Мајчински муабети (не е за барање совети)

Кога пишав нешто во смисла дека не се разболувам? Епа вечерта болна паднав како мажите што паѓаат. Седам и се ме боли, немам сила. Неспиењето и исхраната си го направија своето. Пред се ќе речам неспиењето, исхраната и онака последниве две години не ми е на завидно ниво, баш во период кога треба да биде. На работа бев и како вечност ми беше, едвај се довлечкав после до дома.

Само правам пиши бриши па барем да ве поздравам.

Со првово дете забременив како здрава девојка (не сакам жена да се викам ) и денес сфатив дека моево тело не е тоа што беше за второ дете. Треба да поработам на здравјето.

Многу сакам да кажам ама немам сили да пишувам.

Добра ноќ

Се надевам нема да е будна со саати малата баш оваа ноќ, навистина не можам.

 

Добро вечер
чекам да ми се исуши косата и си легнувам,ме мрзи да ја фенирам.
@galapce @Mari* @blessed.an
со лесно женчиња.Побрзо да ви оздрават најмилите.Нема потешко на една мајка да и е болно чедото.Гушки за сите

Ми лета времето,ми се лизга низ раците.Ништо не направам,а додека се завртам летнал денот и ми е време за спиење.
@gjoker4e и јас се осеќам исто,ако би требала да родам второ.
Од една страна убаво е да се две,ама без помош од никој тешко како ќе ги изгледам.А, и телото не ми е како порано.Од што немам енергија,јадам нездраво плус недоволно сон качив 4 кила.

Туку пред некој ден сонував ужасен сон.Како сме се возиле со синко во автобус.Тој се симнал на станицата пред зградата,а јас од гужвата не успеав.Автобусот тргна,јас притискам за да застане и викам по возачот,а тој ме погледна и не реагира.Си го видов детето како мине на пешачкиот само и како изгубено гледа наоколу и се разбудив.Леле таков страв имав што не можев да се смирам откако се разбудив.

Јас од утре почнувам да спремам за Бадник.Ќе направам сарма со праз.Задутре ќе направам баница,лебче,гравче и ќе спржам риба.
Се тоа се прави брзо.
Тестото го месам во пекарот за леб и после само делам или растргам.Не го печам лебчето внатре.Не ми е убаво ако е цело.Си го правам на пупиња и како погача.Да нема после лутење,оти така е најчесто паричката на средина во Господ
А, да зедовме црвено вино македонско Мерлот благо како сок да пиеш и многу вкусно.Се сме накупиле,само да се спрема.

Роденденот одлучено е во детска кафитерија да се слави,само мајки и деца.За некоја година да потпораснат ќе правам само деца,а роднини и пријатели може да поминат на крај на мезе.Така прави и братучед на мм и најубаво е.Детски роденден е за деца не за воздрасните.
Таман 2 соби со столови и играчки.За игротека се мали,ќе се изгубиме.Оваа до нас е 3000 qm.Се мислам дали да правам или да порачам торта.Претходниот пат беше многу убава,ама скапо фати.На крај не се изеде,па јас како манијак помини замини за 3 дена ја сама изедовЌе видам што како ама може и ќе викам деца и мајки од градинката.
Ајде има време.Најбитното е закажано,останатото ќе се среди постепено.

 

Здраво!
Како ни тргна годинава едвај чекам да заврши а тек е петти ден од неа.
Вчера правевме мини сообраќајка.
Не бевме ние криви туку тој слепецот што вози напред па назад и брз никакви сигнали кај оди. Ај мм што имаше пуштено трепкач дека оди лево па не подбра и тоа саглам во десната врата . Среќа малку беше и ќе си подмири давачки околу неа.
Деновите со маж и дете исполнети со гушкања и среќа љубов ми се.
Бевме во Банско на 5 дена и супер си поминавме уживанција. Наполнив батерии на макс.
Маж наредна недела ќе оди пак на пат за да среди документација за стан и од 1ви Февруари ќе можеме и ние да заминеме со него т.е ми даде полномоштво со мали сами да патуваме.
Се надевам дека се ќе е во ред до тогаш.

 

Здравејтее! Се расонувам со кафе, а веке 10 е часот! Касно стануваме, и деците спијат уште! Ама и касно легнуваме , па ме фаќа нервоза периодот кога треба да ги легнам малите а се нешто се дешава за да се развлече заспивањето. И кооонечно ќе заспиат , прекрасна тишина !
Кафе да не заборавам да ве послужам
Надвор мнооогу снег, права зимска Божиќна идила! Јас као не сакам снег, ама на овој ептен му се радувам затоа што знам колку ќе се израдува поголемата ќерка кога ќе види! Вчера убаво се изнаигравме надвор, се санкавме, маваме со снежни топки, се изнатрчавме, се изнадишавме чист воздух. Убавини! Денес пак така! Да појадуваат и одиме надвор! Со бебо ми е страв низ снгот, да не паднам со неа во раце, па не знам како да изведам да ја прошеткм и неа! Сепак е подледенко бајаги, а одозгора нов снег. Вчера на тераса ја вадев, се надиша чист воздух!
Се разболе беба, уствари она стално е со мрсули , досадна работа! Ама сега пред празниците и пред роденденот малце повеќе се разболи па се влечкаме по болници. Сепак оздравува веќе, се надевам пред роденденот ќе е сосем здрава! И да, за брдејот се спремаме, нарачана е облеката па чекам да ни стигне, белким не промашив величините! Нарачана е и тортата, си течат сите подготовки.

Утре Бадник, ќе вечераме кај свеки, а ми се сака и дома да си спремам вечера ... сепак ќе видиме како ќе е. Лани и дома и кај нив бевме, можеби и оваа година така ќе изведеме.

Ете станаа дечките, поточно беба стана! Дадата сигурно до 11 ќе спие. Страшно пореметен ред, ќе мора по празниците да си тргне пак во градинка и да си почнеме со порано станување и порано легнување.

Поздрав мајки, одам да спремам доручек , па и за бебо треба нешто да смислам за јадење. Потоа одиме на снегот!
Убав ви снежен ден!

 

Здраво мајки
Весели празници, живи и здрави сите, ма здравје да си имате само вие и вашите, а после и се што ви душа сака

Да пишам ,па ќе ве исчитам. Ми се собрало доста. Цела недела немам спиено асално, ме мачи нешто за малово, се надевам ништо ќе е , ама пусти паники ... А и следна недела имаме уплатено во Боровец,се надевам ќе се реализира ... Оти нас Марфи многу не сака

Дечкото мој, само дрдори по цел ден, јас го карам он ме кара,се разбираме некако , а конечно рече и тата ! Незнам што толку долго му требаше Тато уште не признава не му значело тоа ништо,не разбирал така- си викал, ама се топи му се познава

...Го сакам Бадник многу Ги сакам јадењата на трпеза, гранчињата, дечињата на врата Ќе спремам мали пакетчиња исто ко лани (мандаринче,бонбони,ореви,костени,крем бананки,парички,лепчиња)
Лани имавме многу деца ,ќе видиме сега ...

Новата ја поминавме онака, со некои "тешки" муабети, со друштвото бевме, едниот пар нели им почина бебчето на пораѓај, а лани беше трудна на новата, многу беше тешко едвај седеа, па го зборевме тоа зошто се случило, па одлучиле на инвитро , а јас во себе им посакав не едно туку две да имаат оваа година...
Ме изнервира и друг момент со "баба му и дедо му" ама ај не би за тоа. Нека им служи на чест, Господ има. А од вчера, малото се научило деде вика! Викам на кого бе мама ? Едниот не дочека,другиот те нема видено од роденденот

Вечер ќе месиме колачиња (маж ми меси) ,а утре зелниче со готови кори и праз,рипче,гравче,макалце и тиква печена ...

Убави празнични денови Гушкајте се многу

@galapce тебе посебно те гушкам... Бидете добри,еднаш засекогаш

 

@eli25 fala sto me pomisli mila ♡
Me snema malku podolgo, nekako nemav vreme za internet, a forumov odzema dosta vreme ako sakas da sledis se... se nadevam ke naogam od sega pocesto pak vreme za temava. Obozavam da ja citam.
@karibian pozdrav i do tebe, fala na pomisla lesna bremenost i cestitki, bas ubavo

Ve pozdravuvam site, vi posakuvam ubavi zelbi vo godinava sto dojde, samo ubavi raboti da ni se slucuvaat.

Prostete za latinicata, nemam mak podrska na ovoj telefon (npoklon od mm za nova bidejki maliot mi go sredi stariot )
Vreeto si pominuva, rabota, fokus na karieren plan periodov, no milioto doma e najvazno od se. Kako slatko vika mama, tato i site drugi zborvinja sto gu naucil prosto se topam. Nema poubavo nesto od razvleceno mamooo koga bara nestoo... Neka mi e zdrav i ziv no ne zastanuva ni sekjnda, posyojano vo dvizenje, pentarenje, drdorenje....sam ne se zaigruva, crtani ni pod tocka razno ne saka....vo gradinka seuste ne odi...mislev od nareden mesec ama i so vakcini docnime, pa kojznae sto ke napravime...
Neka pominuva ladnovo...sakam da setame i da ne gree sonce...doma ne se izdrzuva, igroteki stopiravme poradi epidemijava...samo po gosti odime i gpsti cekame...
Se raduvam za badnik i bozik, najtopli praznici za mene. Osobeno ovaa godina koga bebeto moe se razbira, edvaj cekam

Ke pisam pak na podolgo.
Bidete dobro ♡

 

Добар ден,значи како ми тргна годинава со душа и срце чекам да заврши,малата од новава па навака со стомачен вирус кој не мине бре никако,си забршивме на детско одделение со инфузии,инекции и еден куп боцкања,детето ми се истрауматизира скроз,спие и плаче секој ден по 5,6 пати ја боцкаа,што за крвна слика што за инфузии,ми се стопи дете само спие,ништо не јаде,се стопи,ми изгоре срцево бе мајки ми изгоре,камо јас да легнев болна и да не станев,само таа да ми е добра,веќе петти ден само спие,плаче и лежи,ја сакам онаа стара бебе што беше немирна,што фаќаше се живо и диво,што беснееше и трчаше без допир по цел ден,што не спиеше ич,немало ништо повредно од здраво дете,ја сакам старата мала да ми тррча по цел ден,нее ја сакам оваа што само лежи,ми го откорна срцево,капка крв немам во мене
Се извинувам на негативноста мами,гушкајте деца и радувајте се што се немирни,нема поголема среќа од тоа

 

Добар ден женски.

Денов сонце а грч.

Малиов уште шушка со носето, ама гледам не му смета во спиење/јадење, така да добро е. По 2-3 пати го прскам со спрејче морска вода.

Ме испровоцираа во друга тема, и ме потсети на тешки моменти, од верник што демек се знае за православие, обичаи, Библија итн пред неколку месеци ќе имав нервен слом кога ми кажа дека починатото бебе во пеколот ќе било дека некрстено, и дека плаќа за гревовите на родителите. Јас растена со мајка католик, татко растен у време на Тито, не знам се секако, сеуште учам, и го праќав мм по цркви да прашува зошто се утепував од плачење.

Како што пишав и во другата тема верата и обичаите се пренесуваат со љубов, разбирање и емпатија.

Да имате благословени Божиќни празници.

 

Да се пожалам. Се разбуди во 04:00. Сакаше да и донесам една играчка па едвај станав и ја донесов. Околу 5 се предаде мислам ама не мрднавме од спална. И да сакав не можев. Денес сум малку подобра.

Вчера кога отиде мм ја седнав и се покрив со две ќебиња. Малата седна до мене и таа се покри и не мрднавме саат-два. Се стемни, а немав сили ни сијалица да запалам. Па ме галеше по главата и рацете. Пеевме. Гледавме низ прозор птици и авиони.

Колку не чува и гушка, колку не сака во последно време. Денеска беше многу мирно. Може и избила некоја петка.

Убав ден!

Љубов!

 

Здраво.
Коледе,Бадник Божиќ пред праг а мене ништо не ми се фаќа.Да раскренам да зготвам.Мм го прашав што да направам за Бадник,Божиќ ми вели тоа што ќе најдеме тоа ќе јадиме,гледај дете на оздраве.

Имам кифли замрзнати направени пред новата,имав мастрав купено за баклава и на свеки и реков ако сака да направи.Па ја направи.Сакав и руска салата да правам но исцрпена сум.

И јас сеуште шмркам со носот и почнав да кашлам.Мм сношти само по мене викаше ќе сум го разбудила синко,да сум одела купатило да сум кашлање.

Свеки е тука,таа ќе готвела...
За Божиќ традиција е на трпеза да има пилешко и сарма.
Втор ден божик на слава кај мајка ми.Е прашање е дали ќе одиме заради дете.

Ноќта ја поминавме средно жалосно.На секои две часа мерев тт дете немирно спиеше, се разбудуваше и бараше да пија јогурт. Од 10 сношти тт спушти под 38.Утрово некоја тт 37.5.
Бевме со сами со дете до кај матичната препиша антибиотик.Да следам овие ден-два ако крева многу да го почнам ако не после празнициве да направиме брисови.
Се вративме мерам 38.3 му дадов сируп и откако заспа мерев покажа 36.
Дали е можно толко многу да ја симни?
Дали можи само еден ден да има тт од бакерија?

Стариве и тие досадуваат да сме оделе денеска да го каниме кумот.Да го оставиме дома со нив ааа секако да го мислам и ќе се јаваат до каде сме.Дете не седел со нив,не барал.

И мм е наработа дојде ручавме пак замина,незнае кога ќе се врати.
На мм му реков дете ако е добар за божик ќе одиме да честитаме и ќе ги каниме.Се согласи.

Додека дете спие направив пакетчиња за малите коледарчиња ,уште мм да ми докупи урми и смокви.И готови се.

Се одјавувам....
одам на пуш-пауза.

 

@24.07 На која дијагноза препишаа антибиотик? Дали ја немаш пишано или без дијагноза препишаа антибиотик?
Дека многу мислења прочитав каде што педијатарот дал антибиотик без дијагноза. Чудно ми е ама ете не знам можеби така треба, нека ме просветли некој. Ама нели треба прво да се дознае причината за тт?
Не се карам туку сериозно прашувам. Да напоменам, дека во последно време се мислат се карам.
И дали еден ист антибиотик за се е?

 

Се спремам за утре. Правам генералка. Сеа малце одмор додека спие малата па кафе пиеме со маж ми.

За утре ќе месам леб и грав ќе правам, а риба, сарма и зелник ќе купам.

Сеа да спремам и за коледарчиња, а и ние по комшии ќе одиме. Прв пат малата сфаќа се па ќе биде забавно со паричката.

Не вратија од вакцина болна била па подолго ќе си бидеме дома значи. Ако речат се продолжува епидемијата ќе живееме цел јануари секако најдолг месец е, сеа оа бетер. А баш си се научи у градинка, 6 деца се и сите ги знае и ако некое фали тажно кажува дека била болничка. Па и на учителката кога си оди и вика чао те сакам највеќе на свет, а сеа пак дома.

Прв пат бадник и наша дома. Радост. Лани паричката беше у куќата

 

Nema vrska ne odat vo pekolot ti samo koga ke odes na crkva ke si pales sveka I za nego jas taka pravam oti zivotot zapocnuva so zacnuvanjeto a so krstsvanjeto bebeto dobiva angel zastitnik

 

Направивме крв,слика и покажува бактерија.Моментално немаме тт се надевам нема повеќе ни да крени . Предходно имавме бактерија и ја лечевме до 21 декември.
Во ноември крена три дена тт и покажа исто бактерија во нос.

А сега док.се сомнева во грлото дека е црвено.Но јас не верувам мислам ја има сеуште во носот.Таа ни даде само спреј од диво оригано да прскам во нос и грло.
А сирупот ни го даде во случај да крева тт за да дадам викендов пошто се неработни плус и понеделник е неработен.

Антибиотик го има на листата на антибиограмот од бактеријата што ја имавме (можи сеуште ја имаме).

Истово ова лани го поминавме само без тт. Секој месец проверуваме брисеви и позитивни тестови.Тогаш друга бактерии. сега друга.Таа лани ја лечевме три месеци и ја оставивме организмот сам да се избори.
Работиме на јакнење на имунитетот.Да помине сама од себе..

Сега викаат дека оваа стафилококава била полоша од стрептококата.Читав и на гугл,и прочитав триста болести од кои се добила и сепса.
Скраја да е.

 

Со маж ми имаме дилема ако делиме за куќата и ако се падне во неа газдата на станот ќе инал среќа а не ние

Не се оптоварувај повеќе доста мислам се измачи и со мисли и со се,да ми тие лепотанот здрав и жив за се друго кој кажал како кажал нема потреба да те интересира.
Немаш потреба нит палење свеќа во црква за него бидејки тоа само ќе те потсеќа и ќе ти биде полошо.
За мене што не се збореше господ нема да ми дал дете бидејки сум се откажала од првото.
Сега каков ангел имам до мене со посебна убавина

 

Добар ден мајки .

Убав ден денес ,па и утре и задутре .
Време за јадење и за уживање со фамилијата .

Денес бевме да го шишаме мали .
Имаше подолга косичка.Јас до сега го кратев ама дојде време за фризер .
И сега е долга косата , не е шишан кратко како секое машко ама ова е веќе фризурка .Не е Могли веќе.
Он е фраер на мајка .
Секогаш сум сакала машко со косичка и такво си имам

Спиеше 3 саати . Па следеше ручек и еве до сега заедно ги правевме пакетчињата за коледарите Јас стави он извади Забава без крај
Утре и ние ќе одиме на коледе.
Спремна сум за пеење

Вчера за промена бев излезена со другарки .Ми фалат искачанките со нив.Муабетите. Се поретко се гледаме и криво ми е. Си ветивме дека ќе се потрудиме за почести средби.
Не е исто муабет на вибер и муабет во живо.

Вечер сакам да го однесам син ми на оган ама не знам се мислам. Температурата е во минус.Ама па и ако го симнам ќе биде кратко 15 -20 мин. Не знам на два ума сум .
Ај ќе видам

@blessed.an @galapce ви ја пуштам цела среќа за дечињата да оздрават Вие сте силни мајки
@DuchessAnn ако слушаш секого ќе се изнаслушаш глупости . Не сум упатена што ти се случило но како и да е да си правиш како тебе ти одговара и како ти можеш да си најдеш мир после се. Такви трагични муабети и измислици не ни треба да и се прават на една мајка на која и е претешко

Имајте убави празнични денови .

 

Моник и ние од навика скршивме за куќата, а у туѓ стан и одма реков не ај за новата е ова )

 

Па и ние да скршиме за да ни се оствари за нова наша дома

 

@monik55 @VedaG10
Само да ни се здрави и живи на сите дечињата.

Се потсетив само на тие моменти, и таа личност која ме изремети тогаш се прави пред народ дека е најголем верник, се знае и почитува, а осудува и напаѓа од друга страна. И ме изненади ептен неочекувано. Не можеш да знаеш дали некои луѓе се јагниња или волци во јагнешка кожа, а се кријат под превезот на верата.