Мајчински муабети (не е за барање совети)

Стигнав и јас да пишам
Бебето спие на раце а јас се релаксирам на фемина. Маж ме зеза дека сум уживала да ја држам и да лежам до неа си викам да, ептен е убаво само 5 минути да си слободен.
Ама навистина, детево осети ли дека не сум до неа се буди и плаче. Кажете ми дека е фаза и дека ќе помине и ќе можам на раат да се бањам
Друго ново нема, се е исто. За викенди користам колку можам да одморам, барем баткото некој го занимава па јас и мм со бебето. За нас време нема ич, ама тоа е, таков е сега периодот.
Се радувам што е топло и што можам со полесна гардероба да шетам, ми се смачи од јакни и шалови.
@danichap а да си земеш сушара ако немаш. Ептен е од помош. Ставаш алиштата и после само диплиш убаво и готово. Ем и поедноставно е за организација зошто суви се за брзо.

 

Вечер мајки

Денес дека голем ден за нас, па си реков мора да пишам.
Пред две години на денешен ден ги видов двете цртки, кои сега нанаат до мене
Пред две години првин бевме на еден преубав бдеј кај посебна личност, па по пат накај дома го купивме тестот. Ако речам знаев дека ќе има втора црта нема да излажам, но ни на крај памет не ми беше дека ќе е маже, се мислев дека јас женски бебиња ќе имам

Сабајле ми излезе и потсетник на фб, преубава слика од бдејот, но немав душа да ја преобјавам, некако ќе ми дојдеше како копање по рани
Колку тогаш 'се беше убаво, кој ли се надеваше дека по две години еден ангел ќе одлета
Ми фали, многу ми фали, ми фали да знам дека е тука и неа ја прави среќна, ми фали и сестрата да ми биде вистински среќна, сакам да знам дека е добро, дека се радува, дека живее..
Колку тага има во нејзините очи..
Викаат ,,времето лекува 'се,, но јас на овој исказ ама ич не верувам, додуша само тој кој вистински не се изгорел може да се залаже

Конечно заврши и МАРТ, аман фала богу!
Април, нов месец, нови 30ет случувања, ајде да видиме што ќе донесе..

Денес бев на забар.
Ви текнува скоро кога кажував дека бев на забар и ми направија погрешен заб, уствари заб од кој немав мака?! Епа конечно отидов да го направам тој што ми создаваше мака
Па закажав кај друга забарка, мојава беше фул со термини. Леле една несмасна, една трапава, среќа не бев ни пудра ставила, абе цела ме избања, па тоа инструментите ги остава по мене, мислам на хартија ама ипак што знам.. прв пат ова ми се дешава, секогаш во тацна на масичето ги враќале плус па ама положба на седење ми намести.. и тоа чудно
Ајде помина, го направи

За тоа време ги оставив мајка и бебе у парк да се дружат.
За накај дома мајка беше полна импресии од случките, едвај помина час како си дојдовме дома ми пушти и слики на Вибер од случувањата
Лицето и рацете му беа лом, но и било страв да му ги избрише со влажни, знае дека не му ги бришам со нив, а тоа дека на два чекори имаше чешмичка нема везе

Инаку денес цело сабајле средував и миев салонските цвеќиња
И ги здогледав на свеки дека и се надвор, па и јас ги напрчив на тераса мислам дека е рано, уствари сигурно е рано, но најјаките нека преживеат
Многу работа ми беше да ги враќам пак назад, а очајна бев да ги вадам бидејќи беа полни прашини

А бебе бајче за тоа време, си се лулаше на лулашката и си играше со парче лепче и количе, лепчето го пикаше во количето, па го вадеше
Кога сме сами најубаво се заигрува

Заспивањето го усоврши, денски за најмногу 10минути е комиран, навечер за 20тина
НО, мора да има ,,НО,, нели
Од кај му притекна да се успива лежејќи на мене од бебче не можеше да смисли да спие на мене, сега му текна
Што навики си ствара алал да му е

Сега заспа и посран
Не го сетив дури се успиваше, но штом заспа, чек викам да го покријам и кога ме мавна една арома среќа сменив пелената без последици, односно не се разбуди
А и што ќе се буди, преморен беше, сам си отиде во детска и си седна на кревет во темно и ме чека

Утре као ни беше испаниран денот, но дојде до промена на планот, ако пак ќе ни биде убаво, секогаш имам јас џокер во ракав.
Треба дома да се дочисти и дораскрене, од алишта никат крај, ама се може да почека, ништо не е поважно од забавувањето со бебе
Ручек имам, море и доручек, па и благо

Ајде да ставам крај на постов, го пишувам на рати од прееска, мисливе ми летаат од една на дрга, каша попара стана ама тоа е, сите сме исти
Аха да и денес добивме и нов назив ,,мамулки,,
Кај ти текна @anichka94 со солзи сум се смеела прееска

Убава ноќ, гушкајте малишани

 

Добро вечер мајки.

Дете спие,и ние со мм спиевме,но во оној првиот најслаткиот сон телефон почна да ѕвони.Мм по итно го викнаа на работа.Тој замина,а мене сон не ме фаќа.Па си реков да пишам белки ќе задремам.

И овој месец мм е "дежурен" т.е. на повик достапен во секое време 24/7,добро е што сега ќе оди пола месец.

И ние со дете бевме на забар.Јас сите ги ангажирав,цела фамилија...Мајка и таа ќе одела ,па си правевме ние друштво во чекална,а дете со брат ми не чекаа во парк.
Завршивме работа,испазари нешто ситно за дома и сите заминавме кај баба ми.Јас дете го заспав со триста мака,дури се изморив и испотив од нишање и пеење.Додека го заспивав брат ми сварил кафе, а мајка го почнала ручекот да го прави да биде готов на време за внучко.Па така кафето си го испивме како некогаш сите тројца заедно со муабет и смеење.Колку една мајка е среќна кога децата и се здружени и среќни.
Сите ми се чудат како толку многу сме живееле со брат ми дека сме биле голема разлика.
Па мене ми е чудно кога ќе слушнам дека брат и сестра или сестра со сестра без разлика што и да е дека не живеат....

Дете се разбуди мм стигна од работа таман поставивме да ручаме опет на работа( му се јавија) ,се врати околу 7 вечераме и си дојдовме.Спремавме за спиење и сите се комираме во исто време..

Заради оваа дежурството мм нема да може да извади некој денар плус,да појде приватно да сработи,а имаме многу за давање.Плата зеде и целата ја дадовме,останаа 3000 денари
Но тука е кредитната ќе живееме пола месец на неа,па пред велигден ќе му пуштат к-15.Ќе поминеме важно гладни никогаш не сме биле.

Доста ве замарам да одам надвор да вдишам никотин и да си легнам до дете.Не верувам дека ќе заспијам,ќе го мислам мм сигурно ќе заглави до сабајле голем проблем имале.

Имајте слатки сништа

 

Denes e nas den denes slavime rodenden.Uste ne mi se veruva kako letna edna godina i mi porasna bebevo

 

Утро мајкици!!
Дека одамна ме нема, ставам кафето денес за сите од мене.
Малку сме зафатени периодов, мајстори, реновирање, шетање од куќа во куќа, малтретирање дете најмногу, кое имено кашлаше премногу, ама издржуваме.
Еве и рука ситуација, кога немаш помош од друг, од петни жили ќе се жртвуваш да си ја оствариш замислената цел.
Така и со работата.
Мислам дека со @mal.ecka сме од исто место, и потполно ја разбирам и поддржувам во одлуката.
Точно кажува Дани, кога работодавецот те обврзува на сменска работа, без слободни денови, со продолжено работно време, и плата која не стигнува ни до 5ти.во месецот, ќе одиш доколку немаш друг излез.
И покрај дипломата која фаќа прашина во фиока, ќе одев и јас( секој донесен денар е битен) ама на вакви услови, без апаолутно никаква помош од никој, не можам. Т. Е има само едно решение, еден од нас двајца да одеше за 200е. Смешно и страшно.
Одлуката беше, јас да седам дома, да чувам дете, мм буквално цел ден рботи( фала богу и заработува) па ако се пружи некоја шанса да искористам диплома ќе се бара чаре.
Само тој што нема помош барем 1ч знае како се чувствуваме.
И ќе речете сите сме такви, ана верувајте стндардот во мојот град. Прилеп, е даааалеку празличен од Скопје, Битола, па дури и Штип,Кочани Св. Николе....
Прифатено им е на луѓево дека доволно им се 200е месечно и никој не се буни.


Денес малку работа, па ќе се спремаме за роденден на најдобриот другар
Синко од сабајле налутен зошто и него не сум му купила иста играчка .
Убав ден на сите

 

Добро утро од мене
Прво се чудев,, што овие жени будни во 3ч,во 5ч наутро пишале во темата(пошто ве читам цело време), како ли не им се спие? Но, сега имајќи бебе, можам и да фатам ручек да правам во 3наутро. Значи вие сте начекале слободни ваши 5минути па сте пишале,аха. Сега се ми е јасно.
Ве читам и секогаш готово да почнам да пишувам или бебе ќе се раскенка, или пак ќе чекам да заспие да потфатам нешто и никако да ви се приклучам во друштво.
Кафе наутро со свеки си пиеме,ете ја, ме чека па да мати. Утрово после подој малата и ја дадив кај неа во соба, јас од 6:30 до 9 преспав. Многу ми помага, мислиш ќе се расплаче ако не и ја дадиш кај неа. Колку пати ќе ниша, ќе шета, ќе пусти само да не ме буди да одморам. Други пут ќе ја фалам свеки.
Јас се нервирам. Будала, но тоа. Пред пораѓај периодот беше зима.Ладно,дома цело време, досадно, монотоно. Сега со бебушот пак дома. Не работам. Дури здрсвје следен декември ако земам лиценца на време. Ми се смачи од дома седење. Планирана бременост, за пред врабптување да се пораснам. Малата ќе има.некои си 9, 10месеци,ќе си бидам со неа максимално до тогаш, но ми недостига социјализирање. Да работам, надоградувам.
Сега дипломска почнав да работам, со тоа ќе си се позанимавам.
Ма да си се дотерам за на посао, да имам обврски, да бидам фул.
А мм? На работа физички до 15ч,али дома е турбо, се на телефон, се на лап топ. Малатс го задева, не го пушта на работа.
Веќе неколку дена ми се јадат макарони потпечени. Денес ќе има борба, мора тоа да биде за ручек.

На здравје утринско кафе и појадок и убав ден
Се надевам нема да бидеме и ние како времето денес.

 

Здраво мајки
Јас во кревет до синко, он тера дремка јас одмарам Иначе нема одмор цел ден. Дете расте све поинтересен е.
Јас со душа го чекам католичкиот велигден да прошетаме подалеку малце.
И ние гледаме стан да купиме @Monella само кај нас нема избор па локација баш неможеме да бираме. Скоро пропуштивме понуда за стан на 4ти без лифт. Не бевме ни да го видиме заради тоа, добив совет од жена што живеела така на 4ти без лифт дека после некое време почнале да се расправаат со маж и кој да се симне да фрли ѓубре или недајбоже да си заборавил нешто во кола. Размисли убаво, и стан без сонце е крш па и реновирање е стрес. Ние уште размислуваме за еден што треба скрос да се реновира Ама е на супер локација, мислам дека ќе се продаде додека ние се мислиме. Ќе чекаме друга прилика.
Толку од мене нешто не ми се пишува во последно време немам што да кажам.

 

Emce jas I ti na isti den sme doznale oti sme trudnicki jas lani na ovoj den imav pozitiven test za bremenost

 

Спиете ве нема.
Ајде кој е за чај/кафе или па .
Послужете се.
Денес времево не ме бендиса па само малку прошетав со децава. Се надевам утре ќе е поубаво.
Некој погоре спомна дека сака да се дотера за на работа, и јас се приклучувам во тимот. Имам убави алишта за на работа и ене ги стојат, прашина фаќаат. Во последно време гледам само маици кои се пошироки за да може бебе да цица
Се мислам од сега какви купаќи да си купам за на одмор а тоа што уште не сме испланирале што и каде нема везе.
Треба да средувам шкафови а кога еве и јас не знам. Осеќам до лето ќе се моткаат џемпери по плакари или па само ќе ги набутам во некој куфер и толку. Каде чувате алишта од претходни сезони? Вакумирате или по плакари?

 

Каде сте бе мајки
Слабо активност на темава.
Ај да пишам јас еден пост и да си легнам. Колку да имате што да читнете де
Вчера го поминавме дома со дете, излеговме вечерта во ресторант пијавме по нешто, дете цел ресторант го сврти со сите се запозна, главен беше
Денес станавме околу 10, дете се успа ама и мене добро ми дојде. Појадок па играње малку песнички и пак спијање,на пладне дете спија јас лежам до него. Ручек имавме макарони подпечени по желба на маж.
А пак маж ме изнервира си дојде по доцна околу 19:30, работел
И во 21 се паркира в кревет со дете. Значи утре дете рано ќе стани пошто одма заспа.
Јас си седнав си отворив пиво и кикиритки сама си пивнав без друштво.
Деновиве ептен дува ветар и не е многу за шетање. Го однесов дете денес еден час до парк и носето почна да му тече па одвај го прибрав дома.
Дома имаме еден куп играчки значи секакви а тој само со топки игра а другите не ги погледнува. Фудбалер ќе биде може и само шутира и вика гооооол ептен е смешен.
Инаку ми пропадна викендот во Милано, техничкиот на колата и бил до март, леле како се изнервирав. Секогаш кога сакам некаде да појдиме се нешто искрснува аман веќе.
Туку маж овај петок требаше да биде слободен ама рече ќе работел за друг ден да земел слободен ден. И јас си го познавам него добро, сака за католички Велигден за мк да одиме јас не сакам. Постојано дојди ми појдими.
Минатата година 7 пати си бевме за МК претеризам. И реков оваа година доста се два пати, на лето и на зима. Ама него нешто постојано го влече за мк. А таму деновите брзо поминуваат и парите како алва се трошат. Во ноември месец бевме за еден викенд до мк за на свадба и 1500 евра заминаја за 3 дена, после се каев што бевме. А сега сака за 5 дена да си одиме. Скап ни е патот со кола. Со оваја кола што ја имаме сега еден правец ни е 300 евра.

Инаку очекувам пакет од мајка да ми прати другата недела или по другата, леле да знаете само што се не порачав едни грицки што си ги јадам, малку сирење некои нови алишта.... хахах смеа ме фаќа со сирењето ама што да правам ми се пријаде.
Ајде да облечам пижами, да се измијам заби лице и да се паркирам в кревет до мажињата.

Добра ноќ мајки!!!

 

Мамулки како сте ? називот ќе си продолжи,за инат на @emkaemka се шегувам....туку леле луѓе од кога е родена малава, често ја оставам кај мајка ми со спиење,секогаш се било под контрола,никогаш не се случило да ми јават да идам дека не сака да спија.Исклучок вечерва,ја зедоа на спиење,да можам утре на раат да учам,имам колоквиум во петок,таман се релаксирав спремна за во кревет ѕрн телефонот.Плачела се мачела леле срцево ме стегна кога ја слушнав.Трк со такси до кај нив.Само што тргнав заспала.И еве сега си спие до мене Давеж мал ја викам,многу е напорна некогаш, цело време сака да изигравам кловн,а нема појма колку болка имам во кичмава. Ајде си легнувам ззз

 

Добро утро!!!
Ненаспиена и нервозна, лошо го почнав денот!
Дадата исто, едвај станала за во градинка, спиеше кај баба па касно легнале. Ете го резултатот сабајлето, ненаспиена, неразбрана, разлигавена... Едвај стасаа до градинка со ММ, задоцнети! Имаше период кога редовно легнуваше многу касно навечер и редовно се будевме тешко за на градинка. Мислев минало како период, ама ете денешното утро ме потсети на тие времиња. Вечер дома ќе си спие, наврме ќе легне, и утре поарно ќе го почнеме денот!
Бебааа... душата ми ја извади синоќа. Она е од оние беби кои спијат, ама штом се буди почесто значи си има мака. Секогаш после ден два ја откриваме причината зошто се будела, дали забче, дали ќе се разболи, секогаш има причина. Моментално и излегува тројка заб долу, па се будеше на пола саат, плачеше и со кебенцето си го дрпкаше непцето. Кутро мое бебе! Ја поминавме ноќта нишкајки, до 4 јас бев лулката, од 4 до 8 ММ беше лулката. И двајцата сме прегазени утрово! Само нека излезе тоа забче, мирни че сме до наредното!

Плановите за денес се да се спремам за гости! ММ ќе биде дома, не ми се верувааа! Мислам, реално, побетер ден од овој не сме имале одамна, па баш и не сме за гости да чекаме, ама договорено е! Јас сум со надеж дека до крајот на денот на сите ќе ни се подредат коцките и ќе бидеме во добро расположение!

Стига везев! Ајде одам на работа! Убав ден на сите! Послужете се со кафе!

 

Добар ден мајки!
Еве конечно седнав кафе да пијам. Само што се вратив со малата од кај Старова (читај ова е 30 доктор како го посетувам). Лицето на малата е хаос. Сегде ја однесов и нема крема што не ја пробав од ништо не поминува, може малце да се намали. Еден вика атопичен дерматит, друг вика од што вади заби, трет вика исфрли млечни продукти и се нервирам не можам лицето да и го средам. Што знам ако некоја од вас од искуство има да ми даде памет нека каже.
Инаку трчам уште по салони за мебел, куќата е горе доле опремена и ни остана делот со тишлерите. 5 тишлери ни дојдоа и боли глава колку пари треба за да опремиш стан. Ама тоа е, да е само за убаво.
Од понеделник трга мала пак во градинка, се надевам брзо ке се навикне да можам раат со куќава да поработам.
Убав ден мајки

 

Кожата и е сува на ова место или? Дали примети откако се залади да и се прави така? Те прашувам бидејќи на другарка малата е така, еве веќе 8г е, а се залади она е вака. Алергија на студ е иако е многу опшо. Она си најде решение кај хомеопат. А открија откако сфатија дека освен на лицето, а фати детето во раката ладно нешто му се прави вака. Еве се затоплува, ако се изгуби веројатно е и кај вас исто.

 

Не е сува, црвена е со некое ситно мало бубуличе. ЗА егзема ја третирав со се што постои, и од ништо не поминува. Сега Старова ми вика па мало дете е зар мора да има совршена кожа

 

Добар ден и од мене.
Ме енма некое време ама мораше да се сработи еден проект. Пред неколку дена конеч.но го завршив па деновиве средувам други заостанати работи на работа и веќе не знам колку многу сум уморна.
Едвај чекам викендов да дојде. Наредна недела неколку дена ми се порелаксирани па пак одново со повеќе работа. Ама тоа мие сама си бирам така.
Требаше да тркнеме кобајаги до море викендов ама нешто вреемто ни ги помати плановите па ќе прередувам плакари. И на нив мора да им дојде ред некогаш нели. Плус физичката активност ќе ми годи после напорна работа. Да бев некоја друаг и прередување плакари ќе го броев во работа, ама не го бројам. Мене ни е работа само она што ме троши ментално, ова физичково ми доаѓа како одмор.
Морето сега за сега го поместувам за 24 Мај зашто тогаш ќе ми биде прва наредна слободна прилика. Велигдне си седиме по дома маж ми многу си го сака во домашна атмосфера. Имаме планови можеби за посета на нешто во околина од втор ден велигден натаму ама и тоа не е сигурно.
По постов се гледа дека ми фали одмор.

Честитки за сите родендени и убави настани што сум ги пропуштила.

 

Пробај со отфрлање на некоја храна. Нешто мора да и смета. Или ако ја бришеш со марамици не го практикувај тоа. Полека отфркај работи кои ги правиш по практика и ќе најдеш решение.

 

Не значи дека е егзема, на малото мое од студот му се прави вака, од ветер, му пукаат обравчињата. Ставам Бепантен и се повлекува.

 

Да пробаш да ја измиваш со чај од камилица. Вчера наутро кога стана цело лице и беше со ситни брунки, а од што и јас не знам кога ја заспав немаше ништо. Цел ден ја измивав со камилица и до вечерта скоро и да и се изчисти. Еве денес ништо нема. Еве каква беше