Мајчински муабети (не е за барање совети)

Имав една комшивка она пред сите на изволте со градата
Јас само пред мм, другарки, и свекрва ми го дојам. Немат шанса пред други или во јавност

 

Вечер мајки!

За денес на репертоар остана уште бањање на малиша и на спиење. Не дека нешто посебно правевме, цел ден во легачење ни мина. Ама ни требаше еден ваков мрзлив ден.

Редовно си ја читкам темата оти сакам долги постови ама некогаш се губам во лајковите.
Честитам таму каде има поводи, само за убаво да е!!

Сакав и јас неделава да завршиме со новогодишната фотосесија ама кој знае. Се зависи од маж ми. Не знае кој денови ќе биде тука, а сакам да се шкрапнеме еднашка и тројцата, за спомен од првата НГ на малото.
Па се натегаме кога да закажам. Ај утре, па не утре. Па може среда, па после ни среда не. И така. А сакам неделава да завршиме, сигурно другата ќе биде уште повеќе гужви.

Сестра ми треба да го сликне дома. Уште од минатата недела купув Дедо Мразко за домашната фотосесија ама и тоа никако да натаманиме. Мислиш кој знае за што се работи. Ама неделава планирам се да завршам. Сакам да пратам сликчиња во странство место честитка, па да стасаат на време.

Јас со душа чекам да излезе запче па да правам мала забава. Сестра ми вика прво постапалки изгледа ќе бидат после забче. И ,,менито,, си го смислив. Сутлијаш, избрав чаши за него, постапалки, леблибијка,бонбони, погача блага. И тоа мислам беше. И нормално неколку женЦки забавата да биде комплетна.
Се гледа дека и немам попаметна работа.

Кога маж ми не е дома цел ден јас како без компас сум. Не можам да се пожалам дека немам помош. Бањањето е негово, јас асистирам . ,, Принудно,, го баеам јас кога тој не е дома со денови. Е денес ми донесе Џиџи Бебе бисквити оти он купува се што на него пишува Бебе. Па се објаснивме оти сепак најарно е да чита состав. Не се што пишува дека е за бебе е соодветно.

Деновиве имам спремање пакетчиња на репертоар. Како и сите нели. Си направив список. Сите дечиња ми се различни возрасти, а не сакам готови. Не ми се допаѓаат. Сакам да си ставам кој што мислам дека ќе јаде и соодветна играчка. Тоа ми е планот. Нека се радуваат деците.

Туку читајќи ве, само јас немам проблем да го оставам малото со бабите.
После ,,принудното,, оставање на едвај 40 дена , се опуштив. Сфатив дека е во добри раце и имам доверба. Посебно свеки најпослушна е. Мајка си фаќа кривини, ама не е страшно.

Добра ноќ мајки! Почнуваат ритуалите за успивање.

 

Здраво
Синко заспа, со една дремка денес па едвај додека до сега. Јас во кревет до него, го чекам мм расчистува во кујна па ќе гледаме серии. Зависиме од тоа што ќе најдеме на youtube зошто све друго забрането не би казни да плаќам, сакам нетфликс ама не плаќам и тоа џабе додека синко не почне да спие како тинејџер
Денес и тука снег, па сабајле едвај дочекав да доручкуваме и скафандерот на него и надвор. Дете скрос збунето, седеше на снегот и ништо не правеше. Му даваме да го допре не го допира, па го ставивме во количка и прошетавме.
Туку да прашам дали некој знае дали случајно во Скопје има такси со детско седиште? Имам јас седиште кога одам планирано со некој, ама ако сакаме да одиме до град да прошетаме што да правам со седиштето? Неможам роднини и пријатели да малтретирал да ме развозуваат. Доколку постои такво нешто би било супер.
Уште малце ќе си одиме на гости, ако ги памти синко моите може и ќе го оставиме на чување да си излеземе ние некој саат.
Добра ноќ, да прочепкам уште мала на форумот пред да дојде мм.

 

Вечер мајки

Трето поглавје.


Денес и ние касно станавме 9.30ч ова некогаш беше таман, ама сега касно, но од 5.30-7ч бевме полубудни бебе се подразбуди, толку бев аут што немав сили да го нишкам, па си реков како си се подразбудил, така пак успиј си се
Се трти, се врти, се бута во мене, па ќе избега, ме испомава, клоца, шутира ко да е на фудбалско игралиште
Пред 7ч го земав во раце, го ниииииишкав и ај презаспа, па и јас со него си презаспав

Кога станавме што да видиме, бела, бела белина

Мм веќе станат и вика ајде прави кашата, јас ќе нарачам доручек, ќе јадеме и низ врата, на планина ќе не носи да се санкаме

Аха
Едвај искочивме, 12ч мислам беше
И што не сте кажале колку КУЛ стојат халахопки кај бебе
Му ги облеков уште сабајлето и само по нив си седеше, абе се испосмеавме со мм

Тргнавме и бебе заспа по 5минути возење
Отидовме првин на предвиденото место, искачаме, леле кога рече еден ветер, дува, носи, ќе не покоси, постојавме 5минути и ај ќе слеземе подолу. Идеме таму, ОК беше, мм вика да будиме бебе, ај као викам не, ако се разбуди ОК. Мм шеташе наоколу, се лизгаше, јас се врткав околу кола, сликав, газев во снег. Минаа некои 40тина минути и решивме доста е, ладно беше, некои -7степени.

На 200м пред дома имаме продавница, чек викам застани леб и компири да зедам, епа кога застана бебе се разбуди

Не престанавме да го зафркаваме (он нели се не сваќа), па и сега едвај додржа 20ч и му викаме ,,аааа воздухот и санкањето те измори,,

Санката си ја провозикавме

Инаку па и немаше нешто wow снег, очекував повеќе со оглед на висината, ама еден мраз што сретнавме, една магла бррррррр
Дома кога стигнавме нашиот и да го немаше..

Мм даде предлог у Мол да шпартаме, ама откачив, главава не ми беше миена, а то прв тоа да правев тогаш е во 19ч таму ќе бевме
Па си преседовме дома

Правев прва фотосесија на бебе
ОК помина, испаднаа некои фини слики. Бебе умен, еленче или ирвас е оваа година, немам појма што е сеедно понудив и венче не ми беше прифатено, ама за капата нема фрка.
Леле ептен е сладок

Првин го редев во леѓен да седи покриен со бордо ќебе, леле кога пушти сирена, ваљда дека голем, па нејќе у леѓен, па ајде на ќебето си седеше.
Пробав и да го легнам, боже сачува, голем бил и за тоа план е некој ден да го успијам ,,дотеран,, па да го сликам

Инаку прееска бебе падна, уствари се стркала
Сам со мм беше, па што правдање мавна, бебе вришти, јас смитувам, он иде по нас и се објаснува
Аман викам доста, се дешава, никој не бара отчет, уште колку ќе паѓа, дај да видиме да не му се слоши или било што, ако не ,,така растат децата,,.
Се жалеше, ли жалеше и на крај се смири кај мене во скут гледајќи цртан и јадејќи смоки

Добро е лесно мина и ова
Аиии а мислам не сум кажала
Пред некои 2-3недели си игра на кревет во детска, близу има штеќер со ноќната лабла и он иде накај неа и се беси да ја откачи, ОК ќе ја извадам, ќе му ја подадам ама не сака така, сака сам да вади и става во штекот.

Јас вадев алишта и за дел од секунда он шпринт натака, се обесил со двете раце на лампата и оваа од тежина попуштила и се откачила, па јас се вртам и гледам дека он ќе се струполува, брзо изреагирав, притрчав и не падна.
Но се акнал во лампата или во ѕидот, па малку кај окото и повечко под беше модар

И тоа, да си легна најарно ќе е

Аха да кажам дека дојам буквално секаде!
Ич не ми е срам, ниту пак незгодно, кога сум кај блиски ако има мажи барам друга соба, ако не онака културно прашувам, може ли..
А у Мол кај му се пријаде таму нудам, не бил до толку врескало да треба у сред ДМ да извадам цицка, ама пример пред Јамамау неколку пати сум доела. Најгоре пак сите клупи сум ги изредила, идам и во собата ама некогаш немам можност, а и зафатено е.

У Рамстор културно каде што се јаде одам да дојам, они јадат и бебе си јаде. Уствари и пред Божиновски на клупа сум доела, Вајкики..

Не гледам ништо срамно, вулгарно, без осет, на јадење пак кига сме биле не ни спомнувам, ако му се цица повели. Не ја вадам онака градата на мегдан, на маса у тањир, меѓу вилушка и нож, но дискретно нудам.

Порано знаев и со марама да се покријам, е сега го нема тоа, бебе одма ќе ја џапне
Ниту се озрнувам дали некој гледа, ниту ме интересира, најмалку устручавам и кријам, нема што на мене да ми е срам и незгодно, што па има и да буља
Најбитен е бебе, он да е среќен и намирен, не би си дозволила бебе да ми вреска за цицка јас да се стискам од срамови!
Ок некој ќе рече, ќе си испланираш, епа да, ама со доенче тоа е речиси и невозможно!

Море ова доење што убаво ми се најде, ти се јаде, повели, сега со хранава, де термин, да смислиш, па правиш, вариш, блендираш, па не му се свиѓала, течна била, имала парчиња која само он ги сеќа итн итн.. ај налет

Утре ќе шетам, поклони ќе купувам, ај да го привршам списокот и да се комирам

Убава и мирна ноќ

 

Здраво живо.

Ја галам малата и чекам да заспие.Приказна прочитана ,песна испеана ама не се предава. Денски спиеше 2 и пол саати па сега и е тешко да заспие.

Преска бевме до Божиќниот панаѓур во наше маало .Сега е дупол поголем од лани.Има ролеркостер ама е од деца над 8 години. Малата му се радуваше многу ама она и од возче плаче
Апнавме кубаса и помфрит си купивме печени бадеми и правец дома.Нозите камен ми беа ,а -1 степен е само.

Мм купил од тие фудбалчињата -флипери само мали.И седнаа со малата да играт.Кога видов јас и зедов на малата рачките и зедов да играм па му реков чувај се за вечер ќе играме со греано винце ако заспие малата порано .А она никако да се предаде.Ние пред неа ќе испозаспиеме

Книгата ми е повеќе од пола прочитана да не сум на раб утре до 12 ќе читав и денес.Треба да си порачам нова за Божикните празници.Секако нема никаде да одиме од овие болестите не сме за никаде.А најдов убава понуда на планина посебна програма за деца за Божиќ.
Уште оваа недела сум со обврски и после до февруари сум слободна и ќе си бидам повеќе со малата

@Vennera.aa жива и здрава да ви е малата радости да ви носи.Чекав да се пофалиш гушкајте се сега

@VedaG10 најсреќен нека е

Добредојде на сите нови мамички , дај Боже догодина да дојдат уште нови и старите со нови бебињаКако некоја баба сум

Добра и мирна ноќ на сите

 

Добра вечер

Дури чекам маж да чкртнам некој ред

Најдов останато пакетче сончоглед и грицкам ме има нападнато апетит некој немам дерман луѓе
Само нешто ми се јаде
Не кремасто,не течно,па благо...ќе се посвинчам

Денес недела не ја обожавам баш многу
Едино добро беше снегот сабајле многу се израдувавме
Могли цел час стоеше на балконска врата и кажуваше колку било кул
Највкусното јадење на свет дете прво излегување не престана да јаде од снегот
Незнам од кај и дојде таа идеја ама ете
Снег добивме ама греење шипак
Цркнала пумпата и цел ден чекавме да дојде некој и да ја поправи
Измрзнавме поштено

Се надевам децата нема да се настинат
Тие денес се изнаиграа
Купив некои декорации за торти и мафини и им ги ставив во нивната кујна,радости
Готвеа,се хранеа,печеа...
Боењето неизоставен дел,сложувалки редевме и во главно тоа им е интересно
Могли ми е хиперактивна и тешко некоја игра да и привлече внимание на подолго
Освен ако не најдат некој штрафцигер,или скришум не земат некој зачин или брашно од кујна не знаете колку се тивки и сплотени неможам ни да ги најдам

Јас спремив ручек за утре и планирам да уживам во текот на утрешниот ден
Мм ќе е слободен па да шетнеме некаде
Незнаеме веќњ каде
Соте околни божиќни пазари ги посетивме,се мислам за игротека ама ќе видиме
Повеќе сме за природа се посељачивме овде

Со поклони се комплетиравме незнам дали ќе издржам до нова година за да им ги дадам
Едвај чекам да и дадам на Могли камерата
Почна и да се снима на тел пушта, го остава тел на под и игра
На крај си ја пушта снимката да гледа
На крај секогаш само таванот снимен
И по цели денови само за во градинка покажува
Има некој Марко и стално ни кажува мајне Марко (мојот Марко )
Уште сега

Ајде да не давам,дојде и мм па да чува стража дури се туширам

@VedaG10 голем да расте и догодина со сестриче

Довиџења

 

Добро вечер...
Бебе расте луѓе.
Цело човеченце е.
Пее, вриска, се смее гласно, се радува, распознава, си ја фаќа ногата, се трља по очињата кога и се спие...
Си спие ете ја. Ние гледаме тв и во телефоните и одмараме.
Недела.
Од утре маж пак на работа.
Секојдневие.
Мусака за ручек утре.
Кујна нацртана дотерана со сите салтанати.
Најјака кујна во свет ќе имам.
За толку мала, многу пари некако, ама најјака е. Како од Пинтерест.
Еднаш ја праам...
Уф уф уф... Мераци сум цела.

Бебе го носев денес на плоштад на Винтерленд, демек ќе го сликав со дедо Мраз ама заспа ѕверот. Чекавме, шетавме, не се разбуди.
Се разбуди дома...
Ѕверче.
Смешка ми е.
Не е на мене ич.

 

Добро вечер мајки
Недела ептен тежок ден,од толку што сум преморена не можам да заспијам..станав рано пак јас и моето чистење додека сите спијат,ни дојдоа гости на ручек и така денот брзо помина полн со домашни обврски..од кога направивме 40 дена веќе секој ден гости имаме..преку глава ни е со мм..преморени,дете плаче а ние што попрво да средиме,луѓево ептен без осет се..па и неќна едни ја избација и на крај им реков ама џабе цела ми се нафрла еве два три дена не може да и се исчисти лицето уште..
Куќава ми е лудница,садеви,алишта кое каде паднало таму останало..бебе не ми заспива додека ние не легнеме и не и дадам прсте,ама ако легнам и пак станам се буди.. може 2 саати да ја нишкам џабе..така си заспива во креветче..веќе беше 1 саатот ја наранив и си легнавме оставив се така битно дете да не ми се нервира и да си заспие..утре ќе средам работата може да почека па поручекта ќе ги оставам со мм дома,а јас ќе одам да купам поклоничања и за нас нешто да се подновиме оти деновиве планираме да се сликаме за нг..многу е ладно не ја носам надвор,а освен мм немам на кого да ја оставам затоа мора да одам сама..
Се заборавив од пишување..ќе се обидам да заспијам
Добра ноќ

 

Dobro utro na site☕☕☕☕☕Jas skoro redovno ve citam 3-4 dena se ke otvoram da pisam i ete nekow od decata stanaloSite spijat jas kako vampir ustw vo 5h,periodov haos prvo edno bolno pa odma drugo ma antibiotici inhalacii kapki vitamini vekw skrenav se mrdnav neznaev na koe sto pobrzo da pravam mi deluvase deka nema kraj birusov sreka projde se denes sme na kontrola cisto da gi zirnw doktorkata.Nekoe ppsebno novogodisno raspolozenie nemam paketcinja uste ne sum pocnala da pravam me nerviraat guzvite po molovive pa zatoa planiram nekoj raboten den posabajle da si prosetam.Sakam da odime i do plostad da se slikneme,kafence so drugarkite ,paketcinja na rab,prednovogodisni zurki i se nadevam ke se raspolozime mqlce

 

Добро утро. Немам ни концентрација да ве исчистам.
Неделава пеколна..
Без кола како без нозе.
Само да би не фатиле ако одиме со неа казна и не само казна ќе ни ја одземат..
Згора на тоа чекале на граница кај словенија полицијата..
Не знам веќе името да си го кажам од нервоза а камо да пишам нешто
Останете ми поздравени.
Јас ќе одам со дете и маж да пробам да средам ситуација.
Многу среќе ќе ми треба. Многу!!!!

 

Мислам дека нема такво нешто, јас во такси кога беше мал го носев во транспортер, до кај година седеше без проблем, а кога потпорасна во раце, не е безбедно ама никое такси нема детско седиште. Ако може го врзувам со каиши, оти и тоа во некои таксиња е луксуз, ако не во раце или до мене па цврсто држам. Сепак такси е кратка релација и не е страшно. Башка низ град се вози многу споро и ризикот е баш мал.

Кога те читам за Могли ко јас да сум пишувала, абе биваше до толку да се исти. Беља мен го викам јас, кај е бељата таму е и мој Матео.

Ај добро утро. Преку викенд ве исчитав ама толку работа имав што немав сила да пишувам. Исчистив се саботата, траеше цели пола саат чистеното, замислете. Немав сили и да китам елка па оставив за вчера тоа. Средено тип топ се, неделава дома нема да се моткаме многу, слави, родендени, прослави, еден куп. Денес најверојатно ќе одиме до Џамбо по поклони, иначе нема кога, агендата фул ни е. А што е тежок на излегување од дома тате, леле леле. Јас на вежбање тргнувам рамно 3 недели, ај не денес утре, утре немам плата задутре, аман заман веќе. Утре треба да одам ама утре сум на слава, па за четврток да оставам во четврток сум на прослава, сабота на роденден и уште една прослава, уф тежок живот

Пакетчиња, тешка дилема, пошто имам многу и плус и родендени имам куп месецов, така да еден кредит потрошувачки да земам до кај 1000е нема да ми стигне. Пред некој ден се шеташе по фб понуда од некој маркет пакетче новогодишно на рати, е така треба и јас, на 24 рати да отплаќам пакетчиња. 12 пакетчиња имам и 4 роденденски поклони. Многу се бре. Лани пакетчињата ги купив со поени од Рамстор, ми дојдоа беспари, ама годинава ги имам потрошено поените и не знам искрено како ќе биде.

Во врска со доење, не доев, ама да доев осеќам секаде ќе вадев цицка. За мене тоа е најнормална и најспонтана работа и не гледам ништо перверзно во тоа, ако ним не им е срам мене па ич. Поише е безобразно деколте накитено со чипки и светнато со хајлајтер отколку потрбата на детето. Е сеа може немаше да се разголувам скроз, ама дискретно ќе доев. А многу сакав да дојам, ама дете еден инат, едно трескање од земја и ништо не напраивме, крава музара бев 10 месеци. А и молзев речиси секаде, некогаш кога баш беше итно во мол во собата, на плажа, во парк... Исто не нападно туку дискретно и на страна па да не привлекувам внимание со и така бучната пупма на батерии или рачната што вадеше звуци ко да колам прасе.

Туку дете се побудале, вчера не преспа цел ден, ама цел, а претходната вечер заспа касно, па иди да те видам беше. Ама затоа синоќа уште не легнат заспа и спиеше до сабајле. Џабе кога мене цел ден ми го поремети со држење во раце, да бе сака да го држам во раце дур сме во кујна. Почна да си вади некои навики бебешки, држење во раце, да го хранам, отварање фиоки и вратнички од кујна, бегање надвор... И инатот, леле тој инат ќе ме докусури. По негово да е и крај. Сирупот Дефендил го сака, ама Молексот ни да го види, бега, брише јазик ако успеам да му дадам... Ич не го засака. А еден од кромид и мед тој го пие ич уво не му чуе. Од утре Молексот во смуди или млечен напиток ќе му го пикам, што да правам.

Туку се пожалив и на ФБ, морам и овде, викендов исправ 9 машини уклучив 10та сабајлево. Значи налет од перење веќе! А немам машина за сушење, сушам кај ќе стигнам. Генералка у пм нека иде, многу се нанервирав. Затоа сега едно тровче да падне трчам да го соберам, едно ливче не смее да летне, ѓубре надвор и да е цело време чисто. Имам уште некои 2-3 машини, ама ќе средам тоа неделава и следна недела на раат да се спремаме за празници.

Убав ден мајки, јас морам и да поработам малку

 

Здраво мами ,

Фала ви на честитките
За сите по едно кафе од мене ..

Понеделник денес, фала богу на работа имам доста работа па ќе летне за час. Јас сум од тие кои кога нема работа дремам и се нервирам. Дај ми работа нон стоп си работам и сум мирна Кога веќе одам на работа барем нека поминува побрзо.Ама кога ме фака мрза, кран не може да ме крене од канцеларија.
Денес контакти, телефони, маилови со странство. Каков убав маил сум скоцкала. ај што е скокцан и сум си сама на себе горда него и многу битен

Уште не сум доручкувана, изгледа и ручек и доручек во едно ќе биде.

За попладне нема план. Што ли ќе се прави не знам. Сакам да шетнам негде а не знам каде.

Вчера добив желба да гледам некој новогодишен филм па да видам дали со дете ке успејам да погледамБарем сака пуканки да јаде па ќе ми дозволи некои 15 минути да погледам .

Толку мајки од мене за денес . Ништо паметно

Убав ден

 

Значи само мене може ваков дебакл да ми се деси! Бев у Лококроко да пазарам и некој ми ја здипли картичката или евентуално ја изгубив некаде во процесот на пазарење! У рок од 3 минути еј, не ми се верува Како ќе купам сеа подароци не знам, план ми беше со неа, ама изгледа ништо работа Смејурии! Ем ми се плаче ем ми се смее, е до толку е дојдена работата. Ја блокирав одма, ама пак немам мир.

 

Поздрав мајки!
Пауза со какао. Какви се овие закони за мајки,едно заспива,друго мислиш ќе поспие да земиш душа,оп ете го ококорено . Ама ајде,нека се здрави и живи. Надвор времево депресија.Си велам подобро на зима што се роди,дур пркне пролет таман големки за шеткање на сонце.
Полнети пиперки се крчкаат, што стигнав избришав,и јас така баталив генералки, секој ден по малку и чисто е.Генералките ќе почекаат за некои подобри времиња.Плакарот е кркамбар,ама баш ми е гајле,горда сум и на олку сама што постигнувам.Алишта и јас сушам секаде,по радијатори по соби,мм само ме кара,му викам купи машина,ама се мисли на која картица да земе на рати.
На бабите им дадов отказ ,кога сакаат нека идат,освен играње со деца фајде немам.Вака,организација добра, се средено и намирено.Вчерa дури и 20 страни од книга прочитав.Сега спијат двете мали,големото е на школо,па време за себе.Сакам да спијам,но не можам,после главата ми пука.Доволно е три четири саати сон на неколку пати нели .
Викендов накитивме украсивме,радости се,ама малото туку вади лампиони и ги пика во уста,бомбони биле.
Право да ви кажам се мислам како ќе излеземе за прв пат со сите три.Колку торби ќе ми требаат,како ќе се наместиме во кола,ќе треба комбе да купуваме веројатно.
Ми се оди на одмор,на плажа, на сонце.
Пријатно попладне мајки,ова ко на вести да сум ми звучи

 

Долго немам пишано во темава.
Добар ден.

Бебе спие , ама сега за пола саат би требало да стане. Таква ни е дремката од 13 до 16.
Го наручав и право фати позиција за кревет , а јас седнав со кафе и цеден портокал.

Деновиве такви нервози имам , со бактеријата што ја има бебе ,значи усвет ми се фаќа од оваа наша проклета држава.
Минатата недела цела недела носам копрокултури , резултати требаше петок , па не петок понеделник , денеска се понуди свекор ми да оди да ги земе , среќа што имам една другарка таму викам чекај да се јавам дали се готови. И замислете уште не се. Исто се сомневам и во веродостојноста овде во нашиов град. Значи цел ден за тоа се нервирам. Мм ми вика не се нервирај ќе однесеме примерок во ремедика и готово, ама јас не сум мирна .
Плус се ближат празници , јас претходната недела со некој термини и доаѓаше баба ми да го чува малиот цела недела. Женава и цела куќа ми ја светнала , кога успеала со мали ја стварно незнам. Ама тоа сум слободна.
Врв на се во петокот имав страшна кавга со мм , ама виде дека згрешил и цел викенд ми помагаше , кафе ми прави , готви .

Утре имаме слава , уствари свеки има , ама се понаша како наша да е , се од мене се чека да направам. Вчера баклава правев кај неа , па ме фати жал за мајка она се сама спрема , а и многу гости и идат , па и кај неа бев ја направив баклавата , и си дојдов дома капната , перев едно перде и за да го закачам , паднав директно врз клуб масичката во дневна. Имам две - три здрави модрици. Набрзина додека бањав бебе и јас глава се измив и сум се комирала моментално.

Минатата недела бев до лекар , многу лошо се осеќав , хемоглобинот 70 , кога видов.
Сеа пијам капки за железо ама многу сум омалаксана цело време.

Не ми беше баш позитивен постов , ама денеска понеделник се надевам на една позитивна недела .

Имајте убав ден.

 

Викенд безвезе поминат!
Ај што ни се врзани и раце и нозе сега со колата, мораше ли малиот да се разболи пак!?
Дете почна нагло да плаче, да се жали на болка во грлото.
Кога отвори уста што да видам крена и тт.
Баш во недела баш на дежурен, баш без кола
Некако се снајдовме, не префрлија до болница, си заслужи синко пак антибиотик.
Овој пат, за среќа док. беше странец му зема и брис (за прв пат овде) кој беше негативен ама имаше воспалени уши и ангина па затоа и антибиотикот.

Овде нема ни снег, дете цел ден чекаше да почна да паѓа, мм му покажуваше слики на фб како сите се сликани на снег па овој с'клет го фати.
Иначе овие денови ќе си седи дома, оваа им е последна недела, од петок почнува и распустот.
Може ќе го пуштам последниот ден да се поздрави со другарчињата

Друго се си е исто.
Празниците ќе ги поминеме овде како и секојпат.

Пријатна вечер мајки, и честитки на сите родендени, имендени, новороденчиња да не ве тагирам посебно

 

Добро вечер мајки
Дојдов кај мајка да и помогнам за празников, сестра ми само шо замина, на смена малце да и одмалиме на жената, не може сѐ сама, па уште и работа да спрема за вработените.
Го оставив малото со мм дома, од вчера е со растечен нос, аман веќе пак. цел ден само 2 сати преспа, вечерта до 9 не сакаше да спие, а уморен многу, ноќта средно жалосно. Се на се, 2 сати ми се фатија спиење. И вечерва не очекувам да е нешто поарно.
А борба водиме со чистење, ко да го колиш вришти и мава. И така си диши низ уста, едвај диши, свеки го наоблекла со 3 пара чорапи од кои 2 термо, боди, блуза, елек се дебело плетено. Нормално под итно го слеков елекот. Па уште дома сауна, не се дише, таа ладно ќе му било на детето, абе аман.
Значи почнав да се нервирам секој ден руча во 4-5. Сто пати имам кажано, и гледа за викенд дека давам ручек во 2, таа тогаш го заспива. Џабе викам, џабе зборвам. Се правда дека не знаела шо планирам да му давам. Цела тетратка со рецепти и идеи за доручек и ручек, таа не знаела. Туку ај доста замарам со глупостиве мои.

Елката конечно ја накитив, бебе ги пофати сите можни лампиони и ѕвончиња и толку беше. Сега само ја гледа и тек тук некое лампионче ќе чепне. Умен ми е. Јас очекував да ја сруши одма.

Мажов си ги споил празниците од Нг до Божиќ, со се слободни денови вика дури на 10-ти на работа. Мене ептен ми одговара, најмногу сакам ко ќе сме сите тројца на купче, си играме, се смееме, малово само изведува нешто, смешки е. Пак сакал да не носи на скијање. Колку не сум јас за то ауу но но. Мразам снег, ладно, чизми, па уште ко ќе се стопи, ужас. Тој пак 1 метро сакал да заврне. Да ама да не мора да одиме на работа и да си уживаме на топло. Само преку прозор сакам да го гледам.
План за Нг немаме, ваљда ќе си седиме дома, пакетчиња скоро спремни за внуците вчера изнакупивме, уште по некоја играчка да им земиме и готово.
Ај мајка вика, поздрав.
П.С Среќен роденден на малиот на @VedaG10

 

Да пишам нешто пред да одам да се избањам.
Маж и дете успиени,јас си уживам сама.
Градинката пак ми работи со скратено време,ќе си пукнам.
Отвараат пола час покасно и затвараат цел саат порано,претераа веќе.Па и викаат кој можел да си ги земе децата во 2 часот,однисно после попладневната дремка.Немале персонал.Кај мене кога нема персонал не викаме на пациентите одете си дома не седете тука.
Утре пак ќе оди од 8 до 2 и пол.
Оваа година рекордно беа со скратено работно време до сега сигурно 4-5пати.Еднаш комплет затворија и цел месец си го носев детето во друга градинка,како демек вонредна ситуација
Инаку нека ми е со лесно,оваа недела 2 ноќни.
Малиот ќе ми го донесат на работа во 6 и треба да седиме во некоја пекара до 7 и пол додека отворат.И најкасно во 4 поручек треба да си го земам.Ќе бидам со 5-6 саати спиење оти пат во еден правец ми е половина час најмалку.
Оваа година за Божиќ ќе им купам нешто благо и не се замарам толку како претходната година.

@vitamina баш ми е мило што сте завршиле работа,Прочитав во друга тема.Екстра ти пребарував мислења.Те мислев ептен се намачивте со колата.Сега можете да се опуштите малку.

Убава вечер на сите

 

Ајде и јас за прв пат да напишам нешто овде. Вечерва ни е втора вечер дома. Првата помина доста бурно. Бебуш спие преку ден,па навечер е буден. Вчера буквално очите сами ми се затвараат,па се менувавме со маж ми. Денес успеав да поспијам преку ден,во случај да сум пак дежурна вечер. Ама никој не рече дека ке биде лесно. Само навистина на почеток не е лесно,се чувствувам тотално беспомошно кога плаче,а не успевам одма да го смирам. Поготово со менување пелени,плаче како којзнае што да му правам. Ама ајде до сабота,па доаѓа мајка ми,кога има некој тука првиве денови полесно ќе ми биде. Се надевам.