Мајчински муабети (не е за барање совети)

Добар ви ден, одамна ме нема во ова катче, да пишам некој ред да не ме заборавите,тежок период се надевам ќе остане зад нас да не се повтори.
Маж на работа, деца заспаа јас со кафе во рака ве исчитав па ми дојде желба и да напишам. Може дека добив добри вести за малата посабајлечки, бевме на физијатар задоволна е физиотерапевтите си ја завршиле убаво работата, голем напредок, но секако до годината ќе мора да се следи, сега два месеци пауза па повторно месец дена на вежби и се така додека не наполни година. Ни кажа да мислиме позитивно и се ќе се среди, па ќе се трудам да ја полнам со позитивна енергија зошто тоа не го правев последниов месец, многу грижи, стравови, само да е со помин.
Синко цело маже е станат, претежно е периодов кај моите ама ќе гледам да му посветам повеќе внимание. Љубов ми се со бебуш, ја држи па ја гушка, гали, бакнува топење, таа го прати со поглед му го следи секој чекор се врти по него, па како се смее на глас и гуга.
Со маж пак речиси и да не се гледаме од сабајле на вежби, на масажа, доаѓаме дома и заминува на работа, ќе отспие малата со количката одиме кај моите таму ручаме и си доаѓаме дома бањање и вкревет. Ослабната сум три килограми не пазам нешто посебно повеќе од што сум во трчање ама имам уште многууууууу за симнување па планирам да почнам со режим и вежбање.
Одам да диплам алишта додека не сме се затрупале со нив..
Имајте убав ден

 

@danichap Данке таман ќе вклучам лап топ тогаш кенка и ајде кај мене и толку, гасиш лап топ. А сакам во јуни прв термин да фатам. Мм иако не му е во област, ќе му дадам нешто да преведува.
Убаво си имав замислено идеа и све остало за тема, ама ради малата нема да можам. Па си земав за ишијалгии да си пишувам.

Денес за ручек спанаќ со ориз и мелено месо. Синоќа една серенатка солена со свеки напрсвивме, се погоди. Бебе си тера негово, главче си држи веќе убаво, си гука, ужива кога менуваме памперс, кога е гола.
Со мм се немаме видено убаво.. Пред некој ден ја држам малатс и се потсетивме кога се запознавме и прелетале 6години. Премногу е со обврски, многу притисок од работа, после работа по нешто од дома си работи. Се му е малку. Сака да одиме настрана, ќе видиме како ќе се одвиваат работите откако ќе средам се јас.
Менталитетот му смета, нормално и мене али он е почесто со луѓе.
@orhideea немој да лажиш жено, вие по германиите на дрво ги беревте парите нели?

 

Добар ден женчиња
Ако не друго барем со вас сум смирена, културна и релаксирена.
Така зборам оти уште од сабајле се скарав со една исштиркана секретарка кај што го упишував малиот во градинка за од септември.
Ич не сум по расправањето, не сум таков тип на човек што лесно може да избувне ама госпоѓата ме извади од такт, кај не ми го примат трета година по ред (ќе полни 5 год.) па ми соли памет со истите муабети од лани и преклани.
Мм ми се смее, сум си олеснила на душата, па да, барем ѝ кажав што ми лежеше на душа.
Марокинците ем не ги пуштаат жените да работат, ем децата им ги примаат во градинка, ама оти биле по повеќе па кога веќе седи дома нека си ги гледа.

Е тоа е таа Италија.
Ако во Германиј ги лечат со воздух, во Италија ги земат во градинка од 7 год. може вака ќе бидат поотпорни на болести

Туку, мислејќи дека ќе го примат не го запишав ни во приватната кај што оди сега.
Сакав да спасам некој денар ама ништо, ќе треба да прашам дали имат место да оди и наредната година.
Толку.

@orhideea 7 пати е стварно многу.
А зошто маж ти ако толку сака сам не оди? Штом е на неколку дена, па и со кола, само дете ќе малтретирате, а богами и пари си одат.

Имам уште за пишување, само не знам дали ќе ме дочитате?
Овој месец цел го поминав со кафеав/розов исцедок.
Бев на гинеколог, као бев во овулација тогаш, помина и овулација а исдекокот никако, па едни болки што имам во стомакот и половината, како да имам добиено, на моменти толку силно ме пресекува стомак не можам да се исправам.

Решив постот да биде подолг од тие што ги чкрта @emkaemka па ќе си продолжам.
Ви имав кажано дека имам комшии кои внимаваат многу на исхраната, често носат и нас оти многу го сакаат малиот.
Епа вчера ми донесоа паста фреска што ја прават дома, домашни јајца, мед, разни семиња, зимници...нутела за малиот на домашен начин, се е без конзерванси, ѕверот не јаде ништо ќе треба да се полнеме јас и мм.

Кој ме прочитал, му симнувам капа
И да не ме прочитате не се љутам, ја претерав знам

 

Ми остана малку време и на мене за еден реферат. @Monella јас те читам не се сеќирај

Немам многу слободно време, си го исполнувам за да не мислам на се и на сешто. Деновиве не се најсреќните за мене, можам да речам дури и дека се најтажните. Помина цела година откако го погребавме татко ми, душата ми е парампарче, ме изгоре, ама се држам. Ме вадат од такт тетки и стринки кои си го гледаат само своето во животот, само својата добробит. А кај гледаат само за себе па и на мајка ми и отежнуваат. Но има една работа која не кочи, добивме горлив подарок кој не држи во пранги, додуша не го ни добив јас ама...

Помина тој помен кој е се само не помен за покојникот, повеќе е напор и стрес за домашните, ама кој те прашува. Памти триста, никој да олесни, сите отежнуваат.

На работа е лудило, нервози, дојде време да се криеш дека работиш за да не бидеш избркан од работа, оти може да ти замерат. Е баш такво време е дојдено. Се трудиш, работиш, изнаоѓаш начини и можности, ама ќе се најде некое заморче кому му смета да се прикаже дека сработеното е малку и тука се паѓа во вода. Абе да не пукнеш. И решив, од денес натака не се замарам за ништо, типичен административец ќе бидам, куцни ваму таму, прими странки, молчи си и седи си, чекај да дојде 3ипол да си одиш дома. Оти друго не бива иначе.

Дете се врати во градинка, зачудувачки лесно се адаптира и се прилагоди, без плачки и нервози, без ништо. Насабајле сеуште е со недоверба кога го оставаме, ама на зимање е среќен, весел, задоволен, одма е поинаку, дома е помирен бидејќи се изморува. Кажува некои смејурии од градинка веќе, кој што рекол, како рекол. Му викале Шшшшш Матео спиј! Ева му рекла Матео те сакам!

Дете ко дете, си расте, 3 години за 2 недели ќе полни, се спреаме полека, закажано, торта нарачана, почнувам да гледам овие ситниците да ги купам и да ги тргнам на страна. Најверојатно викендов ќе одам до Џамбо, да направам конечен список за гости, да накупам ситници и после полесно ќе биде. Кажува и колку години ќе полнел. Сеуште сме опседнати со се што е на 3 и 2 тркала, превозни средства, ги знае сите марки на коли, сите видови превозни средства, кој каква кола има, ги распознава на улица, само за тоа се збори. И тортата ја нарачавме со колите, ќе праиме и колачиња со колите, ќе праиме и слатка маса со колите, се ќе биде во знак на мерцедес, тојота, бембе, фоцаген, ицубиши, мисан, лавот, рено, форд.... Сите му се чудат како ги распознава и знае, ама мене ми е многу смешен.

Се плашевме дали ќе прозбори дете, ама како прозборе еве го уста нема затворено. Песнички, коли, приказни, бројки, букви, се знае и се распознава и се кажува. Така да ако доцнат малку со говор а се е нормално, ич да не се сеќирате мајки.

Одам да удрам потпис, да оставам предмети на потпис и да фаќам магла по дете во градинка, убав ден мајки!

 

се е до тоа како ќе му се дозволи на детето и дали и колку ќе можете да се разберете со детето околу легнувањето. Јас секоја вечер ја колнам ко ќе дојде време за заспивање. Посебно ако сум прва смена. Една вечер ако покасно легне а рано стане наредните 3-4 дена не може ритам со ништо да фати.

и ние имавме ваква слична појава како мали. Црвено со некои брунчиња,мозолчиња бубуличина,како полни со некоја течност но тоа беше од топло. Ние мачкавме со чај камилица а исто долго време излагаа. Ни рекоа мало е за по дерматолози и користење агресивни препарати.

а исто вака и кај нас беше. Чај од камилица. Од топло ни се јави.

 

И што рековме за одење со мрсули во градинка? 3м дома беше совршено здрав. Тоа е. И јас нема да го чувам дома додека е вака и некое друго ќе префати од нас. Зачаран круг.

 

На кратко ќе ве поздравам само

Почна да ми недостига темава а никако да пишам...немам воља
По два пати не помина вирусот
Мали уште е со проливче и згора на се почна ден3с ужасно да кашла
Тажна сум,бесна,уморна...
Како?Уште вирусот не помминал одма нови болести
За една недела 5 пати кај матичен и еднаш во итна завршивме
Ми се смаачи искрено,многу ми се смачи

Могли и таа ништо подобра,вчера почна и да кашла па денес и за тоа си добивме терапија
Него шо не извади од памет таа
Кога почна да повраќа и да се гуши ја прашав да не има случајно голтнато нешто
Ми рече пари се испаметив и одма во детска клиника зљминавме
6 часа седевме дури ја снимаа за на крај да нема ништо (фала му на бога што не голтнала де) ама цела приказна си смислила и ни раскажа за парата што ја голтнала
3ца доктори ја прашаа и им одговори дека ја голтнала за на четвртиот да му одговори дека Могли кајне гелд (немала пари таа)
Хорор луѓе,хорор

На работа од 23ти да не ме мислите,тогаш ќе частам
Само се надевам дека ќе оздрават децата побрзо...
Имав многу да пишам ама да легнам дури не станале да ме бараат

Имајте добра ноќ

 

Камо да беше така ќе немаше посреќна од мене.
Немаше мажот ми се да го боли и да биде уморен.

Што колнеш бе мајка???


@Monella не ти е многу долг постот уживај јас се читам.
Минатата година претеравме со одењето ама оваа не можи.
Правевме свадба и крштевка па заради тоа си бевме, закажување организации, еднаш за една свадба си бевме, еднаш мм сам си беше, другите пати не ни памтам зошто.
3 пати со авион, другите пати со кола.
Уживам да патувам не ми е тешко и мм сака многу да вози а богами и дете е мирно во кола не прави проблеми.
Најчесто на ноќе патуваме и дете си спија.

На мм кога ќе му дадат слободни денови веднаш крои планови за одење. И 5 дена да се одма таму умот му работи. Последно што ми рече е да си направиме куќа во МК и така овде било тешко да имаме нешто наше. Реков нема шанси. И план дури направи.

Овде ветер дува премногу, цел ден не престана да дува. Дете стана во 8, си полеживме малку па појадуваше со цртани, ако нема цртани не седнува на маса ај се тешам барем јади. Па после за чудо сам се заигра со балони а за тоа време јас месев леб, направив пиперки полнети, измив еден куп садови и дојде време за преспивање, го заспав и јас си лежев до него цели 3 часа се одморив. Стана па му дадов јадеше од тоа што правев и го облеков убаво и в парк заминавме. Зедовме и топка и игравме час ипол па маж си дојде од работа, бевме в маркет и во 21:30 двајцата беја во кревет се заспиваја. Јас си седам си слушам песни, малку фемина и така ви го раскажав денот

Инаку да си кажам дека во веце неможам рајат да појдам. Значи вака одам јас во веце седнувам на шоља и дете веднаш по мене ми носи топки ми под дава, носи балони и се лути ако не му го под дадам балонот, носи играчки и ги фрла на под врата не смеам да затворам веднаш се лути и легнува на земја и почнува да плачи
Некоја со сличен проблем

И да пишам дека детево кога ќе се налути легнува на земја и почнува да плаче со сила на пример во маркет се влечка по земја ако не му дадам да растура. Сигурно период му е. Некогаш ми е смешен ама некогаш и мене ми се плачи.

@Mari* побрзо да поминуваат вирусите кај дечињата се изнамачивте. Потребна ти е помош па макар и за недела дена, ако имаш кого да викнеш добро би ти дошло.

Време е и јас да си легнам одам да направам ритуалите пред одење в кревет Постов ми е каша попара измешан

Добра ноќ мајки гушкајте ги малишаните моево уште спија со нас

 

Падна ноќ, спијат они двајца; ја чувам стража.
Се вративме од кај моите и по вечерата заспа најбрзо што се можеше. Баба и дедо и беа како ридови за качување. Веќе се исправува на двете нозе и се обидува да тргне некаде. На каде - ни сама не знае.
Цртани филмови ретко, речиси никогаш не и пуштам. Правам и финти, го пуштам само звукот за да слуша англиски или македонски без вклучен екран. Инаку почна со нежни манипулации, лажно плаче, се потресува и глумата. Го чекам скокот во развој наскоро на 9 месеци, сосе заби и змејови.
Дај ми сила животе, свашта да издржам

 

Добро утро женски!
Многу мисли ми прелетуваат,од каде да почнам?!
ме погоди текстот на @emkaemka ...да,болката не престанува со тек на време,толку човек се учи да живее со неа.Јас секое сабајле се будам со мислата како ќе беше се совршено убаво да беше сеуште меѓу живите.Ама тоа е,живот...
Ајде друга тема,повесела и петочка Со маж се договоривме да почнеме бебе бр.2 купив и онакви ленти за овулација па може ќе се фати побрзо.
Дете ми расте ко квасец.Го подновив со нови пролетни алиштенца.Би ви покажала ама неможам да се снајдам со прикачување слики во темата соодветна. Него,дали ви се некад чудни моделите од зара за машкиве деца?! Со таков мерак му купив кремасти пролетни панталончиња со трегери, и дома коа ги пробав,кај стомакот ко вреќасти.Уште перница да му ставам и слободно да глуми во филм станлио и онлио( Баш се разочарав. А ми беа испланирани за дотерување,имаме периодов роденден.
По продавнициве извадиле велигденски декор. Во веро вчера поминавме со карамелава моја,и кога дојовме кај пилињата и зајците и јајцата, почна од среќа да вриска на глас! Леле колку беше среќен да го видевте! Па му земав миљон дрангулии.Е сеа со јајцата имам проблем.Што гледа на јутуб видеата,нели демек од јајцата стално вадат играчка,и он коа се запна отвори јајцето,отвори јајцето.Иди објасниму дека не се отвара!
@eli.karameli син ми има идентичен образ ко твоето.Ние имаме дијагноза атопичен дерматит. Како расте,мн ретко се јавува,зимава малку на рачето и сега на образот откако почнавме надвор во песок и прашина повеќе да игра.Успешно го држиме под контрола со А-дерма X-омега линија. Не се потресувај,ова не е толку драматично ко што знае дерматиот да се разранува и мапира. Повеќе на сонце(д-вит има добро влијание) и коа и го мие[ лицето убаво истапкај со крпа,да не оставаш влажно.

Јас незнам како ке го прегурам денов,ноква од 2-4 неможев да заспијам.Миљон филмови и анализи за животов.Ништо не сменив,освен што останав без сон

 

@danichap веќе ги замислив мадамиците со ваков аутфит

Позз до сите
Повеќето знаат дека само ве читам, а многу ретко, речиси ич не пишувам овде.
Повремено знам да се убацам ко џокер у покер, не сум мајка трол, жими дете

 

Добро утро весело катче за мајки,
Бебе спие. Денес мирна за разлика од вчера.
Вчера душата ми ја извади.
Ама вчера беше посебен ден.
Кај имав еден куп за пеглање, па во фрижидерот ми се истурила тегла со кисели краставички. Дур сфатам што е водата, мислев почнал да се топи фрижидерот (од старите имам), место да го појачам, сум го намалила.
Поплава е ублажена форма на тоа што ме снајде.
Бебе нормално кога виде што се има во фрижидер се нацрта до мене, да фати се.
Мрачен ми е периодов во животот,ама е нешто што мора да пројде, искрено, претешко ми е. Нема решение, само да пројде.
Среќа ја имам бебка да ми го весели колку толку денот со нашите лудории.
Да ја немав неа,ќе ви пишував од Бардовци, ако се дозволени таму телефони.
Времево за нигде,ама ми прија. Исти сме.
Без планови сум за викендов освен еден ручек што смислив што да правам.
Знам дека е рано, тек е Април, ама сакам годинава да заврши.
Ужасна ми е
Кошмар до сега, а нема надеж да стане подобра.
Се секирам на секое поле, дете, работа, родители, финансии... само да не ме удри мене на нешто...
Имајте убав ден женски.

 

Леле и јас планирав тие да ги купам за роденденов. Ама се решив на крај да не купувам ништо пошто има куп необлечена гардероба. Едни пантолони кои ги има се на се 2 пати облечени ќе му ги облечам, кошулка, џемперче (во игротеката во која ќе славиме е ладничко) и ајт на здравје.

Море една чорба пилешка кога ќе стегнам вечер, со многу лимон, има да го препородам. Викендашки ќе се освежиме па ќе видиме како ќе биде.

Немам многу време, само да кажам Хај! Не сум ич добра, имам болки неподносливи во бубрезите ама мора да се работи. Тоа е. Не сум спиена цела ноќ, дете хрчеше, маж хрчеше, јас за никаде се виткам од болки. Ќе помине.

 

Здраво мајки.

Дури ми спие во раце цуцава, да ве прочитам брзински.
Не смеам да извадам телефон пред неа, ќе се степа за да ми го земе од раце, и што му прави? Го глода
Набабрени се и горните жлебини, премногу е нервозна.
Си вади влажни марамици и ги гризе силно, тегне со рачињата, мислиш ќе ја преполови во секоја секунда.
Давам пак Осанит, малку од малку да и олесни. Кај и да е ќе излезе и ново запче.
Затоа е и толку приврзана со мене, не смее да ме изгуби од видик, одма пушта сирената.

За две недели почнувам со работа .. леле, не сакам !
Ич не ми се остава бебе
Чаре нема, да седам дома и чекам мм да носи плата а јас здрава,права,работоспособна .. и тоа не бива. Секој денар е добредојден, нели храна,козметика,памперси,облека,обувки треба..
Два дена поради лоши случувања ја оставам со свекрва ми по 4 часа, мирна е и не плаче по мене.
Ќе се навикне она без мене неколку часа, туку јас нема.
Среќа што смените ми траат по 6 и пол часа, па не е фрка.
Ајде барем ќе сменам малку, ќе се замешам со народ ќе си шеткаме со бебе кога ќе се враќам од работа.
Најново е дека обожава да седи во кенгур.
Пред некој ден пешачевме со мм и он во кенгур ја носеше, заспа кутрата
Па на контрола ја носев некни, ја прошетавме малку во Молот и Џамбо, и нормално плачеше кога влеговме во кола за да се одиме дома. Само разгледува со тие убавите очиња, се радува на дечиња, на играчките .. Љубов мамина
Да се врати во нормала времево и во ЗОО ќе ја шетам

Да стане па ќе одиме накај моите.
Татко ми кутриот е скршен, почина баба ми, он цело време си плаче ...
Два пати во живот сум го видела како плаче, денот кога се роди ќерка ми и денот кога ја изгуби мајка му
Малку да го развеселиме со бебе, од тагата и тежината и да сакам не можам да му земам..

Останете добри, и имајте убав ден.

 

@Monella ме разочара!
Јас си реков ќе читнам некое мини романче од тебе, а тоа едвај, па воведот напишан
Далеку се твоите постови од мојте 2-3 па и 5ретчиња

@orhideea сериозно мислиш дека кај другите е инаку?!
Па нормално, кога се иде у вц врата не се затвара
Обично иде зад мене и имаш, јас влагам, седнувам на шоља и он иде за 1секунда по мене, прави бам на вратата, ја треска од зади и таа се заглавува и останува отворена и ти сега со г...то на газот дали да станеш, да затвориш или да го пуштиш и да си олесниш е голем момент

Вчера пак, ај викам да мочам, па да испијам еднаш едно топло кафе, е како не!
Дечко решил да се бања, си ја зеде ванглата, ја пикна во кабината, си седна во неа и ми покажува со раката да му пуштам вода. Пробав да го одвратам од идејата и гука имаш едно рикање што пара уши, па ајде се бањавме, јас кафето у вц го шмркнав

@TarantulaA и бебе мое е подновен со пролеттна гардероба, едвај чекам пак сонце да светне и да го дотерувам
Зара да, има еден куп шкарт роба, некако стварите им се 50-50. Едно блузиче лани од прво перење стана неупотребливо и одма заврши у канта, но има едни тренерки маста им ја извади и уште се ко нови, исто и едно џемперче..

@eli.karameli исто има бебе мое, Старова и уште 3ца други дерматолози рекоа дека дерматит, ќе се изгубел со тек на време.
Кај мојов се зацрвенува кога е активен доста, од ладно и многу топло, инаку е речиси и неприметливо, пример кога дпие ништо не му е.
Од храна немам приметено дека има влијание.

@TeddyGrey држи се мајче, гушкај лепотицата


Добар ден мајки

Бебе спие, јас еве типкам, а мајка ми чисти
Ме сожали жена дека 2недели неможам да се оправам од генералка, па се понуди денес да дочисти, одма и реков бујрум

Него многу замерки ми наоѓа на секое
Денес ми искоментира дека се сум ги оветвела алиштата што толку често сум перела
А за замерки и примедби околу бебе уста да не отварам, на секое ми дава по некој совет и со она ,,јас вас..,,
Ама нека, јас се сослушувам, не се лутам, море не ни коментирам и фаќам у муабет, туку викам оки и си терам по мое
И уште ми ги збори патешествијата од вторникот кога беа у парк

И утре ќе ги оставам да се дружат, но дома, само молам да е убаво времето, па да се вртат низ двор и улици, инаку внатре нема да и седи
Ќе треба и ужинка да му даде, а како ич не знам, никогаш не се дружеле со лажица. Но ќе оставам да му дава Монте, па може бебе кога ќе види што ќе јаде, ќе соработува

Недела Благовец, светковци слават, но јас оваа година ќе си бидам само гостинка. Ем вистина со бебево не ни можам нешто да помогнам, но реалноста е дека не ни сакам
Мајка ме порасна со изреката ,,фрли пред тебе да најдеш позади себе,,. Епа јас се водам по тоа
Не, не и се лутам, она и услуга ми правеше, вака без да чувствувам одговорност и вина ми е топ!

Туку мм вчера ме испрати да шетам и да им купам чаши за славата. Скоро имавме ,,собир,, и свеки буквално пред секој имаше извадено различна чаша, па мм нерва го фатило, додуше и мене
Да знам да нема ај, а вака..
Она не дека не купила некогаш, но многу е трапава и крши, па слични за неа се исти и си прави пар и комбинира

Мм рече Бохемија да купувам, но кога ги пофатив, кога се размислив укапирав дека тоа не е за неа, па купив едни троа подебели и попрактични за миење, па и поевтини, да не се притресува кога ќе ги крши

А да и јас видов многу убави Велигденски украси, но реалноста е дека имам веќе многу, а простор и можност за редење речиси и ич

Едни тањири и кошнички што имам да извадам да наредам јајца и доста ми е, од бебево ,,штета,, не бива ништо да стсвиш, па ни чаршав не преживува, одма го влече

Јајца сакам сама да фарбам оваа година, веќе знам и какви сакам и што техника да применам. Ќе купам и некое сликиче да прошарам и топ, баш вчера приметив ингересни у маркет, но ме мрзеше да чекам редици на каса само за сликичиња.

Да пукне сонце и план е да правам и сесијата на бебе со зеко и јајциња, но Киндер јајциња
Ќе биде баш интересно и ќе се бркаме низ цел тревник

А и ми текна дека и ние имаме маички со натписи, печатени, од тете ни се поклон, но никогаш не ги облековме
Нас точни ќе ни бидат, но на бебе 68ца е мислам, па никако не би го собрала
Јок, не сум фан јас на такви нешта, а мм ќе преврти очи, но ќе облече мислам

Ајде да станам, да исклучам јадењето на бебе и едно кафе да пијам со мајка, па да будам бебето.
Море и да видам до каде е, слушам уште тропа

Убав ден, уствари тмурен, ладен, ветровит е, но со саканите секако треба да ви биде убаво.
Гушкајте се

 

Петок -викенд е на прагот.
Само не знам дали ни менува нешто нам, ( очајните) домакинки
Ни менува како не! Еве си привршувам со обврските и не оставам ништо за викендот, сакам да си шетам на раат со мм и детето.
Осеќам дека молови не ми бегат деновиве, и времето е на моја страна

Немој да ја правите оваа грешка.
Не ти солам памет, ти кажувам бидејќи ние веќе ја направивме (секако заради мм) и сега се каеме.
И тој размислуваше како маж ти, дека иднината не ја гледа овде и за неколку год. ќе се вратевме за мк, носталгичен беше првите години.
Така млади, работевме со години и не правевме деца за да дојдеме до договори и пари за на крај да ги инвестираме во куќа во мк
За што?
За овде да живееме под ќирија а таму на еден месец во палата
Исто имаше слика по фб, каде печал
бар живее 11 месеци во немачка и 1 месец во мк, потполно исто
Од умот на мм.
Е сега, виде дека не е толку едноставно како што замислуваше и во мк и си легна на брашното, си остана овде и реши да бара да си купиме овде стан, за куќа нема шанси, немаме ние пола милион евра

Исто, една работа на 100 начина ја толкувам.
Маж да си, ќе си бичиш дрва

Реков јас дека неможам со @emkaemka
Секој нареден пост и е подолг и подолг, кај и да е ќе почне да режира долгометражни филмови
Иако е влезна во велигденска еуфориа, јас би сакала да ни каже до каде е со фустанот.
Те читам со задоволство

 

Ај добар ден и од мене
Да ви се умешам малку во друштво, може?
Денов и овде тмурен, ама мене ми е убаво на душата со бебо.
Некако успеав од сабајле да исчистам дома, да потсредам малку за да бидеме слободни викендот со мм за повеќе гушкање и играње со бебо.
После ќе дојде вујко ми да не види, да го запознае внукот и едвај чекам да се видиме.
Утре треба да одиме на вселување во куќа кај кумовите ама не знам дали бебо ќе не остави со мм еден саат слободни. Веројатно мајка му или сестра му на мм ќе дојдат да го чуваат, за прв пат. А може и ништо да не биде од гостите де, зависи од неговото расположение.

Со вакцината супер поминавме, добро е
Ручек ќе земе мм од кај мајка му после, не ми се готви денес некако.
Ајде да пробам да го заспијам бебето, кенкав е нешто, од денес почнува 4 скок.

 

Ајде и јас да пишам додека ѕверов не се разбудил...

Се најавија гости со спиење,не наши туку на девер ми другарка од ск и девојка му ќе идела на ручек утре.Свеки мува не ја лази...Тоа што беше од моја страна исчистив во сите соби и купатило го светнав.Мислев да стуткам некое тортура,но се предомислив.Што сака нека прави па многу да се покажувам не чини.

Инаку да не ме мислите ми дојде после после 6 дена доцнење..Крварам како заклана ниту тампони спасува,ниту влошки.Но за ноќе ставам пампес од дете и богами ме спасува.

Еве го дете е две и пол години уште го носам со мене во вц,страв ми е да не направи нешто.Морам да се заклучувам пошто седиме во заедница.Јас додека си вршам работа дете си ја зема четката за заби и ги мие на суво,ако појдеме 6 пати денеска 6 пати ќе тријат на забите.Некогаш ја зема мојата четка за заби ми ја дава и двајцата миеме.Фаќа се што му е на дофат од чешли,четки за коса до гумените играчки за капење.Ги гледа детергентите и кажува што има на нив дали бебе,дете,цвеќе...А најмногу сака да дофати стаклен за стакло и ако не е затворено се ќе испрска и се смее.Му ги истурам неговите алишта и тој ги става во машината е тогаш е најсреќен.

На дете му се какаше во 4 утрово,трет пак откако е роден да кака кога не е време.Има запек и неможи да појди,го боли газето и едвај некако застанат на сите четири и појде малку. Се му давам од супа,компот,,киви,сливи и пак ништо. Кажете совет.

Толку од мене, ми се здрвува двата прсти од ракава и неможам да пишувам.