Мајчински муабети (не е за барање совети)

Среќна Нова 2019 мајки, жени, краљици.
Нека биде годинава пред се' полна љубов, да сме здрави и на број!
Повеќе секс, повеќе насмевки, патувања и радости, помалку кавги; настинки и финанскиски кочници.

Ние си ја испративме 2018 како што и си замисливме. Винце, мезиња и пижамки. Во 12:30 веќе бевме сите во кревет и слушавме огномети. Се почастивме со маж ми сабајлето една љубовна партија и да се надевам дека цела година ќе ни биде таква. Дури и после тоа сонував дека пак сум трудна . Си гледавме Виенскиот концерт со какао, малата проба првпат кашичка јаболче и ориз и задоволно мљаскаше. Остваруваме!

Ден втори - се дојадуваат сите сармички, чварки, теглички руска и кифли. Бевме кај двете баби, ни купиле соодветни пакетчиња со пелени, пудри и јекодерм.
Денес и на Водно се качивме, ние кафица, малата спиеше ко Заспана убавица. Скопје одозгора е како низ пајажини. Грозно. Се надевам на почист воздух за нашиве кутри дечиња, работава е чекаме ветре секој пат за да дишеме.
Се договоривме утре здравје да прошетаме низ продавници, да си купам капут, маж ќе части Ја го чекам утре поклонот и ќе му го дадам за Божиќ. Многу го сакам и не би го сменила ни за 100 мажи на светот колку и да ме нервира и фрла чорапи насекаде. Ни посакувам повеќе одмор и барем во 2019 да отидеме некаде подалеку на одмор сите тројца.

Прегратки жени, уживајте во празниците!

 

Среќна нова година женички,ви посакувам да сте живи и здрави,цела година среќа да ве прати,само убавини да ве пратат вас и вашите најблиско;и секако помалку болни дечиња.
Ние прославивме со друштво убаво поминавме се опуштивме ,деновиве со гости турбо,ми фали сон,дечките добри умни раснат,секој ден се помирни и си заигруваат заедно
Ве поздравувам имајте мирна ноќ,заспаа малите идам да изгледам серијата

 

Добро вечер од мене. Им се восхитувам на новите мамички или мајки со повеќе деца,средени,стокмени. Јас кутрата како од поплава исфрлена,максимум ми е да се измијам и исчешлам насабајле. Дома скоро па не проодело.Бебе цел ден само вришти плаче. Најадено,наспано,чисто,средено,пак вриска. Кога поминува фазава? Мајка ми ме теши со 40 дена ќе се сменело малку. Не се надевам нешто многу,ама ај. Уште па и се разболев. Кашлам,температура,бебе и оно сирото кашла. Ужас. Тотално сум исцрпена,не знам како воопшто ќе издржам. Сите демек помагаат го носат помалку,ама чим ќе загусти одма кај мама во раце пак. Маж ми и тој си има некои свои фази,па уште додатно ме збудалува.
Се ова ми дојде некако многу наеднаш...

 

И јас не верував дека ќе сменат 40те дена. Ама сменија. Бебе престана да плаче беспотребно преку ноќ.
Иначе исто беше и кај мене.
Само со цице не плачеше. Или беше на цице или плачеше.
За чистење, ич не му се секирај. Не ти бега тоа. Кој колку може нека фати, ти глеј си бебето.
А за средување, ќе се средиш.
Како расте, си фаќаш цаката и се си се мести на свое.

 

Те читам тука како себе си да се читам. Не знам дали сум пишувала тука не се сеќавам ама ваква бев и јас.
Ваква се додека не најдовме цаката на бебе.
Земи инфакол капките на природна база се и на 3 часа пред млеко ќе му даваш од епрувета јас ти гарантирам дека за 2 дена бебе ќе престане да плаче.
Плаче од грчеви, што од додека се навикне на нов свет далеку од уторбата, се му е ново и непознато баш исто како на тебе
Он плаче ти плачеш дека ти ненавикната на него и обврските а он на средината.
Мајка, СЕ ќе се среди!!
Дај си време за себе и за бебето да се навикнете и да поминат фазиве што сите ги имавме на почеток буквално сите.
Тебе мајка, свеки ти помага а јас бев сама буквално сама со маж.
И плачев и врескав од болки од психа од све ама помина за час.
Излегував и на свеж воздух оти хормони ми работеа да се изладам оти вриев
Знам како ти е затоа викаат со второ знаеш како е па поминува и чекаш.
Да, после месец до два поминува фазата, ти се навикнуваш он се навикнува. Ќе фатите ред и тоа е тоа..
Издржи ќе помине и ќе видиш како убаво ќе си фунционирате
Нон стоп те тагнувам оти кога те читам се навраќам на себе си од ред до ред .


Ај сега добра вечер на сите, новава помина, честитките поминаа, на ред најубавиот и најхармоничен празник, бадник, божиќ.. добро за божиќ тука се работи де, бадник недека е да така ќе свариме гравче риба зелник и слично.. едвај чекам се радувам многу
После василица и стара нова, па водици и така ќе одмине најдолгиот месец па февруари трифун ќе дојде и ајде после март и пролет како го кажав ова чиниш утре е

Овде ладно, не сакам да замислам во мк како ви е со минус 15 јас не би, мразам преладно тука фино е до минус 3 се јаде..

Денес велат дека што ќе правиш денес така ќе биде и целава година, па нека биде, убаво минавме денчето..

Да кажам уште дека многу ги сакам двајцата, љубов ми се, живот ми се и тоа..

 

Среќна нова на сите жени кралици! Еве прв пат и тука да пишам. Вечерта за нова година си седевме дома, малата (15м) заспа, ние пиевме греано винце во 12:05 веќе си бевме во кревет. Се нервирам што не можам да најдам асална жена за да ми ја чува, а во градинка не смее да оди ради рефлуксот на бубрег. Месецов сме на контроли и за бубрегот и на ортопед. Цело време со обврски, што за дете, куќа, работа, мислам и со празнициве само бетер ќе се преморам. Со маж ми почнавме со муабети за второ дете, ем премногу сакам, ем само викам рано е, како ќе се снаоѓаме со две по дома. Ама и јас не сум умна може поубаво на мала разлика со нервиве што ми останаа да ги пораснам, да не си ги пројдам годините само со пелени расправање Ве читам и ви завидувам како некои од вас се снаогаат со две па и со три дечиња. Ми створи несоница и епидемијава со морбилите, уште ја нема примено вакцината, а свашта се изначитав и изнаслушав. Ве поздравувам, имајте убави сништа

 

Мајкички, ај кажете ми како полесно да ја победам настинкава?
Само кивам, не кашлам,немам Т, ама носов де ми е затнат, де тече ко чешма .. Бебе штотуку се опорави од бронхит, денес почна и она да кива, ја прифати од мене
Освен жалфија кои други чаеви не се пијат при доење?

 

Мислам и нане, како да ми останало во сеќавање и тој дека намалува лактација. Многу чај, супа, вит Ц земи си, овошје. Инхалирај се, ако немаш инхалатор со крпа над тенџере со топла вода (внатре камилица или морска сол)...

 

Веќе ти кажале и други ама еве и јас са ти кажам: фаза е и ќе помине.
Мислам дека си и скоро породена, така што се е нормално. За средување не се секирај, ќе имаш време, ќе пркне бебето и ќе бидеш послободна.
Ако имаш помош дома нека чистат, прават јадење а ти со бебе гушкај се.
Јас со првото на моменти бев во хаос, дека не знаев ништо. Сега со второво сум многу полабава, не дека не ме удираат хормони во глава ама сепак знам дека за кратко ќе пројде.
Земи капки против грчеви, нас Еспумисман ни помагаат, пиј ти чај од анасон ако имаш, опушти се и ќе се среди се. Ќе пројдат грчеви па ќе дојдат заби и оп ќе дојде прв роденден

 

Добро утро мајки.

Мм од први на работа е дежурен, од 7 до 7 на работа и потоа на повик во секое време значи 24/7. треба да биде достапен.Не дека инаку си идеше во пристојно време.Но барем некој викенд дома беше и празниците заедно ги поминувавме.А сега ќе работи...белки ќе има среќа нема да има многу работа.

Најубав,но и најдолг месец во годината.Имаме многу празници,имиња,слави и крштевката од дете ќе биде на крајот од месецов.

Еве дојде и јануари,кај и да е ќе дојде и денот кога синко ќе стани христијаниче.Многу не се траштам за слатки маси некое слатко готово и некој грицки за деца ќе ставам.
Знам уште од сега дека дете ќе пишти и од поп и од кумот.Повеќе си го има со кумата ама демек не се продавало кумството на жена.
Глупости во боја.

Што имунитет ќе имав две недели настината две здрава еве го трет месец со ред.Носот затнат па еве сега пијам кафетин голд со надеж дека ќе помина за ден два без дете да го прифатам.Знаете оти ние одиме во пакет кога се работи за настинки.

Вчера цел ден ништо не правев една супа сварив и алишта што внесов од жица дома да се додушат,друго ништо.Мм си дојде кај еден од работа и сите отепавме една дремка од два часа.


Мм сакал зелник,па зависи од расположение на дете ќе стуткаме два.Еден пица зелник, а друг со кромид и месо мелено.Ама прво треба да тркнам до маркет да испазарам.

Одам да варам кафе кој е за....
Се читкаме.
Имајте убав ден.

 

Добро утро мајки!

Годинава ја почнавме со настинка. Јас затнат носот, кашлам, кивам, бебе и тоа почна да крчи, докторката и е втора смена па ќе ја носам после да ја слушне.

Мм прва смена е и се договорил за вечер да дојдат гости на повојница ама ќе му речам да им откаже, да не се доразболи бебе уште толку ако има некој настинат.

Многу му се радувам на Божиќот што иде, мојот омилен празник, наш прв заедно како семејство.

Бебе заспа, одам и јас да одморам уште една партија.

Имајте убав ден.

 

@24.07 сваќе нас кумот не венча , а кумата ја крсти малата.Во ист ден така си сакаа они.Попот многу работи пререче ама не и тоа.сега ми текна твојот е машко може ќе го внесуваат во олтарот па може затоа треба кумот да биде не знамА може тоа и попот го правиЈа то незнам женско имам

Добро утро

Да не сум офф топик да пишам нешЧо.
Се возам на работа малата на градинка.Кај нас работи градинката Мислев само ние ќе сме оно 3 деца само не се.Утре имаат сауна ама само деца без пелена .Не знам дали спаѓа таму со обзир дека не и ставам пелена неколку дена и навечер , заборавив да прашам ама не кака во нокшир.Ако ја носат имам еден список со милион работи што и требат.Не сум ни мислела дали имам се.

Малата ми е гушкало само гуш сака од сабајле.Едвај ја спремав Само земи ме и гуш вика.Се си мислам само дете е полигаво од две деца.Еве гледам една жена тука со 4 деца.Си одат до количката на бебето , а мојата земи ме земи ме.Или пак јас си ја научив така Туку ми текна ќе раѓам додека можам.Штом дојде детето до таа возраст да каже земи ме, а е тешко ново дете.Третото пак каже ново дете Туку ако сите кажат земи ме
Туку кога ќе кажат ам Ќе си ја гушкам ама 10 деца не раѓамАбе ај доста тропам глупости.
Море ќе си тропам мој пост мои права

Имам уште многу да пишам ама ме мрзи и стигнав веќе

Убав ден

 

Добро утро

слободна сум денеска,ама пак си имам термин и треба прво да го расчистам хаосот по дома

Леле колку се нервирам дете не сака во градинака.Не знам дали е период или што е,ама уште од дома кенка не сакал,се плашел.Го прашувам зошто,што е работата само ми вика се плашам.А, веќе втора година му е како оди на градинка.
А, претходно многу сакаше да оди во градинка и ептен се радуваше.Туку многу често му менуваат воспитачки,викам тоа да не е проблем.Омилената му доаѓа од наредната недела.
Денеска сакав да се јавам да прашам дали се смирил,оти вриштеше кога го оставив.Пробав со убедување не помина.Ама никој не дига телефон и си седам нервозна по дома,до ништо не ми е дојдено

Туку синко станува опасен.Синоќа среќа што се развудив сред вечер,оти биоритамот уште не ми е навикнат да спијам навечер.Ми вика дај ми млеко.Бев будна,ама реков нема оти сакам да намали со толку пиење на течности,никако да се одвикне и постојано не буди за млеко.
И ѕверката ни две ни три стана од креветчето и слушам што ќе направи.Се качи на столчето во кујната и го запали чајникот за топла вода.Му го разредувам млекото со топла вода оти многу пие и не ми е здраво да пие по толку многу млеко.
Мм топ спие гајле нема.Му викам абре слушаш што прави детето,вика ништо не сум го осетил оди додека не се попарил
Од утре ќе го гасам од штекот,опасен е сам за себе.
Тежок е на карактер многу станат.

Тоа жени ај да одам си се пожалив и да терам работа.Не ми се ич станува,ама морам.Убав ден на сите

 

Велком ту д клаб. Мислам тука некаде се, моево смени 300 насто. Среќа сака уште у градинка. Гасиме светло за да спие и ми вика Неќеш спие и пали светло, се тепа ко да го колам кога е време за спиење. Му текнува некаде околу полноќ и вика Добра ноќ и не бацува и си легнува, кога он сака. Леле мале што ме чека. Касно заспива и касно легнува, тоа е, данок на празници и боледување дома.

Ај добар ден мајки! Јас памет немам од новите мерки на владава наша, ќе полудам ми се чини. Се надевам за недела дена ќе помине лудилото, оти не можам повеќе да се расправам. На работа немам право на боледување иначе ќе земев 2 недели за мене, 2 за дете и ајт. Денес на работа ништо не завршив, ништо. Зборев со шефот и најверојатно следна недела, па и оваа ќе одам порано за да може мм да оди попладне на работа и така да комбинирам некако. Се надевам лудилово ќе заврши следна недела.

Туку ајде пријавувајте колку килца ќаривте празнициве?

 

Луѓе детево не можам да го избањам. Вришти ко за колење. Страшно е. Мислев ќе помине, ама веќе цел месец е вака. Како ги убедувате да се бањаат?

 

Никако, плаче и бањам. Особено главата кога треба да се мие, плачки ненормални. Со големиот поминавме, со малиот уште ни трае фазата. А почна некаде на година и пол.

 

@AngelOfArh изгледа една фаза им помине дојде друга и полоша.А,си викав ќе пркне и полесно ќе ми биде.Немало врска.

Се нешто му текнува.До вчера не му беше интересна фиоката со апчиња.Знаеше да ја отвори,ама не чепкаше по неа,сега како магнетизиран е од апчињата.Се сум префрлила во шкафот кај детергенти.Метален е и под клуч.

@Cka ние се бањавме заедно во кадата додека не му помина таа фаза.

 

Добар ден и од нас

Јас пропуштив сабајле терминот кај гинеколог и не ме примија покасно кога ојдов
Никакво разбирање да се немало,ова за сестрите
Презадоволна од докторите ама ги сменив одма!
Си направив термин кај други и одма ме префрлија
Поблиску ми се и нема многу чекање

А зошто закаснав?
Ќерка пак го извади гипсот
Пак заглавивме во хирургија
И го наместија стариот кој веќе е раширен и лесно го турка
Таман стигнавме дома пак го турна
Се јавивме да одиме утре и нов да и наместат
Јас дека 3 пат одам со нејзе и го наместив пак стариот,сама,колку да не се повреди до утре
А како што има почнато ќе го истурка пак
Вришти колку ја држи глас ден и ноќ
Исцрпени сме сите до еден
Страв голем,како ќе и зарасне коската ако прави нон стоп вака,или што ако и се помести
Тешко,многу тешко....
Како ќе издржиме до 16ти?Само да не се искомплицира.

Чекам да заспие и да пијам едно кафе
За чистење имам многу ама немам воља

Колку негативно ми почна годинава се надевам брзо ќе се вратам во нормала

Убав ден

 

@TeddyGrey @vitamina Фала ви што споделивте искуство со мене,да знам барем дека не сум единствена на која и се случува. Денес пробавме нови чепчиња,па еве го сам си заспа,се смири малку. Барем психички да одморам од плачење.