многу е паметен.

Јас би ти рекла да не ја одбиваш ако можеш и сакаш уште да цица. Новите препораки, многу мразам да го користам овој израз нови препораки, се до 2 години да цицаат. Нека цица, тоа не е лошо. Само обидувај се да ретчиш ноќен подој, нека спие, зошто да цица, ако стане понуди водичка, гушни и ќе се смири.

Мила мајка, немој да се сеќираш, ќе се среди. Што и да затреба тука сме да помогнеме, ама ти пред се да се смириш треба. Чим прима клексани значи е покриена, терапија понатака и ќе се среди. Те гушкам многу за поддршка и знаеш, ние сме тука за сите дечиња.

Јас пијам чајче и ве читам, денес ден за странки па немам толку работа да се сконцентрирам. Ми се спие ми се плаче, едвај очи отворени држам. Синоќа ни текна да одиме да продолжиме договор во Вип и од таму да земеме дете од кај баба му, дома дур се порадувам на телефонот и дојде 12 саати. Конечно се спасив од телефонот. Дедо мраз кај мене дојде рано рано годинава. Вчера во Вип имаше таква гужва голема, една мајка со бебушка, јас не знам во толкав мол да нема повеќе шалтери, еве не ми е јасно. Демек со бројчиња ама не мрда од мртва точка работата. Ние дојдовме беше 340 бројче на ред а автоматот ни даде број 374, чекавме еден саат. Нов салон, убав се тоа, ама џабе кога се чека по саат време.

Што се однесува до новогодишни подароци, почнаа да ме прашуваат што да му купат, искрено не сакам чоколади и бомбони, оти ние ќе треба од солидарност да ги јадеме. Од тете нарачав капа, шал и ракавички, а од баба ќе нарачам пиџами и поткошулки, тенки долни блузички. Облека има, ни фалат вакви работи. Ако најдат уште и целосни пиџами супер. Од мама и тато сликовници. Мајка ми ќе му купи јорганче, од другите сигурно ќе има пакетчиња што се јадат. Играчки има многу и додека не биде готова детската не купувам нови и крај.

Имате планови за Нова година? Ние баш и не, ако одиме кај кумовите ќе се прогура некако, ако не домче ќе се стуткаме. Немаме у план никаде да одиме искрено. Убаво си поминавме лани ептен со кумовите, забавно, ако сакаат и годинава супер ќе биде.

Убав ден мамаситас!

 

Добро утро мајки ,

Фала ви за честитките и убавите желби
Да се враќаат само убавини

Вчера роденденот супер го пројдов. Откако се роди син ми на дата неколку дена после мене, мојот роденден не е толку битен и е во позадина. Но еве оваа година драги луѓе ме изненадија.Не очекував ништо ниту поклони,ниту гозби,ништо буквално.Но неколку драги луѓе заедно со моите и со мм се организирале и дојдоа на славење. Морам да го пофалам мм за организацијата,и за тоа што после неколку години баш убаво си прославив роденден Поклоните не се баш толку битни , кога ќе видиш драги луѓе околу трпеза среќни ! НО поклоните и те како се прекрасни !
Сега на работам ,работни обврски си течат ..
Кафе пијам, и се мислам што да јадам . Гладна сум , а не сакам да јадам ништо калорично.

Го чекам и мм,ќе одиме да му купиме поклони на синко. Сакам сабајлето на ден роденден кога ќе стане да има еден куп завиткани подароци и балони. И сите заедно да ги отвараме.




Убав ден


@tincemajmunce Така слатко се изнасмеав Срценце ти е малиот Кај му текнуваат работиве