Мајчински муабети (не е за барање совети)

И јас мислев дека ќе има сонце денес, па како вчера за рака со синко ќе си направиме една долга прошетка,ама надвор од сабајле е тмурно и не е баш за шетање. Само бурмата да си ја земам од полирање, ама ако има синко желба за да пешачи.
Ручек гравче тавче со колбавчиња, веќе скоро и да е спремен,мм излезе уште рано рано а сакав да отидеме на кафе заедно,ама ништо. И дете сака да пиел топло чоколадо со татко му, па изгледа сами двајцата ќе си се дружиме.
Ништо паметно немам да кажам, периодов е тапа, по малку нервозен, одлуки што да се прави,кој е вистинскиот пат и пак на крај нема калкулација,останува само стресот.
Да сме здрави и живи само,ништо друго не сакам.
Ве поздравувам.

 

Имам чувство дека на малава сите заби одеднаш и излегуваат.
Излезени долу назад два,и горе едно тројче,едвај ѕиркаат,набобрени друго тројче и скоро цела долна вилица.
Сонце грее а дувка ветре.
Не ми стана јасно на каков ветер бебе не смее надво?
Мислам постојано дувка...
Ја завртив беба некое кругче и ми заспа.
Ојдох да одморам.

 

Добар сончев ден

Ех да не спиеше бебе што убаво ќе си пиуцкав кафе на тераса, а он ќе си се љуљаше и гласно ќе се смееше

Нека, ако потрае сонцево може и сепак ќе се реализира мислата
Ама како па да искача ветер а терасава некако е на брдо, висока па и на најмал ветер оно изгледа дека носи..
Во двор да го вадам не ми се тегне одма трча накај улица и иде накај продавница
Има три страни накај би се движел, како на раскрсница ми е куќава, ама он само накај продавницата иде

Море ќе се шетавме, ама вечер ќе имаме гости, блиски, па морам да смучкам нешто за принесување
План е сарајлиите на Мариз да ги правам, фурнаринки, видов и рецепт за проја, па може и тоа @mariz
И едно торте со бисквити и пудинг, кое се надевам ќе се олади салам дури дојдат

А бебе за тоа време ќе ми помага
Ваљда ќе е фит, купив прееска и нова играчка, воз што свири, пее, се движи, па ваљда ќе успеам се да завршам на раат
Тикви, ќе има малку тегнење, ама џокер ми е што ќе отворам сите врати и ќе дозволам да ровари кај сака, со тоа што прво ќе отиде во шпаиз и ќе штрака на машините па ќе појде во спална и ќе ја преврти фиоката на татко му, ќе го врти столчето од бирото и дури трепнеш ќе го здогледаш на комода во дневна како се исправил со лампата во рака и мава по тв то

Аха да и некоја минутка ќе дадам да си поигра и со машината за садови
Туку мм се загрижил дека ќе откаже вратата од машината, па а го види дека седнал на неа потура една пластика

Инаку скоро мм ми пререче дека откако сум останала бремена, па до сега ништо ,,убаво,, не сум готвела
У смисол само ,,редовни,, јадења сум правела, ниту кифли сум замесувала, ниту пудинг варела
Па кога го подбрав
Ама па и стварно, ај на него што му се јаде, ами и на мене ќе купиш и се, ама домашно ми е домашно. Па гледам барем 2пати неделно некое тесто да испечам, блашко некој брзински рецепт и богами намирени сме

Сватив дека кога ќе се организирам успевам да поминам 1час у кујна, а бебе за тоа време да заиграм. Некогаш и мм е тука па он вртка бебе, но за жал најчесто не е

За денес ручек купив.
Шарски плескавици, пржени, веќе се готови, ќе пикнам у релна да се стоплат само, сакав и марули, ама ме мрзеше да влагам у пазар, а у маркет беа ептен овенати, па земав краставици. Ако се укаже шанса ќе испржам и компири, ама најверојатно не, па со буковец, може и ајвар ќе помине ручечето. За мене има и супа од вчера, ама мм не јаде тоа, да бе супа не јаде што има у супа што не јаде еве не знам, ама ете не јаде, ваљда од каприц, некогаш рекол дека не јаде

Ве читам во неколку наврати како постојано ви даваат сугестии како да чувате бебе.
Само јас ли не добивам никакви сугестии
Ок некој ќе каже нешто, ама убедување, па како она се нај нај правела, чувала, а моето комплет погрешно, па да ме навреди.. ни приближно не сум била у таква ситуација.
Да, знаеме да споредиме, да слушнам како она правела, ама далеку од недолично и правење помајка.

Уствари јас и немам некој голем круг на пријатели, па може и затоа, може и поарно така, ете мирна глава
Денес ни е нели и празник у куќа, гости ќе имаме

Сакав уште да пишам ама дојде 14ч и бебе мора да будам, пошто ако оставам да спие повеќе ќе не весели до ниедно време, а не давам

Убав сончев ден, користете сонцето и гушкај те се

 

Добар ден.

Сакав сите тројца да излеземе да завршиме обврски и да седнеме кафе да пијаме.
Сакав и дете да излези малку од дома,од двор од населба,но ова времево никако.
Сонце има ама е со заби дупка северко.
Денеска со мм на смени сме ангажирани околку дете.
Утрово тој дома со дете а сега сум јас дома,тој излезе да заврши некои обврски.

Утрово јас бев излезена бев на заболекар после 8 дневна терапија,има подобрување ми чистеше забен камен.Ми даде уште една доза апчиња да испијам па се надевам ќе го средам проблемот со непцата.Изгледа почнав малку по малку да се враќам во нормала.Да се грижам за моето здравје.Редно беше после две и пол години.

Деновиве поминуваат брзо, сите на купче од јутра до сутра заедно.Малку во двор малку дома, малку по гости и поминал денот.
Уште една недела да уживаме па потоа ќе се вратиме на старо.Но јас шо убо си се навикнав дека некои обврски ми се намалени т.е предадени на мм.
По релаксирано ми е,помош имам и за дете и за правење на ручек/вечера.Колку има мерак мм за готвење,верувајте толку јас немам.
Порано имав,сакав да готвам да правам експерименти,но сега желба ич дека живеам во заедница.

Дете сеуште со мрсули и кашла,сето тоа од носот на гради чист.Кога му го давам лекот со кромид,не сака се трга и се бркаме низ куќа.Ама му ја најдов финтата викам кој сака кока кола и стој,сега сам си бара да бара "кока- кола"

И јас да будам дете доста му,вечер не сака журки да имаме со него. Имаме закажано со мм романтична вечер ќе се реализира ако дете заспие на време.

 

Здраво женски, како сте?
Јас добра, ме фати воздух малку, го прошетавме бебо со мм на сонце. Се видовме со драги луѓе во град, некое крукче со количката и пак дома на топло
Ни се најавија гости за утре од друштвото на мм, сите сакаат да го видат бебо мој Утре прави 2 месеци, срце на мајка, брзо ми расте
Понеделник ќе одиме на педијатар да видиме како напреднал, вторник е на вакцина, е се мислам уште дали во петок да го носам на ортопед или да почекам да стивнат вирусиве? Вие што ќе ме советувате?

Другарките збеснаа, цело време прашуваат кога ќе одиме за Кочани, да го видат и гњават малку А и мене ми фалат, да се измуабетиме на раат. Другаркава е подобра, секој ден ни јавува сестра и новости, Господ нека ја чува само! Ќе чекаме да поминат 21ден, да не ја повтори мозочниот.

Ручек за денес свекрвата направила, мм отиде по него, јас само компири ќе испржам. Не знам како да се организирам за тој ручек сама да си го правам? Некогаш ми успева нешто набрзина да зготвам, ама не секој ден, па уште свеки е ангажирана. Не дека и смета на неа, сака да ни помага, ама оти не сум навикната и шубе ми е.
Инаку морам да го пофалам мм, подобар партнер со игла да барав, немаше да најдам. Отсекогаш, и пред бебо, ми помага за се по дома. Поделени ни се обврските за чистењето, тој усисува и џогира, јас прашина и купатило. За еден саат сме готови со цел стан Сака и да зготви понекогаш нешто, се меша и в кујна. Околу бебо сега немам зборови, некогаш повеќе од мене го гледа Убаво ми е на душата кога ги гледам така двајцата, мм му зборува, бебо се возбудува и смешка

И така, ајде да одам да лупам компири додека спие малиот. Имајте убав викенд!

 

Здраво мајки
Деновите минуваат брзо на работа. Деца дома со татко им се чуваа беа болни ама сега се ок. И мм беше мн лошо па правеше некои испитувања ама се е во ред.
Сега им печев пица на децата и место по пицата да сечам јас по прстот по палецот си го исеков ептен убаво а колку ме болииии ооффф па го замотав во една палома и убаво залепив. Не можев да најдам ханзапласт ама и големо е мораше вака. И сега прстот мислам ќе ми изгоре од тт.
Не е важно...
Денес бевме до кај кумата на гости на село живеат и деца се убаво изнатрчаа на сонцето топло беше. Па месеше топол леб и ни даде.
Сега им пуштив цртан со мики маус а големиот не спиеше денес. Готов е веќе.
На сабајле си поспавме убаво. Дури и грб почна да ме боли од лежење.
Добра ноќ и мирна ноќ.....

 

Здраво мајки,

денес свекрва ми прв пат доаѓа да ја види бебка. Изгледа сите свекрви се такви, нешто ги тера цело време да се пуштаат и да го зимаат бебето од мајка и татко. Малку е непријатно, дури и мм осеќа Ама ајде, за кратко е.

Денес супер време, го искористивме малку да прошетаме во парк. Со мм се смеевме, викам до пред некоја недела и ние шетавме вака сами. Уф, уште се прилагодувам на помислата дека веќе никогаш нема да сме само ние двајца, дека ние не сме важни, дека едно мало, златно бебче зависи од нас.

 

Добар ден мајки.

Синко нана, мм излезен по некоја работа, а јас јадам леб намачкан со песто и седнав да пишам.
@Igle фала што ме помисли. Тука сум и редовно читам, ама немам нешто паметно да кажам. Влезена сум во некоја лоша фаза. Дали е до зимава, дали е до мене или нешто друго ама многу мелахонично, па дури и по малку депресивно се осеќам периодов.
Само времето со синко ми е лајтмотив периодов. Другото ми е се рутина.

Се спремаме полека за планина, чекаме само уште да видиме дали ќе ни дадат термин за контрола за синко па две муви со еден удар да утепаме. Не за друго и шопинг сакам. Може тоа ќе ме развесели

Инаку со синко секој ден е смешка. Вчера ако ми верувате пола саат се смееше до зајдување и тоа на обична глупост. Откри дека со четката може да ми ја спушти косата преку лице, а јас со дување ја тргав. Дете во трансови паѓаше од смеење.
И конечно почна да кажува "да" за некои работи. Ианку се му беше "не". Прва работа за која кажа да беше за стоби флипс. Незнам дал да плачам или да се смеам. Му викам сакаш смоки, а он повторува - сомки (така ги вика) да
И ред други вакви бисери си имаме.
Периодов и со вирусиве и со сипанициве ми е стресно дека дете не е вакцинирано. Требаше втора доза од поливалентните да прими 15 јануари ама со вируси и ларингит се одложија, а сега пред пат и контрола не планирам да носам. Значи ќе се фати март втората, мај третата и таман за есен да сме спремни за ммр да прими и да се спрема за градинка.
Периодов не го носам ни по молови ни по маркети. За игротеки не станува збор воопшто.

Ова од утрово останало напишано.
Во меѓувреме истеравме прошетка на сонце. Имавме гости золва ми со внука ми. Се изнамуабетивме и изнасмеавме со децава. Ама кога имам долгометражни гости после како тепана сум. Битно палачинките за синко што ги планирав ги смучакв. Сега се успиваат со татко му - од пред еден саат (или он го успал незнам, не ми се влага да не ги разбудам), а на бејбифон не се слуша ништо. Јас отворив чипс и пред тв. Ништо паметно нема за гледање па ќе пуштам некоја снимена серија.

Туку отидов да поуживам во тишината. Ми фалат понекогаш вакви моменти.

Имајте убава ноќ мајки.

 

Денес кафето од мене, повелете послужете се какво сакате
Недела ден за фамилијата па затоа ве нема од сабајле, или пак, мамурни сте од синоќешното излегување?

Утрово и ние си поспавме до покасно.
Викендите дете сака да си спие, ако не го разбудам ќе тера и до 11, потоа редот ни се пореметува па не се знае доручек-ручек и затоа го бидам.
Имаме уште и од антибиотикот за давање, обрска плус да правам аларм да се будиме со дете.
Ич не го сака, од сите лекови само антибиотикот му е бљак, со малку вода пак го пие.

Јас не сум ништо поарна.
Си имам некој проблем со стомакот (желудник ли е, колон ли е, жолчка ли е) ми ствара некоја неарноќиа

Убав неделен ден на сите!
Овде почна дожд да врне, ништо од прошетките.
Ќе си седиме дома, има мазник еден, плус мм спрема салата од зелка туршија, таман како за на времево

 

За средново што ти е исто како мојот да го читам
Исто буквално.
Со тие цуцли сме хаос.
Дај му го го фрла и рика
Пак дај му го и пак фрла се смее и рика.
Тоа е таа песна.
И се друго.
Се знае дека се родени во ист ден и околу ист час

Се е исто само што мојот живее на воздух и вода моментално .

Добар ден
Доручек завршен.
Дете све одбива освен јуфки палента и пилешко.
Тоа е и се врти у круг.

Играчки низ соба он со кујата се спрема тао да оди кај јапата ( жирафата)
Тука средно жалосно односно ќе заврне
Да тркнеме до лидл и да одмараме да преживуваме неделата

 

Нема ниту една од нас што си нема речено дека е лоша мајка заради Х причини. И јас со првото се фаќав во моменти дека плачам што не може да ми е куќата чиста, бебето насмеано, јас средена и насмеана... И после сфатив дека не сме ние криви, криви се рекламите за пелени и детергенти за перење на пример, во кои бебето е весело, куќата свети а мајката дури дотерана.

Значи ние имаме погрешна слика за мајчинството. После кога ќе дојде и второ дете, немаш време за сѐ, немаш време за внимание затоа што имаш обврски. И тоа е нормално. Не сме лоши мајки заради тоа.

На не сме лоши мајки ниту кога ќе посакаме да ги оставиме децата некаде и да уживаме во време "за себе".

"Добра" мајка е таа што посветува време на децата, но знае кога да си посвети време и себеси, сѐ со цел да биде насмеана и релаксирана за своите деца и маж.. затоа што нема аир од мајка која "е константна жртва" за семејството и тоа суптилно го рефлектира врз децата.

Затоа што децата нема да се сеќаваат ако од време на време сме рекле - не можам сега да си поиграм. Ама ќе се сеќаваат ако сте биле тажни и депресивни околу нив.

 

@girl-miri Некогаш направи ручек за два дена да има, некогаш промаши им едно бањање, не мора да е секогаш средено, па и за чисто никаде не пишува дека мора. Легнувај да спиеш на време односно барем пред 00:00, а пред 22:00 би било идеално. Кога ти се плаче плачи, кога ти се вика викај. Пиј шумливи таблети, какао, салеп. Кога мислиш дека си при крај со енергија истуширај се или излези на воздух. Пишаново тешко е во пракса понекогаш, но нешто од нешто можеби ќе помогне.

Бевме денес на педијатар демек утре да не чекаме со 10 болни, епа со 15 чекавме. До сега два пати сме биле во болницата и само ние бевме, овој пат беше хаос што ли се задесило.

Втор пат кај ист доктор. Го обожавам. Ме потсеќа на Димитар Георгиев од Чаир. Сите до сега се ок освен таа што не сакаше ни да ме сослуша и се надевам еднаш и веќе никогаш нема да се трефнеме кај неа.

А јас конечно го имам она чувство дека педијатарот е посветен на моето дете, а не само редот да му помине. Во Мк не најдов таков педијатар. Тука до сега тројца се одлични и таа четвртата за стап е.

Во среда имавме закажано крвна слика и вакцина ама ќе мора да ја одложиме. Од октомври- ноември ја одложувам изгледа здравје до мај- јуни. Не сум начисто со вакцините.

Вестите за дечињата многу ме погодија. Претешко ми е.

Имав здраво дете ама од при крај октомври па навака како се болно да е. Сакав да пишам една година, а оно само три месеци биле ама како вечност ми се виде.

Ја не будам дете дека му треба сон за да оздрави. И пак цела ноќ ја спие најчудно што ми е. Да ми кажеше некој дека ќе ја преспива цела ноќ од кај 20 месеци додека се уште цица немаше да му поверувам.

Убав ден

 

Дани само еден матичен имаме. Ама кај него еднаш не прегледа една друга не знам зошто. Третата сред ноќ кога отидовме. Четвртиов во недела два пати одиме и тој е.
Можеби ја лошо се изразив ама сите се педијатри.

 

Преку ноќ и за викенд одиме во болницата во другиот град.

 

Еве ме и мене, најдов минута време да ви пишам. Јадам киви што дете само си ги побара ама не ги сака сега, маж легна да дремне, па да одморам и јас. Не сме спиени ич. Синоќа дете во 10ипол отприлика, седнете ако не седите, тресна од креветче главеечки на земја, со главата на земја директ, ахам. Прв пат да гледам како отекува глава, го гледам како му расте и му се изместува окото. Пострашно нешто не сум видела. Пиштеше додека го држи глас, не ме пушта од страв. Се собравме некако и трк на итна во населбава, ахам, не не ни погледнаа, правец ургентна. Во итната една кокона се шмугна пред нас, трудна била само притисок сакала да измери. Ние секако само за консултација бевме, нема што да ни прават таму, ама ем докторката не не ни погледна, ем коконава се намести пред нас. Страшно колку нема емпатија. На клиника не пратија на ртг, ахам, таму немаат начин да снимат 3г деца кои не соработуваат, нажалост. Ништо од снимање, не набљудуваа на ургентен 2 сата, едвај издржавме. Во 2 дома бевме и дете се развесели, се израдува, за мерак. Заспа едвај некако, ама јас до 6 не заспав. Го пратев. Во 6 заспав до кај 9 и станав да го будам и него. Да не се успие. Многу ми беше тешко, и уште ми е, не сум јас крива да речеш, ама тешко ми е. Врв на се сестра ми ме обвини дека не сум го воспитала, затоа било така, ме здоболе душата. Цел ден се гушкаме, се бацуваме, поспа кратко, направив ручек оти не го оставам сам да седи. Окото сега ни е огромно, модро и се шири наоколу. Едвај чекам да спадне па здравје ќе мислиме на модринка. Утре ќе го носам кај матичен да не ни даде нешто за отокот.

Тоа е тоа мајки, викендов шугав, ама ќе помине. Утре планирам да си одам порано од работа, свекрва уште е болна, па ќе видиме. Море поасална да ми беше ситуацијава ич и не одев, ама не ми е уште за правење такви екскурзии.

Добра ноќ!