Мајчински муабети (не е за барање совети)

Моето е 20+ и е исто како што си опишала. Ќе се навикнеш. Веќе воопшто не ми смета ништо. Би требало да станува збор за заби. Со тек на време се повеќе ќе изгледа како да има некој ред. Остани истрајна во будењето рано. Другото ќе дојде само по себе. Мачкај гелче или порачај хомеопатски гранули Осанит од Германија.

Добар неделен ден!

Ден кој ми е симболика за семејство на купче ама на мојот маж таква му е работата и во недела да работи.

Битно ги зедов весниците да се порадувам малку.

Една жена ме сретна по скали вика рацете ќе те болат цело време во раце ќе ни купела таа количка и рече на ќерка и да видела на интернет. И викам ама џабе е некој не не сака од зградава, кога ќе најдеме нов стан ќе купиме.

А изгледа и ја не сум нормална дете скоро 2 години цело време во раце, па кога ќе опнам и ранец и торба од маркет и до 5ти кат (леле а од кај машинава дека во подрум до 6ти кат му доаѓа, качувај се по скали никако да стигнам хаха), не знам од кај ми е силата, ама од ќе знам од кај ми е килата.

Во ДМ имаше да земеш картичка, гратис 150 поени и подарок по избор, па сум избрала едно изгледа се става во машина за садови. Си викам да не е некој знак да се подновиме и со таква машина. Рано е ама ќе биде и тоа здравје.

Купивме многу убава тава и тенџере. Мм вика немој да си пишала на фемина тоа ќе ти се смеат дека после толку време сте успеале да купите тава и тенџере. Ама нели и на форумов треба да сме реални.

Имаме предизвик додека да добијам секој ден да имаме кекс. До сега успешно е. Требаше да надокнадиме за претходниов месец.

Друго што да кажам додека спие дете... Едвај чекам да помине денов и мм да си дојде од работа. И не е дека тука па затоа работи и во недела, и во Мк работеше и во недела. Истата работа, се исто, а тука се исплати, во Мк не.

Само ми стигаат некои известувања за попусти ама нит имам интернет да ги видам нит пари да ги искористам.

Ќе готвиме, ќе чистиме, ќе се бањаме и ќе шетаме.

Вчера се пресмеав. Малата ме носи накај спална и ми вика ако ако ако. Викам што е тоа ако. И отвора во фиока и зема памперс. Па ми текна дека ја и реков Ако да смениме памерс, ако? И таа вика ако и зема памперс. Леле што ќе не дочека човек.

А сабајле станува и вика ^ Како? Ако. ^ и се гази од смеење.

Некогаш си велам посебно прашање до модераторите со деца да поставам. Јас пишувам само кога спие. Ако види телефон плаче по него. Како успевате да пишувате, а децата да не ви плачат по телефон? Ја цело време го кријам. А некогаш кога ќе се заигра сакам фемина да проверам ама не можам, одма ќе почне да плаче по телефонот. Зборам, објаснувам ама џабе е.

Убав ден!

 

@AngelOfArh
Кај нас од раѓање се овие станувања10 пати и повеќе,ретко помалку,вриштење,ама затоа на ништо не личам и сум 45кг.
13 месеци напрВи и траат уште.
И јас тел.користам само кога спие и тогаш ме мрзи да пишувам,сакам да одморам.
Без енергија сум.
@gjoker4e Уживам додека те читам,со здравје да си користите новото.
Убав ден мајки

 

Неспиењето ме уништи и мене. Додека доев стануваше на саат или два. 21 месец. А одев на работа, спиена по неколку саати.

Умирав за сон, ме можев да се концентрирам, а плачев додека доев. Ужасно е.

Како ја одбив, така прекина со будење. И да се разбуди само ме гушнува и вика само да се галиме мамо.

Ужасно тешко е. Ама мине.

Јас сеа иам мака, не е и некоја мака, ама додека јаде, додека пие млеко, додека заспива, мора да се чита книга. Луѓе уста ме боли. Најмалку 20 на ден читам. Знам дека е убаво тоа, ама неиздржливо е. Ај ќе помине. Збесна дете дома, аман со епидемијата. И фали градинката многу.

 

3 години уште станува едно 2 3 пати навечер а како помала на секој саат.
Ме тешеа до 2години ќе поминело еве уште трае.

 

^Читајќи ве, јас добро поминувам со будење два пати. Има вечери се собира до кај 4-5пати да стане ама среќа не секоја вечер. Бебе 17 месеции не цица ама станува ....од циџе на ад префеливме пред 4 месеци и изгледа згрешив што му нудев млеко кога веќе не сакаше да цица :/

 

Јас ништо не дадов. Прекина со цицање, се будеше 2 или 3 дена само нишкај и заспиваше. После и со нишкање намаливме ако се закенка, само гушкање. Мора да знае дека ноќ е за спиење, не за јаде или пиење. Цуцла не фати никогаш, па не се будеше и за тоа.

Ама деф тоа ми беше ужас период. Ни јадев ни спиев ни се смеев. И кога спиев не можев да се опуштам. Ослабев 25 кила за неколку месеци, после почнав да пикам се што ќе најдам у уста за да преживеам. Многу ми е жал коа ќе ги идам колешките сега со бебиња, дури и муабет не им правам у лифт за да одморат.

 

19 meseci e, uste stanuva po deset pati noke. A denje ednas prodremuva pola saat najmnogu.

 

Не ве дочитав сите, шефчето спие веќе саат и пол, па само брзински да шкртнам некое зборче, ќе ве читам вечер.

Вчера после доооолго време дома, изнесовме бебе надвор. Гледаше и она крст како фрлаат
Па кога почна музиката, бебе заинтересирано зјапа во музикантите, абе поглед не тргна од нив. Ја однесовме и на кафе
Госпожата беше воодушевена,јес!
Главна беше.
Тоа значи оти ќе можам слободно да си излегувам на кафе со неа.. Другачка ќе си имам само да се затопли уште малку.

Добра вест број два, конечно сака да седи во кенгур! Не бил џабе купен! Пред некој ден ја изнесов надвор во него, вчера ја ставив пак во него и заедно средувавме во кујна Интересно и беше.

Добра вест број три, и количката ја сакаааааа!!!
И ја направив за седење, и иако сега за сега ја возам само по дома, ужива! Уствари ја возам дома за да се навикне за надвор, да нема церемонии и драми пак.

Додека спие, исчистив се, испеглав, средив хаосот по фиоки, и седнав да одморам.
Леле колку нејзини алишта пак тргнав, смалени .. Некои воопшто необлечени, само испрани и испеглани, а веќе мали
Треба шопинг, да ја подновам.

Уште туш ми фали, али ризик ми е да ја оставам.. Па ќе чекам да стане, и ќе и ја носам на свеки.

Убав ден!
Гушки до вас и вашите дечиња

 

Хелоу! Се спремам физички и психички за утрешниот ден, прв ден со баба Менче ќе се чуваат дома. Возбудена сум! Исчистив, пере втора машина, од нова година наваму перам секој викенд по 4 машини, окапав! Ручек за утре спремен, ќе направам тесто да стасува додека сме на ручек кај бабата, да направам кифлички у нешто така месенко за доручек. Ручекот бар нема за денес да го мислам.

Убав ден, денес би било именден на татко ми, ама него го нема. Тажна сум, ама не давам да се види.

 

Читајќи ве со неспиењето на децата, некои од вас и после година ипол, сега сфаќам колку сум била среќна од таа страна.
Може дека сум спанка, господ ме пожалил

Синко почна да ја преспива ноќта од 4 месеци.
Го доев но и го дохранував со ад, гледав ад да биде секогаш пред заспивање околу 22 и си тераше до сабајле кога излеваше мм за на работа, доев и си продолжуваше до 10

Цицаше до годинката, од тогаш не сум понудила ни шише ни цуцла.

За заспивање исто не сум го нишкала во раце после годинката.
Легнува до мене на спална, се гушкаме, го тапшкам по газе и заспива.

Арно ама, се' друго му беше за никаде

За второ дете кога ќе имам се мислам дали ќе биде подобро да биде неспијач или нејадач пак како синко.
Едното мора да биде
Не може и тоа и тоа.

 

Да ве изнервирам може? Синко не се буди воопшто пу-пу.Заспива 21 ч станува обично 6.30 с,некогаш како денес 7.30 ...
А и мака со заби не сум видела, нит го мачкам ништо... Дури се чудам како е, си викам. или трпи детево или пак стварно нема мака

Сабајле во 10 пак се нацртав во молот. Сестра ми му земала од окаиди подароче па бев да го заменам. Мајка правеше друштво. Ми купи и пижами Ич нејќам да му купува, ама се скаравме на каса Убави пижамките, на попуст. Се вративме и на сестра ми да и купи. Многу сум среќна, ќе се сели близу до нас Бевме да одбереме стан, впрочем на истата улица му доаѓа...Е сега има време дур биде готова, ама само за тоа збори Уште сега бира мебел,од старото нејќе ништо Еми ако. И јас би така

Ииии,замислете "бабата" бр 2 конечно го виде малото. Их бе инат жена. Ја видов како се расплака кога го виде , си викам ваљда и значи нешто... Ама од инат (кон мене мислам) да не сака да го види? Незнам се чудам. Налет инат, еее да не си видам внуче од синот ,цццц,не,нема оправдување. Му купила подарок од зара. Нормално не знае бројче ,утнато. Му ставила 1.000 ден во џепчето од панталоните .... Дете ја играше и се смееше, шо разбира тоа?
Ај да не се нервирам веќе.

Вечер сме на прослава во др град, како утре на работа

 

Недела ден, го излежав поштено! Ништо не фатив, нит ручек спремив, нит со алишта се мафтам како вообичаено. Ете нека биде овој поинаков неделен ден! Нек си одморам, ќе ми треба сила за вечер.
ММ е на свадба во друг град, јас останувам дома оти големата само што прележа сипаници, дури и не е скрос поминат осипот. Ќе ми треба сила и нерви за вечер, самички ќе бидеме, женска екипа, јас, дадето и бебо - кое патем и не е бебо веќе има цела годонка полна. Ама не оди, значи бебо е сепак. Толку е мрзлива моја беба, едвааај да се исправи, нејќе паткање, нејќе да лази, она си усоврши техника ,,скиење по паркет,, и така се движи низ дома. Смешна за гледање, по малце и жалничка.

Моментално дома- дадето пласка со водени боички, бебо се тркала по под. Јас сум испружена на двосед, и не мрдааам! Ак само станам чаша вода да си ставам беба одма крева рачиња и вика - маам! Демек да ја кренам, нели јас од челик сум па можам да издржам нонстоп да ја носам во раце.

Ете ММ стаса со пицата, па ај да ручаме. За нас пица, за бебо болињезе Хип.
Убав ви ден!

 

Мислам дека јас полесно поминав со нејадачот Тоа беше првата ќерка, нерви искинав со пребирањето храна, а се храневме по саат време. Но градинката ни направи услуга, таму све си јаде уште од старт. Да ти кажам право ова беше полесно зашто бев наспан човек со здрав разум.

Малото маме ни расплака со станување ноќе по милион пати, неспиење преку ден, и џабе што не пребира, лапа сѐ за 5мин, исто и нацицана е за 5мин, но јас не сум јас со волку неспиење. Сите нервози полесно се поминуваат кога е човек наспан.

@danichap права германска породица сте Во врска со телевизорот.
Кога бев средно имавме размена со ученици од Германија, ние кога бевме се чудевме како е можно да не гледаат Тв. Во "мојата" фамилија воопшто немаа телевизор, еден ден кога бев сама во куќата го барав дури да не е сокриен некаде
Ептен ми се свиѓа ова, ама многу тешко да се реализира кај нас, како џанки од медиуми сме

 

Читајќи ве тука,а и од околина на роднини,пријатели,можам само да кажам и да му посакам бебе каков што беше мој Пупче
Откако е роден,до ден денешен легнува и кома до сабајле.
До годината се будеше само за млеко на точно 3 часа(аптамилско дете е он),на прсти бројам мака со грчеви или несоница од вадење заби па пискање ноќе...буквално како да немавме бебе.Плачеше само за млеко.
Не знам што бебе ќе беше,куклаама наполни година и 1 мин и не застана до ден денеска,4 г 3м
Темперамент невиден,жив ѓавол несташен или во превод бегај да бегаме

 

@Ava.84 Со мм си велиме дека нема да го соблечеме гол дека е ладно,ама ќе видиме.Само да не настине многу зошто од 3 јануари се нешто ни се случува и сеуште сме со зелени мрсули.


Тука сум....малку растргната на сите страни,но добро е што сеуште се држам.

Стариве пак киднаа на два дена во село на слава.Рајат ние... Мм немаше повик за работа па така си поминавме супер сите тројца дома.Пред ручек бев излезена а дете се дружеа со мм и поминале супер,кога стигнав дома дете веќе спиеше.

Да.Вчера беше трет ден што барав фустан и конечно го најдов тој што ми беше на кејф.Само друга боја е,но важно тој модел е што го бендисав од фб.Го најдов во бутик што мислев дека нема ништо.

Си купив и чевли ама на ниско зш неможам да одам на многу високо и имам жулови на нозете и кога газам на нога точно на нив газам.Некогаш болат до срце.

Стрижење со дете бидна ама денеска дома со плачки како да го колиш и мрсули до колена.Потоа едно време се смири па пак почна и така.Важно повеќе немаме перика.
А некни на фризер ниту коњче сакал,ниту татко му да се стрижи.Како кизнај што да му правел фризерот на мм,дете премрело од плачење.Фризерот излегол од дуќан само дете да се смири.

Чекам мм да излезе од туширање и ќе одиме на гости кај брат ми.

Имајте убава вечер.

 

@danichap и бебка моја слави роденден, ама прв, на исти ден со твојата. Се сеќавам кога се породив и пишав во темата, ти ми пиша дека на исти ден ќе слават родендени нашите девојчиња
А еве не знаев и дека на @vitamina дечкото е на ист ден. Во недела ќе славиме и ќе се частиме

За будењето, бебе мое до 6 месеци ја преспиваше цела ноќ. Како почнаа забите, така почна да се буди некогаш. Кај нас е најчесто преку неколку ноќи, не секоја, ама знае да е будна и по 3-4 саати некогаш. Рекордот синоќа го постигна, рамно 4 саати Сепак, грев е да се пожалам. Алал вера на оние чии бебиња од старт се будат по 5-6 пати ноќе, па и повеќе.
Тоа е, додека пораснат ќе заборавиме што е квалитетен ноќен сон.

Убава вечер да имате сите. Мене вечер ми е штом се стемни Чекам бебе да стане и да си играме

 

Мојов нема уште заби ќе видиме како ќе биде кога ќе почне да ги вади.
Рано почна со спиење од 4.5 месеца (2 корегирана) првин од 23-06, па од 20-06, сега откако воведпвже вечера сме од 21-08.30 часот, ретко знае да се разбуди, обично кога му даваме млеко во 23 и 6ч. претежно во спиење ги пие, и да стане за 20-30мин пак заспива.
Јас си спијам најчесто од 1 до 8 сабајле, зошто мм го рани во 6. Ако сум забегала со неспиење си надокнадувам еднаш неделно 12ка, како бебето , мм превзема дужност за хранење и во 23 и во 6.
Душа ми е, и за чистење, и средување машина за садови и пружање алишта често, правосмукалка и џогер не сум фатила у рака. Само запеглување не сака, и ранење дете со каша никако, проба неколку пати, се откажа.

Страв ме фаќа како ќе биде кога ќе тргнам на работа, сега сум на боледување за нега на дете, па одмор цел за 2018, некаде април, мај тргам. Од една страна едвај чекам, зошто се запустев дома од август 2017година. Од друга страна страв ми е малиов да не го размазат дедо му и прабаба му и прадедо му (тетка и тетин на свекор ми), тие ќе го чуваат. Среќа свекрва ми не е во пензија уште 1 година.

Убава вечер мајки.

 

@eli25 i jas ko tebe se cudev sto tolku ofkaat bebe ko ke imaat, ne spiele umorni bílé. Moe bebe( prvoto) od raganje nokta ja prespivase. Ne sme imale maka ni so grcevi, ni so zabi, ni so jadenje, ni so zaspivanje, so nisto. Od godina i pol si spie vo svoja soba. I taka nie silni i naspani brzo brzo otidovme na vtoro. e vtoroto ni naplati za se deset pati poveke. Ko sto rekov sto pati stanuva noke, pa voda, pa na koj krevet da spie kazuva, bara televizija, si seta po sobi noke sam nie ko u koma sme nekogas. Ne pukna veke, za edna godina mislam deset me ostare.
Pozdrav mami, utre dosaden ponedelnik, ne go sakam ič
Nie na rabota deca doma, gradinka nema.
Citam i se cudam sto taka im tekna da nema nastava radi vozduhot. gospod znae kolku e zagadeno stom se udobrovolija na vakva odluka. Ne veruvam veke vo nikoj, ni na luge, ni na institucii na sistemot. Se otruvme i nie i deca. Mesto da prevzemat merki da se namali zagaduvanjeto, tie oci mi mackaat so sedenje doma, a doma vozdihot kakov ni e.

 

Вие сте сериозни дека постојат бебиња што преспиваат цела ноќ? Како ли изгледа тоа? Здравје може со второто ќе дознаам.

Мора да чекам да заспие за телефон да земам.

Толку од фемина каснам со маскирање.

Штом ме видеше дека пишувам ми граба тел и тоа пишува. Ќе се тешам дека е фаза бидејќи до скоро не го ни приметуваше телефонот.

Едит: И моето преспиваше цела ноќ некаде пред шестиот месец. Изумив дека постоел и таков период. Ама ми текна дека многу бев одморена тогаш. Ама бебе константно да преспива цела ноќ, е тоа ми е чудо!