Мајчински муабети (не е за барање совети)

Слабо активност, шетате а?
Вчера нели се фалев како дете е подобро и спие, па да стане ќе шетаме? Е, па стана дете, но нр мрда од кревет, лежи што е незамисливо нели? По еден саат обилно поврати, а потоа 2 пати течна столица . Од памет излегов. Си реков инфузија не ни бега, а сабота, доктор слабо, ќе треба ма болница каде се уште во глава ги дупат. Среќа се смири повраќањето, наредни 3 часа давав само електролити, па не поврати повеќе и немаше пролив..Денес е подобра исто нема повраќање и проливи, но многу е нервозна и безволна Згора на се, од вчера мене носот чешма, а денес главоболки и треска уз тоа Некоја да ми каже за настинка и трудноча ако знае би била благодарна. Домашните се испаничија, Не можам ни да спијам, се нудат тие да чуваат дете, ама дека не може да дишам не можам ни да легнам. Капак на се, утре мора да одам на работа, важно е. Ексик!
Наредно мрчење во наредно слободно време. Поздрав

 

Лекадол прашоче, ем за настинка ем за главоболка, парацетамол со Ц вит е.
Или Метафен-парацетамол со ибупрофен.
Јас ова користам

 

Се надевам утре ќе одам кај докторката и ќе ја прашам. Рано е многу 9+2 сум, ептен ми е страв да не му стане нешто на бебево.
Инаку.утре се откажувам.од работа, сепак не одам неколку дена, малава почна со кашлица и повраќање шлајмови вечерва

 

Вечер мајки

Ми се спие, ми се плаче, но мозоков ми врти ли врти, само цветови ми шетаат у памет

На декорацииве мислам никат не им иде крај!
Желби колку сакаш, ај уште ова и уште ова и веќе останав и без инспирација.
Замислете јас тоа

А бидејќи ццкам само кога бебе спие ми е ем као подобро, ама и напорно, вчера во 2ч завршив
Таман си легнав, сетив дека сум прегладнета, ама толку мнигу што желудник почна да ме боли, па станав да јадам..
На крај се прејадов, па до 4ри чмаев со Кенди
Па и тоа ме зарази, никако живот да изгубам и се бонуси добивам, а јас лакома за рекорд и ете, сабајле кога алармот спиште во 7.45ч се исповадив од памет кој ме буди у сред ноќ

Денес за ццканици имав и ,,повикај пријател,, уствари золва
Срам не срам ја спотегнав да ми помогне. Не ми фалеше толку идеја, колку што ме домрзе да сортирам цвеќе

Уште едно као икебанче да средам и тоа е тоа
Но фали цвеќе за него, као се докупи, ама изгледа нема ете

Се што се направи е многу убаво, кога ќе наредиме таму ќе е уште поубаво

Е сега дојде на ред да мислам како ќе се однесеме, плус стакла, вазни ќе се носат
Опција е да се спакуваме во мало куферче, по 2облеки да имаме сите и да се переме секој ден
Отпаѓа и опција туле, на кров ќе носиме железни сталаци и дрвенарии некои
Фул ќе сме, а за враќање богами ќе носиме на 3-4ри пати, кај сватовите ќе користиме викенди и по нешто секој пат ќе си зимаме

Утре коса ќе правам
Па потоа да испазарам мал број ситници што требаат, со список ќе идам и детално разработен план каде прво и што прво да барам
Башка време ограничено, багабонт дома ме чека

А кој пак ќе се пакува?!
Аииии што досадна ствар е тоа, а тек па кој ќе се распакува
Ова ми е најомразениот дел од патување!

А бебе, што за бебе?!
Абе он е бебе штета
Кај поминува трага остава

Му купив од Џамбо пред некој ден неколку играчиња и ќе му ги давам кога ќе треба да јаде на денот на свадбата, за да се се заврши у рок и без последици
Но ми текна дека колички на кои им се отвараат вратите не купив, па во списокот и тоа стои

Деновиве му е хит да прави и вика ,,аш,, како ги мести рачињата љубов е
Ако кажеш за било што ,,нема,, он одма вади ,,аш,,
Кога ја пеам ,,Тапшин, тапшин..,, плеска, плеска со рачињата и на пола престанува и чека да кажам ,,за бебе нема вечера,, за да ги намести рачињата и да каже ,,аш,,

Скапоцен ми е
Радост ми е
Среќа моја

Ај да спијам, турбо ден ме чека

@BirMelek честитки за бременоста, не знаев
И со помин

Убава ноќ, гушкајте малишаните

 

Мајки,

Дали може предлог за поклон за бебе (новороденче) до 100 евра?
Само да не е облека, транспортер и седиште.

Фала

 

Столче за јадење,летна количка, подлоги за игра(тие се далеку од 100е) , џампер, продувалка, кенгур ,можеш да комбинираш. А најдобро прашај ја мајката.

 

Здраво.
Дете спие, денес не е во градинка. Ја носев на вакцина во четвртокот, па малце да одмори дома. Вчера ептен касно заспа, ама преку ден два пати спиеше, вториот пат околу 18:30 и затоа до 23:30 не заспа. Си играше, се смееше, едвај ја заспав.
Мојава кога одиме по улица не сака за рака фатена туку сама и тоа најчесто трча, не оде. Среќа овде нема толку коли, ама кај моите фрчат коли и многу ми е страв таму кога ја шетам. Не се разбира од збор, се контра ми оде. Само на мене така ми праве. Кога ја хранам, сама сака, почне да се инате и да не сака да јаде ако не и дадам сама да јаде. На маж ми така не прави. Него го држе за рака кога одат, не му се толку инате. Него го слуша, мене не. Не знам зошто така. Јас ѝ допуштам многу работи. Кога почне да плаче ако не е по нејзино, жал ме фане и попуштам само да не плаче. А маж ми ја оставе да плаче, не и толку попушта и пак него повеќе го слуша. Треба и јас да не и одам по газот за да ме почитува. Во врска со тепањето, мое мислење од она што сум го гледала во околината е децата кои се тепани како мали од своите родители, немаат почитување спрема нив. Братучедите колку се тепани од чичо ми, тоа е страшно. Сега ни двајцата не го почитуваат татко им, не ни зборуваат со него. Јас и сестра ми не сме тепани, ама брат ми за двајцата е тепан и воопшто не ги слуша мама и тато и за сѐ се инате со нив. Девер ми е исто тепан како мал од свекор ми. Сега само се караат двајцата, нема вооошто почитување спрема него. Некои мислат дека со тепање ќе се воспита дете, ама не е така. Така само контра ефект се постигнува. И не мислам на потчукнување по газе или шамар. Туку баш на тепање каде ќе се стигне и со што прво дојде при рака. Јас сум ја потчукнала малата и по газе и раче во афект, ама нема ефект такво нешто. Напротив, на неа ѝ е интересно и упорно пак продолжува по старо. Ѝ кажувам, ѝ објаснувам, ама не знам дали ме разбира. Многу е инаетчика и тврдоглава, сѐ сака по нејзино да е. Да не зборувам па колку е скржава. Сѐ што е нејзино е само нејзино, а сѐ што е на друг мора да биде и нејзино. Некое дете да ѝ земе од нејзините играчки, одма трета светска војна настане, почне да се тепа. Некој мене да ме гушне нема шанси, одма му ги трга рацете и вика нее. Љубоморна е. Во градинка мирна била, не се тепала, дури и се гушка со децата таму. Сега веќе почнува да се сраме, ама само 5 минути трае нејзиниот срам. Да одам да ја будам, веќе е касно, од утре пак треба од 6:30 да станува. Поздрав

 

Мајки дали некоја знае како убаво да го истиснам воздухот од кесите за млеко? Гледав на јутјуб ама не ми успева...

 

како сте мајки.

Јас еве земам здив и се спремам за бурна ноќ. Мали од четвртокот не е арен. Прво беше температура, па се осипа, па се искомбинира со вадење тројки и афта на јазиче за да кулминира со воспалени ушиња. Срце ми се кине. Веќе две вечери хистерично плаче од болка. Прво мислев од тројките е, ама денес матичната се сети да ги провериме ушињата и што да видиме. Воспалени и двете срце ми се кине и незнам дали можеше нешто од ова да се спречи, ама изгледа така требало да биде. Да беше вчера работен ден може порано ќе се откриеше и започнеше лекуавње. А кс мирна, само црп покачено. Чекам уште резултати од брисеви иако матичната по кс вика не би требало да има нешто. Ама за сигурно ќе видиме кога ќе излезат резултатите.
Прееска од неможност да му помогнам за болката, си поплакав и јас и си се карав сама себе зошто порано не реагирав. Ама од кај да знам. Прв пат вака и се надевам брзо ќе се среди. За жал антибиотик беше неизбежен.

И така сега нема градинка десеттина дена. А таман до ручек стигнавме и планирав да го оставам на спиење.

Наредниов период требаше да имам две патувања, ама едното го одложив. Не за друго ќе се споеше многу без дете. Требаше да одам петок, да се вратам недела и понеделник пак да одам до среда. И едното го откажав, само конференцијата остана да ја одам. А што убав план имав да одиме заедно со мм и дете. Они кај баба да седат, а јас да привршувам со обврски па да им се придружам за прошетки. Ама не го убедив маж не му се седело со неговите. Е јас ли да седам. Ама може и подобро со оглед на новонастанатат ситуација на синко иако пак мислам воздухот во Охрид повеќе ќе му пријаше од овој нашиов. Ај може ќе го премислам има време до викендов.

И така ќе си поседам пак дома со мали. Барем уште утре, а среда ако мајка е добра ќе го чува јас се враќам на работа. Имам еден тон итни обврски, ама тоа е ќе ме почекаат.

И како по обичај се израспишав.

Отидов да пијам чај и да кренам нозе. Се надевам ноќва ќе ја поминеме полесно.

 

Ќе го ставиш ќесето исправено и ќе го истиснеш така, максимум што можеш, ќе остане малку ама не е страшно. Значи полниш, исправено и полека ќе почнеш ќе се залепи ќесата од што ќе е мокра и така ќе истиснеш па затвориш.

 

Добро утро!
Колку време немам пишано овде, а и послабо читам! Додуша што да читам, ништо не пишувате! Ни исчезна мајчинската магија од оваа тема!

Ете кафе, , ајде и доручок Нема мрчење за времето што беше стандардно почнување на секој пост во темата! Времето убавина , искористете го за прошетки! Лесно е да напишеше- шеткајте и не седете дома, ама колку ова може да се реализира ако се земат во предвид обврските кои секојдневно чекаат од нас да бидат завршени! На работа, ручек, перење, пеглање... и на крај батали се, и шеткај во природа со деца! Незаменливи се моментите со децата, неповторливи, ништо не вреди повеќе од тие убави моменти!
Иначе деците мои арни, дадата утрово на градинка ја оденсе татко и. Слатка ми е насабајле, малце потечена од спиење, нерасонета, бушавка... ја спремам, се гушкаме на врата, се договараме јас да ја земам од градинка ( а секогаш ММ е послободен во тој период и он ја зема , не е убаво вака да ја лажам и ветувам ова морам да го променам) бакнеж за чао и мава со рачето мало .

Беба пак, денес во 6 стана , ааааааа дали е нормална! Ова ич да не смее да се повтори! Кој ќе ја гледа толку рано! Кај нас длабоко се спие во тој период. Малку фалеше со ММ да се зарчкаме кој да стане и да и прави друштво на беба која патем беше расположена и насемјана, спремна за игра . Нормално стана ММ, јас останав уште малку да подремам, ама беба досадничка моја ми тропкаше на врата и со тоа слаткото гласче ми викаше ,,мамееее, мамеее,, Мислш којзнае што ќе каже, ме вика да се свртам и само една слатка насмевка гледам и пак убаво лиценце, буцкаво, сини очиња и бушавка косичка! Љубовче!
ОК, сфатив дека нема спиење! Бидна и кафе, и спремање на дадата за градинка (делот погоре што го раскажав) и беба ја предадов на баба, а јас сега пијам кафе и гледам дека е време да се одјавам и одам на работа!

Ова не е во контекст со темата амааа, колку луѓе не знаат правилно да кажат ОПШТЕСТВО! Аман, до толку ли е тешко! Па на телевизија дебатираат , поканети во утринска и упорно слушам Опшество, Опшесво... бла, бла бла... Ми боде уши зборот неправилно изговорен

Убав ви ден друшки

 

Добро утро,
не баш најдобро кај мене, ама гураме напред, додуше и немаме избор.
Преплакав се живо и диво од ноќеска, сабајле си продужив.
На радио во кола сите песни ги преплакав... Једино не плачев коа рекоа - „Објавуваме точно 8 часот.“
Силно светнал ден.
Се подоправивме од настинки и вируси.
Ваљда.
Ќе видиме до кога.
Маж прооде, ја шина ногата, па го чував и него викендов.
Се ми падна на грб, ама буквално се.
Не знам колку можам да издржам.
Изгледа многу.
Мај ми беше претежок како месец.
Како чекам 1ви Јуни, небаре мислам рестарт животов ќе ми направи.

Бебе расте од ден на ден.
Сама се крева и исправа на нозе, иди па седни ја. Дур си трепнал - станала, а пустата не знае да падне.
Здив ми застанува кога ќе ја видам исправена.
Веќе ни на земја не е безбедна....
Ако е далеку од гарнитурата, ќе долази до нејзе и ќе се исправи.
Па толку е самоуверена, не се држи за да не падне. Спремна да полета.
Има да тресне некој ден.

Плачевте ли и вие кога ги остававте на чување?
Очајни ли бевте ако нема кој да ви ја причува?
Баба и се праи на 3 и пол, само нешто мудрува и се покажува и докажува на зборови, а на дела нигде ја нема.
А прва е за делење памет.
Не знаете колку ги замразев луѓето.
Не дека имаат обврска да ми ја чуваат, ама нека не ми праат барем потешко со мудрости.
Доволно ми е претешко.

Кога станува полесно?
Станува ли полесно воопшто некогаш?
Ова ли е родител?
Ова ли се тие грижи што велите дека само ќе растат како што растат децата?

Толку прашања.... а одговорите??? Потсвесно ги знам, ама не ми се допаѓаат баш.

 

Ајде добро уутро.
@TeddyGrey пред некој ден и јас бев со тие мисли волку ли им било тешко на моите кога не одгледувале со сестра ми, ама знам и потешко им било, заради тоа што тие во делот на финансиите беа во далеку полоша состојба. Но тоа е тоа, еднаш родител, цел живот родител. Постојано со некои грижи, секоја доба од детскиот живот со себе носи низа грижи и проблеми.
Но баш синоќа некако ми се стешки до толку многу што си реков зошто пораснав, колку е убаво да си дете, безгрижно, тоа и оно си има некои проблемчиња н се би дала да се мењаме со ќерка ми со проблемите, но не на неа не и ги посакувам овие работи, се надевам за неа Господ чува поубави нешта, иако шала на страна, од друг аспект кога ги гледам нештата па и сум му многу благодарана на Господ за се што имам.
За плачење кога ја оставив на 9 месеци да ја чува не плачев, ми беше тешко но знаев дека ќе биде чувана и гледана и дека само мама ќе и фали и секако таа мене. Мене ми годеше почетокот со одење на работа. За очајна не бев затоа што неа секогаш има кој да ја чува во текот на неделата свеки а за викенд ако ми треба ја носам кај моите.
За полесно незнам дали е полесно или настапува период кога детето потпораснува, станува посамостојно па сметаме дека е полесно, кога еднаш си станал родител веќе не е лесно, се нешто ќе те мачи. Смире се мајче и колку побрзо прифатиш дека си мајка и дека ова е мајчинството полесно ќе ти биде. Горе долу сите имале ваков или сличен период. Хормони и нова ситуација (си станала мајка).

Силно светнал ден, сонце пука, денес ништо ново на повидок, освен што ќе одам да купувам подарок, во четврток сме на роденден, многу го сакам девојченцето но не знам што да му купам???
На малата вчера и го отворивме тротинетот, леле мајко ќе има паѓање, само Господ нека ми ја чува да не е сериозно, брза е, вози но не гледа каде, падни стани, јас по неа но не ме слуша што и кажувам.
После работа, ручам и ја изнесувам надвор, има дечиња во нашето маало па често се зачекуваме на улица и трчаат и играат сите. Детски џагор е мерак за уши, е добро де некогаш и те како сакам да не го слушам тоа џагорење но сепак тие моменти се мн ретки.

Си спремаме дворче, сакам и една масичка со две столчиња за на тераса, сакам нови црепови за на тераса и цвеќиња што висат, се токмиме и една настрешница да правиме во делот кај што планираме скарата да стои но ќе видиме што ќе излезе на крај.

Доста забушавам на работа да се фатам за работа, дека папириве мене ме чекаат.

 

Добар ден.
Сонце и ветер има овде. Ми е страв китките на тераса да не ми ги испокрше, една саксија веќе ми бутнал ветарот. Се мислам дали да ги ставам под завет или да ги оставам на сонцето. Пиев кафе и јадев бисквити и млеко. За ручек манџа ќе правам. Ми расте умник па не можам устата да ја отварам убаво и болка имам. Се мислам да одам да го вадам. Згора на сѐ пред 1 недела ме касна пчела и уште имам оток и црвенило, а и ме чеша раката. Ставам ациди борици, малку мине и пак чеша.
Вчера со малата се скаравме, не сакаше да спие и ме удараше. Ѝ зборев, ја карав, а она се смееше и продолжуваше. Па маж ми кога згрми. Одма почна да плаче и си легна. Ич не ме слуша мене, кога ја карам се смее, а маж ми кога ја скара одма плаче. И вчера се жалев за ова. Се нервирам многу затоа што уште не ми се јавуваат за работа, а од старата работа уште не сум одјавена еве 4 недели веќе. Сакам да се јават да кажат да потпишеме договор и да почнам на работа. Божем требаше прво да заврши фрката после избори, па да се јават ама уште нема ништо. Се надевам во скоро ќе биде. За денес имам план да ја расчистам детската соба, почна е со едни светки и играчки има на сите страни. Ако имам време и алиштата на сите ќе ги преуредам. Да се фатам јас за работа. Поздрав

 

Со твоите прашања ме врати во времето кога ја оставив големата ќерка на 7 месеци на чување кај баба а јас морав на работа по 4 часа. Тешко ми беше, џабе бев на работа кога со умот бев дома. Бабата ми беше на располагање да ја чува беба во секое време, реално тоа ми беше многу олеснително ама не бев поштедена од мудрување истот како и ти, исто како и сите мајки кои оставаме бебиња на баби. Многу ни се паметни бабите, особено кога станува збор за децата на снаите!
За плачење не сум плачела, дури искрено кога сфатив дека баба се навикнува на редот на бебе почнав да станувам делумно поспокојна, па најискрено одењето на работа ми стана одмарање од дома. Оној црв - што прават сега дома, што и дава да јаде, ја заспала ли, ме јадеше понекогаш, и уште ме јади.
Втортата ќерка малку полесно ја оставив на одговорност на баба.

Јас си живеам со мислата дека станува полесно од ден на ден. Како растат децата, така полесно се разбираме со нив. Моите деца најтешки ми беа првите месеци, секој изминат месец ми беше полесен од претходниот.
А ја знам и онаа - мали деца, мали грижи! Големи деца , големи грижи!
Пред нас е иднината, ќе се увериме ли во тоа!

 

Мамички здраво,
Пијам кафе, дома станов се претвори во перална по 3 машини на ден, што летни работи што извадив, што перам и пакувам за селење, што смалени и зимски работи од дете па капак и припрема за одмор. Одиме во недела за Грција, трчам и по набавки. Полупансион имаме ама пак свашта треба за дете.
Туку имам мал проблем ако некој знае одма нека каже чаре. Малава во кола и не сака нешто многу да се вози. Ми треба програм или начин како да ставам песнички да гледа без вклучен интернет. Се што пробав не функционира.
После одам за мене да купам купаќи. И тоа се нервирам дека не ослабев, не сум лоша ама не дум стара килажа.
За селење се спремаме на големо. Сега е на ред бела техника. Му викам на мм само машина за перење и сушарата да се погодат, тоа е нешто најмногу што користам, па прашував за совети и скоро сите задоволни од Беко. Иако сакав поскапи машини да земам, но ќе одам на проверено од искуство.
Околу тепањето ни јас не сум за. Мојата е огин, ама многу и зборам. Сега почнаа и тантруми, па мислам дека контра ефект би имало да тепам. Се трудам со убаво да и зборам. Еднаш и плеснав шамарче во момент кога ја видов дека џвака пикавци од цигари, ама ми беше реакција повеќе од страв. После ми беше многу криво што ја удрив, но по неколку дена играјќи она мене ми мавна шамар и тогаш сфатив дека децата како правиме ние со нив ќе враќаат со иста мера. Затоа не сум за тепање.
Убав ден мајки

 

Кога сте веќе кај чувањето на деца, да си кажам и јас. Вчера свекрва ми му вели на бебко:
Баба ќе те направи поалотина бабина, се што сакаш баба ќе ти даде
Ај и викам со убаво, не нема да го поалуваме тој треба да е паметен. Таа упорно, не јас ќе си го поалувам. Дали намерно го вели ова да ми иде на живци
Знае дека не сакам детето да е разгалено, сакам да е послушно, знам дека може ќе е немирно, нема баш се да слуша, сепак е дете, ама разгалено никако
Таа пак понејзино. Од ден на ден станувам посигурна дека нема да се вратам на работа, туку јас ќе си го чувам додека да тргне во градинка, па ќе барам работа по можност прва смена. Имам факултет може ќе излезе нешто, обична продавачка секогаш можам да бидам.
Ама да дозволам да ми го разгалува детето, да не е послушно, па на крај детето да е тепано пошто не слуша, а коментарите од околината- мајка му не го воспитала. Не, не сакам.
Ги чува децата од девер ми, поразгалени деца мислам дека нема, непослушни, и тоа се од баба им. Девер ми постојано ги тепа и тие пак не слушаат. А што се децата криви, само така се научени, треба бабата да се истепа. Греота за децата, ама тоа е зошто родителите дозволиле да дојде до тој степен.На времето ги допушташе се, а сега само вика по нив, ечи цела куќа.
Сакам детето јас да си го воспитувам, потоа ќе оди во градинка, нема да има време кога баба му да му дава да седи во тенџериња, да прередува фиоки, да се игра со вода, да скока по маса полна со јадење, да спие до 12, а да си легнува во 2 навечер и да не набројувам веќе.
Ама мноооогу ме изнервира вчера. Ми идеше да ја задавам. Сто пати сум кажала, јас сум мајка и ако сакаш да го чуваш ќе ги следиш моите инструкции за чување. Не и не. Како на дрво да зборуваш.
И јатрва ми не ја слушаше, си тераше по нејзино. Е кај мене нема така. Многу сум лута. Безобразлук невиден. А морало таа да го чува, мајка ми не. Е мало морген.

Не знае што и спремам. Ќе го гледа само под мој надзор, додека не се опамети.

Можеби е за во друга тема, ама тука ми е поубаво да си кажам. Толку, друго ќе се жалам друг пат. Идеална свекрва нема, ниту пак снаа, ама вакво терање инает, не дозволувам. Мое дете, мои правила.

Се фарбав, бебе поспа, јадев, требаше и малку да почистам ама ај.
@emkaemka пушти слика од сработеното.

 

Колку пати само сум била во иста ситуација.
Тое е, чашата се преполнила и сега прелива, не дека до песната ти било дојдено ама ете, исто и за филмови
Убаво, нека ти биде издувен вентил
Не се замарај со баби и дедовци, еве ние ги немаме овде па се снаваѓаме. Замисли си и ти како да ги немаш, да не постојат, ќе видиш дека ќе преживееш и без нив. Безтоа ќе дојде време кога нема да ти требаат а тие ако се паметни ќе сакаат да си видат внуче, не се замарај.

Ние арни.
Викендот го поминавме малку во природа, малку во шопинг.
Три дена по ред има забава близу до нас со музика, скара, пиво, лотарија, да не сме покусо бевме и таму. Леле како си танцуваат, милина да ги гледаш, како сите да биле на часови по салса
Знаете што ми се падна на сречката? - Еротска книга
@Ava.84 поеротска не можеше да биде, ко да знаеа дека сакам да читам, јас па романтична ќе се правев

Дете, кхм кхм најличен на мајка добар е.
Во градинката само што заврши варичелата сега кружи стрептококата, аман се надевам ќе го одмине
Во четврток ќе имаат забава за крај на учебната година, ептен е возбуден

@Ano побрзо опоравување на малиот, и ние мака мачевме цела зима со ушите. Синко 4 антибиотици испи само за ушите, многу се болни.
Сега знае да се пожали ама ги одржуваме со капки, успешно избегнуваме антибиотик, за сега делува, сигурно не е ептен воспалено.

Со помин на сите болни деца, @danichap и вие се измачивте со очињата, се надевам подобри сте?

Убав ден мајки.