Мајчински муабети (не е за барање совети)

Нас со мм пак, ама ич не ни чуе што околината зборува. Среќна сум што имам разбран сопруг, заинтересиран(има и такви што врска немаат околу потребите на детето) и грижлив татко.
Секоја болест на синко заедно ја поминуваме, консултации за лекар, сируп, јадење само НИЕ двајца.
Околу јадењето сме двајцата децидни дека НЕ се штеди за зеленчук(иако околинава не убедува дека сме фрлале пари а било скапо), овошје, месо и сл.
Како и да е, секогаш ќе постојат такви ,, најпаметни,, кои знаат се и разбираат се, наше е да си ги следиме дечките, среќни да ни растат.

Ручек готов, зелка манџа со пушено месо, цела куќа мириса, вчера правевме и крифни со синко, има и денес да се дојадат. Мм вика аман жено, човек не може да реши да ве изнесе во град на ручек, секој ден имаш спремно нешто на маса
Имам и повод, за некој ништо ама мене многу ми значи. Синко доби позитивни оцени за досегашната посета од курсот по англиски јазик, имаше и некој натпревар, единствен од група доби награда(блуза). Со колкава радост си дојде сношти дома, па дека само него го фалеле, дека само тој добил поклон, оф оф. Некогаш и ситници ни го полнат срцето, моево сношти потскокнуваше од гордост
Сакаме да тркнеме до Битола во Џамбо @kristina.k има да се види нешто, одамна не сме поминале? Ни требаат боички, листови и некои тракатанци за дете.
Имаме уште час до ручек и спиење, да го изнесам синко да повозел точак малку, низ маало ама времево смуртено е доста.
Одам јас, дете вика за надвор.

 

Ола мамаситас!

На работа, дојдов покасно, бевме со дете на преглед и дојдовме покасно, среќа што отидов, татко тешко дека ќе го додржеше. Како го ѕвекна докторот, лелеее.... Докторот вика не е за вадење, со спрејче ќе помине.

Ко утепана сум, ми се насобрала работа еден куп, никако да се помрднам од мртва точка. Гледам тековните да ги завршам а тоа заостанатите стојат. Срам ме фати дури. Овој пат не сум толку ентузијастична за работава како претходно, признавам.

Бев да испазарам, женава ја фаќа паника ако нема млеко и јогурт, отидов купив и млеко и јогурт да има бар за до следен петок. Месецов пократок ама финансииве па и сметката за струја троа поголема, плата за женава, што остана, ништо. Немам никаква помош од никаде, се се собрало на нас. Мирна ми е главата што немам помош, ама некогаш притребува.

Тукушто закажав тинтарење во сабота, фризер, козметичар и нокти, има да ме нема едно 4 саати од дома, ама ако. У план ми е утре вечер да исчистам, сабота сабајле да довршам, за у сабота у 2ипол да се опуштам максимално и да не мислам на ништо. А недела ќе шетаме! Еве и јавно кажувам, има да шетам. Утре вечер сум у кафана, ми се заарни кафански живот, абе убаини.

Доста мумлав, колегите на работа ме зезаат дека сум главна на форум, ќе ме провалеле да ме зезаат

 

Утрово на мејл официјална понуда за работа
Платата пониска од очекуваната...
Бебе легнато на мене го стиснав и не го пуштам
Не ми се остава, а и како ќе се преживее со сите тие обврски.

Треба да одам да изнакупам гардероба
Жениии какви се овие шокови, уште не ми е матката вратена на место, а јас се спремам да почнам на работа...

 

Честитки за работата и без нервози за брзо ке се навикнете.
Мене сега да ми се јават од работа и да ми понудат друга позиција за повисока плата одма летам.
Се случува така кај нас во фирма има неколку жени вратено од породилно.
Секоја Мајка сака подобро утро за своето дете.

 

Хелоу лејдис.
Ние со мали дома,уште користам боледување па секој ден се дружиме по цел ден . Смислувај смислувај 300 игри, ама пак досада не "мава". Го гледам дека му фали градинката и другарчињата, таму барем е 500 на саат. Бебето во стомак клоца ли клоца, да не удира ќе го заборавам. Оваа бременост скроз заборавам дека сум трудна покрај обврските со мали. Ама како и да е, вакка/ така си лета времето. Ќе бидам и јас за брзо со "двајца мускетари" дома.(пол не знаеме)
Денес ручек само за мали, за нас решив да порачам гиро. Ми се опушта малку со џанки фуд. И уште една тура палачинки после,мм вика цело време додека сум на боледување само нешто правам, 100кг малку ќе ни биле ако продолжам вака... Е ако де, зима е,ќе се дебелееме (јас секако се дебелеам ), ќе мислиме на лето како назад.
Тоа е тоа, туку @AngelOfArh те читам, ама назад одамна немам читано, нели и малиот твој одеше во градинка? Што жена?

 

Не го примаат во градинка поради вакцините. Не е вакциниран.

Се порадував јас на мојата кафана утре, шипки варени, свекрва ми се разболела не може да го чува. Многу ми е болна, поише тоа ми е мака отколку кафаната искрено.

 

Ден година,некако периодов ми е долг,во исчекување...
Ќе се селиме има многу за закажување,средување,ама уште не е дојден тајмингот.На крајот на месецот кога ќе почнат да стасуваат сметките од нотарот ќе се мислам кој крај да фатам.

Инаку глуп распоред овој месец,само 3 ноќни смени,се другото прваЧекав да излезе новиот план,ако пак бев само во прва смена распоредена,богами ќе ја подберев шефицата и ќе си мислев дека сака побрзо да ме умре.Најмногу работа и стрес има во прва и не ја сакам,освен за викенд.

Туку вчера бевме на преглед систематски,убаво поминавме.Му ставија на дете ММР и Варичела.И реков дека не е зазравен комплет и претходната недела беше болен.Немало врска.Ама па кашлица и мрсоли има постојано,не е нешто ново ќе видам како ќе поминеме.

Вчера прочитав на нет на германска страна дека ако невакцинирано дете е во контакт со лице болно од сипаници,има рок од 72 часа да се вакцинира за полесно да прележи.Колку е точно незнам,ама еве ви одговор за Македонија што вакцинираат во ек на епидемија.

Вчера бевме и за уши да му чистиме и тој луд доктор кога ме подбра.Не сум смеала со чепкалки,ајде тоа знам.Ама му реков дај барем ти да му ги исчистиш ушите,оти го чешаат.Ми вика тоа е заштитен сло и не се чепкало и немал многу восок во ушите да му ги чисти.Епа му викам како да му ги чистам-ми вика само од надвор,па вика и газот си го миеш само од надвор не бркаш со четка внатре да го исчистиш.На крај не знаев дали да се смеам или да плачам,излегов набрзо што можам од ординацијата.

Тоа ајде да одам да си играме со малиот.

 

@fairy88 хехе ме изнасмеа со коментаеот на докторот.Чудно,за германец да е со смисла за хумор.Иначе,и мене ми имаат строго нагласено никако пипкање во ушите.Само после бањање,делче од пешкирот да се напраи како тутурутка и нежно да се премине внатрешниот дел колку се може.
Доаѓа петок,мене грло ме боли. Тапа расположење ..Синко ми е светла точка,или како што милувам да кажам Ѕвездан мом

 

Кратко само да ви посакам добра ноќ
Цел ден седам гладна заради сирењаците ала @mariz
Дури дојдоа на ред да ги направам умрев од глад
Ручек направив за утре исчистив,се искапив и уште да се испечат и мав да ги сторам

И мм ми зачувал вечера некој пакистанец секој ден им готвел лута храна и вели превкусно било,да сум пробала
Не сум по луто ама толку го иафали што иштав ме фати да пробам

Утре имам термин на ушно и успат креветот за малата да си го земеме
Го купивме пред една недела и никогаш време да го земеме
И зедовме обичен кревет за да можам и јас да спијам со неа дури се навикне
Некое украсно перниче и ќе стане детско

Се разбуди и мали а сирењаците при крај се ако не успеам да го презаспијам дури се готови ќе ми изгорат

Џо кратко да ве поздравам

Имајте добра ноќ мајки

 

Душата ми е исполнета кога се држиме за раче, а ти со нетрпение гледаш во семафорот и чекаш зелено за да поминеме улица.

Душата ми е исполнета кога заедно за раче купуваме кроасан од пекарата на ќошот, а ти кажуваш здраво и чао и едвај чекаш да ти скршам половинка.

Душата ми е исполнета што после сто години ќе се вратам на читање книги.

Душата ми е исполнета што си послушна, паметна, со смисла за хумор, глумица и итрица.

Душата ми е исполнета што ме сакаш искрено. А детската љубов е најчиста.

Душата ми е исполнета што го имам мм.

И не никогаш нема да ги заборавам породилните болки и тортурата покрај нечовечните жени бездушни.

Никогаш нема да ги заборавам пеколните три- четири месеци (три и пол нека се).

Никогаш нема да заборавам како оној ми го влечеше детето за раче и детево само што ќе го видеше вриштеше. Никогаш не сум пишала тука за тоа ама да и тоа постои на светот, уште немаше годинка малата ама се чувствуваат.

Не ми се враќа во таа држава.

Го сакам раатов кој ми дозволува да бидам исполнета и да преземам соодветни чекори кон иднината.

Се бањав, па додека средам коса, утре пак ненаспана.

За ушите така треба.

Добра ноќ

 

Добро утро! Ајде кафица Моето до пола го шмркнав веќе.
Помина утринскат бура, моментот кога ММ и поголемата ќерка во брзање се спремат за на работа и градинка, а јас меѓувемено ш`шкам да бидат потивки за да не ја разбудат беба. Они излегуваат од дома, тука на врата се гушкаме со дадето, па бакнежи , па срциња праќаме , планови за попосле што ќе правиме... затварам врата по нив и брзински се спремам за на работа , па седнувам да пијам кафе.

Вчера правевме пита со ќерка ми, посреќно фаце немам видено. Ах бре, вакви работи ја исполуваат, со мама, напикана во кујна, седната на работна маса и сецка, мати, и поставува прашања -добро го исецкав, уште да матам? А кога ќе биде готова питата го прави она гордо фацуле и вели - јас ја направив!
Потоа најдовме време и за боење овошје, па на крај и читавме од Росица - тоа пред спиење!
Беба меѓувремено му беше најверна другарка на ММ , се дружеа они двајца!

За совети делење од страна (за јадење, облекување, навики) имам и јас што да кажам. Секојдневие ми е да слушнам
- ехее, мислиш се така убаво ќе ти јаде? Ќе видиш ти како наеднаш ќе смени, ќе фрлаш ручеци, е тек тогаш ќе сфатиш дека залудно форсираш да имат здрав оброк! Јас -
- леле бе како детето на градинка без хулахопки, гарант само она е така слабо облечена! Јас-
- е што ќе биде ако јади во дневна, големо чудо! Јас -
... и крај нема... се некои суфлери кои знаат повеќе од мене за моите деца... Ама кој ги рецка бе... гајле ми е!

Се распишав ептен, овде престанувам... Убав ви ден! Ејјј, сега се сетив, петок е! Викееенд! Има шанси да им избегаме на дечките во сабота вечер и да излеземе со друштво. (се разбуди тинејџерското во мене, се радувам на излегување)
Ај стига, тресам глупости!
Поздрав, пишете по некој ред да имато од работа да читам!

 

Истото. Човек сум кој секогаш бил опколен со луѓе, имам пријателства кои ми се од детството зачувани, искрена сум била со луѓето, затоа што верувам во споделување на секојдневието и на сите убавини и проблеми, затоа што нема потреба од затворање во себе - сите сме луѓе, и сите ги имаме истите / слични маки и јадови.

Ама тука сум 3 години во изолација. Никој не е заинтересиран за ништо. Ниту да ти направи муабет, ниту пак ти да му направиш муабет. Толкава површност јас немам доживеано во животот. И ме гуши. Осамен меѓу куп луѓе. Празни муабети, буквално празно ми е секојдневието.
Мислам да не беше маж ми животен сопатник со кој можам сѐ да споделам (т.е. да го "трујам" до моите емотивни болувања до 101 и назад) јас досега ќе имав некаде избегано.

За мајчинството и солење памет... Мислам дека нема ниту една мајка на која не ѝ било нешто сугерирано, тупено, со предрасуди споделено.. така било, така е, веројатно така и ќе биде.
Го разбирам и вашиот / нашиот јад, ама со тек на време си сфатив дека некои луѓе не го правеле тоа злонамерно, туку едноставно стварно немале што друго да кажат, или како да се најдат во муабет. На почетокот се нервирав и мислам дека тоа на сите ни доаѓа природно така, но после тоа научив да си свиркам и да игнорирам.

Јас сум дома. Почна лошење, киселини, гадење, болки во кичмата, градите и стомакот. До следната недела лежам и одмарам. После преглед ќе видиме. Не чинело рупурути (талцид) па ми препишаа нешто што личи на шампон. Три пати прегледував дали е за пиење. Грозно до немајкаде.

Мислам дека и психички малку се поткренав. Мојот кауч ми е најдобриот психијатар.

Ама имам уште бубачки во главата кои не престануваат да зујат. Немам никаква сила да се справам со нив сега. После сето време, сѐ што сакам е само да бидам тука. Да си играм со мачорка. Да си муабетиме чудесии. Да си месиме и готвиме заедно. Да имам време да седнам да ги допишам мислите.
Да бидам. Без очекувања, без нови рокови, проекти, цели кои секогаш си ги наметнувам и се ставам под притисок. Едноставно очекувањето да ми е да сме среќни.

Ми излезе на Инстаграм реклама од некој за нешто (не ми беше гајле) ама ме замисли - беше нешто во стилот.. дали можете макар 15 секунди да се ослободите од сопствените очекувања за себе.. не можев ни 5 секунди да го ослободам мозокот да не ми крчори.

Мислам дека на сите ни треба. Една оддишка.

 

Добро утро, а веќе ден како да ми поминал, има ли некоја фора за спиење јас што не ја знам
Бебе втора вечер дежура до 2 после полноќ за право и да заспие порано пред полноќ не памтам кога сум легнала , во 5 се буди за цицање, веќе во 6 синко е буден и жива сила неможе да го натера да презаспие, а мене срце ми плаче за сон.
Малата спие, синко сложува вчера мм му земал од книжара сложувалка со вини пу 99 парчиња дете зема ја сложи синоќа со моја помош, еве го сега сам ја реди, паметно дете на мајка да си го пофалам де уште од година ипол ги сложуваше тие со дрвени парчиња, јас одсекогаш сум сакала сложувалки и ми биле хоби, сега дали е наследно или сум го натурила на дете небитно, со душа чекам оние од 5000 парчиња да ги матиме
Второ кафе веќе до пола, времето е сончево само да нема ветер и ќе излеземе на шетња
Незнам само што да правам за ручек мм петочно грав бара а јас ич не го сакам богами ако излеземе ќе бидне нештп на брзинка..
Имајте убав ден мене петок од секогаш ми е омилен, петак дан за метак

 

Добро утро!

Дете во градинка, јас дома пак болна. Незнам што е ова ама веќе нема смисла, еве од вчера пак неможам да голтам, крајници на волкави. Си зедов на своја рака антибиотик прв пат во живот, среќа имав залиха од Мк донесена. Во петокот бев кај матичната и тоа само за една консултација, чекав три саати во чекалната и мислам дека сите вируси од таму ги собрав. Сите кашлаа или се држеа за грло. Еве ме сега јас истата песна. Епа не одам веќе смачено ми е од доктори.

Од синоќа и сопругот повторно го префати, утрово и тој исто ко мене, ама замина на работа, што да прави, рече ако му е ептен лошо ќе си дојде.Сега се слушнав вика сите колеги болни. Ама најголема нервоза ми беше кога видов утрово дека на малата пак и се растекол носот, значи една цела недела не издржа да оди во градинка и да не ја префати пак некој вирус.

Сега сум како старите баби со домашните сирупи и чаеви, со греани млека, гаргари и незнам што уште. Се влечкам како некоја желка, поточно денес е малку подобро успеав и да се избањам. Вчера кога ми беше најлошо малата за беља не заспа после градинка и едвај ја догледав дури дојде сопругот. Се расплакав едно време од мака, немаш ни пет минути на кој да оставиш дете, па брзо се прибрав да не ме осети детево дека нешто не е во ред.

И јас сум немам другарка овде, додуша откако ја имам малата е многу подобро, си имам другака мала, во последно време и се дружиме со наши овде, ама нешто како другарка на која во секој момент би и се јавила и би ја замарала со моите бубачки во глава немам а тешко и дека ќе имам. Тоа највеќе ми фали, кога имам потреба во секое време вртам на вибер или месинџер на некоја другарка во Мк, ама често ми се има случено да не можам веднаш да добијам или неможеш да се разбереш поради интернетот. Овој број го користам само за по институции, на свој човек само една роднина имам што е тука па со неа се слушам понекогаш.

Луѓево овде се навистина недруштвени, има исклучоци ама ретки се, ми фали големото друштво од мк, иако и таму не е веќе исто по муабетите, ама мислам пак е подобро од овде.

Фрижидерот попразен никогаш не е бил, вечер сакаш не сакаш мора на пазарување, утре пак оти само од еднаш тешко дека со малава ќе успееме се да обезбедиме. Ќе биде ти трчај по дете, јас ќе туркам количка за пазарење и ќе земам колку можам и на крај пак заборавено нешто.

Си нарачав патики и јакна за на пролет и едвај чекам да стасаат, порано на штикли се радував, сега на патики. Друго добив ситна награда на Росман кутија може знаат девојкиве овде, втор пат ја добивам па ќе видиме дали ќе има нешто ок. Првиот пат кога добив не бев нешто воодушевена, ама пак вака така ги искористив сите работи или ги дадов на некој што му требаат.Ја играм оти ми е интереснода видам дали ќе добијам, не дека сум по тие производите, оти немам навика таму да пазарувам и не им ги ни знам голем дел од производите.

Ручекот за малата бидна, сега да смислам што ќе јадеме ние со грлава што едвај голтаат.

Убав ден!

 

Кога и да седнам да пијам кафе ми текнува на долгиот период кога само што ќе пружев рака по кафето бебето заплакуваше. #марфиеви#закони

Ми имаше стигнато мејл од еден бутик дека имам 10 евра подарок за роденден па прво прашав ама вистина било. Па се подновив новчаник и кошула. Конечно парите и картичките ќе имаат свој дом. Кошулата беше на попуст и плус 50% на попустот па испадна џабе, секако подарок, ама убава е.

Убаво ми е ама не целосно. Знам, убедена сум, дека после убавото иде неубавото. Па ќе видиме што ќе дојде. Кога е лошо знам дека иде добро. А сега е добро и поради тоа не сум целосно ок. Што и да е ќе помине.

Последните неколку години не кажував и не примав тајни. Сега мм ми е најдобар пријател, животен сопатник. На форумов не се чувствувам воопшто анонимно и немам пишано многу нешта. Старата јас, новата јас, моменталната јас= целосна слика за Џокерче. А ова што го пишувам е нешто помеѓу моменталната и најновата.

На душата ми лежат големи, тешки тајни, од кои една е најголема на светот на која бев сведок, а со тоа и соучесник на најлошо нешто што може да направи една мајка, да го даде детето на посвојување. Не е ни прва ни последна. Душата ме боли и знам дека животот еден ден ќе ме запознае со тоа дете за кое бев немоќна да му помогнам. Само се молам да е во рацете на вистински родители и да го изведат на прав пат. (може и не требаше да го пишам ова ама само на мм му имам кажано и искрено ми тежи на душата секој ден)

Ќе читам книга.

Убав ден!

 

Ај добар ден!

Муж на работа уште, јас дома со синко. Окапав на телефонов, мора да се одвикнувам. И нема веќе нешто интересно од интернетов. Ме прави нервозна дури.

Купив нови боици и тетратка, ама беа интересни цел еден час, оние кои не боеа јако ги срони, ги искрши, не ги сака, јаките бои ги користи само. Мајмун. Уствари денес дознав дека е мајмун и у кинески хороскоп, значи ем мајмун ем овен, тешко мене. А јас сум била мало слатко бело крзнено зајаче. Муж нормално, вол, што може да е муж.

Баба ни е болна, дете му недостасува, мене мака ми е што толку се разболе. А нејќе помош ич, и викам супа, чорба, манџа, леб, јогурт, било што, не сака ништо. Да е свекор ми арен ајде де, ама и тој не е арен. Да не не мачи ама она се мачи уште повеќе. Му викам на муж понуди помош, го одбила. Тоа е.

Нели сакав да заштедувам, шипки варени, нема ни да ни стигнат. Вчера за спрееви и за преглед отидоа 2000ки, машала. Да сме живи и здрави, тоа е. Мислев и едни пари што ми ги должат ќе ми дојдат ама јок, и тие добија пренамена, нормално не се за мене. Ме лути тоа, ама кога ќе начнам тема ми се лутат и поарно вака. Ќе наполнам картица па со неа ќе плаќаме роденден, таман ќе има до тогаш за еден убав роденден. Ми се плаче колку неправедна ми е фамилијава, ама тоа е.

Ајде мајки, одам да гушнам дете малце! Убава ноќ!

 

Cao mamicki

Kolku sum Samo umorna neznam ni sama, i dusa i telo i glavapreumorni.

Dali seto ova me pravi da se custvuvam losa majka? Ili sum?

Sama 24 so 24 sama so dve deca, budenje spremajne pojadok za bebè za cerka, nahranuvanje na dvete, nekogas I dvete, oti ova golemava Edna nejadacka stana pa dodeka se zaigrale da se mie Sadovi I da se spruzat alista...

Da se meni pampers, da se stavi da se krcka Rucek, PA da se sredi prasinata, krevetot, kopatilo, PA pak zanimavaj deca, PA mi Sadovi, PA nahrani deca, PA zaspi bebè, PA na brzina sredi toa sto ostana, PA idi otpad da se iznesi edno plastica, edno hartija, pa ete bebè se razbudi pa da Jade pa da sprems vecera pa na brzina da se poigra, da se banjat I da gi sprems da spijat...

Eve me uspeva sega da se banjam I peralna da stavam

Jas preku cel den sum nikakva na mene
Jas se custvuvam nemajka oti cerka ja nosam na logopedista.
Jas sum nemajka oti sekogas Koga Cerka bara uste da se igrame Jas moram da zavrsam nesto
Jas ne mozam da postignam

Dodeka drugite bebuski pocnuvat da pooduvat Mojava ne znae ni da se podigne samajas sum nemajka kolku I kolku pravam za niv pa na kraj nisto li ne pravam?

Jas oti sum sama li?
PA i ne
Jas sum umorna
Neznam kako i sto? Kade?
Greska?

Podobro neznam? Ili nemoza?

Sakam da sum sredena, sakam da sum sekogas so moite deca da si igram, da spijam gusnati, sakam da e sredeno, sakam da e zgotveno se toa sto milite sakat da jadat, sakam da e cisto, mieno I peglano........sakam se da e na svoe mesto... .

Sama, kolku li Samo davam se od sebe da e taka.....

Jas.........neznam!.


Ubava vi nojk

 

Добро утро
Ич не сум наспана со недели, а неможам да спијам.
Стани, уште од рано стави ручек па бегај на работа. Се врскам без трошка сила. Почнаа и таму да ми викаат дека изгледам преморено.
Важно кога се враќам ме чека могу гушкање. Почнуваат и драми со тропкање нозе и лутење за се.
Деновите кога излегуваме надвор се помирни и посебни, иако излегувањето е многу кратко.
Детето толку нормално си ја прифати изолацијата што од една страна ме смирува но од друга душата ме боли.
-Догодина ќе дојдам вујче на слава, оваа година не смејум.
-Мамо смејум да јадам стоби плипс?
-ке смејум да се бањам на морето јад мамо?
- не ме носи дека дечката мсмо јас не смејум

Пред две ноќи ме прашува не знсѓ од кај му текна за бабата што живее под нас кај била.
Викам, отиде на небото кај дедо боже.
- Не сакам мамо ние да одиме кај дедо боже. Никој пат.
Десет пати повтори исто, и во сон кажуваше. И дур сум била на работа кажувал.

Ме фака некој немир и страв и за здравјето на мајка ми.
Камо да се лажам.
Да рипнам да доправам ручекот и да смислам што да доручек.

Убав ден мајки.

 

Добро утрооо! Сончевооо! Значи, ќе шетнеме со деците! Отворив прозори да влезе воздух и сонце!

Моментално беба уште нане , а големата вози килички по подот , машкуданка моја зеленоока!
За среќа откако се врати на градинка, си го фати пак стариот ред, навреме станување и легнување, и игриците на моб ги игра само пред да се заспијат со татко и. Е тоа ме радува, иначе цел распуст (јануари) дете од досада игаше игри на мобилен, па се нервираше, па викаше, абе глупости. Ете за кратко мина таа фаза. ММ ми вели дека непотребно сум правела драма околу тоа, и искрено сега и јас мислам дека непотребно се грижев. Цел месец додека беше дома тоа брмчев. Нек си пушта песнички, нек си заигрува и игрици некогаш, ама зависник од моб нејќам да гледам. Кога ќе затопли дете надвор игра секој ден, за среќа има неколку деца во маало па интересно им е.

Доручекот ќе бидат јуфки, се потпечуват во фурна! По доручекот ќе шеткаме, па се враќаме дома за спиење и спремање ручек. Иначе сами сме, настапи периодот кога ММ викендите нема да ги седи дома.

Денес имам договорено кафе со другарките, едвај чекам да се видиме. Без деца, без мажи, само ние... Верувам дека ќе биде интересна средба.

Овде ќе кажам - Поздрав! Убав ви ден! Да прошетате обавезно!!!